بعدني ملاگية روحي بعدني ضايعة بنص خوفي

بس مرتاحة وسعيدة بهذا الضياع

حتى هروبي الجان ملازم روحي
"على شكل مسلسل، فلم، كتاب، أمنية"

انتهى وصرت ما أتهرب من تفكيري لو مواجهتي لنفسي

يمكن لان كبرت!

.. ونقطتين بس

مرات احس الحياة غريبة تنطينا انسان ماكو شي يشبه بالوجود وتختبرنا بيه كأن تگللنا گلبك يتحمل دوس عليه اكثر!

بس بطريقة بشعة

لان كلنا مجنا نريد نتعلم بكد مجنا نريد نصير سعيدين!

أحس اريد ابجي

الدموع ماتغير شيء ماتغير مصير ماتغير حدث

بالعكس تماما تكعد تزيد الناس الي تحرگ بگلبك

مثل واحد يفرغ النفط ويزيدها

مو غريبة على الحياة توجعنا ولا تهزمنا ولا تخوفنا

بس مرات تكون زيادة عن اللزوم زيادة على أن گلبي يشيل هيج وجع

والناس تافهين يصنفون كل انوع الالم عن أن حب وانتهى او انفصال

الحياة بيها هواي اشياء تجرح ثانية غير الحب وهايه سوالف البطر

الروح تثگل بالفقد
والخطوة صارت كلش ثگيلة
وليلي طويل والحمل زاد
حايرة بتابوتي ياهو يشيله

الطبيبة النفسية تكولي عندج اكل عاطفي
ماهو حبيبي طبيعي يصير عندي اكل عاطفي
من خيبات الحياة التافهة احسن ما اروح اتعاطى مخدرات افتح " كيس شبسي "
اشرب ببسي اكل كاكاو والا منو يلم عاطفتي المنثورة 😡
متقصرين على التشخيص غير المهم

احس بالكره تجاه كلشي