#Yilsarhisobi2025

Yil davomida amalga oshirilgan islohot va tashabbuslar nogironligi bo‘lgan shaxslar uchun xavfsiz, qulay va to‘siqsiz muhit yaratish borasidagi yondashuvning amaliy natijalarini yaqqol namoyon etdi.

Xususan:

🖋 Qurilish loyihalarida inklyuziv muhitni ta’minlash bo‘yicha majburiy ekspertiza amaliyoti yo‘lga qo‘yildi. Shu orqali 7 mingga yaqin loyiha ko‘rib chiqilib, ularning 95 foizida nogironligi bo‘lgan shaxslar uchun zarur talablar kiritildi.

👨‍🦽 Nogironligi bo‘lgan bolalar uchun 300 ta umumta’lim maktablarida “to‘siqsiz muhit” yaratildi.

🚦Respublikada 784 ta ovozli svetofor o‘rnatildi, viloyat markazlarida odamlar serqatnov bo‘lgan joylarda chorrahalar moslashtirildi. 160 ta ko‘chada piyodalar yo‘laklari trotuarlar qayta jihozlanib, harakatlanish qulayligi oshirildi.

🚆Toshkent, Samarqand, Qo‘qon aeroportlari, shuningdek Markaziy va Janubiy temir yo‘l vokzallarida maxsus qulayliklar yaratildi.
Toshkent metrosining 16 ta bekatiga 45 ta ko‘tarish moslamasi, bekatlarda esa 21 ta maxsus lift o‘rnatildi.

🦽 Xitoydan keltirilgan 1 004 ta zamonaviy avtobus va elektrobus nogironligi bo‘lgan shaxslar uchun mos jihozlar bilan ta’minlandi.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz