10ኛ ዙር የፋይዳ ዲጂታል መታወቂያ ምዝገባ ለስደት ተመላሾችን እና ፍልሰተኞችን በቦሌ ሚካኤል እና ቃሊቲ ጣቢያዎች ላይ ተጨማሪ የምዝገባ ማሽኖችን ወደ ሥራ በማስገባት ኢትዮ ቴሌኮም እና የኢትዮጵያ ፖስታ አገልግሎት በተቀላጠፈ መልኩ እያከናወኑ ይገኛሉ።

በአደጋ ስጋት አመራር ኮሚሽን እየተመራ ያለው ይሄ ምዝገባ ፤ በተጨማሪም በጣቢያው ውስጥ ለተመላሾች ፋይዳን በመጠቀም የሲም ካርድ እና ሌሎች አገልግሎት እንዲያገኙም እየተደረገ ነው።

#ፋይዳለኢትዮጵያ #አካታች #ፋይዳለሁሉም #DigitalID

የፋይዳ ለኢትዮጵያ ሩጫ የፊታችን እሁድ ይካሔዳል።

ከ20,000 በላይ ተሳታፊዎች የሚኖረው የ5 ኪ.ሜ የፋይዳ ሩጫ ግንቦት 3፣2017 እንደሚካሄድ የብሔራዊ መታወቂያ ፕሮግራም ከአዲስ አበባ ሲቪል ምዝገባ እና የነዋሪነት አገልግሎት ኤጀንሲ እና ከአዲስ አበባ ከተማ አስተዳደር ወጣቶች እና ስፖርት ቢሮ ጋር በጋራ በመሆን በዛሬው ዕለት መግለጫ ሰጥተዋል።

ሙሉ መግለጫዉን : id.gov.et ላይ ያገኙታል።

#ፋይዳለኢትዮጵያ #መታወቅ #ፋይዳሩጫ #DigitalID

"ፋይዳ ብዝኀ ማንነት ላላት ኢትዮጵያ አስፈላጊ ነው" የአማራ ክልል ርዕሰ መስተዳድር ክቡር አረጋ ከበደ

በዛሬው እለት በአማራ ክልል በፋይዳ ዲጂታል መታወቂያ አተገባበር ላይ የግንዛቤ ማስጨበጫ ውይይት ተካሔደ። በግንዛቤ ማስጨበጫ መድረኩም የፋይዳ መታወቂያ ምዝገባ ለማህበረሰቡ ተደራሽ ለማድረግ እና ያለው ጠቀሜታ እንዴት ወደ መሬት አውርዶ መሰራት እንዳለበት ሰፋ ያለ ውይይት አድርገዋል።

በውይይቱ ላይ መልዕክት ያስተላለፉት ርዕሰ መሥተዳድሩ ፋይዳ ዲጂታል መታወቂያ እንደ ሀገር በርካታ ጥቅሞችን ያስገኛል ያሉ ሲሆን ፣ ለኢትዮጵያ ማህበረሰብ ትስስርን በመፍጠር የመንግሥት እና የዜጎችን ግንኙነት የበለጠ የሚያጠናክር የሚረዳ ነውም ብለዋል።

በመድረኩም ርዕሰ መስተዳድር አረጋ ከበደን ጨምሮ ፣ በምክትል ርዕሰ መስተዳድር ማዕረግ የከተማ ዘርፍ አሰተባባሪ እና የከተማ እና መሠረተ ልማት ቢሮ ሀላፊ ዶ/ር አሕመዲን መሐመድ ፣ የብሔራዊ መታወቂያ ፕሮግራም ዋና አስተባባሪ አቶ ዮዳሔ አርዓያሥላሴን ጨምሮ ሌሎች ከፍተኛ የሥራ ሀላፊዎች ተገኝተዋል።

በፋይዳ መታወቂያ ዙሪያ አሁን ላይ እየተተገበረ ያለውን የምዝገባ ሒደት ምን እንደሚመስል አንስተው ተደራሽነትን ከማስፋት አንጻር በቀጣይ መደረግ ስላለባቸው እና መወሰድ ስለላባቸው እርምጃዎች ላይ በጋራ መስራት እንዳለባቸው ተነጋገረዋል።

#ፋይዳለኢትዮዽያ #መታወቅ #DigitalID