#ПРЕМЬЕРА

🔥Жон болам...(Она номидан)

📝 Муаллиф: Малика Тавфиқ
🎙Ижрочи: Зоҳид Зиё (Senyor)


Onamgaa-Senyor - Jon bolam

#ПРЕМЬЕРА...

🔥Чарчаб қолмасмикан, ўзбек аёли...

Тун тонга уланар, тонглар тунларга,
Жуссасини эзар вақт залвори...
Бардошин сарфлаб турли ғамларга,
Чарчаб қолмасмикан, ўзбек аёли...

Наҳорлар уйғонар, чиқмасдан қуёш,
Балки тонг саҳарда тўкиб олар ёш,
Бир олам дардига бир ўзи дарддош,
Чарчаб қолмасмикан, ўзбек аёли...

Оилам деб ўзини зарра ўйламас,
Шукур дер нолишли гаплар сўзламас,
Ҳеч бири, ҳеч бири тиним изламас,
Чарчаб қолмасмикан, ўзбек аёли...

Қалбида оламни бузгудек бўрон,
Лек юзда табассум чехраси шодон,
Буларга қандайин топаркан имкон,
Чарчаб қолмасмикан, ўзбек аёли...

Барчаси чиройда хурлар билан тенг,
Юзлари қуёшдек нурлар билан тенг,
Тишлари олтин-зар, дурлар билан тенг,
Чарчаб қолмасмикан, ўзбек аёли...

Шу савол айланар ҳаёлим аро,
Жавоб тополмасдан тунларим қаро,
Гоҳо шод, гоҳида кўнглида яро,
Чарчаб қолмасмикан, ўзбек аёли...

Тоғлар ҳижолатда сабри олдида,
Дейишар, «Шунақа бўлиб қолдида»,
Заҳмати, дилга шу савол солдида,
Чарчаб қолмасмикан, ўзбек аёли...

Ёзсам ёзаяпман, саволлар талай,
Аёл жони билан ахр ҳар қалай,
Буни секингина ўзидан сўрай,
Чарчаб қолмасмикан, ўзбек аёли...

Муаллиф: Зоҳид Зиё....



📖 ❤️ Яқинларингизга улашинг!!⤵️
https://t.me/onamuchun_sherlar

#ПРЕМЬЕРА

🔥Қачон сизга ширин гапирдим Она...

Энг яхши сўзларим оламга сочиб,
Минбарлар бошида ҳайқирдим Она...
Ёнингизга шошиб нафсимдан қочиб,
Қачон сизга ширин гапирдим Она...

Товланса, ошиқиб чиркин дунёга,
Мехрингиз алишдим ишрат яллога,
Топиб бўлмайдику сизни тиллога,
Қачон сизга ширин гапирдим Она...

Кўпларнинг кўнглига йўллар изладим,
Қўллаб юборгувчи қўллар изладим,
Мансаб деб денгизда чўллар изладим,
Қачон сизга ширин гапирдим Она...

Эргашиб кетибман чорласа гардун,
Ҳасратим йўллари узундан-узун,
Боғзимга тиқилиб турибди бир ун,
Қачон сизга ширин гапирдим Она...

Гоҳида жеркидим бақирдим гоҳи,
Самони тутгандир кўнглингиз оҳи,
Ердаги фариштам қалбимнинг моҳи,
Қачон сизга ширин гапирдим Она...

Барини англадим тушуниб етдим,
Бўйсунмас нафсимни кишанбанд этдим,
Бугун мен ўзимдан уялиб кетдим,
Қачон сизга ширин гапирдим Она...

Бугун мен ўзимдан уялиб кетдим,
Қачон сизга ширин гапирдим Она...
https://t.me/baxtimsiz_uz

#премьера


Бугун бир аёлни йиғлатдинг,  ҳаёт,
Номард, разилларни айтиб ўкинди.
Овозсиз, жимгина урдию фарёд,
Кўз ёши қалбимга тошдек тўкилди.

Бугун бир аёлдан олдинг аламинг,
Икки юзлиларни солдинг изидан.
Унга тухматларни ёзган қаламинг,
Қайноқ дарёларни тўкди кўзидан.

Бугун бир аёлга боқдинг чимрилиб,
Ва қошига келдинг сабрини сўраб.
Тоғдек юраги ҳам борар емрилиб,
Осмондек бардоши кетмоқда нураб.

Бугун унда нима қасдинг бор,  ҳаёт,
Ёниб яшашини олдингми малол.
Оппоқ орзуларин қилмасдан барбод,
Кел,  уни қийнашни бўлди қилақол.

Бугун бир аёлга келмади раҳминг,
Зарра ачинсанг ҳам шундай бўлмасди.
Ўша бечоранинг гар айби бўлса,
Гар хатоси бўлса алам қилмасди.

Бугун унга қахринг бўлди зиёда,
Андиша қилмасдан эздинг бемалол.
Қанча зулмкорлар юрган дунёда,
Юрса, юрибдида ўша бир аёл.

Бугун бир аёлни йиғлатдинг,  ҳаёт...


Малика Тавфик
https://t.me/Ibratlihikoyavaqissalaruz

#премьера


Дунёни ларзага келтирди гўё
Менинг вужудимдан тарқаган титроқ
Ахлат қутисига айланди дунё,
Ва унга ташланди митти чақалоқ.

Мушуклар асраса жон бурдасини,
Итлар боласини юрганда тишлаб.
Ит ва мушукчалик бўлолмаган биз
Боламиз ахлатга кетамиз ташлаб.

Нафсининг қуллари тупроқ тимдалаб,
Залолат, зинога тутадилар қўл.
Сўнг буюк неъматни нимта-нимталаб,
Дўзох оловини ёққан ўтин бўл.

Кимлар умр бўйи етмаган армон,
Кимларнинг ичидан тушмай ўлади.
Қавмини ҳеч қачон қирмайди ҳайвон,
Одамни ўлдирган одам бўлади.

Қандай юраркина бошин кўтариб,
Қандай дош бераркин бу ишга фалак.
Чирқираб йиғлайди сийна ахтариб,
Ахлатни онам деб ўйлаган гўдак.


Малика Тавфиқ

https://t.me/Ibratlihikoyavaqissalaruz