🌅 እንደምን አደራችሁ፣ ውድ የINSIGHT News ተከታዮች!

ቀናቹ የሰላም፣ የጤና፣ የደስታና የመልካም ውጤት እንዲሆንላችሁ ከልብ እንመኛለን። 🙏🥰

መልካም ቀን!

📢 INSIGHT News | የእስራኤል ምርጫ ትንታኔ

​🚨 የእስራኤል ምርጫ፦ ውጤቱ፣ የፖለቲካ ውጥረቱና የመንግሥት ምሥረታ ሂደት

​📌 የዘገባው ዋና ዋና ነጥቦች፦

​•የምርጫ ውጤትና የፓርላማ መቀመጫ ክፍፍል፦ ጥቅምት 17 ቀን 2019 ዓ.ም. በተካሄደው የእስራኤል ፓርላማ ምርጫ፣ ቤንያሚን ኔታንያሁ የሚመራው ሊኩድ ፓርቲ 27 መቀመጫዎችን በማግኘት ቀዳሚ ሆኗል። የእስራኤል ፓርላማ 120 መቀመጫዎች ያሉት ሲሆን፣ በአጠቃላይ 61 መቀመጫዎችን የያዘ አብላጫ ድጋፍ መንግሥት ለማቋቋም ወሳኝ ነው። የኔታንያሁ ሃይማኖታዊና ብሔርተኛ ፓርቲዎችን ያቀፈው ጥምረት 53 መቀመጫዎችን ብቻ ሲይዝ፣ በጋዲ አይዘንኮት የሚመራው የለውጥ ተቃዋሚ ጥምረት ደግሞ 48 መቀመጫዎችን አግኝቷል።

​• የፓርላማ አባላት ድጋፍ ቁጥር፦ አይዘንኮት 67፣ ኔታንያሁ 46፦ አይዘንኮትን የሚደግፈው የለውጥ ተቃዋሚ ጥምረት 48 መቀመጫዎችን ሲይዝ፣ ቀሪዎቹ 19 መቀመጫዎች ደግሞ በሁለት የአረብ ፓርቲዎች ተይዘዋል። እነዚህ ፓርቲዎች አይዘንኮት መንግሥት እንዲመሠርት ለፕሬዚዳንቱ ድጋፋቸውን በመስጠታቸው፣ የደጋፊዎቹ ቁጥር ከነበረበት 48 ወደ 67 ከፍ ብሏል። በሌላ በኩል፣ የኔታንያሁ ጥምረት 53 መቀመጫዎች ቢኖሩትም፣ 7ቱ የዩናይትድ ቶራ አይሁድ(United Torah Judaism) አባላት ለሁለቱም ዕጩዎች ድጋፍ ከመስጠት በመቆጠባቸው፣ ኔታንያሁን የደገፉት 46 የፓርላማ አባላት ናቸው።

​• የፓርላማ ድጋና የመንግሥት ምሥረታ ሁኔታ፦አይዘንኮት 67 የፓርላማ አባላትን ድጋፍ ቢያገኝም፣ ይህ ብቻውን መንግሥት ለማቋቋም ዋስትና አይሰጥም። ምክንያቱም በተለያዩ ፓርቲዎች መካከል ያሉ የፖለቲካ ልዩነቶችና አብሮ ለመሥራት ያለው እምቢታ የጋራ መንግሥት ምሥረታን ሊያወሳስቡ ይችላሉ። የእስራኤል ፕሬዚዳንት አይዛክ ሄርዞግ በቀጥታ ጠቅላይ ሚኒስትር ከመሾም ይልቅ፣ መንግሥት የማቋቋም ዕድሉ ከፍተኛ ነው ብለው የሚያምኑትን የፓርላማ አባል የመለየትና መንግሥት እንዲመሠርት ዕድል የመስጠት ሥልጣን አላቸው።

​• የፕሬዚዳንቱ ቀጣይ ውሳኔና የኔታንያሁ ሁኔታ፦ ፕሬዚዳንት አይዛክ ሄርዞግ ከፓርቲዎች ተወካዮች ጋር ያደረጉትን ምክክር ካጠናቀቁ በኋላ፣ መንግሥት ለማቋቋም የተሻለ ዕድል አለው ብለው የሚያምኑትን ዕጩ በመጪው እሑድ በይፋ እንደሚለዩ አስታውቀዋል። በፓርላማው ውስጥ የሚያስፈልገውን አብላጫ ድጋፍ ማሰባሰብ ያልቻሉት ኔታንያሁ፣ አዲስ መንግሥት እስኪቋቋም ድረስ በጠቅላይ ሚኒስትርነት ሥልጣናቸው ላይ ይቆያሉ።

​🔎 INSIGHT News
ታማኝ ምንጮች፣ ሚዛናዊ ዘገባዎች!

​📰 የዜና ምንጭ፦ Reuters /The Times of Israel / The Guardian | ዓርብ፣ ጥቅምት 27 ቀን 2019 ዓ.ም.

​👉 @InsightNewsET

​📢 INSIGHT News | የሀገር ውስጥ ዜና

​🚨 በምሥራቅ አርሲ በተፈጸመ ጥቃት ቢያንስ 34 የኦርቶዶክስ እምነት ተከታዮች መገደላቸው ተዘገበ

​📌 የዘገባው ዋና ዋና ነጥቦች፦

​• የጥቃቱ አፈጻጸም፦ በምሥራቅ አርሲ ዞን ሮቤ ወረዳ በሚገኘው ኤንዳቶ ቀበሌ በታጣቂ ቡድኖች በተፈጸመ ድንገተኛና የተቀናጀ ጥቃት ቢያንስ 34 የኦርቶዶክስ እምነት ተከታይ ሰላማዊ ሰዎች ሕይወታቸውን ማጣታቸው ተዘግቧል።

​• የሟቾች ቁጥርና የጉዳቱ መጠን፦ ማኅበረ ቅዱሳን ቲቪ እንደዘገበው፣ የአካባቢው ነዋሪዎች እና የቤተ ክርስቲያን ተወካዮች የ34ቱ ሟቾች አስከሬን በኤንዳቶ ደብረ ምጥማቅ ቅድስት ማርያም ቤተ ክርስቲያን አካባቢ መሰብሰቡን እንደገለጹ ተዘግቧል።የፍለጋና የነፍስ ማዳን ሥራዎች እየተካሄዱ በመሆናቸው፣ የሟቾች ቁጥር ሊጨምር እንደሚችል ተገልጿል።

​•ተደጋጋሚ ጥቃቶችና የጸጥታ ስጋት፦ ይህ ጥቃት ጥቅምት 24 ቀን በአጎራባች ሺርካ ወረዳ ከተፈጸመው ተመሳሳይ ጥቃት በኋላ የተከሰተ ሲሆን፣ በአካባቢው ያለውን የደህንነት ስጋትን አባብሶታል። ጥቃቱን ለማረጋጋት የተሰማሩ የጸጥታ ኃይሎችም ኢላማ እንደተደረጉ ምስክሮች ተናግረዋል።

• የነዋሪዎች ጥያቄ፦ ነዋሪዎች ከጥር 2024 ጀምሮ ተደጋጋሚ ጥቃቶች እየደረሱባቸው መሆኑን በመግለጽ፣ የፌዴራል የጸጥታ ኃይሎች ቋሚ ጥበቃ እንዲያደርጉላቸው ጠይቀዋል።

• INSIGHT News በማንኛውም ሃይማኖት ወይም እምነት ላይ የሚፈጸምን ጥቃትና ግድያ ያወግዛል።የሰው ልጆች ሕይወት፣ ክብርና ደህንነት ከማንኛቸውም ልዩነትቶች በላይ ናቸው ።

​🔎 INSIGHT News
ታማኝ ምንጮች፣ ሚዛናዊ ዘገባ!

​📰 የዜና ምንጭ፦ Borkena Ethiopian News | ጥቅምት 27 ቀን 2019 ዓ.ም.

​👉 @InsightNewsET

​📢 INSIGHT News | አህጉራዊ ዜና

🚨 190 ሕፃናትን ጨምሮ 191 ሰዎች ሞት ተጠያቂ የተባለው የኬንያ የሃይማኖት ቡድን መሪ የ200 ዓመት እስራት ተፈረደበት

​📌 የዘገባው ዋና ዋና ነጥቦች፦

​• የተላለፈው የቅጣት ውሳኔ፦ የ"ጉድ ኒውስ ኢንተርናሽናል ቸርች መስራች የሆነው ፖል ማካንዚ
በጥቅሉ የ191 ሰዎችን ህይወት በማጣታቸው ምክንያት ጥፋተኛ ተብሎ በኬንያ ሞምባሳ ከፍተኛ ፍርድ ቤት የ200 ዓመታት እስራት እንደተፈረደበት ተዘግቧል።

​• የሟቾች ቁጥርና የተከሳሾች ሁኔታ፦ ከተገደሉት 191 ሰዎች መካከል 190ዎቹ ሕፃናት መሆናቸው ተገልጿል። በተጨማሪም፣ ፍርዱ በማካንዚና ከእሱ ጋር በተከሰሱ ከሁለት ደርዘን በላይ ሰዎች ላይ ተላልፏል።

• የማታለል ድርጊቱና የተጎጂዎች ሞት፦ ፖል ማካንዚ ተከታዮቹ መኖሪያ ቤታቸውን ትተው በምሥራቅ ኬንያ ወደሚገኘው የሻካሆላ ደን በመሄድ እንዲኖሩ ካደረገ በኋላ፣ ጾም ወደ አምላክ እንደሚያቀርባቸውና ወደ ገነት እንደሚያደርሳቸው በመናገር አሳምኗቸዋል ። ከጥር 2021 ጀምሮ ከሁለት ዓመታት በላይ በቆየው የግዳጅ ጾምና ከዚያ ጋር በተያያዙ ድብደባዎችና ሌሎች በደሎች ምክንያት 191 ሰዎች ሕይወታቸውን አጥተዋል። በፍርድ ቤቱ ውሳኔ መሠረት፣ 183ቱ በረሃብ ሲሞቱ፣ ስምንቱ ደግሞ በቀጥታ በተፈጸመባቸው ግድያ ሕይወታቸውን አጥተዋል።

​🔎 INSIGHT News
ታማኝ ምንጮች፣ ሚዛናዊ ዘገባ!

​📰 የዜና ምንጭ፦ CNN / associated press | ዓርብ፣ ጥቅምት 27 ቀን 2019 ዓ.ም.

​👉 @InsightNewsET

🙏 ውድ የINSIGHT News ተከታዮች፤

እነዚህ ጥያቄዎች "Brain Recall" የ ቀኑን ዜና የማስታወስ ፈተናዎች ናቸው! ዋና ዓላማቸውም ዜናዎቻችንን በጥንቃቄ ማንበባችሁን ለማረጋገጥ፣ አእምሮን ለማነቃቃት እንዲሁም በአስተያየት መስጫችን ላይ በጋራ እንድንወያይና እንድንተዋወቅ ለማስቻል ነው። 🧠⚡🥰

👉እባካችሁ መልሳችሁን ከላይ በሚገኘው የፖል (Poll) ቦታ ላይ ትክክለኛውን ምርጫ በመምረጥ አሳውቁን!

🎁 ወደፊት የሚኖሩ ልዩ ልዩ የሽልማት (Giveaway) መርሃ ግብሮችን በዚሁ ቻናላችን ላይ በይፋ የምናሳውቅ ይሆናል።

👉 @InsightNewsET

​🙏 ውድ የINSIGHT News ተከታዮች፤

ከዚህ በኋላ በየሳምንቱ ዓርብ እና እሁድ ማታ ከዕለቱ ዋና ዋና ዜናዎቻችን ጋር የተያያዙ 🧠⚡ Brain Recall አእምሮ ማነቃቂያ ጥያቄዎችን በቻናላችን ላይ ይዘን እንቀርባለን።

​🎯 ዓላማው፦ ዜናዎቻችንን በጥንቃቄ ማነብዎን ለመፈተሽ፣ አእምሮን ለማነቃቃት እና በኮመንት መስካችን በጋራ ለመወያየት ነው።

​እናንተስ ምን ታስባላችሁ? ይህን የ poll ጥያቄ እንዴት አገኛቹት?

💬 ሐሳባችሁን እና አስተያየታችሁን Comment ላይ አጋሩን!

ለዛሬ እዚህ ላይ አበቃን ቤተሰብ🥰 ሰላም እደሩ👋 ... የነገ ሰው ይበለን🙏

​📢 INSIGHT News | ዓለም አቀፍ ዜና

​🚨 ኒው ዴሊ ከዲዋሊ በዓል ዋዜማ በፊት በዓለም እጅግ የተበከለች ዋና ከተማ ሆነች

​📌 የዘገባው ዋና ዋና ነጥቦች፦

•የአየር ብክለቱ መጠንና የከተሞች ደረጃ፦የስዊዘርላንዱ አይ ኪው ኤር (IQAir) ባወጣው መረጃ መሠረት፣ ኒው ዴሊ በዲዋሊ በዓል ዋዜማ ከዓለም ዋና ዋና ከተሞች ከፍተኛው የአየር ብክለት የተመዘገበባት ከተማ ሆናለች።

የአየር ብክለት መጠን፦ ተቋሙ እንደገለጸው፣ የኒው ዴሊ የአየር ጥራት ጠቋሚ 581 መድረሱን አመልክቷል። ይህም በጎረቤት ፓኪስታን ከምትገኘው ላሆር ከተማ (285) ጋር ሲነጻጸር ከላሆር የአየር ጥራት ጠቋሚ ከሞላ ጎደል በእጥፍ የሚበልጥ ነው።

​• የመንግሥት የጥንቃቄ እርምጃዎች፦በዲዋሊ በዓል ወቅት ርችቶች መተኮሳቸው የአየር ብክለቱን ይበልጥ ሊያባብስ ይችላል በሚል ስጋት፣ የሕንድ መንግሥት በዴሊና በአካባቢዋ ያሉ ትምህርት ቤቶች ትምህርትን በኢንተርኔት እንዲሰጡ ወስኗል፤ ሠራተኞችም ከቤታቸው ሆነው እንዲሠሩ አበረታቷል።

​• የብክለቱ መንስኤዎች፦ በሰሜናዊ ሕንድ የክረምት ወቅት ሲቃረብ፣ ቀዝቃዛና ከባድ አየር ከመኪናዎች የሚወጣውን ጢስ፣ ከግንባታ ሥራዎች የሚነሳውን አቧራና የግብርና ተረፈ ምርቶች ሲቃጠሉ የሚወጣውን ጢስ በአካባቢው እንዲከማች በማድረግ እንዳይበታተን ያደርጋል። ይህም የአየር ብክለቱን ይበልጥ እንዲጨምር እንደሚያደርግ ተገልጿል።

​🔎 INSIGHT News
ታማኝ ምንጮች፣ ሚዛናዊ ዘገባ!

​📰 የዜና ምንጭ፦ Reuters | ቅዳሜ፣ ጥቅምት 28 ቀን 2019 ዓ.ም.

​👉 @InsightNewsET

​📢 INSIGHT News | ዓለም አቀፍ ዜና

​🚨 ትራምፕ በኢራን ላይ ውስን ጥቃቶች መፈጸማቸውን ገለጹ፤ በከሽም ደሴት ላይ ሁለት ሚሳኤሎች መውደቃቸው ተዘገበ

​📌 የዘገባው ዋና ዋና ነጥቦች፦

​• የትራምፕ መግለጫ፦ የዩናይትድ ስቴትሱ ፕሬዝዳንት ዶናልድ ትራምፕ፣ የአሜሪካ ጦር በኢራን ላይ "ቀለል ያሉ ጥቃቶችን" መፈጸሙን ለጋዜጠኞች ገልጸዋል። በተጨማሪም ፕሬዝዳንቱ፣ ኢራን እየገነባችው የነበረውን የአየር መከላከያ መሣሪያ የአሜሪካ ጦር በ15 ደቂቃ ውስጥ እንዳጠፋው ተናግረዋል። ሆኖም ፕሬዝዳንቱ ጥቃቱ በቀሽም ደሴት ላይ መፈጸሙን በቀጥታ አልገለጹም።

​• የጥቃቱ ዝርዝር፦የፕሬዝዳንቱ መግለጫ የመጣው፣ ሁለት ሚሳኤሎች በኢራን ደቡባዊ የባሕር ዳርቻ አቅራቢያ በምትገኘው ከሽም (Qeshm) ደሴት ላይ መውደቃቸውን የኢራን መገናኛ ብዙኃን መዘገባቸውን ሮይተርስ ከዘገበ በኋላ ነው።

• የደሴቷ ስትራቴጂያዊ አስፈላጊነት፦ከሽም ደሴት ለዓለም የዘይትና ጋዝ ትራንዚት እጅግ ወሳኝ በሆነው የሆርሙዝ የባሕር ወሽመጥ አቅራቢያ የምትገኝ በመሆኗ፣ ጥቃቱ ቀጠናዊ ውጥረቱን ይበልጥ ሊያባብሰው ይችላል የሚል ስጋት ፈጥሯል።

• የድርድር ጥረቶችና የሁለቱ ወገኖች አቋም፦ ፕሬዝዳንት ትራምፕ ኢራን ከከፍተኛ የኢኮኖሚ ጫና የተነሳ "ስምምነት ለማድረግ በጣም ትፈልጋለች" ሲሉ ገልጸዋል። ኢራን በበኩሏ ከአሜሪካ ጋር ወደ አዲስ የዲፕሎማሲ ንግግር ከመግባቷ በፊት "ከአሜሪካ ወገን በተግባር የተደገፈ እርምጃ" ማየት እንደምትፈልግ አስታውቃለች።

​🔎 INSIGHT News
ታማኝ ምንጮች፣ ሚዛናዊ ዘገባ!

​📰 የዜና ምንጭ፦ CNBC / Reuters | ቅዳሜ፣ ጥቅምት 28 ቀን 2019 ዓ.ም.

​👉 @InsightNewsET
​

​📢 INSIGHT News | የሀገር ውስጥ ዜና

🚨 በቤኒሻንጉል ጉሙዝ 52 ሰዎች መገደላቸውን ፖሊስ ገለጸ፤ ኦነግ በበኩሉ የክልሉን ፖሊስ ከሰሰ

​📌 የዘገባው ዋና ዋና ነጥቦች፦

​• የፖሊስ መግለጫና የሟቾች ቁጥር፦ የቤኒሻንጉል ጉሙዝ ክልል ፖሊስ ኮሚሽን ኮሚሽነር አቶ እድሪስ መሐመድ ለቢቢሲ እንደገለጹት፤ በአሶሳ ዞን ቡልዲግሉ ወረዳ ዳለቲ ቀበሌ ጥቅምት 26 ቀን 2019 ዓ.ም. ንጋት ላይ በደረሰ ድንገተኛ ጥቃት 52 ሰዎች ተገድለዋል። ኮሚሽነሩ ከተገደሉት ውስጥ 21 ሲቪሎች፣ 18 የአድማ ብተና አባላት እና 13 የአካባቢው ሚሊሻዎች እንደሚገኙበት ገልጸዋል።

​• የጥቃቱ አድራጊዎች እና የታጣቂዎች ሁኔታ፦ የክልሉ ፖሊስ ኮሚሽን ጥቃቱን የፈጸሙት ከኦሮሚያ ክልል ጋር በሚዋሰነው ድንበር አቅራቢያ የሚንቀሳቀሱ "የሸኔ ታጣቂዎች ናቸው" ሲል ከሷል። በኢትዮጵያ መንግሥት በሽብርተኝነት የተፈረጀው የኦሮሞ ነጻነት ሠራዊት እስካሁን በክልሉ ፖሊስ ለቀረበበት ክስ ይፋዊ ምላሽ አልሰጠም።

• የኦነግ ተቃራኒ ክስ፦በሌላ በኩል፣ የኦሮሞ ነጻነት ግንባር ባወጣው መግለጫ፣ በዚያው ቀን በዚያው አካባቢ “ሸኔን ትደግፋላችሁ” በሚል ክስ የክልሉ ፖሊስ ሴቶችንና ሕፃናትን ጨምሮ ከ43 በላይ የኦሮሞ ሲቪሎችን ገድሏል ሲል ከሷል።

​• የአካባቢው ሁኔታ፦ቢቢሲ ከሁለቱም ወገኖች የቀረቡትን ክሶች በገለልተኛ ምንጮች ማረጋገጥ እንዳልቻለ ገልጿል። በሌላ በኩል፣ ፖሊስ ጥቃቱን ተከትሎ የመከላከያ ሠራዊትና ተጨማሪ የጸጥታ ኃይሎች ወደ አካባቢው መላካቸውን፣ ሁኔታውም መረጋጋቱንና ከቀያቸው የተለዩ ነዋሪዎች ወደ መኖሪያቸው መመለሳቸውን አስታውቋል።

​🔎 INSIGHT News
ታማኝ ምንጮች፣ ሚዛናዊ ዘገባ!

​📰 የዜና ምንጭ፦ BBC Amharic | ቅዳሜ፣ ጥቅምት 28 ቀን 2019 ዓ.ም.

​👉 @InsightNewsET
​