#من_استفساراتكم

بالنسبة لأول 20 ص من التجميل الندبات والجروح كل سنة الدكتور ما بطالب فيهم وحتى سألنا يلي كانوا حضرانين قلن الدكتور مطلوب طعوم وشرائح وحروق ، ولكن بالدورات حلوا كلشي ولو قسم محذوف 😁.

#من_استفساراتكم

بدي شي يضمن ترفيع المادة؟

💢 الأطفال اسمعوا تسجيلات المراجعة يلي نزلناهم وتبعوا معن من النوطة أو من الفنغر.

لازم 4_5 ساعات بتخلص ولا تحلوا دورات منوهين لبعض منن بالتسجيلات.

💢 التجميل دورات لعند 2014.

💢 العظمية دورات فقط ثم بنك الدكتور ماهر أعرج مكتوب عليه دفعة46.

طبعا منرجع منوه هي خطة إنقاذية للترفيع بإذن الله 😄 يلي بدو علامة عالية لازم يحل كل الدورات والبنوك ويدرس الفقرات يلي نزلوهم الألفا.

#من_استفساراتكم
💢 بدنا فقرات دورات واضحة نحددها ضعنا بهدول كتير 😅.

🔴 مافي شي واضح طلعنا كتير فشفنا
أفضل طريقة برأينا تقرؤوا كلشي عالسريع دراسة أول مرة وبعدها تحلوا دورات وبتشوفوا شو المهم بتحددوهم عالنوطة بتركزوا عليهم 😅
أو يلي ما عندو وقت ومتعود يدرس جداول يدرس اكسترا الفنغر هو فقرات دورات.

المادة بتلحق إن شاء الله لا تقلقوا 😌🌸

#من_استفساراتكم
المقرر بالبوت أو عالقناة غير يلي موجود بمركز التصوير ؟!
نفسو بس تغيير تنسيق فقط ما في اختلاف بالمعلومات ، بس نسخة المركز ما فيها صور وترتيب المحاضرات مختلف .

ما عدا محاضرتين فيهم اختلاف 👇

#من_استفساراتكم

🔴 هل تنصحونا ندرس الجراحات والعيادات بالنسبة للوطني من مراجع ؟

⭕️ أولاً في مراجع معتمدة للأذنية والعينية ولكن ما سبق حدا نصح بدراستها لأنو ضخمة و لا تتناسب مع كمية الأسئلة و لأنو عادة بركزوا على فقرات الدورات لذلك يكفي دراستها من ملخص شامل.

حالياً هالسنة كمان #برأينا لا ينصح بدراستها من المراجع إلا لمن يرغب بتأسيس نفسه في هذه المواد أو التوسع في بعض الأفكار ، مثلاً موضوع هام ولكن غير مشروح بشكل كافي في الملخصات..

و لأنو دتحطوا بحسابكم في بس أسبوعين بين كتلة الداخليات و كتلة الجراحات والعيادات ، فلذلك انتقوا مصدر دراسته سلسة و مراجعتو منطقية ، وأثناء دراستكم بتشوفوا فيديوهات أو بتتوسعوا بأفكار بتحسوها هامة و بتضيفوها عملخصكم..

نفس الشي بالنسبة للجراحات تماماً انتقوا مصدر يكون شامل لأهم المواضيع بكل جراحة و لا تنسوا تستعينوا للتوسع بكل المواد بملفات Rbcs هنا مرتبة كتير.


⭕️ نصيحة مهمة اصنعوا ملخصكم الخاص فيكم خصوصي لهالمواد ، يعني لما تقرؤوا شي مهم خارجي سجلوه عالنوطة..


⭕️ مقترحات مراجع جراحة عربي لمن برغب بالتوسع 👇
Principles and practice of surgery

Bailey and love


إذاً الحل 👇
الاعتماد على ملخص شامل لهالمواد وضيفوا ملاحظاتكم عليه واعتمدوه للامتحان.

#من_استفساراتكم

بدي مصادر فيديوهات و تسجيلات بتفيدني للامتحان الوطني ؟
في قائمة فيديوهات اقترحناها من بداية السنة لكن رح نرجع نذكركم بالأهم.

💠 للداخليات د.ماهر الحسين الغني عن التعريف ❤️

💠 تسجيلات نيرد
https://t.me/National_Exam888/1048

💠 فيديوهات أراميد غدية وهضمية (رائعين خصوصاً الغدية).
https://www.youtube.com/playlist?list=PLMx4jFEw_a14w769C1hfF_UhuBD5-mJgg
https://www.youtube.com/playlist?list=PLMx4jFEw_a15t0m7oUgFiKridKSjhqe9c

💠 الجراحة العظمية د.ميشيل سمعان
https://youtube.com/playlist?list=PLOOd0p0muRyHZDbUYPfiGRGYk-6eqPoq5
https://youtube.com/playlist?list=PLOOd0p0muRyFqEfavYEVxMkJ0Mf6H8KYH

💠 نسائية: وق ربّ زدني علماً
https://t.me/medical_vid/5734

💠 دكتور عينية عم يشرح مقرر الوطني
https://t.me/ophthalmology6

💠 القلبية:
التخطيط: د.طارق عبد الحميد عندو كورس مفصل وفي كورس مختصر تلت فيديوهات أو د.أنس جانو كمان موسع نوعاً ما بس رائع.
و ممكن تدرسوا اللانظميات و بقية المواضيع من عند دكتور ماهر و من هالدكتورين.

#من_استفساراتكم #مكرر

⭕️ في خطة بدي بلش بشكل جدي هلق بلحق؟ ولا أترك لتاني دورة ؟

أكيد بتحلقوا إن شاء الله 😁 صدقا الوطني همّو أكبر منو..

👈إذا بلشتوا هلق داخليات وأطفال بتخلصوا بشهر ونص بالكتير (الشهر الخامس ونصف السادس)
👈 و الكتلة التانية بدها تقريباً شهر أو أقل (لنصف السابع)
👈بزيد معكم نصف السابع لنصف التاسع تقريبا في شهرين بتراجعوا الكتلتين 😁.

ما مننصح حدا يترك التقديم للدورة التكميلية بآذار شفتوا شلون كان مستوى الأسئلة كتير صعبة.

و شغلة أخيرة الدراسة فعالة أكتر لما بتضغطوا حالكم ف اسألوا يلي بلش بكير كانوا عبيدرسوا عالخفيف لكن هلق صار الوقت المناسب حتى الكل يشد 🔥

وفقنا الله جميعاً و رزقنا الاختصاص المناسب 🌸

#من_استفساراتكم #هام_جدا #سؤال_مكرر

بدايةً في عنا تقييمين للموضوع لحتى نعرف إذا معلومات الأطفال2 المذكورة بالدمج كافية، تقييم هو النظر لأسئلة الامتحان والتقييم الآخر هو النظر إلى مرجع الأطفال ، إذا بدنا نقول أنه الدمج غير كافي بالمقارنة مع المرجع نعم غير كافي، أما بالمقارنة مع الأمور المطلوبة للامتحان هو كافي إن شاء الله..

يعني هل تم دمج مرجع الأطفال بشكل شامل مية بالمية ؟ لأ ، حتى الجماعة ما قالوا هيك أنه نحن عم ندمج كل كلمة موجودة بمرجع الأطفال لكن هو كافي بنسبة تفوق التسعين بالمية بالنسبة للامتحان.

يعني عم يجي مثلاً ستة وتلاتين سؤال أطفال 2 بينحل أقل شي 28_30 سؤال من أصل 36 ، هالستة أسئلة مو قصة أنه من المرجع مو موجودة بالدمج بالضرورة، بل برأينا هي أسئلة خلافية ،ممكن أسئلة خارجية، ممكن أسئلة مُصاغة بطريقة معينة ما استوعبها الطالب.

#من_استفساراتكم #توجيهات

🔴 كم يوم نحط بالأخير للدورات فقط ؟

⭕️ الأفضل تكونوا عم تحلوا دورات أول بأول مشان ما تتضطروا تتركوا وقت خاص الهم بالأخير
هنن طوال فاذا مالكم مبلشين حل من أول دور بلشوا حل بتاني دور دراسة
و بالأخير بالإعادة قبل الكتلة إذا كنتوا مارين على كل الأسئلة رح يمشوا معكم بسرعة مجرد تقليب سريع فقط.

لأنو غلط مثلاً أترك أيام للدورات بجوز ما يجي كتير دورات وأروح وقت المراجعة
فالأفضل قبل الكتلة بكم يوم تمروا مرور عالدورات مع مراجعة أهم أفكار النوط و صباح الكتلة بتمروا كمان ع الأسئلة المعلمة بنجمة.

و منأكد على نصيحة تراجعوا من نفس مصدر دراستكم الأول يلي حاطين فيو الدورات و ملاحظاتها و كل النكشات.

موفقين إن شاء الله 🌸

#من_استفساراتكم
من وين ما درستوا التسجيلات إن شاء الله مفيدة جداً ، لأن وظيفتها بهالوقت ترميم النقص بملخص كل حدا أو التركيز على أمور هامة غابت عن أذهاننا..
فمو شرط تلاقوا كل شي مكتوب بملخصكم قلتلكم في استطراد ببعض المواضيع لأهميتها ، وهي أساساً وظيفة الفويسات الشرح والربط وليس القراءة من النوط.
و مشان طول التسجيلات مو طويلة لأنو محطوط فيها كل الدورات 😅 وخصوصا بالنسائية و التوليد اعتمدت وضع كل شي منها ضمن الشرح ومنها بآخر كل فويس.
وصار عندكم ميزة التسريع تحكموا أنتو بالسرعة 😃