🎵 TEZ KUNDA PREMYERA! 🎵

🔥 "Tegaversin bo'yiga" nomli yangi taronamiz tez kunlarda to‘liq holda siz aziz muxlislar e'tiboriga havola etiladi!

🎤 Qo‘shiq muallifi: Oybek Nurullayev
✍️ Matn muallifi: Ilg‘orbek Namozov

Qalbingizdan joy oladigan ushbu taronani kutib oling!
Premyerani o‘tkazib yubormang va bizni kuzatishda davom eting!

🎶 "Tegaversin bo'yiga" — tez kunda! 🎶

✅https://t.me/I_Namozov

🅰️🅰️🅰️🅰️🅰️🅰️🅰️🅰️

* * *

So'zingiz shamshirdek dil yirtar,
Ko'klarga tutashar dil ohim.
Bir o'zim tushaman go'rimga,
Meniki savob-u gunohim...

Atrofda bir talay quzg'unlar,
Yurakni tirnagan dard emas.
Ko'ngil deb yolg'ondan gohida,
Berilgan tasalli shart emas.

Uzayib xatolar zanjiri,
Gardanga pushmonlar ortilgan.
Men suygan dilbarim sochlari,
Bo'ynimga dor qilib tortilgan.

Ko'z olar besh kunlik dunyosi,
Aldandim, aldadi, aldamchi.
Ko'ksimda ingraydi orzular,
Bog'ziga solingan arg'amchi.

Nafs meni chor tomon tortqilar,
Lag'cha cho'g soladi yurakka.
Yeldayin uchmoqda umr ham,
Aylanib boryapti ertakka.

So'zingiz shamshirdek dil yirtar,
Ko'klarga tutashar dil ohim.
Bir o'zim tushaman go'rimga,
Meniki savob-u gunohim...

Muallif: Ilg'orbek Namozov ✏️

✅https://t.me/I_Namozov

🔤🔤🔤 🔤🔤🔤🔤🔤

"Jufti halolim"

Madiyor Qambarov 🎙

Ilg'orbek Namozov ✏️

Azizbek Qurbonov 🎼

✅https://t.me/I_Namozov

🔠🔠🔠🔠🔠🔠🔠🔠

Ishqimdan uzur

Mendan uzur, ishqimdan uzur,
Xato bo'lsa bo'ldi o'zimda.
Yurakdagi hislar chin edi,
Yolg'oni yo'q edi so'zimda.

Ikkimizni siylamay taqdir,
Ikki manzil tomon boshladi.
Hijronlarda yongan bechora,
Muhabbatning ko'zin yoshladi.

Taqdir ekan shu ekan qismat,
O'zing qilma aslo aybdor.
Armon bo'ldi visol bizlarga,
Varoqlarda qoldi dil izhor.

Ko'zingda yosh oppoq libosda,
Tushlarimga kiryapsan hamon.
Sen baxtli bo'l menga shu yetar,
Ko'p yig'latdim seni men yomon.

Ko'nmaslikdan o'zga iloj yo'q,
Peshonada ayriliq ekan.
Labim titrab ishq desam behos,
Yuragimga sanchilar tikan.

Mendan uzur, ishqimdan uzur,
Xato bo'lsa bo'ldi o'zimda.
Yurakdagi hislar chin edi,
Yolg'oni yo'q edi so'zimda.

Muallif: Ilg'orbek Namozov ✏️

✅https://t.me/I_Namozov

🅰️🅰️🅰️🅰️🅰️🅰️🅰️🅰️

* * *

Yiroqlarda qoldi sevgim,
Yetolmayin manziliga.
Chidolmadi yurak sho'rlik,
Shum taqdirning xaziliga.

Yorga baxtlar tilab qo'ydim,
Azoblarga o'zim hamkor.
Yor bo'lmagan yorginamga,
Shu kechada yangrar yor-yor.

Visol bizga bamisoli,
Ochilmagan gul bo'ldida.
To'yda yondi alangalar,
Ishqnomalar kul bo'ldida.

Men sevganim menga emas,
O'zgasiga bo'lyapti yor.
Oh chekaman armonlardan,
Zor yig'laydi qo'limda tor.

Majnundayin oshiq edim,
Ishq bobida tanho, tengsiz.
Qo'llarimdan tortqilaydi,
O'z domiga firoq dengiz.

Dard ustiga shuncha dardlar,
Kerakmidi aytchi Ilg'or?
Eslamaydi ismingni ham,
Bir lahzaga endi dildor.

Yiroqlarda qoldi sevgim,
Yetolmayin manziliga.
Chidolmadi yurak sho'rlik,
Shum taqdirning xaziliga.

Muallif: Ilg'orbek Namozov ✏️

✅https://t.me/I_Namozov

🎶 SUN'IY INTELLEKT YORDAMIDA YARATILGAN EKSKLYUZIV QO‘SHIQLAR! 🤖🎼

Sifatli va zamonaviy uslubdagi sun'iy intellekt yordamida yaratilgan qo‘shiqlar sotuvda!

💰 Har bir qo‘shiq narxi — 150 AQSH dollari ($150).

Agar siz:
✅ Yangi tarona izlayotgan bo‘lsangiz;
✅ Ijodiy loyihangiz uchun tayyor qo‘shiq kerak bo‘lsa;
✅ O‘z repertuaringizni boyitmoqchi bo‘lsangiz —

Unda biz bilan bog‘laning!

📞 Murojaat uchun: +998 50 025 38 38

📫 Telegram: @Ilgorbek_Namozov1

❤️‍🔥 Sifatli ijod — zamonaviy texnologiyalar bilan!

✅https://t.me/I_Namozov

🅰️🅰️🅰️🅰️🅰️🅰️🅰️🅰️

Zo‘r bo‘lib ketdim, ona

Tun kelardim ikki-uch,
Goh dardlarga keldim duch.
Qodir Egam berdi kuch,
Zo‘r bo‘lib ketdim, ona...

Yuzin burdi tannozlar,
Yo‘q deb qimmat qog‘ozlar.
Ko‘kni tutar ovozlar,
Zo‘r bo‘lib ketdim, ona...

Ko‘rdim turli safarlar,
Ko‘rdim turli shaharlar.
Oxir quchdim zafarlar,
Zo‘r bo‘lib ketdim, ona...

Kimlargadir ermakman,
Kimlargadir ertakman.
Kimlargadir kerakman,
Zo‘r bo‘lib ketdim, ona...

G‘anim barg-u shoxlalar,
Choh qazdirib chohdalar.
Pushmon qildi soxtalar,
Zo‘r bo‘lib ketdim, ona...

Boqib omad qushimga,
Kelolmayman xushimga.
Kirmagandi tushimga,
Zo‘r bo‘lib ketdim, ona...

Yetib oldik bahorga,
Yetib oldik nahorga.
Omad kuldi Ilg‘orga,
Zo‘r bo‘lib ketdim, ona...

Tun kelardim ikki-uch,
Goh dardlarga keldim duch.
Qodir Egam berdi kuch,
Zo‘r bo‘lib ketdim, ona...

Muallif: Ilg‘orbek Namozov ✏️

✅https://t.me/I_Namozov

😇🥰🥰😇😣🥰🥰🥰

Oson emas erkakka

Sekingina shivirlab,
U kam, bu kam, deydi-da.
So‘rab Qodir Xudodan,
Ro‘zg‘or g‘amin yeydi-da.

Gohi taqdir tirrancha,
Aylantirar ermakka.
Bu yolg‘onchi dunyoda,
Oson emas erkakka.

Kunda bitta kami bor,
Yog‘i bo‘lsa, yo‘q uni.
Qiyinchilik ko‘rmagan,
Tushunmaydi, eh, buni.

Gohi berib sinasa,
Gohi olib sinaydi.
Eshik qoqib yo‘qchilik,
Yurak bag‘rin tirnaydi.

Bemor bo‘lar otasi,
Bemor bo‘lar onasi.
Ko‘zlarida yosh bilan,
Yig‘lab qolar bolasi.

Sanog‘i yo‘q, bitmaydi,
Tashvishlari bir talay.
Tishni tishga qo‘ygancha,
Yashayapti har qalay.

Yurak yutib birovga,
Aytolmaydi dardini.
O‘tinaman, Xudojon,
Egib qo‘yma qaddini.

Yigit rizqin butun qil,
Kun qolmasin nomardga.
Bitta sodiq do‘st ber va,
Hamroh qilgin omadga.

Sekingina shivirlab,
U kam, bu kam, deydi-da.
So‘rab Qodir Xudodan,
Ro‘zg‘or g‘amin yeydi-da.

Muallif: Ilg‘orbek Namozov ✏️

https://t.me/I_Namozov

YURAKLARGA YETIB BORADIGAN PREMYERA!

🎙 Estrada xonandasi Shahromshox ijrosida yangraydigan yangi "Ona" taronasi tez orada siz aziz muxlislar hukmiga havola etiladi.

✍️ So'z muallifi — Ilg'orbek Namozov.

🎧 Tez kunda...
Premyerani o'tkazib yubormang!

🔔 Kuzatishda davom eting!

✅https://t.me/I_Namozov

🔤🔤🔤🔤🔤🔤🔤🔤

To'yi oyning boshiga

Izhorimni aytgandim,
Uchib qalam qoshiga.
O'shal go'zal malakni,
To'yi oyning boshiga...

Bergan edim tasalli,
Ishonib ko'z yoshiga.
Yolg'onlari bo'ldi fosh,
To'yi oyning boshiga...

Tanlab-tanlab uchradim,
Yurak bag'ri toshiga.
Taklifnoma qo'limda,
To'yi oyning boshiga...

Xatlar yozsa sog'inib,
Borar edim qoshiga.
Bo'lib qoldi xotira,
To'yi oyning boshiga...

Yaxshi edi berganda,
Og'u qo'shib oshiga.
Bu ko'zlarim ko'rmasdi,
To'yi oyning boshiga...

Yurakdagi hislarim,
Og'ir keldi doshiga.
Yori bo'lar o'zgalar,
To'yi oyning boshiga...

Izhorimni aytgandim,
Uchib qalam qoshiga.
O'shal go'zal malakni,
To'yi oyning boshiga...

Muallif: Ilg'orbek Namozov ✏️

✅https://t.me/I_Namozov

🎵 "ZO'R BO'LIB KETTIM, ONA"

Sun'iy intellekt yordamida yaratilgan eksklyuziv qo'shiq g'oyasi sotiladi.

Narxini kelishamiz 💸

⚖️ Mualliflik huquqlari rasmiy himoyalangan.

🙅‍♂️ Muallifning yozma ruxsatisiz foydalanish, nusxalash, tarqatish yoki tijorat maqsadida ishlatish taqiqlanadi.

🎤 Professional ijro uchun tayyor.

📞 Murojaat uchun:
+998 50 025 38 38

✅https://t.me/I_Namozov

🔤🔤🔤🔤🔤🔤🔤🔤

* * *

Izhorlarim yozardim,
Ismim qo'shib ismiga.
Muhabbatning libosi,
Sig'may qoldi jismiga.

Taklifnoma yubordi,
Ikki enlik xat bilan.
Ketdi yolg'iz qoldirib,
Azob bilan, dard bilan.

Tor yig'laydi qo'limda,
Ohim sig'mas falakka.
Qiyin bo'lsa bo'ldi bir,
Sevilmagan yurakka.

Xijron jonni kuydirar,
Dunyo kelar ko'zga tor.
Men sevganim men qolib,
Begonaga bo'ldi yor.

Qo'l uzatsam yetmadi,
Osmondagi oy ekan.
Dunyosiga uchibdi,
Tanlagani boy ekan.

Xasratlarim, dardimni,
Aytib berdim qalamga.
Og'ir bo'ldi shu kecha,
Yurak to'ldi alamga.

Izhorlarim yozardim,
Ismim qo'shib ismiga.
Muhabbatning libosi,
Sig'may qoldi jismiga.

Muallif: Ilg'orbek Namozov ✏️

✅https://t.me/I_Namozov

🔤🔤🔤🔤🔤🔤🔤🔤

Xudodan qolmagin, do‘st

Boqar banda arziga,
Yozib qo‘ymas qarziga.
Cho‘kka tushib farziga,
Xudodan qolmagin, do‘st...

Qo‘lingdagi torni qo‘y,
Ishq deb ohu zorni qo‘y.
Soxta do‘st-u yorni qo‘y,
Xudodan qolmagin, do‘st...

Manzil aniq, yo‘l aniq,
Yomg‘ir aniq, do‘l aniq.
Qo‘ling tutgan qo‘l aniq,
Xudodan qolmagin, do‘st...

Gohi tegib yov ko‘zi,
Dilni yirtsa tig‘ so‘zi.
Yolg‘iz xoqon Haq o‘zi,
Xudodan qolmagin, do‘st...

Bandalari g‘ururli,
Ishing tushsa uzurli.
Hatto nomi huzurli,
Xudodan qolmagin, do‘st...

Siylab bersa o‘g‘il-qiz,
Senla borar izma-iz.
Huzurida cho‘kib tiz,
Xudodan qolmagin, do‘st...

Muallif: Ilg‘orbek Namozov ✏️

✅https://t.me/I_Namozov

😇🥰🥰😇😣🥰🥰🥰

Tannozlar

Har narsadan ahtarib ayb,
G'ururni ham qilishdi mayib.
Shu kunlarda ketdi ko'payib,
Ko'zin olgan qimmat qog'ozlar,
O'zin osmon bilgan tannozlar.

Tunda yo'lda yurar ovchidek,
Tunda yo'lda turar ovchidek.
Boqsang go'yo bir yo'lovchidek,
Ko'zin olgan qimmat qog'ozlar,
O'zin osmon bilgan tannozlar.

O'ljasini izlagan kalxat,
Oson manzil izlaydi faqat.
G'ofil deymi, bilmayman badbaxt,
Ko'zin olgan qimmat qog'ozlar,
O'zin osmon bilgan tannozlar.

Bilolmadim men kim deb atay,
Shayton deymi, shaytonga malay,
Yolg'oni ko'p makri bir talay,
Ko'zin olgan qimmat qog'ozlar,
O'zin osmon bilgan tannozlar.

Kulavering mayli buguncha,
Yakson bo'lar bir kun gul g'uncha.
Turmaysiz eh dunyo turguncha,
Ko'zin olgan qimmat qog'ozlar,
O'zin osmon bilgan tannozlar.

Har narsadan ahtarib ayb,
G'ururni ham qilishdi mayib.
Shu kunlarda ketdi ko'payib,
Ko'zin olgan qimmat qog'ozlar,
O'zin osmon bilgan tannozlar.

Muallif: Ilg'orbek Namozov ✏️

✅https://t.me/I_Namozov

🔤🔤🔤🔤🔤🔤🔤🔤

Saodat maktabida

Olisga boshlab safar,
Ildamlaysiz har safar.
Bir kun quchasiz zafar,
Saodat maktabida...

Yurgan yo‘li nur bo‘lar,
Orzulari hur bo‘lar.
O‘g‘il-qiz baxtga to‘lar,
Saodat maktabida...

Ilm chashma o‘ng-so‘li,
Kasb-u hunar har yo‘li.
Bo‘sh qolmas ikki qo‘li,
Saodat maktabida...

Hatto nomi ham g‘urur,
Qaddi tik turar mag‘rur.
Dilda o‘zgacha surur,
Saodat maktabida...

Yakdil, bir so‘zli, ahdli,
Olov, shijoat shahdli.
Bo‘lar hammadan baxtli,
Saodat maktabida...

Ustozlar sizga qanot,
Boshlanar katta hayot.
Bejiz emas bu bayot,
Saodat maktabida...

Olisga boshlab safar,
Ildamlaysiz har safar.
Bir kun quchasiz zafar,
Saodat maktabida...

Muallif: Ilg‘orbek Namozov ✏️

✅https://t.me/I_Namozov