ШариIат лелоро вай 1000 шо хьалха хиллачу дахаре кхачор ду боху!

Пайхмара (صلى الله عليه و سلم) замане, я асхьабийн замане кхачор дари-те вай?
Я Iумара Перси а, Рим а буйнахь латтиначу замане кхачор дари-те вай?
Я Умавийн замане, шаьш Шамехь а болуш, шайн эскарш Андалус дега юккъехь хилла болу?
Я Iаббасийн замане, кериста махкаш шайна гор хиттина Iина болу?
Я Iабдуррахьман ад-дахил замане, Франци а, Итали а кхерамехь латтина волу?
Я КъутIуза замане, доллу адам монголех къелхьара даьккхина волу?
Я Зинки, я Аййуби замане, жаIарийн эскарш дегош хилла болу?
Далар вай 1000 шо юха доьлхуш, вайн дайна долу сий юха доьрзура дара вайна!

http://vk.com/yalsaman

Бехке дерш вай ду!

Имам Ибн Абил-Iизз ал-Хьанафийс (АллахIа къинхетам бойла цунах) аьлла:
«Баккъалла а, АллахIа зуламе паччахьаш вайна тIехIиттош ма бац, вайн къинош бахьана долуш бен. Вай лелош долчуьнга хьаьжжина бу вайна бекхам а. Цундела АллахIе гечдар доьхуш къахьега деза вай, лелийначунна дохко а дуьйлуш, дика Iамалш а еш. Цхьана нахана зуламхойн зуламах кIелхьарабовла лаахь, шайна юкъахь вовше деш долу зулам а Iаддадита деза цара».

[Шархь ат-тIохьавия, агIо 252]
https://vk.com/yalsaman

Такфир даран бакъонаш / Шайх Мухьаммад Салихь ал-Мунажжид

https://t.me/Ramzan_Gendargno

ӀабдуллахӀ ибн Ӏаббаса (АллахӀ реза хуьйла цушинна) дийцинчу хьадисехь ду, цо аьлла: Пайхамара (соллаллохӀу ӀалайхӀи ва саллам) тӀехьа тӀехуучу хӀуман тӀехь вара со цхьана дийнахь, тӀаккха цо элира: «ХӀай кӀант, хьуна цхьа дешнаш Ӏамо воллу со: АллахӀа бохург ларде ахь, Цо хьо ларвийр ву хьуна.
АллахӀа бохург ларде ахь, хьайна эшначу хена гӀо деш карор ву хьуна И,
Айхьа доьхуш АллахӀе деха ахь.
Хьуьна хаийла, хьуна цхьа дика дар дерриге уммат цхьаьнакхетарх,
АллахӀа хьуна яздин чул бен дийр ма дац цара хьуна дика.
Иштта хьуна цхьа зен дан дерриге уммат цхьаьнакхетарх,
АллахӀа хьуна яздин чул бен дийр ма дац цара хьуна зен.
Къоламаш хьалаайбина, тептарш дакъаделла.»

[ Сахьихь: Тирмизий: 2516. Ахьмад: 2669. Албанис сахьихь дина "Мишкатул-масабихь" жайнахь: 5202 ]
https://t.me/Importantknowledgee

Лекха волу АллахӀан дош ду:

يَـٰٓأَيُّهَا ٱلَّذِينَ ءَامَنُواْ قُوٓاْ أَنفُسَكُمْ وَأَهْلِيكُمْ نَارًۭا وَقُودُهَا ٱلنَّاسُ وَٱلْحِجَارَةُ عَلَيْهَا مَلَـٰٓئِكَةٌ غِلَاظٌۭ شِدَادٌۭ لَّا يَعْصُونَ ٱللَّهَ مَآ أَمَرَهُمْ وَيَفْعَلُونَ مَا يُؤْمَرُونَ

«ХӀай иман диллинарш, шаьш а, шайн доьзалш а ларбе цӀерах, шен ягорг адамаш а, тӀулгаш а хир долу, буьрса а, нуьцкъала а маликаш ду цунна тӀе хӀиттийна, АллахӀа шайга динчу омран Ӏеса хуьлуш а дац уьш, шайга омра диннарг кхочуш а до цара. »

[ Сурат: Тахьрим, аят 6 ]
https://t.me/Importantknowledgee

https://t.me/vaynmajlis беркатах дуьззина долу хьостичохь эзар стаг вац, иза нис дан деза вай, кху хьостан тӀе дазало, хӀора а мажлис инзаре пайде ю, хӀора а дош жовхӏаран меха ду аьлча харца къамел хира доцуш пайде хьоста ду, дехьа довла, яржа е!

https://t.me/vayn_darsash иштта хӀара хьоста а, чӀогӀа пайде ду, къаьсттина пайданаш даржош, хьоста лелошчун, йа вай дешаран юккъехь валахь, вацахь а, пайда ца болуш дуьсур дац шу, хӀара муьлох дарсехь дийцира аьлла шун корт хьовзахь, сан санна, тӀаккха хӀо хьостех шун чӀогӀа пайда бера бу!

Амин йа АллахӀ

Дехьа довле, и дерриге йоза деша аьлла дехар дара сан.
АллахӀа барам боцуш диканца бекхам бойла шуна!

Иштта вайн Шайх Фарукъа вайн къомана дуккха пайда бина, беш а ву, иштта дац аьлла хетарг islamannur.org сайт чу хьаьжча къера хир ву, иштта кхин масне бу цу тайпа цунан белхаш, https://t.me/faruqan_darsash хьостанаш чохь тайп-тайпана хӀуман хьокъехь бина хьехамаш, доьшуш долу жайнаш, https://t.me/faruk_berash_khior хӀора хӀума атталин ша-ша даьккхина цу хӀуман хьокъехь дерг бен ца дуьйцуш, чу ца дуьллуш.
АллахӀа Ӏалаш войла иза! АллахӀа барам боцуш беркат дойла цуна, вайн къомана, умматана! АллахӀа Шен дуьхьа дойла цо мел хьоьгу къа, цо даржош долу диканиг, сацо хьийзош долу вониг!

Ӏама лууш волчунна аьттонаш болуш бу АлхьамдулиллахӀ. Враги Иблиса агӀо ю, фатваш ду, Ӏадланан дарсаш ду, Ӏакъидатан Академи ю, Такфиран хьокъехь къаьсттина хьост ду дарсаш деш, Heham tv белхаш ду. Исламаннур сайт ю, Фарукъан белхаш ду массо агӀора долу Ӏилма чулоцуш, (къуръан, фикъхӀ, хьадис, Ӏакъидат) - жайнаш доьшуш дарсаш ду аз тӀе даьккхина чудехкина. Ахьмадан беркате болх бу, тарих йовза лууш волчунна. Рамзанан даӀват ду. Исламан серло - аьлла беркате болх бу пайда эца луучунна. Нохчийн дешначу нехан кхеташо аьлла болх бу. Аллахӏа беркат дойла царех. АллахӀа аьтто бойла цера, диканехь сов бохийла, вочух Ӏалашбойла.

И дог тӀекӀал даллар асар йуьтуш хьехам, шух хӀора хуьлийла кхунга ладоьхначарах,
шух хӀора хуьлийла, цу хьехамах пайда эцна, цу хьехамо асар йитина,
шух хӀора хуьлийла Къуръан тӀехь къахьегар сов даьлла, Къуръан дешар, Ӏамор, дӀахьехар тӀехь ойла сецна, и болх дӀагӀуш.
Шух хӀора хуьлийла, цу Къуръанан охӀлах!
Шух хӀора хуьлийла, къемат дийнахь цу Къуръане шуна шафаӀат дойтур долучарах.
Шух хӀора хуьлийла, шен дахар, кхалхар, цу Къуръано ма бох хилийтанчарах.
Шух хӀора хуьлийла, шайн ерриг мукъ хан, хӀан-хӀа, мукъ хан цу Къуръанан йоккхучарах хуьлийла шу.
Шух хӀора хуьлийла, Къуръанан хьакъ дӀаделчарах.
Шух хӀора хуьлийла, Къуръанан ойла ечарах.
Шух хӀора хуьлийла, Къуръан шен синтем, шен паргӀато, шен са даӀар, шен гӀайгӀа, бала дӀаоьцург Къуръан хилийтанчарах.
Шух хӀора хуьлийла, Къуръан дезначарах.
Шух хӀора хуьлийла, АллахӀан муьтӀахь болучарах,
Шух хӀора хуьлийла, АллахӀ шена реза волучарах,
Шух хӀора хуьлийла, АллахӀан дукхабезначарах,
Шух хӀора хуьлийла, АллахӀа цу фирдавс йалсаманехь, хӀора Ӏуьйранна, суьйранна Шен йуьхь сибат гойтурйолучарах!

https://t.me/Importantknowledgee

Къуръан деша Ӏамо лууш ву хӀора а,
Къуръан дагахь Ӏамо лууш ву хӀора а,
Делахь, хьала гӀаьттина, къахьега лууш вац цхьа а.
"Къуръан дагахь хууш делар суна, ваа суна мел чӀогӀа Къуръан деза хаьи хьуна, ваа" иштта кхин масне ду и къамелаш.
Къуръан деша Ӏаминарг йа дагахь Ӏаминарг, хьо санна вижан Ӏуьллуш хилла моьтту хьуна? Суна Къуръан деза бохуш иза ца доьшуш хилла моьтту хьуна?
ВаллахӀи Къуръан дагахь Ӏамор, йа деша Ӏамор а, иза атта хӀума дац, иза чӀогӀа шен тӀехь къахьега дезаш хӀума ду, хийла оьхара ю буьйсанаш дӀа, цхьа аят Ӏамош, цхьа сурат Ӏамош, цхьа агӀо Ӏамош. Иштта къахьоьгуш Ӏамош ду иза, иштта цхьа мах бу цуьнан дӀа бала безаш, къамелаш дарах ца тоьу хьо дукха, могуш-маьрша иманехь ваха варга, ца тоьу къамел дарах..
Хьо Къуръан дезаш вуй? ГӀатта хьал, бита и болх некъ а, иза цхьанхьа гӀура дац хьуна, хьо велча а лаьттар долуш ду хьуна иза, амма Къуръан Ӏама дан аьтто бац хьуна даиманна а лаьттар, йа хьо а, и деша ца хууш АллахӀан дуьхьал ваха кхерам бу хьуна, ахь и дӀа мел тоьтту а..

https://t.me/Importantknowledgee

Бакъдерг - шена бало бух берг ду.
Бакъдерг - наха дора аьлла динарг дац!

https://t.me/Importantknowledgee

Вайх хӀораммо олу, суна Къуръан деза, делахь, бакълуьш дуй теш вай?
Къуръан дезарг, дӀавуьжуш тӀеххьара ша аьлларг Къуръанан аяташ дерг ву,
Къуръан дезарг, самаволуш, доьххьара ша аьлларг Къуръанан аяташ дерг ву,
Ша яъхӀума юууш, Къуръанан тӀе хьоьжуш юург ву,
Ша некъахь воьдуш, ша ойла еш хена, и ойланаш Къуръанан аяташна еш верг ву,
Ша къамел деш, цу Къуръанах лаьцна къамел дираг ву,
Бала, гӀайгӀа шайга беъча, Къуръан доьшуш верг ву,
Самукъа, син паргӀато еъча, Къуръан доьшуш верг ву,
Шен дахар, Къуръано бохучух дустуш верг ву,
Муьлххачу хьолехь, Къуръано хӀун боху хьожуш, цунга воьрзург ву,
Къуръан чура аяташ дешар, шайн къамелла а сов даьлларг ву,
И ву Къуръан дезарг.
Ткъа хьо вуй иштта Къуръанац?
Хьажалахь хӀинца..
Вай дӀадуьйшуш, телефон чохь ду,
Вай самадовлуш телефон чохь ду,
Вай яъхӀума юууш телефон чохь ду,
Вай къамелаш дуьненах лаьцна ду,
Вайна бала, гӀайгӀа беъча, вай телефон схьаэца сих луш ду,
Вай самукъа даьлла, паргӀато еъча, вай телефон схьаэца сих луш ду.
Хьажахь, харца луьш ву со, йа вац?
Со харца луьш валахь, АллахӀан бу хастам, суна хаза хетар ду хьо Къуръанац иштта хилча, ВаллахӀи дукх, амма цхьа бакъ ду, хьо телефонац аса ма бохху валахь, суна чӀогӀа хала а хетар ду.

АллахӀа Ӏалаш дойла вай!
АллахӀа Шена дезарг - дезар лойла вийна,
АллахӀа Шена ца дезарг - цдезар а лойла вийна!
АллахӀа цу Къуръанан охӀлунех дойла вай!
Вай муьлххачу хӀумангахь, доьрзург Къуръан хуьлийла!
АллахӀа кхочча, хьакъ мадду Шена Ӏибадат дечарах дойла вай!
АллахӀа Шена дезачарах дойла вай!
АллахӀа Ша реза волучарах дойла вай!
АллахӀа Шена муьтӀахь долучарах дойла вай!

https://t.me/Importantknowledgee

Адмашах эхь хеташ воцург, АллахӀах эхь хеташ хира ву бохург бакъ дац.

©дарбан цӀийнера воккха стаг