សេចក្តីប្រកាសព័ត៌មានរបស់ក្រសួងការពារជាតិ

អគ្គនាយកដ្ឋានពន្ធនាគារ និងវឌ្ឍនភាពនៃការងារ បណ្ដុះបណ្ដាលជនជាប់ឃុំ ក្នុងខែឧសភា ឆ្នាំ២០២៥!
…………………….
នៅក្នុងខែឧសភា ឆ្នាំ២០២៥នេះ អគ្គនាយកដ្ឋានពន្ធនាគារ នៃក្រសួងមហាផ្ទៃ បានរៀបចំឱ្យជនជាប់ឃុំចូលរៀនអក្ខរកម្មឬថ្នាក់សមមូល និងភាសាបរទេស ចំនួន៧៨ថ្នាក់ ស្មើ១.៥២៤នាក់ ស្រី២៥៧នាក់។ នេះបើតាមរបាយការណ៍ក្រសួងមហាផ្ទៃ ប្រចាំខែឧសភា ឆ្នាំ២០២៥ ដែលត្រូវបានបញ្ជាក់បន្ថែម ដោយលោក ទូច សុឃៈ  អ្នកនាំពាក្យរងក្រសួងមហាផ្ទៃ។

លោក ទូច សុឃៈ បានបញ្ជាក់ថា ក្រៅពីទទួលបានការបង្រៀនថ្នាក់អក្ខរកម្ម និងភាសា អគ្គនាយកដ្ឋានពន្ធនាគារ ក៏មានកម្មវិធីអប់រំណែនាំជាប្រចាំអំពីបទបញ្ជាផ្ទៃក្នុងពន្ធនាគារ សីលធម៌សង្គម បញ្ហាគ្រឿងញៀន ការធ្វើលំហាត់ប្រាណ និងរៀបចំកម្មវិធីអប់រំតាមបែបសាសនា និងសិល្បៈផងដែរ។

បើតាមអ្នកនាំពាក្យដដែល នៅក្នុងខែឧសភាដូចគ្នា មានជនជាប់ឃុំ ៥.៩៥៩នាក់ ក៏ទទួលបានការបណ្ដុះបណ្ដាលវិជ្ជាជីវៈ មុខរបរ និងការអនុវត្តសាកល្បងមុខជំនាញអាចប្រកបអាជីពងាយៗ ដូចជា កាត់ដេរ សំអាងការ ការងារសំណង់ ជំនាញប្រើប្រាស់ និងជួសជុលកុំព្យូទ័រ ឧបករណ៍អេឡិចត្រូនិក បរិក្ខារត្រជាក់ និងគ្រឿងយន្ត។ មានជនជាប់ឃុំ២៩៧នាក់ ទទួលបានវិញ្ញាបនបត្របញ្ជាក់ការសិក្សា។

អ្នកនាំពាក្យ បានបន្តថា តាមរយៈការអនុវត្តកម្មវិធីប្រឡងប្រណាំងកែប្រែខ្លួនទណ្ឌិតក្នុងខែឧសភានេះ មានទណ្ឌិត ២៩៦នាក់ ស្រី២៨នាក់ត្រូវបានបន្ធូរបន្ថយទោសដោយទទួលបានព្រះរាជក្រឹត្យត្រាស់បង្គាប់ ក្នុងឱកាសនៃពិធីបុណ្យពិសាបូជា ដោយ មានទណ្ឌិត៦៥នាក់ ស្រី១នាក់ ត្រូវបានដោះលែង។ មកទល់ពេលនេះ អ្នកទាំងនោះពុំមានប្រព្រឹត្តបទល្មើសជាថ្មីនោះទេ។

ឯកឧត្តម ឧត្តមអគ្គានុរក្សថ្នាក់លេខ១ ឈន សាណាត អគ្គនាយក នៃអគ្គនាយកដ្ឋានពន្ធនាគារ បានមានប្រសាសន៍ថា រាជរដ្ឋាភិបាល ក្រោមការដឹកនាំប្រកបដោយភាពឈ្លាសវៃប្រតិភាព របស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា បានដាក់ចេញគោលនយោបាយបណ្ដុះបណ្ដាលវិជ្ជាជីវៈ ក្នុងនោះក៏ផ្ដោតលើជនជាប់ឃុំដែរ។

ក្នុងន័យនេះ ឯកឧត្តម អគ្គនាយក បានគូសបញ្ជាក់ថា ក្រសួងមហាផ្ទៃ និងក្រសួងការងារបណ្ដុះបណ្ដាល វិជ្ជាជីវៈ បាននិងកំពុងធ្វើការជាមួយគ្នា តម្រង់ទិស និងពង្រឹងបន្ថែមទៀតនូវ កម្មវិធីបណ្ដុះបណ្ដាលឱ្យចំគោលដៅ ដល់ជនជាប់ឃុំ ដើម្បីធានាថាពួកគេនឹងមានអាជីពមួយច្បាស់លាស់ សម្រាប់យកទៅប្រកបរចិញ្ចឹមជីវិតក្រោយចេញពីពន្ធនាគារ ហើយជាលទ្ធផលជនជាប់ឃុំដែលទទួលបានការបណ្ដុះបណ្ដាលវិជ្ជាជីវៈនិងចំណេះដឹងផ្សេងៗមានការកើនឡើងគួរឱ្យកត់សម្គាល់។

យោងតាមប្រកាស ស្តីពីការកំណត់គោលដៅឃុំឃាំងជនជាប់ឃុំសម្រាប់មណ្ឌលកែប្រែ និងពន្ធនាគាររាជធានី-ខេត្ត ចេញដោយក្រសួងមហាផ្ទៃ ឆ្នាំ២០២២ ប្រការ៣ មណ្ឌលអប់រំកែប្រែ មានមុខងារគ្រប់គ្រងជនជាប់ឃុំជាទណ្ឌិត ក្នុងគោលដៅអនុវត្តកម្មវិធីអប់រំកែប្រែបណ្តុះបណ្តាលវិជ្ជាជីវៈ ស្តារនីតិសប្បទា និងកម្មវិធីសមាហរណកម្ម៕

កញ្ញា សេង សុខហ៊ុន
មន្ត្រីព័ត៌មានក្រុមអ្នកនាំពាក្យក្រសួងមហាផ្ទៃ

សេចក្តីជូនដំណឹងស្តីពីការបញ្ឈប់ការនាំចូល និងការបញ្ឈប់ការចាក់បញ្ចាំងភាពយន្តថៃនៅគ្រប់រោងភាពយន្ត ក្នុងព្រះរាជាណាចក្រកម្ពុជា​ ចាប់ពីម៉ោង​ ១២ថ្ងៃត្រង់​ ទី១៣​ មិថុនា​ ២០២៥។

🌐 Hun Manet
🌐 Samdech Thipadei Hun Manet, Prime Minister of Cambodia
🌐 Telegram
🌐 Tiktok
🌐 YouTube
🌐 Instagram
🌐 X(Twitter)

#ហ៊ុនម៉ាណែត #Hunmanet #កម្ពុជា #cambodia #សន្តិភាពនៅកម្ពុជា #Peaceincambodia

រដ្ឋបាលខេត្តព្រៃវែង ជូនដំណឹងស្តីពីការបិទផ្សាយជាសាធារណៈនូវឯកសារនៃការវិនិច្ឆ័យ នៅភូមិដូង ឃុំកញ្ចំ ស្រុកពារាំង ខេត្តព្រៃវែង ក្នុងរយៈពេល១៥ថ្ងៃ(ដោយរាប់បញ្ចូលទាំងថ្ងៃឈប់សម្រាក) ចាប់ពីថ្ងៃទី១៣ ដល់ថ្ងៃទី២៧ ខែមិថុនា ឆ្នាំ២០២៥ ទីតាំងបិទផ្សាយនៅស្នាក់ការភូមិ!

ស្នងការព្រះសីហនុ ភ្នំពេញ និងខេត្តកំពង់ស្ពឺ នាំស្បៀង និងថវិកា ទៅគាំទ្រនគរបាល និងកងទ័ព នៅព្រះវិហារ!
……………………
អនុវត្តតាមគោលការណ៍ណែនាំ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងទទួលដឹកនាំបញ្ជាដោយ ឯកឧត្តមនាយឧត្តមសេនីយ៍ ស ថេត អគ្គស្នងការនគរបាលជាតិ ស្នងការដ្ឋាននគរបាលរាជធានី ខេត្ត៣ទៀត មានលោកឧត្តមសេនីយ៍ឯក ជួន ណារិន្ទ  លោកឧត្តមសេនីយ៍ឯក ស រដ្ឋា និងលោកឧត្តមសេនីយ៍ទោ ឃឹម សុកខៃ បាននាំយកស្បៀងអាហារ និងថវិការជូនកងទ័ព និងនគរបាលការពារព្រំដែន នៃទីបញ្ជាការប្រចាំទិសភូមិភាគទី៤  ខេត្តព្រះវិហារ។

សម្រាប់ស្នងការរាជធានី ឧត្តមសេនីយ៍ឯក ជួន ណារិន្ទ  បាននាំយកនូវជំនួយជូនកងទ័ព រួមមាន ថវិកា ៥០.០០០.០០០រៀល មីជាតិ ៣០០កេស ត្រីខ ៥០កេស ត្រីងៀត ១០០គ.ក ប្រហុកគ្រឿងឆ្អិន ១០០ គ.ក ទឹកសុទ្ធកម្ពុជា ១០០កេស ទឹកក្រូចកម្ពុជា ១០០កេស ទឹកត្រី ៥០យួរ ទឹកស៊ីអ៊ីវ ៥០យួរ សូឡា ៥០គ្រឿង បារី ២ប៊ិច និងកាហ្វេ ៥០ថង់។

ចំណែកខាងនគរបាលការពារព្រំដែនវិញ ស្នងការរាជធានី បានផ្ដល់ជូនថវិកា ៨០.០០០.០០០រៀល មីជាតិ ៧០០កេស ត្រីខ ១៥០កេស ត្រីងៀត ៤០០ គ.ក ប្រហុកគ្រឿងឆ្អិន ៤០០គ.ក សាច់ជ្រូកផាត់ ៥០គ.ក កាហ្វេ ១៥០ថង់ ទឹកសុទ្ធកម្ពុជា ៤០០កេស ទឹកក្រូចកម្ពុជា ២០០កេស ទឹកត្រី១០០យួរ ទឹកស៊ីអ៊ីវ ១០០យួរ សូឡា ២០០គ្រឿង ពីដុង៣០លីត្រ ៥០ពីដុង ខ្ទឹមស ១០០គ.ក ប៊ីចេង ៥០គ.ក ស្ករស ១០០គ.ក តង់4m x 6m ៥០តង់ តង់4.5m x8m ៥០តង់ ធូបមូស ៣០កេស ក្រមា ២០០ក្រមា  ពងទា ១.០០០គ្រាប់ ឆៃប៉ូវ ១០០គ.ក និងបារី ៨ប៊ិច។

ចំណែក ឯកឧត្តម ឧត្តមសេនីយ៍ឯក ស រដ្ឋា អគ្គស្នងការរង និងជាស្នងការនគរបាលខេត្តព្រះសីហនុ និងលោកជំទាវ វិញកាលពីថ្ងៃទី១១ ខែមិថុនា បាននាំយកនូវសម្ភារៈ និងស្បៀងអាហារជូនកងកម្លាំង ទីបញ្ជាការវរសេនាតូចលេខ១០៥ នគរបាលការពារព្រំដែនគោគ រួមមាន អង្ករ ១០តោន  មីខ្លាឃ្មុំ ៥០០កេស ទឹកសុទ្ធ ៥០០កេស  ភេសជ្ជៈ ១០០កេស  ទឹកត្រី ២០០យួរ ទឹកស៊ីអ៊ីវ ២០០យួរ ត្រីងៀត ២០០គ.ក សាច់ក្រក ២០០គ.ក អំបិល ៣០០គ.ក ប៊ីចេង ១០០គ.ក ខ្ទឹមស ៤០០គ.ក និងថវិកាស្នងការដ្ឋាន ៥០.០០០ ដុល្លារ។

ពីខេត្តកំពង់ស្ពឺ លោកឧត្តមសេនីយ៍ទោ ឃឹម សុកខៃ ស្នងការ នៃស្នងការដ្ឋាននគរបាលខេត្តកំពង់ស្ពឺ និងលោកជំទាវ បានដឹកនាំប្រតិភូស្នងការដ្ឋាន ចុះសួរសុខទុក្ខ លើកទឹកចិត្ត និងផ្ដល់ការគាំទ្រស្បៀងអាហារ សម្ភារៈ និងថវិកាជូន ទីបញ្ជាការភូមិភាគទី៤ វរៈនគរបាលការពារព្រំដែនលេខ ១០៥  រួមមាន  អង្ករ ៤តោន មីជាតិ ៣០០កេស ទឹកបរិសុទ្ធ ហាយធិច ៣០០កេស សាច់គោ ២០០គ.ក សាច់ជ្រូក៣០០គ.ក ទឹកស៊ីអ៊ីវ ១០០យួរ ទឹកត្រី ១០០យួរ សាច់ក្រក ១០០គ.ក ត្រីងៀត ១០០គ.ក ទឹកក្រូច ១០០កេស ត្រីខ ៣០កេស និងថវិកា  ២០.០០០ .០០០រៀល៕

ដោយ សេង បូលីន
មន្រ្តីព័ត៌មានក្រុមអ្នកនាំពាក្យក្រសួងមហាផ្ទៃ