МутаӀелам кхалхар

Галдаьлларг нисдар шен дукха агӀонаш йолуш ду, муьлха агӀо хьаьжча а, цхьа дукха нах тӀе а бирзина нисдан дезаш галдаьлларг го. Цу агӀонах ю мутаӀеламаш шайна тӀе лаьцна йолу агӀо а. МутаӀеламаш тоьуш бац, сонта наха шайна хууш а, ца хууш а "молланаш дукха баьржина хӀинца" бохуш, Ӏовдала хабар дийцахь а. Цундела бусулба умматан боккха бохам бу мел лахара берашна Къуръан деша Ӏамош волу хьехархо дӀа валар а, Ӏарбо мотт хуурш, цхьацца Ӏилма хьеха аьтто берш дӀа бовлар кхин а доккха ду. Динах дог лозуш болчу нахана хьехам хила беза мутаӀелам дӀа ваьлча, "Цуьнан меттиг дӀа хьа лоцур ю? Со хӀунда Ӏаш ву?" Хаттарш дан деза шега.
Царал чӀогӀа шайга хаттарш деш, човхош шега бехк баккха безарш хӀумма а ца деш Ӏаш болу мутаӀеламаш бу, АллахӀа вай сама дохийла!
Динах дог лозуш волуш, дин Ӏамош дӀа вахнарг шена толам баьккхина дӀа вахна. АллахӀа декъала войла и Ӏилма Ӏамош хилла волу кӀант а, цуьнца кхелхина болу цуьнан гергара нах а!
Олуш ду: "Ӏилма и Ӏамош болчарна юккъахь гергало ду."
Мила ву хаар дац кхоьрта, коьртаниг - дӀа ваьллий хаар, цунна даггара доӀа дар.
Иштта цу хиллачух масал эцар а, шен йисана хенахь пайда эцар а.

Хьана луур дацар, мацалла вала воллуш сарахь, марха долуш дуьненчура дӀа ваха???
Некъан хьовзамехь кхелхинарг Ӏеламнаха шахӏидех ву олу, мел ирс ду иза!
АллахӀа Шен некъахь чекх довла собар, Шен некъахь шахӀидех хуьлуш кхалхар а лойла вайна!