И дог тӀекӀал даллар асар йуьтуш хьехам, шух хӀора хуьлийла кхунга ладоьхначарах,
шух хӀора хуьлийла, цу хьехамах пайда эцна, цу хьехамо асар йитина,
шух хӀора хуьлийла Къуръан тӀехь къахьегар сов даьлла, Къуръан дешар, Ӏамор, дӀахьехар тӀехь ойла сецна, и болх дӀагӀуш.
Шух хӀора хуьлийла, цу Къуръанан охӀлах!
Шух хӀора хуьлийла, къемат дийнахь цу Къуръане шуна шафаӀат дойтур долучарах.
Шух хӀора хуьлийла, шен дахар, кхалхар, цу Къуръано ма бох хилийтанчарах.
Шух хӀора хуьлийла, шайн ерриг мукъ хан, хӀан-хӀа, мукъ хан цу Къуръанан йоккхучарах хуьлийла шу.
Шух хӀора хуьлийла, Къуръанан хьакъ дӀаделчарах.
Шух хӀора хуьлийла, Къуръанан ойла ечарах.
Шух хӀора хуьлийла, Къуръан шен синтем, шен паргӀато, шен са даӀар, шен гӀайгӀа, бала дӀаоьцург Къуръан хилийтанчарах.
Шух хӀора хуьлийла, Къуръан дезначарах.
Шух хӀора хуьлийла, АллахӀан муьтӀахь болучарах,
Шух хӀора хуьлийла, АллахӀ шена реза волучарах,
Шух хӀора хуьлийла, АллахӀан дукхабезначарах,
Шух хӀора хуьлийла, АллахӀа цу фирдавс йалсаманехь, хӀора Ӏуьйранна, суьйранна Шен йуьхь сибат гойтурйолучарах!

https://t.me/Importantknowledgee

Къуръан деша Ӏамо лууш ву хӀора а,
Къуръан дагахь Ӏамо лууш ву хӀора а,
Делахь, хьала гӀаьттина, къахьега лууш вац цхьа а.
"Къуръан дагахь хууш делар суна, ваа суна мел чӀогӀа Къуръан деза хаьи хьуна, ваа" иштта кхин масне ду и къамелаш.
Къуръан деша Ӏаминарг йа дагахь Ӏаминарг, хьо санна вижан Ӏуьллуш хилла моьтту хьуна? Суна Къуръан деза бохуш иза ца доьшуш хилла моьтту хьуна?
ВаллахӀи Къуръан дагахь Ӏамор, йа деша Ӏамор а, иза атта хӀума дац, иза чӀогӀа шен тӀехь къахьега дезаш хӀума ду, хийла оьхара ю буьйсанаш дӀа, цхьа аят Ӏамош, цхьа сурат Ӏамош, цхьа агӀо Ӏамош. Иштта къахьоьгуш Ӏамош ду иза, иштта цхьа мах бу цуьнан дӀа бала безаш, къамелаш дарах ца тоьу хьо дукха, могуш-маьрша иманехь ваха варга, ца тоьу къамел дарах..
Хьо Къуръан дезаш вуй? ГӀатта хьал, бита и болх некъ а, иза цхьанхьа гӀура дац хьуна, хьо велча а лаьттар долуш ду хьуна иза, амма Къуръан Ӏама дан аьтто бац хьуна даиманна а лаьттар, йа хьо а, и деша ца хууш АллахӀан дуьхьал ваха кхерам бу хьуна, ахь и дӀа мел тоьтту а..

https://t.me/Importantknowledgee

Бакъдерг - шена бало бух берг ду.
Бакъдерг - наха дора аьлла динарг дац!

https://t.me/Importantknowledgee

Вайх хӀораммо олу, суна Къуръан деза, делахь, бакълуьш дуй теш вай?
Къуръан дезарг, дӀавуьжуш тӀеххьара ша аьлларг Къуръанан аяташ дерг ву,
Къуръан дезарг, самаволуш, доьххьара ша аьлларг Къуръанан аяташ дерг ву,
Ша яъхӀума юууш, Къуръанан тӀе хьоьжуш юург ву,
Ша некъахь воьдуш, ша ойла еш хена, и ойланаш Къуръанан аяташна еш верг ву,
Ша къамел деш, цу Къуръанах лаьцна къамел дираг ву,
Бала, гӀайгӀа шайга беъча, Къуръан доьшуш верг ву,
Самукъа, син паргӀато еъча, Къуръан доьшуш верг ву,
Шен дахар, Къуръано бохучух дустуш верг ву,
Муьлххачу хьолехь, Къуръано хӀун боху хьожуш, цунга воьрзург ву,
Къуръан чура аяташ дешар, шайн къамелла а сов даьлларг ву,
И ву Къуръан дезарг.
Ткъа хьо вуй иштта Къуръанац?
Хьажалахь хӀинца..
Вай дӀадуьйшуш, телефон чохь ду,
Вай самадовлуш телефон чохь ду,
Вай яъхӀума юууш телефон чохь ду,
Вай къамелаш дуьненах лаьцна ду,
Вайна бала, гӀайгӀа беъча, вай телефон схьаэца сих луш ду,
Вай самукъа даьлла, паргӀато еъча, вай телефон схьаэца сих луш ду.
Хьажахь, харца луьш ву со, йа вац?
Со харца луьш валахь, АллахӀан бу хастам, суна хаза хетар ду хьо Къуръанац иштта хилча, ВаллахӀи дукх, амма цхьа бакъ ду, хьо телефонац аса ма бохху валахь, суна чӀогӀа хала а хетар ду.

АллахӀа Ӏалаш дойла вай!
АллахӀа Шена дезарг - дезар лойла вийна,
АллахӀа Шена ца дезарг - цдезар а лойла вийна!
АллахӀа цу Къуръанан охӀлунех дойла вай!
Вай муьлххачу хӀумангахь, доьрзург Къуръан хуьлийла!
АллахӀа кхочча, хьакъ мадду Шена Ӏибадат дечарах дойла вай!
АллахӀа Шена дезачарах дойла вай!
АллахӀа Ша реза волучарах дойла вай!
АллахӀа Шена муьтӀахь долучарах дойла вай!

https://t.me/Importantknowledgee

Адмашах эхь хеташ воцург, АллахӀах эхь хеташ хира ву бохург бакъ дац.

©дарбан цӀийнера воккха стаг

ХӀай! Нохчо-Къонаха,
Яхьйолу Къонаха,
Сан дехар ду хьоьга,
Ларъелахь Нохчийчохь!

Шавериг Нохчий хила лууш ву, амма хуьлуш вац!
Баккхийчара олу: «йайначу тӀехьено бен дайш буьйцура бац!»

Хьоьца доьзна долу массо хӏума хьоме а, хаза а ду-кх, сан хьоме Даймохк✨

..къоламаш хьалаайбина, тептараш дакъаделла...

АллахӀа Шена дезарг дезар лойла вайна,
АллахӀа Ша реза волучун, реза хилар лойла вайна,
АллахӀа Ша вайна яздинчу хӀумангахь, собарца чеккха довлар лойла вайна!

Массо а хена хьан ниӀматаш дууш, Хьуна хастам бан дага а ца догӀуш тхо лелашехь, тхоьх Хьайн ниӀматаш ца хадош волу Дела хастам бу-кх Хьуьна!
Ма вон лайш хили тхо, ма дика Эла ву Хьо!
Тхан ерриге а сийлалла, Хьан лайш хилар ю-кха!
Тхан дерриге а дозалла, Хьо тхан Эла хилар ду-кха!

«Дикачу нахана кечйина ялсамане йу церан дахар мел халонга даьллехь а, дуьне царна мел гаттаделлехь а, ткъа вочу нахана кечйина жоьжагlате йу, церан долахь мел дукха даьхни делахь а.»

Ибнул-Къаййим

АллахӀа Шен комаьршонца Йалсаманен бошмашкахь цхьанатохила вай.
Дуьненахь а, эхартахь а дикане кхачадойла вай, массо вонех ларадойла вай!