#Расулуллоҳ_сизни_соғиндик
#мақолалар

Пайғамбаримизни тушда кўришни истайсизми? Унда албатта ўқинг!

Дамашқ шаҳрида бир тақводор онахон истиқомат қилар эди. Бир куни у фарзандларидан бирига: «Ўғлим! Юртимизда диний билимга эга энг катта уламолардан сўрайдиган бир муҳим масалам бор эди», деб илтимос қилади. Ўғил онасининг илтимоси билан шайх Бутий ҳазратларининг олдига бориб, онасининг гапларини айтиб, ҳолатни тушунтиради.

Рамазон Бутий кўп ўйлаб ўтирмай, боришга розилик билдириб, онахоннинг уйига ташриф буюради. Онахон олимга:

– Мен ёшлик чоғимдан ҳар куни тушимда Пайғамбаримиз соллаллоҳу алайҳи вассаламни кўриб келаман. У зотни тушимда кўрмаган кечам йўқ. Бироқ, негадир сўнгги кунларда Расулуллоҳ соллаллоҳу алайҳи вассалам тушларимга кирмай қўйдилар. Шундан безовта бўляпман. Умрим бўйи у зотни тушимда кўриб келиб, энди нега кўра олмай қолдим? Шунинг жавобини айта оласизми?

Бу гапни эшитган Шайх кўз ёшларини тутолмай қолди, хўнграб йиғлаб юборди. Онахоннинг гапларидан таъсирланиб: «Биз ҳам сизга ўхшаб Аллоҳнинг Расулини ҳар тун тушимизда кўра олмаганмиз. Сиз бахтли инсон экансиз, бизга сиздек бўлишга анча бор экан. Шу билан бирга, саволингизга жавоб бериш жуда қийин, мен бунга қодир эмас эканман», деб бор гапни айтади.

Шайх Бутий эртаси куни ўзи устозлик қиладиган мадрасада дарс чоғида шогирдларига ўша аёл ҳақида ҳикоя қилиб беради. Дарс сўнггида қизиққан икки шогирди ўринидан туриб:

«Устоз, рухсат берсангиз, шу аёлнинг манзилини бизга айтсангиз. Биз уни зиёрат қилгач, Расулуллоҳ соллаллоҳу алайҳи вассаламни ҳар куни тушда кўриш бахтига қандай муяссар бўлганини, бунинг учун нималар қилиш кераклигини сўраб, билиб олсак», дейишди. Бутий ҳазратлари шогирдларига онахоннинг манзилини айтиб беради.

Талабалар мазкур тақводор аёлнинг уйини топиб бориб, бунинг сабабларини билмоқ учун келганларини айтишади.

«Болаларим, буни билишни истасангизлар, эрта тонгда шу ерда бўлинглар. Фақат келишдан олдин нонушта қилмай, оч қорин билан келинглар», дейди аёл ва бунга қарши эмаслигини ҳам билдириб қўяди.

Талабалар эртаси куни тонг отиши билан аёлнинг уйида ҳозир бўлишади. Онахон бўлса, икки талабани уйининг бир хонасига киргазиб: «Шу ерда бўлинглар, мен ўзим айтмаганимча, бу хонадан ҳеч қаерга чиқманглар», деб тайинлайди.

Уй эгаси қачон эшигимизни очиб, бизга ваъз-насиҳат айтар экан, деб кутиб ўтираверишди. Бироқ, онахондан дарак йўқ, вақт эса ўтиб борар эди. Бир маҳал онахон талабаларга тушлик учун таом келтирди-да, ҳеч нима демай, қайтиб чиқиб кетди.

Эрталабдан бери туз татимаган талабалар овқатни паққос тушуришди. Таомнинг шўрлигини ҳам сезишмади, аччиқлигига ҳам парво қилишмади. Қизиғи шундаки, хонадон соҳибаси таом олиб кирганида, ичгани на чой, на сув берганди.

Шундай қилиб, кеч ҳам кирди. Шўр ва аччиқ таом сув талаб қилиб, талабаларнинг тинкасини қуритарди. Ташқарига чиқиб сув ичайин дейишса, онахоннинг «Менинг рухсатимсиз хонадан чиқманглар», деган буйруғи бор. Буйруқни қандай бузиш мумкин?! Шу боис, ташналик ичларини қанчалар куйдирмасин, сабр бардош билан ўтираверишди.

Онахондан эса ҳали ҳам дарак йўқ. Икковлари уни кута-кута чарчаб, кўзлари илиниб, шу хонада уйқуга кетишди. Эрта билан хонага онахон кириб келди.

– Яхши ухладингларми?

– Ҳа, Алҳамдулиллаҳ, яхшимиз, она!

– Тушларингизда нималарни кўрдингиз?

– Онахон, кеча берган таомингиз ҳам шўр, ҳам аччиқ бўлиб қолган экан. Ташналикдан ичимиз ёнса ҳам, бир амаллаб чидадик. Охири ухлаб қолдик. Ҳозир гаплашиб тургандик, иккаламиз ҳам тушда сув кўрибмиз. Сувни шимириб ичиб ётибмиз экан, қанча ичсак ҳам, қонмаяпмиз. Қисқаси, биз тушимизда фақат сув кўрибмиз.

ҲУЛОСА:
Ким нимага ёки кимгадур ташна бўлса шуни кўради!

Ҳайрли Тун

#Расулуллоҳ_сизни_соғиндик

📹 Пайғамбарларни масхара қилганлар "ўзини бошига ўзга етган"...

Ⓜ️ @fargonaziyouz

♻️Дўстларингизга ҳам улашинг!!! ⤵️

http://T.me/Iymonli_Qalblar_Uz

#Расулуллоҳ_сизни_соғиндик

📹 Пайғамбарларни масхара қилганлар "ўзини бошига ўзга етган"...

Ⓜ️ @fargonaziyouz

♻️Дўстларингизга ҳам улашинг!!! ⤵️

http://T.me/Iymonli_Qalblar_Uz

#Расулуллоҳ_сизни_соғиндик

📹 Пайғамбарларни масхара қилганлар "ўзини бошига ўзга етган"...

Ⓜ️ @fargonaziyouz

♻️Дўстларингизга ҳам улашинг!!! ⤵️

http://T.me/Iymonli_Qalblar_Uz

#Расулуллоҳ_сизни_соғиндик

📹 Пайғамбарларни масхара қилганлар "ўзини бошига ўзга етган"...

♻️Дўстларингизга ҳам улашинг!!! ⤵️

https://t.me/joinchat/Ueo3P7eXcDnfAukU