اللّهُـمَّ صَلِّ عَلـى مُحمَّـد، وَعَلـى آلِ مُحمَّد

Аллаh'умма салли 'аля Мухаммадин ва 'аля али Мухаммад

«Боккъалла а, АллахI а, Цуьнан маликаш а салаваташ дохкуш ду пайхамарна. ХIай [Делах] тешнарш! Салават дилла цунна, маршо а еха [цуьнга]».

[Сурат «ал-Ахьзаб» - 56 аят]

«ХӀай, ийман диллинарш! ПӀераскан дийнахь (рузбанан) ламазна кхайкхича, АллахӀ хьехорна тӀедерза, махлелор а сацаде! и гӀолех хир ду шуна, нагахь шун хаахь».

[Сурат «ал-ЖумуӀа» - 9 аят]

Шен дог цӀена дерг - цӀена долче гӀерта!
Шен дог цӀена долчун - цӀена дерг бен ган а ца го!

Шен ойланаш а шена зен деш хилча, мел гӀийла хила деза адман са ...

« АллахӀан динан сий диначун - АллахӀа дийра ду сий ! »

Масал далийча, хийлаза нис делла, цхьаьнца цхьанхьа воьдуш, хьоьца волчо кхечо эшар латийча олуш : вайца хьенех ву хьуна, дӀа йаккха эшар !
Йа и ала а ца дезаш, хьуна тӏе хьаьжча а эхь хетта, эшар лато дага ца догӀуш !
Со чӀогӀа стаг хилар дацара и, АллахӀа нехан дегнашчу гӏиллакх диллара дара !
ХӀан-хӀа, сайца гӀиллакх лацара ца бах, АллахӀан динац гӀиллакх лацара бах, хӀунда аьлча со а, со санна лелаш мел верг а, АллахӀан динан цӀарах лелаш ву!

ХӀара уггаре лаххарчу бараман масал дара.

Хуьлийла хӀара хьегар, уггаре там болу хьежар а, уггаре ирсе вовшахкхетар а!

Кху некъан хьайн йуьхьиг муха хилла дага догӀий хьуна?

Чаккхе кхин а хаза хилийта хьажалахь !

ХӀАЙ ЛЕРАМЕ КЪОНАХИЙ

КӀедачу гӏайбан тӀехь еха наб яр ца деза Къонахчун,
Йа цхьа а лаам боцу адамаш а ца деза Къонахчун,
Лаьмнаш санна лекха дог ойла йолуш дегнаш а,
Мох санна ницкъа болуш синош а хуьла Къонахчун,
Къонахчо къобал ца йо сийсазалла а, юьхьӀаьржо а.

Къонахий оьшу вайна!

МостагӀчуьн дегнаш лоьлхуьйтур долуш болу Къонахий!

АЛЛАХӀ ВЕЗАР...

АллахӀ везар хьан маттан тӀехь бен сецна дацахь, хаалахь, хьан леларца схьакъаьсташ хира вац хьо, бакъду, маттан говза хира ву, амма дегӀан лаамаш вахьа бахкалура бац!
Ткъа АллахӀ везар хьан дагах хьакхаделлехь, дагчу хьан и дӀакхаьчнехь, хьан дегӀаца, леларца схьакъаьсташ хира ву хьо, хьуна дезар ма дац, АллахӀан дезарг бен, хьо доьхьал хира ма вац, АллахӀ доьхьал волчунна бен!

Къонахчун дог ойла йолуш, цӀеначу цӀентӀехь кхиъна йолу йоӀан, цкъа а везара вац осала кӀант, хӀунда аьлча и цхьаьна къонахчу дас дагчу йиллина оьздангалла, гӀиллакх, яхь, майраллех, дӀаийна хира ю!

Тахана, къаьсттина зударийн ийманан, гӀиллакхан, хьашта ду вай уммат, божарийн ийманел а, гӀиллакхел а.
ХӀунда аьлча кериста стаган цхьа зуда галла йаккхал боккха толам ма бу, эзар стаг галла воккхачул!

ХӀай сан лераме йиша, эла хиле лела кху латтан букъ тӀехь, лай хиле ца лелаш!

Хьайн мах а, хьайн сий а девзаш хила, лардеш хила!