بيقولك عشان تأكد تشخيصك لل Hypoglycemia حسب ال Whipple triad فلازم تتأكد من التالي :
1- Low blood glucose
منطقي يعني أومال هيكون Low IQ 🤨
2- symptoms and signs of hypoglycemia
ما طبيعي بردو , يعني هيكون أعراض برد مثلا ! 😒
3- Resolve symptoms after glucose administration
وده بردو منطقي , ولكن لو جينا للحق فدي هي النقطة الاهم وذات قيمة في ال Triad ده كله ... طيب ليه ؟ 🤔
🧠🧠🧠🧠🧠🧠🧠🧠🧠🧠
بخصوص أول نقطة فجهاز السكر رخيص وصغير وسهل وموجود في كل مكان وقياسته بتطلع في ثواني فمفيش أي مشكلة إني أتأكد من قياستي إنا السكر واطي 👍

بخصوص تاني نقطة فاللي خلاني أشك إن ممكن يكون فيه Hypoglycemia هو presentation العيان فأنت حتى في ال Triad محاولتش تقولي أيه أهم عرض أو علامة لأ خالص انت بتتكلم في العموم والأعراض كلها General أصلا مفيش حاجة specific 😏

ثالثاً بقى والأهم واللي هيحصل فيها لبس هي النقطة التالتة , لما نقول إننا لقينا سكر العيان واطي وعليه أعراض هبوط سكر والأعراض دي زي ما قولتلك أعراض عامة جدا يعني ممكن تكون متداخلة مع أمراض تانية كتير ممكن تتعارض مع ال MI ,HF ,sepsis ,stroke and etc وبالتالي لو لقيت العيان اللي عليه أعراض هبوط سكر وسكره بالفعل واطي مبيتحسنش ومبيستعدش وعيه بعد ما اديته Glucose ده معناه ان العيان ده عنده مصيبة تانية غير هبوط السكر هي اللي عاملة فيه كدة , ده اللي whipple حاول يلفت نظرك ليه هنا ... متقولش العيان هيتحسن كمان شوية , لأ ال Hypoglycemia مشكلة سريعة بمجرد ما تديها الجلوكوز اللي محتاجاه العيان هيتحسن حتى قبل ما تخلص محلول الجلوكوز اللي بتديه وبالتالي لو عيانك متحسنش ده بيتحجز وغالبا ICU لأن الأعراض غالباً ما بتكون Critical .
🫡🫡🫡
لينك المحاضرة https://youtu.be/-pJmD75x-ys?si=o4-uWVFPU-8TbKz9

#By_Dr_Mo #IV_Notes

أنا متفهم شعورك بالأريحية بعد ما تأكدت إن حالة ال chest pain اللي وصلتك مش MI 😇
بس تفتكر أنا هسكت ! لأ طبعا أنا جاي أنكد عليك وأقولك لسة بدري على حالة الطمأنينة دي 😌

فيه أربع أسباب هيموتوا العيان بتاعك قبل ما تروح بيتك من الشيفت , إحتمال قبل ما تخلص ورق العيان اللي في ايدك , سميتهم lethal square of chest pain 🟥
المربع القاتل ده ليه 4 أضلاع , لازم ولابد وحتماً تجتهد في إستثناء كل مربع فيهم في كل حالة chest pain جاية عندك ✅ مش عشان هما common لأ عشان هما lethal عشان هما هيموتوا العيان في لمح البصر وأسرع مما تتخيل لو ملحقتهمش 🫡

1- Myocardial infarction 🫀
2- Aortic dissection 🫀
3- Pulmonary embolism 🫁
4- Tension Pneumothorax 🫁

بعد ما تكون عملت exclusion لكل سبب من الأربع أسباب دول .. ده ممكن يديك أريحية شوية في إنك تدور على سبب ال chest pain واللي ممكن يكون مازال سبب خطير بالمناسبة , بس على الأقل مش هيموت العيان وهو واقف قدامك دلوقتي , فمعانا شوية وقت نشخصه ونعالجه ✋

#By_Dr_Mo #IV_Notes

ما هي علاقة ال Chest x-ray بال pulmonary embolism 🤔❗️
هبدأ كلامي بإن بسم الله الرحمن الرحيم ال CXR is usually normal in PE 😃 طبعا مش هي المقياس ولا هي الأساس خالص في تشخيص ال PE لو عايز حلقة في ودنك عن تشخيص ال PE
فحط حلق مكتوب عليه ( stable CTPA )
وحلق في الودن التانية مكتوب عليه ( unstable Echo ) خلاص ؟ خلاص 🤝
أومال ايه قصة ال ال CXR في العيان ده ؟
احنا بنقول إنها عادة بتبقى normal اومال بنعملها ليه ؟
عشان نعمل
rule out of other causes of chest pain and dyspnea as pneumonia, pneumothorax, aortic dissection, pericardial effusion 🫀🫁
ولكن هناك بعض ال signs اللي لو ظهرتلك في ال CXR وانت شاكك في العيان ده فهي علامات highly suggestive of PE كل واحدة مشروحة على الصورة بتاعتها ✅

أنا عارف إنه مش شغلك , بس تعالى أقنعك إنه هيأثر على شغلك🤌

تحاليل الفصيلة والماتش بتاع الدم بياخد وقت قد أيه ؟ وهتفرق ايه !! 🤔

يبان ظاهرياً إنه مش قصتك .. بس تعالى تخيل معايا سيناريو صعب شوية , عيان بينزف بعنف لدرجة إنه دخل في hemorrhagic shock ولازم ينقل دم حالاً مسألة حياة أو موت , وأنت متعرفش ليه فصيلة 🥹 تفتكر يهمك تعرف التحاليل بتاعته هتاخد وقت قد أيه ؟! أيوووة طبعااا , ساعتها هتجري ورا المعمل بتاعك وترجوه إنك لازم تعرف الوقت اللي هياخده عشان يقررلك أنهي كيس دم بالظبط مناسب للعيان بتاعك لأنه خلاص بيمووووت 😨

طيب ما تعرفها من دلوقتي أحسن 🤝
في 3 تحاليل رئيسية المعمل بيعملهم 👌
Blood typing وده اللي بيحدد نوع فصيلة الدم ايه بالظبط ✅
Anti-body screen وده بيستكشف بيه وجود أجسام مضادة ممكن تعمل مشكلة في النقل ✅
Cross-matching ودي اخر خطوة اللي بنتأكد بيها إن دم المعطي والمستقبل لو حطيناهم على بعض مش هيتخانقوا مع بعض قبل ما أنقل الخناقة دي لجوة جسم العيان ويحصل مصيبة ✅

والتوقيتات زي ما واضح عندك كدة في الصورة 25 دقيقة و 75 دقيقة و 120 دقيقة , هل العيان بتاعك بقى يستحمل إنه يصبر ساعتين ولا هتفعل زر ال emergency transfusion وتاخد ريسك نقل الدم بدون تحاليل , ده clinical decision بإمتياز يرجعلك انت , بس المهم تكون عارف تقريباً التحاليل دي ممكن تستهلك وقت قد ايه مبدئياً ✋

#IV_Notes #By_Dr_Mo

ده جزء من محاضرة نقل الدم في كورس نقل الدم موجود مجاني بالكامل على اليوتيوب
https://youtube.com/playlist?list=PLDNL0MZajaLH9AHukNBI5rwnDIRfp9Ogg&si=Bc0LEfGUL7ZQQpcO

حسيت إنك بتتقرطس 😅 وبيجيبولك ECGهات مضروبة 🤨 أو الطب اللي خدته ده مش طب 😏, ومش مرة واحدة بس لأ ده حظك المنيل خلاهم ثلاث مرات وفي نفس اليوم 🥸 , قومت واخد بعضك وماشي من المستشفى 🥲 ,حقك ما هو ثلاث خبطات على الراس توجع الصراحة ... 🤯

ايه القصة ؟
اللي حصل إنك دخلت على عيان لا فيه chest pain ولا حاجة بس هو جاي بيطمن على نفسه لأنه حصله جلطة من حوالي ست شهور وجاي يتابع عادي فعملتله رسم قلب طلع ST elevation اللي في صورة 1 , فأنت اللي جالك tachycardia وجريت تحجزه بس مطلعش MI في الأخر
💫💫💫💫💫💫💫💫💫💫💫💫💫💫💫💫💫💫💫💫💫💫
شوية ودخلت على عيان تاني عنده atypical chest pain وبتسأله على أي risk factor في تاريخه وكتر خيره قالك انا جالي دور برد من اسبوع ( حاجة خطيرة جدا مش ممكن يعني ) فعملتله ECG لقيت ST elevation اللي في صورة 2 بس لأنك بقيت تقيل فخلاص محصلكش tachycardia المرادي وحجزته عشان يخش قسطرة , بس بردو مطلعش MI في الأخر
💥💥💥💥💥💥💥💥💥💥💥💥💥💥💥💥💥💥💥💥💥
جالك إحباط بقى فدخلت على العيان التالت لقيت عنده typical chest pain و ST elevation في ال ECG رقم 3 وحلفت 100 يمين ان دي MI ودخلته بس مطلعش MI في الأخر بردو , وانت اللي جالك bradycardia بقى
⚡️ ⚡️ ⚡️ ⚡️ ⚡️ ⚡️ ⚡️ ⚡️ ⚡️ ⚡️ ⚡️ ⚡️ ⚡️ ⚡️ ⚡️ ⚡️ ⚡️ ⚡️ ⚡️ ⚡️ ⚡️ ⚡️ ⚡️ ⚡️ ⚡️ ⚡️ ⚡️ ⚡️
هو ايه القصة وأيه الحكاية ❗️❗️
ساعة زمن و هقولك ايه اللي حصل في post جديد , تابع 🤝

#IV_Notes #By_Dr_Mo

الأول : LV aneurysm وده post MI complication ممكن يحصل وبيعبر عن نفسه ب persistant STE عشان كدة لو اكتشفته في أي وقت لازم لازم رسم القلب ده يكون documented وفي ملف العيان وتفهم العيان وأهله إن رسم القلب ده يتشال فيعينيهم ويبقى معاهم في أي مرة يروحوا فيها المستشفى لأي سبب ان شالله لو رايح بكحة , عشان اللي هيعمله رسم قلب هيفتكر انه STEMI , طيب وده الفرق بينه وبين ال STEMI ايه , ده مفيهوش chest pain ومفيش positive cardiac enzymes ومع ال Hx of old MI فهيكون highly suspected ✅

الثاني : Acute pericarditis وال most common cause ليها هي ال viral infection بأمارة دور البرد اللي كان عنده من كام يوم , ال pericarditis دي لو لمست ال ventricles وعملت myocarditis ليه هتيجي ب diffuse STE ولو لمست ال atria وعملت myocarditis ليه هتيجي ب diffuse PR depression , طيب ودي ايه يفرقها عن ال MI أولا إنها مش typical chest pain ثانيا ان ال STE منتشرة في كل ال leads تقريبا لأن ال pericardium كله inflammed عكس ال MI لما بتيجي بتعبر عن نفسها في منقطة واحدة سواء كبيرة او صغيرة على حسب ال branch اللي اتقفل✅

الثالث : Vasospastic angina وهنا حصلت vasospasm لل coronary وممكن يحصل at rest كمان وخصوصا لو العيان بياخد cocaine or triptans ساعتها من شدة ال spasm يحصل typical pain ويحصل STE في المكان اللي حصل فيها ال spasm والحقيقة إن العيان مهما كان هتخاف وهتحجزه لأنه الحقيقة typical جدا , طيب وايه يفرقه عن ال MI ؟ اللي يفرقه إن العيان ده بمجرد ما تريحه وتديله nitroglycerin تحت لسانه في ظرف ربع ساعة هيرتاح تماما , ومفيش STEMI بترتاح تماما بال nitroglycerin وبعد ما ياخد القرص تحت لسانه وتعمله رسم قلب جديد هتلاقيه normal عكس ال MI لذلك متقلقش انت كدة كدة هتحجزه وهتبدأ معاه اجراءاتك كـ STEMI عادي بس مش هتلحق تديله thrombolysis لأنه ربع ساعة وهيقلك انا ارتحت تماما على القرص اللي تحت اللسان ولما تعيدله ال ECG هتلاقيه normal ساعتها هتتأكد ✅

سؤال ع الماشي يصحصحك شوية 😎
إجراء سهل وبسيط وبيتعمل لكل العيانين تقريباً (( قياس الضغط ))
السؤال : يهمك في أيه إنك تعرف إذا كان العيان بتاعك ESRD ولا لأ قبل ما تقيسله الضغط؟ من الأخر ده هيأثر على ايه في عملية قياس الضغط ؟!

عيان الكلى اللي بيغسل دكاترة ال vascular بيعملوله وصله ما بين artery and vein في دراعهم .هتقدر تشوفها وتحسها لو حطيت ايدك عليها , الوصلة دي حساسة جدا فممنوع نعمل فيها أو حواليها أي شئ يمثل ضغط عليها , حتى الشكة فيها مش أي حد بيعملها بيكون فيه فني غسيل متخصص في شكة هذة الوصلة , من أحد أساليب الضغط على هذة الوصلة هو إنك تقيس الضغط في نفس الذراع فده يكتم الدم ويعرض الوصلة دي لمشكلة ... ولذلك عيان الكلى اللي بيغسل مهم تسأله بتغسل منين عشان لو بيغسل من وصلة في ذراعه فممنوع تقيس منها الضغط وتنبه على اللي معاك ممنوع نقسله منها الضغط وتنبه على العيان إنه ينبه على أي حد بيتعامل معاه إنه ممنوع يقيس منها الضغط

نصيحة على الطاير
كتير مننا يتخيل إن المضاد الحيوي بيحتاج وقت على ما يشتغل فمش هيجرى حاجة لو العيان اتأخر كام ساعة في بداية المضاد 🤨

طب خد دي عندك
كل ساعة تأخير في إعطاء المضاد الحيوي لعيان ال septic shock بتساوي 8% من ال rate of survival 😢

يعني لو عيانك دخلك بالليل ب septic shock وكان نسبة نجاته منها ٨٠ % فلو صبرت لحد الصبح عشان تصرفله المضاد الحيوي فهيكون نسبة نجاته ٢٠ % 😅
انت متخيل انت تسببت في ايه للإنسان ده ولأهله عشان مجرد انك سقعت دماغك كام ساعة عن المضاد الحيوي 🙂

عيانين ال septic shock ال antibiotics بالنسبالهم في أهمية ال noradrenaline كدة اوعى تستهون بيها ✋

#By_Dr_Mo #IV_Notes

لو تفتكر من كام يوم قولتلك مش كل معلومة تسمعها تناسبك ( برغم إنها صحيحة 100% ) وده حسب موقعك من الطب وضربنا مثال بال Most common cause of headache و إن في المطلق ال tension headache هو الأكثر شيوعاً ولكن لو في الطوارئ فالـ Migraine هو اللي هتشوفه أكتر 🤕

جايلك النهاردة بمثال أخر يشبهه 🔻
أيه هو ال Most common cause of diarrhea during inpatient stay ؟
الإجابة هتكون ال Clostridium difficile enterocolitis برغم إن ده مش هو اللي موجود برة المستشفى في الناس اللي قاعدة في بيتها صحيحة وبتمشي في الشارع ❌

طيب ده هيفيد بأيه ؟!! كتر معلومات وخلاص ! 🫤
لأ طبعاً , لما عيان محجوز معاك جوة المستشفى ويحصله diarrhea بعد كام يوم من العلاجات بالـ antibiotics ده هيخليك تفكر أول حاجة في ال c.diff وهيخليك تـ investigate على ال c.diff وهيخليك تعالج بعلاجات تضرب ال c.diff 👌

كل الفكرة إن الInfection دي بتحصل لما البكتيريا اللي اسمها Clostridium difficile تمسك في ال intestine نتيجة القضاء على ال normal flora بالمضادات الحيوية اللي انت بتديها للعيان فأصبح مكان ال normal flora فارغ فالـ Clostridium difficile قدرت تقعد مكانها وتعمل Enterocolitis , وطبعاً المضادات الحيوية مختلفة في مدى قدرتها على زيادة risk ال c.diff infection وأشهرهم ال Dalacin اللي هو clindamycin 💊

طيب علاجها ايه ⁉️
مضادات حيوية بردو 😃بس بتضرب ال Clostridium difficile نفسها بقى بدل ما تضرب ال normal flora .. طبعاً ده مع إيقاف المضاد الحيوي المسبب للمشكلة في الأصل ☠️

ايه هي المضادات اللي بتضربها ؟ 👊
أولا ال vancomycin وهنا لو شغلت دماغك شوية , انت محتاج تضرب بكتيريا موجودة جوة ال intestine فقط ولذلك هتديله علاجه Oral للسبب ده والسبب الأخر هو إن ال vanco لو اديته للعيان IV مش هيوصل للقولون أصلا ، وأقولك على حاجة كمان , لما تدي ال Vanco oral مش هيحصله absorption من ال GIT فهتستفاد منه كله في ال Infection اللي عندك ومش هتخاف لو العيان بتاعك عنده مشاكل في الكلى مثلاً اللي هي بتعمل excretion لل Vanco ما انت كدة كدة اصلا مدخلتوش الدم هو دخل من ال mouth وخرج من ال anus 🤷‍♂️

ثانياً لو ال Vanco مش متاح ممكن نضربه بالفلاجيل Metronidazole المضاد ده بردو ليه سيطرة على الـ Clostridium difficile وبردو بنديه للعيان Oral 👄

الجرعات
ال Vanco 125mg oral كل 6 ساعات لمدة عشر أيام
هسبقلك بالمشكلة اللي هتواجهك وهي إنك مش هتلاقي preparation oral vanco , نعمل ايه بقى ‼️
شايف ال Vial الـ IV ده ، هاته هو 500mg حط فيه ماء مقطر 10 سم وخد منه 2.5 سم حطهم على شوية عصير وشربهم للعيان كل 6 ساعات يبقى كدة 125mg كل 6 ساعات اللي انت محتاجهم يعني ربع الفيال ال 500 يعني الفيال هيقعد معاك اليوم كله ⏰
طيب ليه عصير مش ماء ؟ طعمه زي الزفت والعيان هيتفهم في وشك فريح العيان يريحك 🤢

لو فلاجيل فأنت معندكش أي مشكلة قرص فلاجيل 500 مترمي في السوق زي اللبان قرص كل 8 ساعات لمدة عشر أيام ✋

طيب هو أنا بكشف عن ال Infection دي بأيه ؟ ايه ال test اللي هيأكدلي وجود ال Infection دي 🤔
خد من العيان عينة stool وقول للمعمل اعملي C.diff toxins in stool 🧪🌡

طبعاً مش محتاج أقولك اوعى تدي العيان anti motility drugs هتحبس ال toxins جوة ويموت من toxic megacolon ، وروق على عيانك بشوية محاليل على قدر الحاجة وقدر المسموح عشان ميحصلوش Dehydration 😰

لو عايز تفاصيل أكتر هسيبلك 3 ملفات فيهم ال guidlines وجرعات العلاج والمصدر لحل الvanco vial for oral use ومصدر لترتيب ال antibiotics حسب ال risk of c.diff ايه المضادات اللي ممكن تسببها وايه لأ

👇👇