ДИЙЦАР...
(дийцарах пайда эца)

Цхьа стаг вара, хьекъал долуш. Цхьана хенахь, чӀогӀа мехала жайна яздинера цо, Ислам-дин лардеш, цуьнан сий деш, иза айба деш. Цунах лаьцна олуш хилла "и жайна яздарца, Йалсамане эцна цо" и мел деза жайна хилла билгал долу вайна цу дешнашца, иштта, хьарам маьждигехь а, и жайна яздинчун, баркалла олуш хилла, иштта чӀогӀа хьекъал, хьикмат долуш хилла и стаг ша, цо яздина жайна а хилла, жайнешан юккъехь, лаккхара мах хадийнарг..
Амма, цхьа шераш дӀадоьвлча, цу стаган дагчохь, шеконаш кхолла елла, цакхетам кхолла белла, иштта, цо юху а жайна яздина, амма хӀинца, Ислам-динан доьхьал долуш, цу Ислам-динан реза воцуш, иштта ирча, харца кхетам болуш, боьха жайна яздина цо.
Цхьана ханчохь, массара хьоьстуш, Ислам-динан гӀо деш, чӀогӀа мехала жайна яздина волу, хӀинца цуьнан доьхьал жайна яздина.
Цо хӀун гойту вайна, цу дийцарах пайда муха эца беза вай аьлча:
– Хьан тахан нийса кхетам белахь а, кхана хьо цу нийсачу новкъахь хира ву аьлла хьуна дала дош дац цхьанне!
– Тахана хьан куьгхула кху Ислам-динан АллахӀа гӀо дайтанехь а, кхана хьо иштта гӀоьнча хира ву аьлла дала дош дац цхьанне!
– Тахана, хьан говзалла йолуш, хьикмате волуш, хьо кху Ислам-динан гӀо деш валахь, ахь тамаш ма белахь, хила тарло хьуна, ахьа куралла яр бахьан долуш, кхана хьо АллахӀа сийсаз веш, кху дин чура ара валлар, кхераме хьал ду хьуна иза - хьайха тамаш бар, куралла яр!
– Тахана, АллахӀа хьан хьехар, хьан дин даржорехь къахьегар, нагӀал даьлла, хьо нахана воьвзанехь, наха хьоьстуш велахь, хаалахь, уггар хьалха, хаалахь, иза АллахӀа хьоьх бина къинхетам буй, хаалахь, АллахӀан гӀоьнца бен, ахь иза (дика Ӏамал) йина йоци, хаалахь, хьан дагчу цхьа дика хӀума теснехь (йаккхийри Ӏалашонаш) иза АллахӀа хьан дагчу тесний, Шайна лаахь, иза хьоьгара схьаэца Цуьнан ницкъа буй а, хаалахь, диц ма делахь!
– Ахь дина цхьаллиг цхьа дика дац хьуна ахь дина, АллахӀан гӀоьнца бен, АллахӀан лиъчи бен, тӀаккха ахь тамаш хьаьнха бо? ТӀаккха ахь куралла муха йо? ТӀаккха ахь хьан корт муха ойбу? ТӀаккха хьуна и (даӀват дар, хьехар дар, дин даржор) кӀорда муха до?

- СовгӀатан хӀума луш, цхьа бен йоцуш луш ма ца хуьлу, елчхьа аьл. СовгӀатан хӀума луш, пайде ерг луш хуьлу, цуна оьшур ерг луш хуьлу, хьуна хьайна елча хаза хетар ерг, хьуна хьайна езарг луш хуьлу.

©Нана

Баркалла олуш, ахь дийра ду доӀнаш, хӀора а доӀ, дагах кхеташ, мехала долуш, делахь а, сан даган уггар дукха дезна доӀ, сан дена, нена динарг дукх.
Ахь ала "АллахӀ реза хуьлда хьуна а, хьан дена, нанна а"
АллахӀ реза хуьлда боху доӀ, вайн матте дирзина доӀ ду, делахь а, ойла йича, чӀогӀа деза доӀ а ду, хӀун хира дара, АллахӀ хьуна реза хиларел а деза?

Йа АллахӀ! Гечде ахь сан Дена-Нанна, къинхетам бе Ахь цаьршиннах, уггаре дикачуьнца бекхам бе Ахь цаьршина.

Ма къинхетаме динакх шу шинна дог, Сийлахь-Лекха волчу АллахӀа.
Доллу дуьне дац-кх шу шинна меха сан бӀаьрехь.
Сан хьоме Да Нана..

ВаллахӀи, со ван ма вац шу шинна диканех цхьа дика бен!
Дуьххьара баркалла АллахӀана ду-кх, цул тӀаьхьа баркалла шу шинна ду-кх, хӀай сан Да, Нана со тахана кхаьчначу хьолана!
АллахӀа уггаре дика хӀуманца бекхам бойла шу шинна!
Шу шинна совгӀат дина кховдадо-кх ас, со олуш ву-кх «АллахӀа шу шинна уггаре дика хӀуманца бекхам бойла!»

Я АллахӀ сан Да, Нана ларде Ахь!

امين يا الله
ЧӀогӀа мехала доӀнаш...

Айхьа мел дукха Iамал йича а, и Iамал кIеззиг хета еза хьуна, хIунда аьлча Дала хьуна деллачу ниIматашка хьаьжча , ахь дийриг кIеззиг ду. Ишта кхерам бу хьан дагчу куралла ян а , ахь дозалла дан а айхьа ечу Iамалца. Дала лардойла вай кураллах а, нахах цадашарх а.

Вай кӀад дала йиш ю, кӀад делча садаӀа а йиш ю, амма юха довла йиш яц, къар дала йиш яц!

АллахӀа Ӏалаш дойла вай! АллахӀа Шен динан гӀоьнчий дойла вай! АллахӀа беркат дойла вайх! АллахӀа вайн дегнаш, кхетамаш кху нийсачу новкъантӀехь латта дойла, АллахӀа кху нийсачу новкъахь, вайн когаш чӀагӀ дойла, вай хьоьгу къа, АллахӀа Шен дуьхь дойла, АллахӀа лара дойла вай диканаш, АллахӀа цӀа а, кху нийсачу новкъар ма дохийла вай!

Йа АллахӀ, нийсо нийса хилар гайта Ахь тхуна, цу нийсонна тӀехьадазар ло Ахь тхуна.
Йа АллахӀ, харцо харца хилар гайта Ахь тхуна, цу харцонан букъ тохар ло Ахь тхуна.

садаӀа йиш юй-те вайн?)

Ма дарра аьлча, садаӀа а йиш яц, хӀунда аьлча, мостагӀ садоӀуш вац, делахь а, хӀара дин ша дохуш наха тамаш беш ма дарра, юхадогӀура а ду наха тамаш а беш. Кху сийлаллин некъахь воьдург кӀезиг хуьлу, хьан-хьанна луш дац хӀара доккха ниӀмат АллахӀа (дин дуьхьа къахьоьгуш хилар, дин даржош хилар)
МостагӀий дукха бу вай, хала ду кху некъахь дӀа ваха, дуккху а хьуна дуьхьал берш хира бу, хьуна новкъарло йираш хира бу, хьо цхьалха вуьсуш хира ду (адмашан юккъехь воллушехь)
Ткъа адам, кӀад луш, кӀордош, гӀийла кхоьллина ма ду..
Цундела боху вай, садаӀа, амма аьттехьа а юха ма вала, тахана хьан дог Ӏовжийнехь, хьан ойланаш цхьана кеташ яцахь, хӀун да деза ца хаахь, садаӀа, ламазе хотта, суджуд де, деха Деле, деха хьайна собар, ницкъа, аьтто а, юха хьой метта ма веан, схьавола, схьавола дин даржош накъосталла де, схьавола, юха ма вала...

Нийсачу новкъахь воьдург кӀезиг вара але, хьо кхера ма лойлакх, йа юха ма волийлакх.
Харцачу новкъахь боьдурш дукха бара але, хьо цаьрна тӀехьа ма хоттийлакх, ахь тамаш ма бойлакх.
Некъахь боьлхуш дукха хиларо ца гойту хьуна и некъ нийса хилар!

Аллахӏа вайна дахар - кхалхар нийсонна тӀехь дойла. АллахӀа Элчанна саллаллахӀу lалайхӀи васаллам гонахьа вовшах тухийла вай эхартахь. Аллахӏа къинхетам бойла массо бусалба стагах а, дика дерг даржо а, вон дерг дӀаккха а аьтто бойла вай, вайх хӀора а шен дегӀаца масала гойтуш хуьлийтийла АллахӀа, маттаца вай хьехам бале.