#رسائلكم:

ادا يعرفو كاش كتاب خارجي فيه مواضيع مليح فيزيك

وانا مالقولي ؟ 😔

Guys شكون كانت عندو الفرصة يدير دروس خصوصية فردية ( يعني البروف يقريك وحدك) وستفاد منها يقولنا طريقة المراجعة معاه باش نستفادو

بلشت رحلتي بالعطلة 🌝والبحث عن زوجي

إني أشفق عليهم يا بسمة عندهم باك 🥰

العام الجاي نولو كيما نتي أو تمرمدنا الميدسين 🥰

ربي يوفقكم كامل وينجحكم 🤍حاشاك ميدسين انا مرمدتها 😂

النظاميين واش قالولكم على الجيولوجيا ؟

أنا قررت نقراها بصح ندير ملخص خفيف فيها في أواخر أفريل 🥲 باش برك مانروحش مخلوعة بلي طيح

نطرح فكرة راح نطبقها و اذا حبيتو تنضمو ليها راح تحدث فرق كبير بإذن الله عليكم، سواء كنتو تلاميذ بكالوريا او طلاب جامعة لا يهم لأنها فكرة عن تنظيم حياتنا بعد العيد عامة + شوية قراية اكيد

اذا مهتمين نشرحهالكم

الأهداف هدي هي بإذن الله
تنظيمها خلال اليوم يكون كالتالي :
نوض وقت الفجر بإذن الله، صلاة الفجر و قرآن الفجر . Skin care الصباحي و نبدا دراسة على الساعة 06:30 (و نحط قائمة مهام تحدي الباك)
انا انسان مايقراش بالجلسات، و لهذا نقرا 3 ساعات و نريح ساعة و نرجع نقرا 3 ساعات و هكدا
بالنسبة للقراية مزال معلباليش واش عندي بصراحة غدوة نفرز الحالة، بصح هاد المرة مدام رانا عطلة راح نقرا و نفهم و نلخص يعني مانفوتش مرور الكرام كيما كنت وقت لاشارج، و نحفظ شوية و نحل أسئلة. كي يوصل الامتحان نكون حضرت نفسي بإذن الله
وقت الظهر استراحة للغذاء و الصلاة، نقرا فيها شوية من كتاب لي راني فيه و مانرفدش ثيليفوني لانو يضيعلي وقت بزاف.
نرجع نقرا حتى للعصر و نحبس خلاص
بعد المغرب نرجع نقرا شوي و نكمل واش بقالي حتى ل 21 هكك نحبس، ندخل للمواقع نحط شوية بوسطات و تحفيزات لكم
نعمل skin care الليلي و نرقد بكري قبل 23

+ الماء دوما على طاولتي، كل مساء هديك الفترة لي بعد العصر لي مانقراش فيها نخرج نمشي فيها برا بإذن الله

و تبقى هذه افكار فقط و التوفيق لتطبيقها من الله سبحانه و تعالى 🤍
رحلة الالتزام بها تكون على صفحاتي بإذن الله 🌸

فقرة أسئلة مع الحكيمة، نجمع بين الحياة و الطب بنصائح و توصيات متنوعة 👩🏻‍⚕️
كل مرة نجاوب أسئلة توصلني بكثرة في بوسط، حسب تجربتي الدراسية و معرفتي القليلة في الطب 🫶🏻

👩🏻: الحكيمة نسقسيك ؟
👩🏻‍⚕️: انعم اختي زينة تفضلي، كيفاه نقدر نعاونك ؟
👩🏻: هاد الفترة نقرا بذكاء و لا بجهد؟ و كيفاه نعرف اني نمشي فالطريق الصحيحة ؟ و هل الجهد مش راح يأثر على صحتي ؟ انصحيني بما أنك طبيبة واش نقدر ندير و يعاونني نزيد انتاجيتي 🥺

👩🏻‍⚕️: تبعي معايا انت و جميع تلميذ بكالوريا عندو نفس التساؤلات 🫶🏻
هاد الفترة تحتاج اجتهاد و دراسة بذكاء و بجهد مع بعض، ماتقدرش تفصلهم و لا تقرا ساعتين برك و تستنا نفس نتيجة انسان يقرا عشر ساعات
كيفاه تعرفي راكي فالطريق الصح ؟ كي تشوفي تقدم فالدروس، في مستواك في حل التمارين وين متحصليش في حوايج تافهين كنتي تحصلي فيهم، وين كي تشوفي تمرين يجيك مخطط الحل في راسك، وين تستغرقي فترة أقصر في الحل. هكا لي تقدري تقيمي روحك اذا مستواك طلع و راكي في طريق صحيحة او لا
هل الجهد يأثر على الصحة؟ لا، لكن كي نعرفو كيفاه نتصرفو و كيفاه نقسمو يومنا
اليوم فيه 24 ساعة، خلي 8 ساعات للنوم (تقدر تنقص اذا اقتضت الضرورة هذا و لكن مش اقل من 6 ساعات نوم يوميا)
تبقالك 16 ساعة تقسمها بين مسؤولياتك و مهامك اليومية 8 ساعات تقريبا و تبقالك 8 ساعات اخرى للدراسة
يعني بعد النوم عندك 16 ساعة فارغة، اعرف تقسمها و تستغلها فقط

بالنسبة للحفاظ على الطاقة و منع الاجهاد، عليكم بالأكل الصحي، تفادي تناول السكريات و الكربوهيدرات بشكل كبير لأنها سبب الخمول، تناول مكسرات لأنها تساعد على التركيز، مضغ العلكة وقت الدراسة يزيد افراز الدم للمخ و بالتالي التركيز و الفهم " علكة بدون سكر حفاظا على صحة اسنانكم 🦷" ، شرب الماء بكثرة خلال اليوم، خلو دوما قرعة ماء على طاولتكم و انتم تقراو و كل فترة اشربو و كلما تفقدو تركيز او تحسو بالنعاس اشربو ماء

اياااااااكم و مشروبات الطاقة و المنبهات لأنها تسبب مشاكل و إجهاد للقلب و الجهاز العصبي ❌️

أسئلة اخرى او مشاكل تواجهوها، الحكيمة هنا لمساعدتكم 👩🏻‍⚕️💕

اذا حبيتو تستمر الفقرة خلولي أسئلتكم هنا و نحاول نجاوب عليها فالمرات الجاية 🥹

سلام عليكم ان شاء الله تكونوا لاباس عدنا صراحة نحير فهاد عيباد لي يضلو يتمسخرو بتلاميذ بكالوريا و يلعبوا بمشاعرهم و مشكل كاين ناس يامنوا خاوتي دوك يبداو يخرجوا اشاعات و مقترحات و منعرف وش متسمعوا بحتى حاجة خلاص كيما هذا قالك زعما وزارة دارت عتبة و هي تبالك صح انا مع لول امنت 🥲💔 مي لا ضهرت كذبة متامنو حتى حاجة حتى تتاكدو بلي رسمية و تكون وزارة حطتها في صفحة رسمية نتاعها ✨

كاين لي راه ساهر يقرا؟

شكون بجي يتحداني نقراو حتى 7تع صباح🌚

لي مراهش يقرا يطير يرقد اخطوكم من تلفون😔

صباحكم خير و بركة 💕
06:30 نجي نحط قائمة مهام (لي معلبالوش راني دايرة تحدي بكالوريا، يوميا نحط قوائم مهام + ملخصات للناس لي هدا وين بدات باه تتقدم و ناس لي ماشية تراجع )
و نبداو قراية، الهدف اليوم 8 ساعات
+ باقي الأهداف لي هدرت عليها بارح

و تتبع الأهداف و رحلة التحدي تكون على حساباتي

https://www.instagram.com/dr_smileena?igsh=ZGVyNnVwMXAweHps

https://www.facebook.com/share/1CtyohH975/