Пайхамара (саллаллахIу IалайхIи
ва саллам) аьлла:

«Стаг шен накъосте хьежжина хуьлу, тӀаккха шу хьовсийла шеш накъосталла хьенца лела до».

Хьасан: Абу Давуд: 4833

Безамний, доттагӀаллиний оьшург адаман тӀехула куц, цуьнан хьалбахам бац - дог ду - цӀена а, тешаме а, оьзда а дог. Куц а, бахам а хийцалуш хӀуманаш ду, ткъа дог, и дегӀана тешаме дуьсу.

Ма хаза къамел ду хӀара.

Дуьйцург Рамзан ву моьтту суна..

​​Хийла стаг хуьлу, lилма дацахь а, мотт говза болуш.
Иштта хийла стаг хуьлу, lилма делахь а, мотт говза боцуш.
Ткъа lилма а, меттан говзалла а йолуш наггахь бен ца хуьлу, ткъа цаьргахь цу тlе Делах кхерар а делахь - уьш жовхlарш ду.

https://t.me/so_icharkho

ВАЙ ДУЙ ТЕ ВЕШАН ДАЙШЦА-НАНОШЦА ДИКА?...

-Вай чlогlа кlентий ду, вай ахlлус-сунна вал-жамаlа берзалой ю, вай суннат лелош, суннат тlехь, мажош охьа а хецна, дуьнен тlехь цхьаннех дешаш доцуш, ваьш санна чlогlа кlентий хета а ца хеташ берзалой ю вай. Вай лелош дерг бен дин дац, и бен суннат дац, вайна хетачу некъа тlехь и вацахь, и вохкавелла ву, шаверг вониг ву, иштта кхидlа а ду-кх уьш... Амма, оццул чlогlа долу вай, вай дуй те вешан Дайшца - Наношца дика? Вай къовлий те уьш доггах мара? Вай йоккхий те цаьрна барт? Вай хьостий те уьш доггах? Вай иштта чlогlа кlентий хилча, иман, ислам, суннат, маж, шадерг лелош хилча - вай дацара и саннарг дан хьакъ? Я вай лелош ерш рекламаш ю те?

https://t.me/islamanoxlu

ТЕРГО Е...

Пайде йоза гича, иза кхечарна довзийта лаьъ, амма цхьадолу хӀума дӀа даккха дезаш хуьлу, масала сурт, йа видео, цу йозац чу кхоьссина долу. (Цхьаъ дӀа даккха дезаш хилча, вай дӀа даккхе, бухахь церан ссылка йуьтуш кху чу кхуссу)
Цундела йоккху иштта сехьа, иза сих-сиха ца хуьлу.
Иштта ца лууш, йа аса дийраг нийса ца хеташ цхьаъ валахь, сайна бехка ца биллар доьху!
Вай цхьанне хала хетийта Ӏалашо яц, йа наха хьегна къа, айса хьегча санна кху чу дила Ӏалашо яц, дӀа даккха аьлларг, дӀа доккхар ду (нехан хьостичура сехьа даьккхинарг)

Ма доккха ниIмат ду-кх АллахIах кхоьруш доттагI хилар.

Хьовсийша Дала хIун боху Шен Сийлахьчу Къуръан чохь:

(اَلْاَخِلآَّءُ يَوْمَئِذٍ بَعْضُهُمْ لِبَعْضٍ عَدُوٌّ اِلاَّ الْمُتَّقِينَ). الزُّخرفْ: 67

«ДоттагIий оцу (къемат) дийнахь вовшашна мостагIий хир бу, АллахIах кхийринарш боцурш».

[Сурат: аз-Зухруф, аят: 67]

Йа АллахI! Хьайх кхерар ло ахь тхуна, Хьайха кхоьру доттагIий ло Ахь тхуна.


https://t.me/vay_nohchiy

иштта дикачу белхашка хьо ца вагlахь а, лаьцна дlатекхош верг ву хьуна хьан бакъволу доттагl а, хьо доггаха дукха везаш верг а.

Ибну Къудамас аьлла: «Кху заманахь чlогlа деза ду: дерг олуш, хьехар деш - доттагl хилар, хlунда алча кІеззиг болу дела хьеста а ца луш гlалат довзуьйту доттагlий; салафашна дукха везаш хилла шайн гlалат довзуйту доттагl, амма, вайна дукхачу хьолехь уггар ца везарг, вайн гlалаташ вайна довзуьйтург ву, - иза вайн иман гlийла хиларан билгало ю».

Я Аллахӏ¡

Сан доттагӀаша сагатдечу хӏуманех цхьа кӏеззиг дакъа бен дац - кх суна девзуш, ткъа Хьуна дерриге а девзу.

Суна хеза церан тийналла - ткъа Хьуна церан доӏанаш хеза.
Суна го уьш боьлуш - ткъа Хьуна го церан бӏаьрхиш.
Суна го цара деш долу диканаш - ткъа Хьуна го царах къобалдинарш.
Суна го церан юьхь тӏера хазалла - ткъа Хьуна го церан син хазалла.

Гечдехьа царна, гӏо дехьа царна нийсачу некъа тӏехь ирсе бехьа уьш дуьненахь а, эхартахь а¡ Доьху хьоьга, Я Аллахӏ¡

1092-гӀа Хаттар: Ассаламу Ӏалайкум.
Бер Ӏеламнехан новкъа дахийта ният хилча, мел хан йолуш даккха деза иза цу новкъа?

Жоп: ВаӀалайкумуссаламу варахьматуллахӀи ва баракатухӀ!
Бер дуьнен тӀе а дале дуьйна ду динан новкъа даккха дезаш, иза шен ненан кийрахь долуш дуьйна хьарам рицкъ кийра дахарх лардеш, эшар хазийтарх лардеш, иштта кхидолчу вочух лардеш, тӀаккха оцу некъа тӀехь дӀадуьгу ахь дуьненчу даьлча а, тӀаккха мотт Ӏама болабелча цунна эшар лакхий, хелха далий а ца Ӏамош, Къуръан деша а, ламазе хӀотта а Ӏамадо, Къуръан тӀера дӀадеша Ӏамо хьалххе хилахь а, тӀаьхьара олуьйтуш кегий сураташ Ӏамадайтало, цул тӀаьхьа ишколе ма-даххана Къуръан деша а Ӏамо доладолуьйту, болх мелла а алсамбоккху Къуръан Ӏамадайтар тӀехь, кхин хӀуманаш Ӏамадайта а ца гӀерташ. Бере пхийттара далале Къуръан дагахь Ӏамадайтина чекхдаьккхича цул а доккха совгӀат дан а дац цу берана, цул а йоккха гӀулч а яц Ӏилманан некъана, цул тӀаьхьа шен Ӏилманан некъ лоцур бу цо тӀаккха!

https://t.me/Vragi_iblisa

О наша сестра...

Керста нах бац шуна, цхьанне а минотан садоӀуш. ТӀаккха вай гуттар а чӀогӀа къахьоьгуш хила ма дезар..
Керста наха, бусулба нехан иман гӀел дарехь бина белхаш юккъера, церан уггар чӀогӀа ка даьлларг, вай йижарши кхетам гал баккхар ду, ткъа йиша, ша йоккха хила нехан керта яхача, шен доьзал хилча, цо шен болу кхетам бен буьллур буй шен доьзалан чу а? Бац! Цундера ледар кхуьуш бу вай кегийрахой.
Цу наношан карахь дерг дац дайш карахь.
И йоккха жоьпалла йоьвзуш, зуда хила еза хьекъал долуш, доьшуш, дин доазарехь, нийса бера кхиорехь сутар. Иштта стаг а, шен доьзалех, шен хӀусамненах, ша жоп дала дези хууш, ша хоржуш ерг иман долуш, гӀиллакх долуш, оьзда йоӀ харжа еза.

Имам Ибн База (АллахIа къинхетам бойла цунах) аьлла: «Милла велахь а АллахIанна а, цуьнан элчанна а муьтIахь хилла, бакъон тIехь дIахIоьттинарг иза АллахIан авлияах ву».
[Шархь Кашфул шубухIáт: 40-агIо]

АМАНАТ ЛАРА ЦА ДАРАН БЕКХАМ...

Аманат ду хьуна, хьан мел йаккхийри Ӏамалаш хиларах, уьш ягийна дӀайохуш, нагахь ахьа иза лара ца дахь. Жоьжахатиц бекхам бийриг, иза аманат ду хьуна, нагахь ахьа иза лара ца дахь.

Цхьа аманат хьокъехь долу, цхьа кӀадий кусок лара ца йина волу асхьаб. Пайхамара (соллаллохӀу ӀалайхӀи ва саллам) тоьшалла дира цуьна, жоьжахатехь ву иза олуш. Пайхамаран (соллаллохӀу ӀалайхӀи ва саллам) уллехь гӀазот дина волу асхьаб, цхьа кӀадий кусок, аманат дина долу, лара ца дина аьлла, жоьжахатехь ву иза аьлла тоьшалла дира.

ТӀаккха ойла е, хьан доьзал, АллахӀа хьуна аманат дина долу доьзал, церан хьокъехь хьо нийса воцуш, харцонаш лелош, динехь ма бохха ца кхиадан, хьо муха кхоьрура вац?
Цу асхьабо лара ца динарг, кӀадий кусок яра, ткъа кхузахьа-м адам дай, хьан доьзал и хиларах, АллахӀа хьуна аманат дина адам ма ду и, хьо санна АллахӀи лай. Ахьа нийса кхетам болуш, АллахӀан муьтӀахь долуш, Элчанна новкъахь долуш, кхио безаш бу и доьзал.
Ахьа лара дойлакх, АллахӀа хьайна делла аманат!

ЙОӀАН ХЬОКЪЕХЬ ПАЙХАМАРА АЬЛЛАРГ...

Пайхамаран (соллаллохӀу ӀалайхӀи ва саллам) хӀусамнана йолу Ӏаишата( АллахӀ реза хуьлда цунна) дуьйцу: цхьа зуда еара ша йолуче, шеца ши йоӀ йолуш, и ши йоӀ йолуш и еача, уьш меца гича, церах къа хет, кхин яла хӀума ца хил, хӀурма елира ша цаьрна, кхо хӀурма елира ша цаьрна, цхьацца шен шин йоӀан дӀа ел, кхологӀ хӀурма шена йиса езаш йолу, цу нанас екъа екъ, иза цхьан шен шин йоӀан дӀа елира.
Юха Пайхамара (соллаллохӀу ӀалайхӀи ва саллам) иза дӀа яхача чу веъча, Ӏаишата (АллахӀ реза хуьлда цунна) дийцира Пайхамаре (соллаллохӀу ӀалайхӀи ва саллам) цу зудчо динарг аьл. ТӀаккха Пайхамар (соллаллохӀу ӀалайхӀи ва саллам) мимбар тӀе хьала ваьл хьехам бира нахе: муьлхаъ шух, башхалла яц муьлхаъ шух, АллахӀа йоӀарий бел, АллахӀа ши йоӀ ел, зийнарг АллахӀа, цул тӀаьхьа цо уьш кхиъ бахь, Йалсамане чу гӀура ма ву иза, Йалсаманац Жоьжахатах хьалха воккхура ма ву иза.
Пайхамара (соллаллохӀу ӀалайхӀи ва саллам) кхечу хьадисехь юха цу йоӀан хьокъехь олу: ши йоӀ кхиийнарг, Йалсамане воьдучу хенахь, шай ши пӀелг гайтар Пайхамара (соллаллохӀу ӀалайхӀи ва саллам) хӀара ши пӀелг санна шецани, ши пӀелг гайтан, соъ, и ши йоӀ кхиийнарг, хӀокху кепар гӀура ма ву цу Йалсамане, хӀкху кепар йуххе хӀоьттар, хӀара ши пӀелг санна суна йуххехь хира ма ву иза, цу къемат дийнахь, цу Йалсамане чу воьдучу хенахь.
Ткъа и кхиайар дацар, ахьа уьш хене бахар, деккъа кху дуьненчохь йуур латтор, цаьрна мерг латтор, и дацар кхиъбар бохуш дерг. Кхиъбар бохуш дерг, церан динац терго йолуш, динах дерг цаьрна хьоьхуш, довзийта дезарг Ӏамош, динац долу церан хьакъ лардар. Цул тӀаьхьа шен хан тӀе кхаьчча, уьш шен маре дӀа балар. Шен хан тӀе ма кхаьччехь, ахьа уьш дӀа нис бар. И дара ахьа уьш кхиъбар.