السلام عليكم ورحمة الله وبركاته 🌷
رح نبلش أول نصايحنا بهالفصل 😃
مبدئيا لكل مادة شو الأقسام يلي لازم ندرسها مع الستاج وشو المواد يلي لازم نخلصها قبل الامتحان ؟؟

وطبعا البوست رح يتعدل إذا اكتشفنا معلومات جديدة ، هاد حاليا قراءتنا للوضع..

💠 #قلبية : بيلزم تكونوا ملمّين بالقسم ككل وخاصة قسم د.ملحيس ، حاولوا تخلصوه ومشان المقابلة بتستعينوا بالدورات ع تطبيق بيتا جدا مفيدة 👌🏻
ونصيحة حاولوا تستفيدوا من الستاج علميا وتشوفوا فيديوهات د.طارق عبد الحميد المصري أو فيديوهات أنس جانو قالوا.
🔥 مننصح أول فئتين رح يقابلوا أنو يركزوا عالمحاضرات يلي انعطت بالنظري + دورات المقابلة من بيتا

💠 #صدرية : مو مبين وضع المقابلة وعبقولوا ستاج جيد ف ما حدا عندو تصور شو ممكن يسألوا الدكاترة بالمقابلة لذلك مننصح تركزوا وترجعوا للنظري للمواضيع يلي عم تاخدوها

💠 #جراحة2 : مبدئيا مننصح تخلصوا نوطة النظري ل د.ياسين الجاسر ، سهلة جدا و قالوا بيسأل منها أو البعض قالوا دورات مقابلة 🤷🏻‍♂
والباقي رح يكون في ملف ستاج للألفابيت تفريغ للستاج مع التركيز طبعا على دورات المقابلة.
بالنسبة للنظري قسم د.الكنج قال رح يضيف عليه هالسنة، وقسم د.قدري بجوز يستلمو د.ياسين ، يعني لسع القسمين (د.الكنج ود.قدري) مو مبين وضعن 😅

💠 #طوارئ : اذا قابل د.بنود فبيسأل من النظري لذلك حاولوا تطلعوا على قسم التخدير
والباقي إن شاء الله يكفي ملف تفريغ للألفابيت

💠 #توليد : مبدئيا منعرف المقابلة سهلة وفي ملف تفريغ للألفابيت إن شاء الله، بس يفضل تدرسوا المادة كلها خلال الستاج مشان المقابلة و النظري بعدين.

🌐 مواد لازم تخلصوها خلال الفصل 👇🏻
القلبية والتوليد وقسم من الطوارئ (التخدير ويمكن قسم تاني) و الجلدية يفضل تكونوا دارسين قسم كبير منها.

🌐 بشكل عام في نصيحة وحدة لمقابلة كل المواد ، ركزوا عمحاضرات النظري يلي انعطت لحد الآن ممكن يسألوكم منن بالمقابلة 🤓

بالتوفيق جميعا 🌷

#جراحة2_نظري
السلام عليكم ورحمة الله *^▁^*
رح نحكي باختصار عن مادة الجراحة 2

#المقرر_المطلوب: مننصحكم بتبلشوا بهالترتيب (وخصوصي يلي عندن مادة حمل ما معن وقت) 👇

🔹د.قدري : جراحة صدرية ، مواضيع سهلة (كيسة مائية و آفات جدار الصدر..) تقريبا بدو يومين دراسة مركّزة لأنو ما بيجي دورات كتير عادة.

🔹د.ياسين : جراحة صدرية وأغلب الأفكار مارة معنا سابقا ، مقررو سهل جداً تقريبا 85 ص وبيخلص بيوم ونص بالكتير والدورات بتفيد هون شوي.

🔹د.الكنج : يلي دارس قلبية كويس رح يمشي بسرعة بالمقرر هون 🤩
يُقال لازم نركز على فقرات الدورات والدورات لسع ما تبين النا هالشي 100% بس معلش عيفوا القسم للأخير درسوه.
🔺نوطة جراحة الأوعية 77 ص
🔺نوطة جراحة القلب 104 ص + جراحة نقص التروية 24 ص(يقال أهم هي)

مواضيعو سهلة أخدنا منها بالستاج لا تقلقوا وركزوا ع الفقرات رح نبعتها..

🔸 في ملفين نزلوهم الألفابيت 👇
👈 ملف إضافات هام لكل الأقسام فيو كمان كلام الدكاترة خاصة د.الكنج
👈 ملف محاضرة جديدة قصيرة 6 ص الاحتشاء المساريقي.

🔸 بالنسبة للتسجيلات :
شكرا كتير لتفاعلكم و متابعتكم 😃
ومنوعدكم إن شاء الله هالمادة كمان
بما أنو في مواد حمل والوقت ضيق 💔رح ندعمكم متل مادة التوليد إن شاء الله إذا لحقنا بس ادعولنا 😁
بالتوفيق🌸

#جراحة2_نظري
🔹فقرات الدورات لقسمي د.ياسين ود.الكنج.
إذا طلع شي إضافي منضيفو عليهم 👌

#بوست_إسعافي
#جراحة2_نظري

كترت التساؤلات عالبوت هل بكفي فقرات الدورات ؟!
حسب الدورات نعم بنسبة كبيرة لكن ما حدا بيضمن ما يتغير النمط وبالأخير نحن طلاب متلنا متلكم ما عنا علم 😄 لذلك الأضمن تدرسوا أكبر قدر بتلحقوه👌😌 وإن شاء الله متفاءلين كتير تكون كافية لكن ما منضمن شي نحن😁.

1⃣ د.قدري : نمط أسئلتو عامة بجيب بسؤال واحد من فقرات كتيرة ، مننصح تقرؤوا المقرر بسرعة يوم واحد وبعدين تدرسوا الدورات بخياراتها.

2⃣ د.ياسين : بيوم واحد اقرؤوا مقرره وروحوا عالدورات ادرسوهم بخياراتن ويلي ماعندو وقت يشوف فقرات الدورات (فوق ☝️).

3⃣ د.الكنج : بيومين بيلحق فقرات الدورات مع الدورات بخياراتها والأفضل ينقرأ المقرر كلو تحسبا لأنو ما كل الأسئلة دورات.

🔺بالنسبة لتسجيلات المراجعة رح نسجل لأكتر قسم ضخم لنساعدكم قسم د.الكنج فقط وليحلق بدو للسبت إن شاء الله .
شدوا همتكم بتلحق إن شاء الله ب4 أيام ، لاتقلقوا وخاصة يلي خلصوا فحص اليوم😌 .

#جراحة2_نظري

🔹مراجعة هامة لأول 40 ص بنوطة جراحة الأوعية من قسم د.الكنج
(تسلخ الأبهر _أمهات الدم _الدوالي_داء بيرغر )
🔹تم التركيز على فقرات الدورات مع التنويه للدورات ف إن شاء الله تكون كافية 👌

#جراحة2_نظري

🔹مراجعة هامة لتاني قسم من نوطة جراحة الأوعية بقسم د.الكنج
(التهاب الوريد الخثري _رينو_الانسداد الشرياني)
🔹تم التركيز على فقرات الدورات مع التنويه للدورات ف إن شاء الله تكون كافية 👌

#جراحة2_نظري

🔹مراجعة لأول 23ص + جراحة نقص التروية (23ص)
🔹تم التركيز على فقرات الدورات + الدورات.

#جراحة2_نظري
🔹مراجعة مختصرة لنوطة جراحة القلب 104 ص
🔹ركزنا على فقرات الدورات + الدورات

#جراحة2_نظري

🔹مراجعة هامة جدا لأول 46 ص من نوطة د.قدري(الكيسات المائية_سرطان الرئة_الخراجة_الداء الكيسي الرئوي ).

#جراحة2_نظري
🔹مراجعة هامة جدا لبقية قسم د.قدري
(آفات المنصف وجدار الصدر والحجاب)
🔹قسم هام 👌.

#جراحة2
السلام عليكم ورحمة الله وبركاته 🌷
نصائح لدراسة الجراحة 2 🔥👌

💠 بلشوا بقسم د.ياسين بيوم بيخلص وحلوا دورات خاصة آخر دورة.
بالعادة فقرات الدورات مهمة لكن بدورتنا كانت الأسئلة جديدة.

💠 بعدين قسم د.قدري :
نمط أسئلتو عامة بجيب بسؤال واحد من فقرات كتيرة ، مننصح تقرؤوا المقرر بسرعة بيوم واحد وبعدين تدرسوا الدورات #بخياراتها.

💠 أخيرا قسم د.الكنج : هون كانت المفاجأة بالدورة الماضية.

خلينا نتفق ع شغلة 🤓 أنو قسمو نوطتين :
👈 جراحة أوعية : هي دورات كانت فعليا إلا كم شغلة ف الأضمن تدرسوها فقرات دورات ، وللي ما بلحق #يكتفي_بالدورات.

👈 جراحة القلب : هون لأ للأسف ما كانت كافية فقرات الدورات ، نمط الأسئلة كان مسائل وبتنحل اذا فهمتوا النوطة و الدورات مهمة بتكرر منها أفكار (ضروري تشوفوا دورتنا لتقرؤوا نمط الدكتور).
وهون في أقسام مهمة متل جراحة نقص التروية (أول 23 ص) وأمراض الصمامات.

ولا تقلقوا في تسجيلات مراجعة مهمة سمعوهم خاصة جراحة القلب 😇

🔸🔹🔸🔹🔸🔹🔸🔹🔸🔹🔸

🔹 المقرر المطلوب 👇🏻
https://t.me/Importantfiles51/3075
🔹 فقرات دورات 👇🏻
https://t.me/Importantfiles51/3092

🔹 تسجيلات قسم د.الكنج أهم شي جراحة نقص التروية (تالت تسجيل)👇🏻
https://t.me/Importantfiles51/3098

🔹 تسجيلات قسم د.قدري 👇🏻
https://t.me/Importantfiles51/3106

🔹 دورتنا هامة جدا 👇🏻
https://t.me/medicine_Aleppo_51/5577?single
انتبهوا في أسئلة خلافية.

#بالتوفيق ❤️