ӀИЛМАНАН НЕКЪ

Ӏилман некъ маьрза буй хаьттича, кхин маьрза хила йиш йоцуша-м бу, вай лакхо билгал ма даккхар, Ӏибадатан марзо юкх, ткъа Ӏилма Ӏама дар, уггаре хьо сийлахь веш ӏибадат ду, уггаре деза Ӏибадат ду, хӀунда аьлча, цу Ӏилма Ӏамадаро, хьуна Далла Ӏибадат дан, кху дуьненахь ваха, атта деш ду, хьуна мегарг, ца мегарг доьвзу, тӀаккха хьуна ваха атта хуьлу, цхьанне хӀумех кхера ца везаш, бакъ ду, йа дац, бохуш корта хьийзо ца безаш.

Иштта маьрза хиларе терра, и Ӏилман некъ, хала а бу, ткъа и халонаш ла, хьуна атта дийриг, и Ӏилман марзо юкх, цкъа цуьнан чам кхеттича, иза дита луш дац атта, хьоьга иза дита а лура дац, и Ӏилма Ӏамадарах хьо ваккха лура вац, иштта ю и марзо, тӀех маьрза ю и, и кхеттича, хьуна хьан Ӏилма Ӏаморан новкъахь хуьлуш йолу халонаш яц хаалуш, ахьа тидам ца бо царна, хӀунда аьлча, хьо Ӏилма Ӏамош ву, хьуна кхин хӀумма ца оьшу. Хьо муьлха хӀума ла реза хуьлу, хьой цу новкъара ва ваьккхичхьа. Иштта ю и марзо, иштта бу и некъ. Хала болуш, амма тӀех сов маьрза болуш

БисмиллахӀ
АльхьамдулиллахӀ
Цул тӀаьхьа:

АллахӀ Дела къинхетаме ву бохург, Ӏамал Ӏада йита бохург дац хьуна, АллахӀ Дела къинхетаме ву бохург, Ӏесаллехь са вала бохург дац хьуна, йа къинош летош, хьайна ма луъ дӀалела бохург дац хьуна.
Амма АллахӀ Дела къинхетаме ву бохурга, хьоьгара муьлха къа даьллехь, хьоьгар муьлха Ӏесалла йаьллехь, тоба дина, ахьа гечдар дехча, АллахӀе юхаверза хьуна некъ буй гойтуш, ду хьуна иза.
АллахӀа геч ца деш къа дац хьуна, тоба дина, хьо АллахӀе вирзинчу хенахь..

АллахӀа боху:

۞ قُلْ يَـٰعِبَادِىَ ٱلَّذِينَ أَسْرَفُواْ عَلَىٰٓ أَنفُسِهِمْ لَا تَقْنَطُواْ مِن رَّحْمَةِ ٱللَّهِ‌ۚ إِنَّ ٱللَّهَ يَغْفِرُ ٱلذُّنُوبَ جَمِيعًا‌ۚ إِنَّهُۥ هُوَ ٱلْغَفُورُ ٱلرَّحِيمُ

«Ала, шаьш-шайна зенна барамал тӀех дерг лелийна болчу Сан лайшка: Дог ма диллалаш АллахӀан къинхетамах! Баккъалла а, АллахӀа гечдо дерриге а къиношна, баккъалла а, Иза - Гечдийриг, Къинхетамбийриг ву!»


Ахьа ала боху, Делан Элчане (соллаллохӀу ӀалайхӀи ва саллам) йа Мухьаммад ахьа ала, Шен лайшка ахьа алахь, къинош летадарца шен догӀмашна зулам дина болу Шен лайшка алахь: Аша дог ма дуьллийла АллахӀан къинхетамах, АллахӀа шайна гечдийра дац ма алаш, АллахӀе юха дерза шайн некъ бац ма алаш, ма диллаш АллахӀан къинхетамах дог, АллахӀа дерриге къинош гечдо хьуна, АллахӀ Дала массо къиношна гечдеш ду хьуна, тоба дин, хьо АллахӀе вирзича, цхьа а къа дац хьуна, хьо дохко ваьл, АллахӀе вирзича, АллахӀ Дала геч ца деш ахьа муьлха къа латийнехь, муьлха Ӏесалла йаьллехь, хьо дохко ваьл, АллахӀе хьай къа гечдар дехча, АллахӀа гечдеш ду хьуна. Бакъдолуш а, Иза - Гечдийриг, Къинхетамбийриг ву..

АллахӀа боху:

وَٱللَّهُ يُرِيدُ أَن يَتُوبَ عَلَيْكُمْ وَيُرِيدُ ٱلَّذِينَ يَتَّبِعُونَ ٱلشَّهَوَٰتِ أَن تَمِيلُواْ مَيْلاً عَظِيمًۭا

«АллахӀана шун тоба къобулдан лаьа, ткъа шайн догӀмийн лаамашна тӀаьхьа бозучарна шу чӀоггӀа [бакъонах] дӀахьаьвзийла лаьа.»

АллахӀана шун тоба къобулдан лаьа, АллахӀана шу нийсачу новкъахь хилийта лаьа, цундера нийсо билгал ю, харцо билгал ю. Харцо яржошчарна лаьа хьо а харцо лелош хилийта, хьо а Далла Ӏеса хилийта, ткъа иза уггаре сийсаз некъ бу, эшначеран некъ бу, жоьжахате вуьгу некъ бу. Цундера хьо ма хуьлитийла хьан дегӀан лаам (къинош) хьалха баьккхиначерах, хьо хуьлитийла, нийса некъ (Далла ӏибадат дар) хаьржиначерах.

РИЦКЪА

Рицкъа АллахӀа хьо дукха веза аьлла луш дац хьуна, йа рицкъа дӀаэцар АллахӀа хьуна оьхазло йина аьлла дӀаоьцуш дац хьуна.
Рицкъа далар, хьо АллахӀан герга хилар билгало яц хуьна, йа рицкъа хьоьгар дӀаэцар, хьо АллахӀа гена хилар билгало яц хьуна, цундера цу хӀуманах Ӏеха ма ло хьо!

«Массо а даржашка хьаьжира со, Сийлахь-Везачу Аллахlан динан гlуллакххо хиларал сийлахь дарж ца карийра суна».

Шайх Абу Исхьакъ ал-Хьувайний

ХӀай АллахӀан дукха безнарш! (МутаӀеламаш)
Шайна дин даржо, дин айба, умматан пайде хила, Ӏалашонаш йаккхийри хилийталаш!

Вайн маттахь яздина тафсир дац, язде иза, хала ду ца бохуш, мел хада далахь а, далуш хӀума ду иза..))
Вайн маттахь яздина жайнеш чӀогӀа кӀезиг дукх..хӀун дийра дара, бохучу хаттаран жоп лура дара аса)
Къуръан чохь, масех Ӏилма ду, масалан, вайна массарна доьвзуш долу, дийцаран Ӏилма, и Ӏилма, цу чура схьа эце, вайн маттахь цхьа жима жайна язде)
Лиъчхьа, далуш хӀума ма ду и, къахьега, Къуръан Ӏамаде, Ӏарбойн мотт Ӏамабе, пайде хила кху умматан!

Йа Аллах1, орцаха вала Хьо Рафахьера бусулба нахана.

Х1окху сохьта онда геноцид ю цигахь д1а йоьдуш, шайн до1нашкахь хьеха белаш уьш шортта.

К1иллойн т1ом бу жуьгтиш беш берг, юхьа дуьхьал лата буьйла белча, шаьш охьа отун дера, х1инца адамаш дагош, даккхий герзанаш генара т1е детташ бу бусалба нахан.

Х1ара хьал ду-кх цигахь х1окху сохьта д1а доьдуш...

Лаххара барам: зуламхочунна г1оьнча мукъан ма хила.

Цхьана дийнахь вай беш болу некъан а чаккхе хира ю-кх цхьа а шеко йоцуш, цул тlаьхьа вайна уггаре чlогlа оьшур дерг: вай дийна долуш хенахь вайх буха йитан хилла йолу пайде лар хира ю.

Хьо ма хилалахь беллачул тlаьхьа самбовлу чарах, иза тlаьхьа сама валар лоруш ду хьуна!

Уггаре а боккха бала – Ӏеламнах кхалхар бу.

Шайх Абу Исхьакъ ал-Хьувайний

«Боккъалла а, АллахIан лайшна юкъара Цуьнах кхоьруш берш Iеламнах бу».
[Сурат «ФатIир» 28 айат]

Диканиг де, вониг ма де алар

Youtube чуьра ссылка

АллахӀан динехь нислуш волчунна хаьа деза уггаре хьалха собар оьший, атта дац нахе нийса дерг дийца а, даржо а.

© Рамзан Гендаргно