АНА СИЗГА ҚЎШ ХОТИН
#ҳазил_шеър

Менда икки аёл бор
Иккиси ҳам меҳрибон
Бири менга чой берса
Бири менга берар нон

Бири мени қизғонар
Бири куйиб рашк қилар
Бири билдирмай кулса
Бири кўзда ашк қилар

Бири кўйлагим ювса
Бири дазмоллаб қўяр
Бири кўк чой дамласа
Бири қовунни сўяр.

Бири қанисиз дея
Ошга таклиф қилади
Бири кўнглим овлай деб
Зир югуриб елади.

Икки тараф икки ҳил
Азиз қилиб пуф-пуфлар
"Мунча ҳам келишгансиз,
Кўз тегмасин"-деб туфлар.

Ёзги сарой, қишги ҳам
Ҳар иккиси интизор
Бирисида райҳонлар
Бириси атиргулзор.

Шундай қилиб қадрдон
Жуда арзандаман-да
Қўл кўксида, эҳтиром,
Суюкли бандаман-да.

Э, айтганча нимани
Куйган ҳиди келяпти
Ҳаҳ, эсим ҳам қурсин-е
Ошнинг таги оляпти.

Қўяверинг кирларни
Кейин ювиб қўяман
Икки кундош келгунча
Барига улгураман...

Salim AYYUBIY

Каналга обуна бўлиш!👇
https://t.me/joinchat/AAAAAFHqNz-TZB5h96Lwug