"بما أن التفاعل طاح في القناة، تبانلي هذا هو الوقت المناسب باش نبدا نخرج الأخبار الكاذبة ونلعب على نفسية التلاميذ.. نمدلهم واش حابين يسمعوا (تسريبات، مواعيد وهمية، نجاح بدون قراية) وهك نربح التفاعل وهوما ربي يسهل عليهم! المهم نطلع قناتي ونستغل ضعفهم في هاد الفترة..😂

فهمتوها؟🙂
هذا هو المنطق اللي راهي تمشي بيه بزاف قنوات وصفحات هاد الأيام. ما تكونش غبي وتخليهم يستغلوك ويطلعوا على ظهرك وعلى حساب أعصابك وقلقك.

يا تلميذ البكالوريا، اللي يحبك ويحوس على مصلحتك يمدلك المفيد والخدمة والتعب، ماشي الأوهام والأخبار اللي "تطلعلك المورال" كذبا وتضيعلك وقتك.

فِيق لعمرك، الباك يتجاب بالقراية ماشي بالبوز (Buzz)."

و هذا ميساج لكل صاحب قناة ديما تأكد قبل لا تنشر