معاذ الله إني ما يئست ولكنها والله أيام ثقال ❤️‍🩹❤️‍🩹❤️‍🩹 دعواتكم لي جزاكم الله

صيام و سفر و امتحان
اللهم بكرمك لا بجهدي 💕
صحا سحوركم و يوم موفق للجميع، ادعولي معكم 🫶🏻

🌸To-Do List : Day 08
📜 تاريخ :
▫️حفظ درس : بروز الصراع وتشكل العالم (الجزء 2)
▫️حفظ 5 مصطلحات و 5 شخصيات
▫️مراجعة ما تم حفظه البارحة
⚗️ الفيزياء :
▫️مراجعة ملخص الوحدة الأولى
▫️ حل 3 تمارين صعبة و شاملة
🎀 الأدب العربي :
▫️ الشعر السياسي القضية الفلسطينية
▫️مراجعة و مقارنة مع الثورة
▫️ درس قواعد: التمييز والحال
📉 الرياضيات :
▫️إتمام و مراجعة الدوال اللوغاريتمية
▫️حل 2 دوال لوغاريتمية

اكملوا المهام كامل قبل منتصف الليل … وقولولي في التعليقات شكون كملهم 🔥
نختارو نجم اليوم لي يقدر يكمل كلش، بشرط يحط قائمة مهامو بلي كملها😎🤝🏻
بالتوفيق جميعا، دعواتكم 🤍

متابعة للصفحة ليصلكم كل جديد، درك نحط الملخصات ادخلو شوفوهم 💕

https://www.facebook.com/share/1CtyohH975/

https://www.instagram.com/dr_smileena?igsh=ZGVyNnVwMXAweHps

الملخصات و قوائم المهام من يوم بدا التحدي تلقاوهم فالصفحات تاعي مرتبين و سهل الوصول ليهم. هنا يغبرو وسط البوسطات 🥰

فيديو مهم ودا مني وقت وانا ندير فيه فنتمنى دعمكم 🥹🌝🩷

كانت باينة على كل حال 😍

بقاو شهرين وشوي صرف 🤭❤️

العام لي فات في هذا الوقت باش بديت نقرا 👀

ديت 16.71 (سبتي المات الشريرة 13 هبطتلي المعدل)
ما درتش ليكور في حتى مادة كنت نقرا وحدي و ما حليتش تمارين فالمات بزاف ذاتس واي 🥀

نحكيلكم على باك لعام لي فات لغة المانية لي رحت نعڨب ديراكت مقريت حتى حرف من قبل

نروح نقرا شوي كورات ونجي نحكيلكم 🤣 راني حاكمها غير راحة وڨعاد

سمانة لباك من ستراس ماحسيتش بدلال ضك ني نتفكر ضيعت بزاف 🥲

انا بصح موش نجاح تجربة فقط

16,43 🥲🥲

كتفي قاتلهم قدموا البكالوريا على جال مباريات المنتخب الجزائري ف الكوب دو موند😪🤡

تفوتو في 7جوان🙂🙂

كنت ما عنديش بزاف ملي دخلت لهذا القروب ، لقيتو صدفة كي بعثولي بوست منا دخلت نشوف أيا لقيتهم يقراو قلت مليح
اعتمدت الجلسات ،تع تقرا ساعة و ترتاح 10 دقايق ، كي نكون ناشطة و كذا نزيد مدة الجلسة تولي ساعتين و الراحة ربع ساعة
خدمت بتطبيق Focus to do يحسبلي الوقت ، و Keep me out يغلقلي التيليفون

🔻علوم قريت من عند شاوش ، نتفرج الفيديوهات تاعو و نلخص معاه بالوحدة ، موراها حليت ليباك و كي ما نعرفش حاجة نروح للبروف تع الليسي بما اني كنت نظامية ، فالباك خيرت السوجي تع التركيب الضوئي، نقطتي 18.5 بيكوز ما كملتش المخطط 🖐🏻

🔻مات لي خليت يماها بيسك ما كنت نتبع فالليسي ، ما كنت ندير ليكور ما نحل تمارين ،من غير الاعداد المركبة قريتها مع وحد الطفلة قبل الاختبارات، انا الوحدات لي بقاو قريتهم 15 يوم لي قبل الباك من عند انفينيتي ، تمارين ما حليتش علابيها ديت 13 🙂🥀

🔻 اجتماعيات حفظت الحرب الباردة ،المصطلحات فهمتهم (ماديروش كيما انا، انا بنادم نكره الحفيضة نحسها تعذيب) الشخصيات حفظت نص و نص لا بالتعريف المشترك ، و كامل التواريخ. دروس جغرافيا فهمت جدها كامل حتى البرازيل و اقتصاد الجزائر درتهم نهار قبل الاختبار من عند واحد البروف نسيت كيسموه دار لايف ليلة الرعد ، أما المصطلحات كنت نقرا و نعاود فالطريق الصباح تع كتاب بورنان، و لازم تطل على الباكالوريات و الحل تعها باش تكسب المنهجية، ديت 18

🔻 فيزياء من عند عبد اللطيف و سلمى ، فهمت الدروس كامل و خدمت ملخصي ، اومبعدا فالدار حكمت سلاسل شاملة تع كل وحدة و حليتهم بالتوقيت كيما تع الباك ،اومبعدا مديت للبروف تاعي تصححلي (كان عندي مشكل التحويل من الms للثانية 🌚) خيرت السوجي تع الكهرباء و النووي، ديت 17.5
🔻 اسلامية باينة لازم تحفظو مفيش طريقة ثانية، السلسلة الارجوانية اسمها وقيل احفظو منها و شوفو أسئلة الفهم ، ديت 20
🔻 انجلش انا خبشونة فيها حليت ليباك من الاول للخر ،قريت شوية قواعد و خلاص ، ديت 19.5
🔻عربية ليباك ثم ليباك ، و الدروس قريت من عند بوبكر ، ديت 19
🔻 فرونسي نوت ماي تايب قريت من عند سالي النص التاريخي و جاني صعيب السوجي ما ديروش كيما انا 🖐🏻 ديت 12
🔻 فلسفة كنت نلخص المقالات في شكل رؤوس أقلام ، ركزت على 6 مقالات من بينهم الانا و الغير لي كنت نقلهم دك طيح و ما أمنونيش 🙂 بالصح مرضت هذيك العشوة ديت 12.5

كنت نقرا بكري و ما نسهرش بزاف ، نوض تقريبا 7 ولا 8 و نقرا حتى 10 تقريبا، انا كي بديت كان نص رمضان وقيل ، نقرا فالليسي و نرجع للدار نكمل نقرا حتى للفطور ، نفطر نحط سنيوتي قدامي و نكمل ، نهار العيد و راني شافية قريت انجلي 🙂 شمبرتي ولات مستنقع

الأخطاء لي بسبايها ديت 15,92 ومشي المعدل لي بغيتو🥲تجنبوها 🩷