#Motivatsiya

Talaba bo'lmoqchimisiz, unda, albatta, o'qing!
💙💙💙💙💙💙💙💙💙

Abituriyent - bu hayotini o'zgartirish uchun yo'lga chiqqan shaxs. Hamma ham odam bo'lib tug'iladi, ammo kimdir inson bo'lib, kimdir odamligicha vafot etadi. Dunyoda birovga yomonlik qilmasdan yashaganing sening yaxshi inson ekanligingdan dalolat emas. Agar hamma narsaga loqayd bo'lsang, faqat o'zingni o'ylasang, dangasa, tanbal bo'lsang va hech bo'lmasa, bir marta hayotingni o'zgartirishga urunib ko'rmasang, insonlikka da'vo qilma. İnson uchun doimo harakatda bo'lmoq - tiriklikning belgisi.
Sen bugundan abituriyentsan, bu degani talabalik tomon yo'l olding. Demak, sen hayotingni o'zgartirishni xohlaysan. Shunday ekan, quyidagilarni yodda tut:
1️⃣. Hech qachon vaqtim yo'q dema - xohish bo'lsa, vaqt topiladi. Dunyoni boshqarayotgan mashhurlarning sutkasi senikidan ortiq emas. ✏️
2️⃣. Hech qachon eslab qololmayman dema - İnson istasa, hammasini yodda saqlaydi, Alloh senga bergan xotiraga shubha qilma. Xotirangni bo'ysundir. 😇
3️⃣. Hech qachon tushunmayman dema - Dunyoda tushunish qobilyati va ong berilgan yagona tirik jon sensan. O'zingni hayvonlarga teng tutma. 🧠
4️⃣. Hech qachon ertaga dema - Erta hech qachon kelmaydi, har doim bugun bo'ladi. ☝️
5️⃣. Barcha chalg'ituvchi vositalardan voz kech - Texnika seni emas, sen uni yaratgansan, unga qul bo'lma. 📲📺 Har qanday zamonda kitob o'qigan insonlar, film tamosha qilgan insonlarning ustidan yetakchilik qilgan. Tanla: Boshqarasanmi? bo'ysunasanmi? 👍👎
6⃣. O'zingga hech qachon past baho berma - Sen istasang, albatta, qila olasan. Alloh bandasiga imkoni yo'q narsani xayol surdirmaydi. Qaysi o'rinni orzu qilyapsan, uni egalla. Hozir bo'lmasa qachon, sen bo'lmasang kim? 🤲
7️⃣. Vaqtni qadrla - Uni sotib ololmaysan, arzon odamlarga qimmatli vaqtingni sarflama. 💔
8️⃣. O'zingga ishon - Odam o'ziga ishonmay turib, boshqalarni o'ziga ishontirolmaydi. Sen g'alaba uchun tug'ilgansan. 💪
9️⃣. To'g'ri niyat qilishni o'rgan - Hech qachon oxirgi o'rinda bo'lsa ham kirib olsam bo'ldi dema, Alloh mingni so'ra, birni beraman degan. Uning marhamatiga shubha qilma, hamisha birinchi grand meniki deb o'qi. Orzu emas, maqsad qil. 👍
1️⃣0️⃣. Senga berilgan imkonni qadrla - Bugun sen turgan joyda turishni orzu qilishga haddi sig'maydigan insonlar bor. Bugun senda bor ne'matlarni tushida ham ko'rmaydigan insonlar bor. Shukur qil, yanada yaxshi bo'lishga intil. Faqat o'z hayoting yaxshi bo'lishiga emas, odamlarga kerakli inson bo'lishga intil. Shunday joyda o'tirginki, birov kelib suril deyolmasin. Qayerda bo'lsang ham, shunday iz qoldirginki, o'rningni hech kim bosolmasin. Sen chindan ista va harakat qil, qolganini Allohga qo'yib ber. 🤝
Fikrlar dunyoni boshqaradi, sen fikr egasi bo'l.
Dunyo bir kundir - u ham bugundir.
İshning omadi - o'z vaqti.
Alpinist cho'qqini zabt etolmasa, ayb cho'qqida emas.
İmkoniyatlaringni devorga urib, undan eshik hosil qilishga sarflama!
Talaba va talaba bo'lolmagan abituriyentga yuborilgan xatning birgina farqi bor:
"Siz talabalikka tavsiya etildingiz"
"Siz talabalikka tavsiya etilmadingiz"
Birgina ma qo'shimchasi seni talabalardan ajratib turadi.
Bularni qayta-qayta o'qi va amal qil yoki qilma!👍

@Sheralixons_blog

❗️Maktab bitiruvchilari uchun yagona davlat imtihonlari tizimi joriy etiladi

O‘quvchilarni qobiliyati va tanloviga qarab kasbiy yoki oliy ta’limga yo‘naltirish bo‘yicha O‘zbekiston Respublikasi Prezidenti Farmoni loyihasi ishlab chiqildi.

Unga ko‘ra, respublikada maktab bitiruv imtihonlari va oliy ta’limga kirish sinovlarini birlashtiruvchi Yagona davlat imtihonlari tizimi yo‘lga qo‘yiladi.

✅ 9-sinf bitiruvchilari uchun bitiruv hamda professional ta’limga qabul imtihonlarini o‘z ichiga olgan asosiy davlat imtihonlari joriy etilib, uning tarkibi 2 ta majburiy fan (ona tili va matematika) hamda 2 ta tanlov fanidan iborat bo‘ladi.

✅ 11-sinf bitiruvchilari uchun esa bitiruv hamda OTM yoki professional ta’limga qabul imtihonlarini o‘z ichiga oluvchi yagona davlat imtihonlari yo‘lga qo‘yiladi va unda o‘quvchilar 2 ta majburiy fan (ona tili va matematika) hamda bakalavriat yo‘nalishiga mos 2 ta tanlov fanidan sinov topshiradilar.

Tizimning asosiy muddatlari va tartibiga ko‘ra, imtihonlar uchun ro‘yxatdan o‘tish har yili 1-yanvardan 31-martga qadar davom etadi. Mazkur jarayonlar 2026-2027-o‘quv yilida Navoiy, Farg‘ona, Toshkent viloyatlari va Qoraqalpog‘istonda tajriba-sinovdan o‘tkazilib, 2027-2028-o‘quv yili yakunidan boshlab butun respublika bo‘ylab to‘liq amaliyotga kiritilishi belgilanmoqda.

Milliy yoki xalqaro sertifikatga ega shaxslar tegishli fandan imtihondan ozod etiladi va maksimal ball beriladi. Nogironligi bo‘lgan shaxslarga imtihon topshirish uchun 50 foiz qo‘shimcha vaqt va alohida sharoitlar (surdotarjimon, Brayl alifbosi va hk.) taqdim etiladi. Kam ta’minlangan oila farzandlari uchun bepul onlayn diagnostik testlar tashkil etiladi.

📝 Muhokamalarda faol ishtirok etib, takliflaringizni regulation.gov.uz sayti orqali qoldiring

✅ @Interisting_Biology