AI-generated materiallrga 🔞18+ qo'yilishi kerak!!!

Ertalab Instagramda reels ko'rib o'tirsam quyidagi reelga kulib yubordim. Shunda ikkinchi qizim (6 yosh) kelib qiziqib ko'rdi. Va tanidiki futbolchi Ranaldu o'zbekchada qo'shiq aytib o'tiribdi. Bu biz kattaroq yoshdagilar uchun shunchaki kayfiyatni ko'taruvchi material bo'lishi mumkin. Lekin aslida yosh avlod fikrlashiga juda yomon ta'sir qilishi mumkin deb o'ylayman.

Qizim tabiiy so'radi:
- Dada, Ranaldu qo'shiq aytishni ham biladimi?
- Dada, Ranaldu o'zbekchani biladimi?
- Dada, Ranaldu qayerda qo'shiq aytyapti?
...

Meni bu savollarga javob berish emas, agar yosh bolalar shunday noreal materiallarni ko'rib katta bo'lishsa, keyin nima bo'ladi degan savolning javobi o'ylantirib qo'ydi.

Yosh bola har qanday hodisalarni, materiallarni tabiiydek deb qabul qiladi. Tasavvur qilyapsizmi?
Bu hozirgi kunda noreal materiallarga to'layotgan dunyoda bola fikrlashiga endi qo'shimcha yuklama yuklanadi: qaysi biri real va qaysi biri noreal. Natijada bola keyin barcha narsalarga ishonchsiz ko'z bilan qarashi mumkin. Chunki avval ko'rib ishongan narsalarini aslida real bo'lib chiqmaganda. AI-generated materiallrga yosh chegarasi qo'yilishi kerak deb o'ylayman Masalan 16+ yoki 18+.

Bu holatlar biz ona-onalarga ogohlantirish qo'ng'irog'i bo'lishi kerak (wake-up call). Bolalarni bunday materiallardan saqlash biz ota-onalarga kerak xolos, boshqa hech kimga kerak emas.

Buni mendan kattalar ham aytgan: "Hurmatli ota-onalar, yaqin 10~15 yilda ko'ramiz bu mas'uliyatsizliklarimizning natijalarini.

Bu mening shaxsiy fikrlarim xolos. Xulosa o'zingizdan yoki bolaga telefon tutkazib bemalol ishingizni qiling yoki uni boshqa kitoblar va jismoniy o'yinlar bilan vaqtini o'tkazing.

👉@machine_learning_lab👈