#طب_شرعي

✅ لمحة عامة عن أقسام المادة وستاجها:
تعتبر أصعب مواد الفصل وبدها دراسة خلال الفصل.

♻️ المقرر : كتاب من المطبوعات 600 ص💔 (غالبا مو متوفر pdf) أو سلايدات الدكتور متوفرة.

وفي عدة ملخصات متل:
_ ملخص أنس غاوي دفعة 49 تقريبا 250ص.
_ السنة الماضية نزل اكسترا للزميل أسامة المنصور بالتعاون مع الفنغر شي150ص بس بدون قسم السموم.
_في ملخصات تانية ما لحقنا نشوفا 😅

#أقسام_المادة
✔ الطب الشرعي الموتي
✔ الجروح
✔ الاختناق الرضي
✔ الأذيات الناجمة عن تغيرات العوامل الطبيعية
✔ حالات جنسية نسائية طبية شرعية
✔ قتل الوليد والعنف ضد الطفل والعنف الأسري
✖ الطب الشرعي الإجرامي للاطلاع
✔ السموميات

♻️ المقابلة : طبعا مافي ستاج وبحدد الدكتور خلال الفصل موعد المقابلة.

#طريقة_المقابلة:
في نوطة 35 ص فيها 282 سؤال 🥲 رح ندرسها مع ملفات صور لحالات.

بينطلب من كل طالب الإجابة على 3 أسئلة (من ال282سؤال وبحدد الدكتور عادة الشي مهم منها) إما كتابي أو شفهي واختيار الاسئلة عن طريق قرعة عليهم 15 علامة وبعدها في مقابلة مع الدكتور بيتم فيها مناقشة صور وعليها 5 علامات.

رح ننشر المطلوب بوقتو إن شاء الله 😄

♻️ النظري : بالعادة فقرات الدورات مهمة بس السنة الماضية ما كفوا 😢 لذلك دراسة المادة ضروري خلال الفصل.

⭐️ في كتير ملخصات متل ما قلنا بس ما عنا علم شقد بتضمن ف بكير لسه عالكلام هاد .

⭐️ ملاحظة هامة جدا 🔥 : عم ياخد الدكتور تفقد وقت محاضرة النظري وهالشي عليه علامات ورح يأثر على أسئلة النظري كمان 😅

#طب_شرعي #ملخص هام جدا 🔥
🔹 ملخص الدفعة 49 للزميلين أنس غاوي وإيمان المحمود
🔹 فيه المطلوب حسب السنة الماضية.

ملاحظة1: قسم السموم موجود بهاد الملف ( تم تعديله السنة الماضية) وما موجود بأي نسخة تانية
ملاحظة2: هالملف مافيو باب رابع وسابع لأنو كانوا محذوفين السنة الماضية
موفقين💗

#طب_شرعي
🔹 ملخص أسامة المنصور من السنة الماضية بالتعاون مع الفنغر ( لايحتوي قسم السموم).

#طب_شرعي

💢 السؤال يلي عبيتكرر شو ندرس للطب الشرعي؟
الكتاب صعب يلحق فهل يكفي ملخص أنس غاوي مثلا؟

🔴 #الكتاب 600 صفحة فيو معلومات سردية كتير واستطراد (على سبيل المثال من أسباب الموت المفاجئ الاحتشاء القلبي وبعدين بيحكيلي شو منشوف وآلية حدوث الخثرة) كأنو مادة داخلية.
وقيل حتى يلي بيدرس كتاب في أسئلة #صياغتها صعبة الحل.

🔴 #الملخصات: قيل ملخص أنس غاوي من أفضل الملخصات وهو عبارة عن223 ص فيه زبدة الكتاب وإذا تم دراسته منيح بيضمن علامة عالية بتوصل لل80ات إن شاء الله بس هاد ما بيعني يكون شامل لكل الأفكار الهامة ( ممكن ناقص شي جملة هامة وممكن يجيب الدكتور شي سؤال معلومة سردية لذلك الله أعلم شقد بيضمن) لكن كتيرين رح يدرسوا لأنو متل ما قلنا الكتاب طويل وصعب مراجعته..

عمليا يلي بيدرس الملخص وبيحفظو منيح (يعني كل سطر بسطرو👌) متل يلي بيدرس الكتاب لأنو مع كثافة المعلومات مارح نتذكر إلا المهم يلي موجود بالملخص نفسو.

🔴 طيب في #خطة أنو ندرس أبواب من الملخص وندرس أبواب من الكتاب بيجي عليها علامات كتير (قريبا إن شاء الله منحدد شو هنن) فمثلا متل الأبواب الأولى متوقع يجي أكتر شي عليها ممكن ندرسها من الكتاب وخصوصي أنو بتكون داخلة معنا بفحص العملي يلي حكينا عن طريقتو ببوست المادة المثبت.

🔴 #الخلاصة :
✍ يلي بدو يضمن كلشي يدرس الكتاب.
✍ يلي بدو علامة جيدة يدرس ملخص أنس غاوي مع الأسئلة السابقة طبعا.

#من_استفساراتكم

شرحنا سابقا حسب السنوات الماضية شو ندرس مواد خلال الفصل ورح نرجع نعمل تذكرة سريعة 👇😌

بدايةً هدول نصايح وكل شخص الو تجربتو..

#أولا: مواد تحتاج دراسة شبه كاملة خلال الفصل :

✅ الشرعي :
💢 المقابلة : بآخر الشهر الخامس..
_ النمط : السنة الماضية سحب قرعة بيطلع ورقة فيها تلت أسئلة منحلن من دراسة النظري وبعدها بيعرض صور بدكم تشخصو أو تشرحوا حالة..
بالنسبة النا ما تبين لسه بس غالبا صور من السلايدات عليها أسئلة من النظري ويمكن في ملف أسئلة عملي بدو دراسة (رح يأكد الدكتور مع الوقت المطلوب بشكل دقيق).

💢 النظري : شرحنا ببوست مستقل https://t.me/Importantfiles51/3896
المهم تبلشوا دراسة 😁 🔥 لأنو شوفة عينكم المقابلة مو سهلة مضطرين نبدأ دراسة من هلق.

✅ المداوة : فقرات الدورات بتضمن علامة جيدة بس طبعا الأضمن دراسة المادة من هلق، و العلامة من 100 مافي ستاج.
معلوماتها سهلة وفي كتير شي مكرر 😁


#ثانيا : مواد تحتاج دراسة قليلا خلال الفصل :

✅ الرثوية :
💢 المقابلة : أتمتة بنهاية الشهر يمكن والمطلوب في أربعة ملفات عملي أخدناهم يعني شغلتا يوم أو يومين إن شاء الله 🤓👌
💢 النظري : الأسئلة رح يكتبها دكتور جديد لذلك مافي دورات لازم تندرس نصها تقريباً..

✅ الدموية :
💢 المقابلة : أتمتة بنهاية الفصل ولكن مو متل الرثوية مافي سلايدات عملي فالمطلوب هو النظري وبالتالي مضطرين ندرس من هلق نظري (لأنو كمان الظاهر مافي دورات هالفصل 🙃) إلا إذا حددولنا أقسام من النظري وقت امتحان الأتمتة 😅
عكلن المقرر سهل جدا شي 120 ص

✅ نفسي :
💢 المقابلة : فحص أتمتة بنهاية الفصل بحدد الدكتور أقسام من النظري.
💢 النظري : فقرات الدورات مهمة جدا ويفضل دراسة المادة كلها وحضورها ممتع..

#ثالثا : مواد #ممكن تلحق بوقتها (منرجع منوه الأضمن يندرس قسم منها).

✅ أطفال 2 :
💢المقابلة : شفهية بآخر الستاج ، أهم شي تدرسوا حالات الفئة وتحلوا دورات المقابلة.
💢النظري: تجميعة من مواد الداخليات وسهلة لذلك ممكن تلحق بس طبعا الأضمن يندرس هلق قسم منها 😁

✅ جراحة 4:
💢 المقابلة : شفهية بآخر الستاج ، ركزوا على تفريغ الستاج ودورات السوادس.
💢 النظري : أربعة أقسام ، الأطفال بدو دراسة 45ص (درسوها خلال الستاج) ، التجميل سهلة بس الأفضل يندرس كمان شي 45ص ، العظمية 800 ص 😶 (الأفضل دراسة أقسام عليها علامات كتير والباقي دورات وبنوك)

✅ أشعة2 : شفتو وضع الستاج 😄
💢 النظري : حسب قراءتنا للوضع 👇
سلايدات العملي وممكن أقسام من النظري + فهم الدورات وخاصة المسائل..
طبعا متل أشعة 1 في نوطة قديمة الأضمن تندرس 🙃..

إن أحسنّا فمن الله وإن أخطئنا فمن أنفسنا..

#طب_شرعي
#تنويه هاااام ⛔️
ملخص الزميل أنس غاوي من الدفعة 49

هاد الملف بيفرق عن يلي نشرناه قبل فيو #الباب_الرابع ( كان محذوف سابقا بس هالسنة عطاه الدكتور).

#طب_شرعي #مقابلة يوم الثلاثاء5/31
إعادة نشر المطلوب لمقابلة الشرعي 👇😁

🔴 النموذج : رح يعرض الدكتور لكل فئة 5 سلايدات فيها #صور ( من سلايدات النظري ) + #أسئلة_مرافقة (هون الصعوبة 😪 ).

#ملاحظة_هامة: الدكتور قال انو بكل صورة رح يسأل أنو شلون منعرف هالشخص ميت ومن ايمت ميت وهيك
وبالحروق مثلا هالشخص وقت الحريق كان ميت من قبل ولا مات بسبب الحريق
وفي بالطفل المولود ميتا وقت بدنا نعرف إذا عنجد ولد ميت ولا في حدا قتلو.

✅ مصدر الصور :

🔺 سلايدات النظري
في نقص بسلايدات الباب الرابع والسموم جمعناهم بملف رح ننشرو👇😁

🔺أو في ملفات للصور مأخوذين من السلايدات
أو تطبيق بيتا فخم جدا 🔥 (بقسم المجاهر مجانا)
بس ناقصين ملف الحالات الجنسية والباب الرابع (يلي جمعناه) درسوهم من هون.

✅ مصدر السؤال المرافق :
في شرح بملفات الصور وب تطبيق بيتا في شرح تحت الصور وفي بقسم المقابلات أسئلة نظرية ممكن تفيد.

لكن قد لا يكون كافي 🥲 ماحدا بيعرف لذلك الأضمن دراسة النظري أو السلايدات #النظري_الذي_يتعلق_بالصور.

#موفقين 🌸

#طب_شرعي #مقابلة
#الفئة_الثانية
كدمة على الغشاء المخاطي للفم ما اسبابها
طلق ناري بسقف الفم شكل طبي شرعي
زرقة رمية تابعة للشنق لماذا احد القدمين فيها زرقة ووحدة لا
سحجة رضية واهميتها بالطب الشرعة
سحجات غير حيوية

#الفئة_الثامنة
_ الفحم المنشط ، آلية عمله ، لماذا يستخدم.

_ متلازمة الطفل المضطهد (عندو سوء تغذية وتجفاف شديد) ، سبب الحالة.

_ حالة إجهاض جنائي ، الشكل الطبي الشرعي للحالة.
(الطبيب اعتقد أنه يسحب الحبل السري ولكنه سحب الأمعاء للخارج).

_ محاولات انتحار سابقة على الساعد الأيسر جروح قطعية (وصف الحالة).

_ جروح قطعية على الذراع الأيسر ، الشكل الطبي الشرعي للحالة والسبب.
جروح مصطنعة من قبل الشخص مفسه محاولا إيذاء نفسه أو بالاتفاق مع شخص..

#طب_شرعي

السلام عليكم ورحمة الله وبركاته ^▁^

المادة الأولى بالفصل الأخير 🔥
جهزوا حالكم منيح مادة صعبة بدها 8_9 أيام 🤓

💭 مصادر المادة :
الكتاب أو في عدة ملخصات أشهرها ملخص أنس غاوي.
ملخص نيرد أو الفنغر (أسامة المنصور بس ناقص السموم) ما عنا علم عن مدى شموليتها.

الأريح طبعا ملخص بس لازم تحفظوا كل معلومة بالنوطة بينما الكتاب ممكن تلخصوا معلومات تعلق بذهنكم.

خلاصة القول من وين بدكم درسوا بس المهم تراجعوا لأنو مادة ضخمة.

خطتنا المقترحة:
الأبواب الهامة من الكتاب والباقي يلي ما بلحق من الملخص.
الأبواب الهامة برأينا : الأول والتاني و السادس.
ممكن تحطوا عالملخص المعلومات الزيادة وبتعودوا بتراجعوا من الملخص.

ملاحظات هامة:
⭕ الباب الأول والتاني أصعب بابين وأكتر شي بيجي منن و بس فهمتوهم صح فعليا المقرر الباقي صار سهل وبيمشي بسرعة بمعدل كل يوم فصل 🤓

⭕ يفضل يندرس الباب الخامس والسادس من الكتاب لأنو رح يركز الدكتور عليهم هيك سمعنا.

⭕ الباب السابع : الطب الشرعي الإجرامي المطلوب منو بآخر محاضرة قال نفرق بين الجمجمة والحوض بين الذكر والأنثى + البقع المنوية والبقع الدموية + ذكر انواع الزمر.

⭕ السموم : للأسف السنة الماضية أجا شوي من الكتاب القديم (إن شاء الله ع دورتنا ما بصير هيك) وهالسنة قال الدكتور نركز عالشي يلي حكاه بالمحاضرة (في تفريغ رح نبعتوا).

💭 الدورات :
في تكرار دورات مهمة جدا وإن ما تكررت لكن بتساعد كتير لنتوجه بدراستنا ولحتى نعرف نمط طرح الدكتور للأسئلة.
وحتى قيل دراسة خيارات الدورات مفيد جدا بعد دراسة كل فصل ف لا تعيفوا الدورات لآخر يوم.

⭕ حاول تحلوا أكبر قدر ممكن وظاهريا لحد هلق تبين أنو بتنحل كل الدورات.

💭 تسجيلات المراجعة:
نأمل من الله أنو نلحق و نتوجه صح باختيار الأبواب المهمة والصعبة عليكم لحتى نقدر نقدم المفيد الكم والنا فلا تنسونا من دعائكم 🌸.