#ستاج_أطفال #حلب

🔴 المقابلة: بيكون في عدة لجان و قرعة وكل لجنة فيها دكتور أو تنين متل مقابلة الأطفال 1 و 2.
ففي عدة دكاترة بتقابل متل : د.علي سرو ، د.باسل معطي ، د.منار العبد الله ، د.سامي حافظ ، د.خالد خانجي.


⭕️ الغالبية العظمى من الطلاب حاليا بتدرس الأطفال ورا كل قسم من الداخلية لذلك المفروض تكونوا خلال الستاجات قرأتو شوي من المادة من المرجع أو من المخلص يلي اعتمدتوه لدراسة الوطني.

فالمقابلة فعلياً توفيق و ماحدا بيقدر يتوقع أي دكتور يسألو.

مننصح تدرسوا تقريباً متل ما درستوا للأطفال1و2 بالسنة الخامسة 👇🏻

💢 أولاً: جهزوا حالات سريرية شفتوهم خلال الستاج (حالتين مثلا) : اقرؤوا عنهم من مصدر دراسة الوطني ( مرجع أو ملخص) و تمكنوا من تفاصيلهم لأنو بتعرفوا طريقة المقابلة 😁 كل ما بتذكروا شغلة بقلولكم كملوا منها..

إذا ما اعتمدتوا مصدر للدراسة لحد هلق ممكن تقرؤوا عنهم من أي ملخص pdf رح نبعت ملفات..

💢 ثانياً: أسئلة دورات المقابلة هامة جداً متل المقابلات السنة الماضية ، بتلاقوها بملف ألفابيت أو تطبيق بيتا.


⭕️ الخلاصة : المهم تكونوا متوجهين بالمقابلة و تعرفوا أشيع المواضيع بكل قسم 😁 فجهزوا حالكم تنسألوا عن الحالات الشائعة قرؤوا عنها (مثلا الصدرية الربو والتهاب القصيبات الشعرية و ذات الرئة و الهضمية مثلا بسألو عن الإسهالات والإنتانات و هيك)

في دكاترة مقابلتن بتعتمد عمعلوماتكم السابقة وبسألوا من كل شي متل د.خانجي 😅.

#ستاج_أطفال
ملف المقاربات لستاج الأطفال من السنة الماضية ممكن يفيد أيضاً هالسنة.

#ستاج_أطفال #دورات_شاملة
دورات المقابلة ألفابيت من السنة الماضية

#ستاج_أطفال
بعض الحالات السريرية التي أعطتها د.منار خلال الستاج
منقول من الفئة ل

#مقابلة_أطفال

🔴 في عدة لجان كالعادة 👇🏻
لجنة د.سامي حافظ و د.منار
و د.علي سريو كالعادة 😃
د.علاء
د.خانجي

أهم شي تجهزوا حالة تحكوا عنا الأغلب هيك سؤالو ، من أي مصدر (المرجع أو مقررات الخامسة أو ملف د.منار جيد هنا ) و ادرسوا منه مواضيع محددة مثل
تشاخيص تفريقية لالم بطن واقياءات
التهاب معدة وامعاء
تضيق بواب
انغلاف امعاء
التهاب زائدة
التهاب رتج ميكل
التهاب قصيبات شعيرية
أو أي حالة شفتوا بالستاج

هلأ بالنسبة لد.خانجي البعض ما سألن أبدا و البعض سألن دموية عن ابيضاض الدم وفصل معن و د.منار سألت البعض عن العصبية (نفس مقرر الخامسة) فإذا في وقت ممكن تفتحو قسم العصبية تراجعوا أهم الأفكار

و بالنسبة لدكتور علاء ما ألزم بموضوع أبدا كل واحد بيحكي الحالة يلي بدو ياها وهو ممكن يفصل شوي فيا