كتفي قاتلهم قدموا البكالوريا على جال مباريات المنتخب الجزائري ف الكوب دو موند😪🤡

تفوتو في 7جوان🙂🙂

كنت ما عنديش بزاف ملي دخلت لهذا القروب ، لقيتو صدفة كي بعثولي بوست منا دخلت نشوف أيا لقيتهم يقراو قلت مليح
اعتمدت الجلسات ،تع تقرا ساعة و ترتاح 10 دقايق ، كي نكون ناشطة و كذا نزيد مدة الجلسة تولي ساعتين و الراحة ربع ساعة
خدمت بتطبيق Focus to do يحسبلي الوقت ، و Keep me out يغلقلي التيليفون

🔻علوم قريت من عند شاوش ، نتفرج الفيديوهات تاعو و نلخص معاه بالوحدة ، موراها حليت ليباك و كي ما نعرفش حاجة نروح للبروف تع الليسي بما اني كنت نظامية ، فالباك خيرت السوجي تع التركيب الضوئي، نقطتي 18.5 بيكوز ما كملتش المخطط 🖐🏻

🔻مات لي خليت يماها بيسك ما كنت نتبع فالليسي ، ما كنت ندير ليكور ما نحل تمارين ،من غير الاعداد المركبة قريتها مع وحد الطفلة قبل الاختبارات، انا الوحدات لي بقاو قريتهم 15 يوم لي قبل الباك من عند انفينيتي ، تمارين ما حليتش علابيها ديت 13 🙂🥀

🔻 اجتماعيات حفظت الحرب الباردة ،المصطلحات فهمتهم (ماديروش كيما انا، انا بنادم نكره الحفيضة نحسها تعذيب) الشخصيات حفظت نص و نص لا بالتعريف المشترك ، و كامل التواريخ. دروس جغرافيا فهمت جدها كامل حتى البرازيل و اقتصاد الجزائر درتهم نهار قبل الاختبار من عند واحد البروف نسيت كيسموه دار لايف ليلة الرعد ، أما المصطلحات كنت نقرا و نعاود فالطريق الصباح تع كتاب بورنان، و لازم تطل على الباكالوريات و الحل تعها باش تكسب المنهجية، ديت 18

🔻 فيزياء من عند عبد اللطيف و سلمى ، فهمت الدروس كامل و خدمت ملخصي ، اومبعدا فالدار حكمت سلاسل شاملة تع كل وحدة و حليتهم بالتوقيت كيما تع الباك ،اومبعدا مديت للبروف تاعي تصححلي (كان عندي مشكل التحويل من الms للثانية 🌚) خيرت السوجي تع الكهرباء و النووي، ديت 17.5
🔻 اسلامية باينة لازم تحفظو مفيش طريقة ثانية، السلسلة الارجوانية اسمها وقيل احفظو منها و شوفو أسئلة الفهم ، ديت 20
🔻 انجلش انا خبشونة فيها حليت ليباك من الاول للخر ،قريت شوية قواعد و خلاص ، ديت 19.5
🔻عربية ليباك ثم ليباك ، و الدروس قريت من عند بوبكر ، ديت 19
🔻 فرونسي نوت ماي تايب قريت من عند سالي النص التاريخي و جاني صعيب السوجي ما ديروش كيما انا 🖐🏻 ديت 12
🔻 فلسفة كنت نلخص المقالات في شكل رؤوس أقلام ، ركزت على 6 مقالات من بينهم الانا و الغير لي كنت نقلهم دك طيح و ما أمنونيش 🙂 بالصح مرضت هذيك العشوة ديت 12.5

كنت نقرا بكري و ما نسهرش بزاف ، نوض تقريبا 7 ولا 8 و نقرا حتى 10 تقريبا، انا كي بديت كان نص رمضان وقيل ، نقرا فالليسي و نرجع للدار نكمل نقرا حتى للفطور ، نفطر نحط سنيوتي قدامي و نكمل ، نهار العيد و راني شافية قريت انجلي 🙂 شمبرتي ولات مستنقع

الأخطاء لي بسبايها ديت 15,92 ومشي المعدل لي بغيتو🥲تجنبوها 🩷

خرجت نشري وكيما العادة تعجبني الأجواء وذراري يلعبوا كيوت🥹🤍

الإضافة اليوم أني صادفت ناس كانت تقرا معايا فتارمينال ومام سيام ذكريات مور الباك كل واحد وين راح
صراحة فليسي مكنتش نتفاهم معاهم بزاف بات اشتقتلهم واحبهم واتمنالهم كل خير🩷

بعرف اني عاطفية شكرا🌝💔

غاضوني صحاب بيام مبقالهمش بزاف ماشي موالفين يجوزوا في جوان علاش حطولهم ف ماي 🥲💔💔

رسالة ليكم خوتي وخواتاتي الحلوين

( شفتو كي ندلعكم🌝)



أعلنوا اليوم عن موعد إجتياز شهادة الباكالوريا :
شي عادي نورمالمو وبروبلام كامل كانوا متوقعين 7 جوان مي كي ڨالوهالهم بداو يشكو هنا ولا وحدة فيوتيوب قاتلك تقديم الباك واشمن تقديم علاه كانوا دايرين تاريخ وبدلوه ،لا ،سما صاي خطونا من د سوجي 🥰




مشكل الوقت: بزاف قالك راح الحال متوترين وخايفين ويبكوا
لا تكونوا فرامج وفمرماجات هامالكم 🌝لازم شوي قوة هاو هك الجامعة تمسخكم🤣( نبغي نبدل جو اكم عارفين)
ماراح الحال ماراح الوقت كاين أمل
شوفو مثلا انا فرمضان فباكي ماندبت ماقريت كالناس جاني تأنيب ضمير شوي مي باه خفت وندبت وقلت راح الحال لا 😄
قلت أنا حنبدا وندير لي عليا وفيها خير🩷
علاه ؟!
أولا منبكيش على الاطلال مقريتش من قبل صاي انتهى مشي كي نندب يرجع بيا الزمن ونقرا
ثانيا: التوكل على الله وحسن الظن كان داخلي يقين جميل وشعور ربي حيعوضني وحيوفقني : لأكون صريحة معكم فباكي لول كنت إنسانة مغترة بقدراتها وانو مهما صرا كنوصل بصح باكي ثاني كان سبب انو تقريت لربي بزاف فالحمد الله نسأل الله الثبات والتوفيق😭
ثالثا: مشي غرور كما يقال إنما عندي ثقة بالنفس عالية جدا جدا مستحيل واحد يحطمني اذا انا فداخلي علابالي نقدرلها ❤️حتقوولي لقيتي لي يدعمك وعلابيه نتي هك
لا ، بحكم مقريتش من قبل أمي حبيبتي قاتلي حتجيبي 11 معدل بد القراية 🌝💔جبت 17,97 🥹
ومرة من المرات قبل الباك ب 3 أشهر صارحت صحاباتي حنعاود الباك فقاتلي وحدة سامحتها على كل حال: قاتلي ماكيش انشتاين باه تجيبي غاية وتديري ميدسين 🙂درت ميدسين 😎




الخلاصة: أحسنوا الظن بالله أحسنوا الظن بالله أحسنوا الظن بالله 🥹🩷+ الثقة فالنفس وانكم وقادرين توصلوا+ تفائلوا وقراو وديروا لي عليكم وفيها خير

شو أحوال الڨاطو تع العيد 👀🔥
ماما راهي معولة عليا انا ندير كلش 😃 أماه مزالني بزة

سحبو الكاس للسنغال 🙂🙂🙂وعطاوه للمروك خخخ 🙂

القانون 82-84 يقولك انو اي خروج من الملعب او القيام بأشياء تعرقل المباراة تعتبر انسحاب ويفوز الفريق المقابل ب3-0

بصح راهم ولاو مخرجوش طول🥲

خاوتي معليش تحبسو الفتاوي فليكومنتار؟ و شكرا 🥰

وين راكم واصلين في البروغرام العلميين ؟؟؟؟

فيزياء لي راهم في النووي راكم ملاح لي راهم ملحقوش راكم متأخرين واحتمال كبير جدا او نقولكم رسميا اهتزازات داخلين
علوم لي راهم في التركيب الضوئي الجزء الثاني راكم ملاح لي ملحقولوش راكم متأخرين وجيولوجيا توصلوها هاذ العام رسميا
رياضيات لي راهم في الاعداد المركبة او راح يدخلوا ليها راكم ملاح لي راهم في الدوال الاصلية راكم متاخرين
بالنسبة للفلسفة والمواد الثانوية كملوا بروغرام طبعا هاذي مفيهاش نقاش

خاوتي هذا راهوا سير البرنامج واسكوا نتوما حاسبين الدروس لي يجوا في الباك واش تنفحلكم نتوما ؟ واحد يقولي مطيحليش المورال علاه انا خاوتي عندي فايدة ولا راح ندير سوجي نتاع الباك جوست قتلكم وين راكم تدوروا زيادة على ذلك متنساوش هاذ العام مصرا والوا حرفيا علاش ميكملوش البروغرام مالڨري ماذا بيا ميكملوهش بالصح منتوهمش كاين فرق بين الامل والوهم وزيد قتلكم ايضا هك باه تغصبوا في البروغرام

حنا في عز الكورونا علابالكم بلي هذا الوقت في 2020 راهوا عندنا ست ايام من لي حبسنا لقراية 12مارس
علابالكم بلي دخلت ميكانيك كانت الوحدة الخامسة
ودخلت جيولوجيا كانت الوحدة الثانية في العلوم
راكم متخيلين او راني نقوللكم في عز الكورونا
هاذ العام واش صرا ؟؟؟ حرفيا والوا

يسما كملوا واش قدرتوا كملوا الماكس متقعدوش تسمعوا لي يقولك هاذي متدخلش وهاذي متدخلش نتا اقرا واش كاين وزير روحك لخر هذا هو العام لي تزير فيه اذا مزيرتش دركا وكتاه تزير متقولش بزاف علاه بزاف وبكري في 2018-2019 وهبط علاه كانوا خارقين ؟؟
كانوا يقراو البروغرام كامل

+ديروا حسابكم يخي شفتوا العام لي فات دخلوا التركيب في العلوم في الجهتين

يسعد صباح الجميع 🌝
متقولوليش ديتو ماتبقى من رمضان إعتكاف عن الدراسة 🥰