የብሔራዊ መታወቂያ ፕሮግራም ከሐረሪ ክልል ከፍተኛ እና መካከለኛ አመራሮች ጋር በፋይዳ መታወቂያ ዙሪያ የምክክር መድረክ አካሔዱ።

በመድረኩም በብልፅግና ፓርቲ የሐረሪ ክልል ቅርንጫፍ ፅ/ቤት ሀላፊ ክቡር አቶ ጌቱ ወዬሳ "ፋይዳ ዜጎች ወጥ የሆነ ማንነት እንዲኖራቸው በማስቻል የተቀላጠፈ አገልግሎት እንዲያገኙ የሚያስችል ከመሆኑም ባሻገር መልካም አስተዳደርን ለማስፈን እና የዜጎችን እርካታን ለማሳደግ የሚያስችል ነው" ብለዋል።

የፋይዳ መታወቂያ ከፍተኛ አመራሮች ፋይዳ ዲጂታል ኢኮኖሚን ለመገንባት እና ነዋሪዎች በዲጂታል መንገድ አገልግሎት የሚያገኙበትን ሁኔታ የሚያመቻች መሆኑን ጠቅሰው በቀጣይም የአገልግሎት ሰጪ ተቋማትን ከፋይዳ መታወቂያ ጋር የማስተሳሰር ሂደት ተጠናክሮ እንደሚቀጥል ገለፀዋል።

ክቡር አቶ ጌቱ የሀረሪ ክልል አመራሮች እና ማህበረሰቡ የፋይዳ ትግበራን በመደገፍ በአጭር ግዜ ወስጥ የክልሉን ነዋሪ መዝግቦ ማጠናቀቅ እንደሚገባ በአፅኖት ገልፀዋል።

#ፋይዳለኢትዮጵያ #ፋይዳለሁሉም #ፋይዳመታወቂያ

በድሬዳዋ አስተዳደር ሁሉንም ነዋሪ የፋይዳ ዲጂታል መታወቂያ ተጠቃሚ ለማድረግ የሚያስችል የምዝገባ ዘመቻ እና የነዋሪነት መታወቂያ የትስስር መርሃ ግብር ተካሄደ።

በመርሃ ግብሩ ላይ ከፍተኛ የአስተዳደሩ አመራሮች ፣ ከተቋማት የተወጣጡ ባለድርሻ አካላት፣ የከተማ እና የገጠር ወረዳዎች ስራ አስፈፃሚዎች እና የማስተባበሪያ ሀላፊዎች ተገኝተዋል።

በመርሃ ግብሩም የድሬዳዋ አሰተዳደር ምክትል ከንቲባ እና የንግድ ኢንዱስትሪ እና ኢንቨስትመንት ቢሮ ሀላፊ አቶ ሀርቢ ቡህ “ፋይዳ ዲጂታል መታወቂያ እንደ ሀገር ከያዝናቸው እና ከምንተገብራቸው የልማት እቅስቃሴዎች አንዱ ነው” ብለዋል።

የድሬዳዋ ከተማ አስተዳደር ድሬዳዋ ከተማን ስማርት ሲቲ ከማድረግ አንጻር የተለያዩ የዲጂታል ስርዓቶችን በማልማት ለነዋሪዎች አገልግሎት አሰጣጥን ቀልጣፋ፣ ፈጣን እና ተደራሽ ለማድረግ ከሚሰራው ስራ አኳያ የድሬዳዋ የነዋሪነት መታወቂያን ዲጂታል ማድረግ አንዱ ነው።

#ፋይዳለኢትዮጵያ #ፋይዳለሁሉም #ፋይዳመታወቂያ

በአገልግሎት አሰጣጥ ረገድ ዜጎቻችን ላይ ምሬት የሚፈጥሩ አሰራሮችን ፈትሾ ማስተካከል ቅድሚያ የምንሰጠው ጉዳይ ነው። ለዚህ ቁርጠኝነታቸን አንዱ ማሳያ የሆነውን የመሶብ የአንድ መስኮት አገልግሎት ማዕከልን ዛሬ መርቀናል።

ይኽን አዲስ ማዕከል የሚገልጡ ሶስት ቁልፍ አላባውያን አሉ። የቆየ እና የተጎዳ ህንፃን ወደ ዘመናዊ እና ሥነውበታዊ ደረጃው ለሥራ ከባቢ አስደሳች ወደ ሆነ ህንፃ መለወጡ አንዱ ነው። አገልግሎቶችን ለመሰተር እና ለማቀናጀት በሀገር ውስጥ የለማ ሶፍትዌር በሥራ ላይ መዋሉ ብሎም በታደሰ አመለካከት ብቁ እና ክብር የሞላበት አገልግሎት የሚሰጡ ወጣቶች መዘጋጀታቸው ሌሎቹ አላባውያን ናቸው። 12 ተቋማት በአንድ ጣሪያ ሥር 40 የተለያዩ አገልግሎቶችን መስጠት የጀመሩ ሲሆን ይኽም ዜጎች ጊዜያቸውን እንዲቆጥቡ እና አገልግሎቶችን በተሻለ ውጤታማ መንገድ ለማግኘት ያግዛል።

እንደዚህ ያሉ ሥርዓቶችን ማበልፀግ ለዜጎች የተለያዩ የአገልግሎት ርካታ መታጣቶች ምላሽ በመስጠት በሂደት ለሰፊው ማኅበረሰብ ርካታ ትልቅ አስተዋጽኦ ይኖራቸዋል። የዛሬው ምረቃ ትልቅ ርምጃ መራመዳችንን ያሳያል። ኢትዮጵያ በዚህ ማዕከል ላይ ጨምራ እና አስፋፍታ ለዜጎች ሁሉ የተሻለ የአገልግሎት አሰጣጥን ታረጋግጣለች።