نمدلكم نصيحة:
كي تكونو تقراو خلو جميع الضغوطات بعيدة عليكم
واذا كنتو في ضغوطات حاولو تنساوها هذوك السوايع لي تكونو تقراو فيهم وكي تخلصو قرايتكم ارجعو اندبو و ابكو على الضغوطات لي تعيشوها
لانو نتوما راهي مقودة عليكم وزيد متقراوش؟ لالا هنا نتوما الغالطين
ثاني حاجة اخرى :كي تكون عندكم مشاكل مع تع الدار ولا لافامي ولا اي انسان علاش دخلو هذوك المشاكل فلقراية ررربي برك بغيت نفهم؟🥲🥲اقرا قرايتك وكي تخلصها روح اندب مع مشاكلك بعيد على قرايتك

جات في وقتها 💔

وفي الاخير حبيت نقولكم بلي قع هذا التعب باش يجي نهار وتكون عندي لافتة كيما هذي فيها اسمي❤️باذنه تعالى
اقراو برك اقراو وماتخمموش بزاف في المستقبل
اقرا ونت تبكي اقرا ونت تضحك اقرا ونت مقلق اقرا ونت مجروح من كاش حاجة ميهمش
المهم تقرا 💕كل شي يفوت غير هذوك الاوقات لي تضيعهم ونت مقريتش فيهم
للولاد هذوك الاوقات لي خرجتو فيهم برا مع صحابكم غير تقصرو و تحكو على الناس وتضيعو الوقت ولا الوقت لي كنتو ديروه غير لليماتش و قايمز
للبنات هذوك الاوقات لي خرجتو فيهم مع صحاباتكم خرجات وتصوير وقع وعراس وافراح و قع
منيش نقولكم متريحوش بصح بصراحة تامة تقدرو بزاف حوايج تتخلاو عليهم في هذو الشهرين علاجال مستقبلكم كامل❤️
نت اذا كنت ترقد 13ساعة في المهار يعني متقدرش تولي ترقد غير 7سوايع مثلا علاجال حلمك؟
اذا كان عندك 3 ماتش في السمانة متقدرش تتخلى على زوج وتخلي واحد برك على جال حلمك ومستقبلك؟
اذا عندك عرس اختي الكريمة🙂متقدريش تتخلاي عليه على جال مستقبلك؟✨
بالمختصر:متحرموش رواحكم من الحوايج لي تحبوهم علاجال الباك بصح تقدرو تنحو شويا علاجال مستقبلكم