بنّة الحسنِ ابا اسأل
لو سمحتي سؤال
وش شعور المرايا
كلّ ما شافتك؟

يا كمال الجمال
ويا جمال الكمال
أشهد انّ المرايا
ما بعد جابتك

نسيتك
نسيتك اي نسيتك وانتهى الشوگ
وبهاي القصيدة تذّكريتك
امس باجمل قصايد چنت اناغيك
ودلال اطفال بيهن دلليتك
الف كلمة احبّك كاتبة عليك
وكتبت اليوم عنّك بس هجيتك
فوگ الراس شلتك شفتك انسان
ورميتك من فلا تسوة لگيتك
دفتر حسّبيتك ما انكتب بيك
چنت ماشوف من تصفحيتك
اثاري بورقتك كتبو دواوين
وانة اخر ضرير اللي اشتريتك
اسود من ضميرك ثاري ماضيك
وبمرود مذلتك كحّليتك
منك ماخذت، عكس المشة وياي
خذت من روحي راحتها ونطيتك
چنت لمّن تحس تچويني ترتاح
وانة المستعرة ناري وما چويتك
وچنت يومية تعشگ واحد ثنين
وعلى الحبّوني كلهم فضّليتك
ما نادم هجرتك جان مفروض
گبل كلشي الخلص تخلص قضيتك

عشت وردة بحديقة ناس عميان

سمسمة
بصبحچ بقيت اطلع نجم
بكل عين گمت احلم حلم
عطرين بالوردة اشم
شيقراچ يا خاتم نبي وما اگدر افهم طلسمه
سمسمة
يا نكهة الحب الصدگ
بوجهچ خجل غصن العثگ
مو من ثمر دنّگ عشگ
يا غالية وجيتي بغفل غالي اليجي بمو موسمه

چا هو الشمع ينلام
ياللمتوني چي مفضوح
الدمعته بطوله معتاز ايد
مات ودمعه ما ممسوح
حتى نحس باليحسّون
لازم نطفة ويلمعون حتى يلالي كل مجروح
كون الورد يشتَم ناس مو گاضيها بس يفوح
چنت ما ادري بالشبّاك باب الموتى اليحنّون
سديته بوجه چم روح!
اريد اعرف سواد الليل
بيمن يقتنع كل يوم
شيگله الفجر ويروح؟
اريد اطرد سواد الروح
لا اني اليتاني احباب
لا شدّتني دگة ياب
اعرف بيه غريب الجاي
چي دگ بابنا المفتوح
بياض الملح گلي اللون مو كافي الطعم بالروح
من عدها وعرفت الناس
المالح مو شرط مملوح
صياح براسي ضجّة وصوت
مرة يغني مرة ينوح

خلّصت والدور الاكبر للهدوء
واختصرت الما يرهمن بأختصار
بدمعة المصدوم ومشيت على كيف
بلا عتاب، بلا ملامة، بلا اعذار
مو كره، لان الكره ينعَد شعور
اللاشعور بعشرتك هذا انتصار

محتاج كلش الك
يالشاغل انتَ الفكر
محتاج الك، مو حچي
وارتاح من ينذكر
هنيال من گابلك
يا احلى صورة شعر
زعلان؟ ليش الزعل
زعلان؟ اني اعتذر
بس ارجع لخاطري
وصير اعلة نحري عطر
صير اعلة جفني كحل
حلّيني بين السمر
تعبّني ذرف الدمع
بس ما طفالي الجمر
بركان في داخلي
ويا خوفي لا ينفجر
شمأخّرك ما تجي
ماضل الك كل عذر
هلال جرحك كمل
اي كمل واصبح بدر
ترجّيت وتوسلت
بيك شكثر وشكثر
حبّك تحية صبح
ما تنلفظ بالعصر

هاهية انتهت كل المواضيع
ولا تفتح بعد وياي صفحة
يا صفحة البقت؟ ضل بس الجلاد
وعليه مكتوب حبك راح امسحه
واخذ الباب بايدك لمن تفوت
ولا ترجينا من تدك نفتحه
وارض صحراء اصيرن وارتجي الموت
ولا اقبل تبوس بجسمي مسحة
يمكن يصحى تمثالي ويحاچيك
وااكدلك ضميرك عيب يصحى

يعني وحق الله وحق الله مكياج هدير احلى مكياج بلدنيااا🙌🏻

شنو هاي حبيبتي

احبج موت🙈🙈🙈

تريدون تشوفون التتوريلل؟؟؟؟؟

هذا بنوتات🙈🙈
شوفوه وانطوني رأيكم بالميكبب