Эълон!!!

Ўзбекистон Республикаси Адвокатлар палатаси раиси ёрдамчиси лавозимига ёш адвокатларни ишга таклиф қиламиз!!!
Номзодларга қўйиладиган талаблар:
1) 30 ёшдан ошмаган бўлиши;
2) Рус ва инглиз тилини мукаммал билиши (яна битта қўшимча тилни билиши устунлик беради);
3) Тошкент шаҳрида фаолият юритаётган бўлиши керак.

Қўшимча маълумот олиш  учун соат 9:00дан 18:00 га қадар +99890-943-93-99 рақамига телеграм ижтимоий тармоғи орқали мурожаат қилишингиз мумкин.

@Hazratali_uz

Ўйланиб қолдим. Судяда ҳамма имконият бор. Бирор айб қилган инсон ҳақида максимал информация тўплай олади. Унинг мавқеи, моддий тарафлари, оиласидаги аҳвол ва бошқалар ҳақида. Яна унда оғирлаштирувчи ва енгиллаштирувчи ҳолатларни ҳисобга олиш ваколатиям бор. Жазони шунга қараб камайтириши ёки кўпайтиришиям мумкин.

Бироқ чиқарилган айрим қарор, ҳукмларини кўрсангиз, ҳуқуққа сал ақлингиз етса, нега бунақа қарор чиқардикин деб ўйлаб қоласиз. Айримларида жазо ортиқча оғир, айримлари оддий жарима билан қутулган ёки жазосиз қолганиям бор. Яна булар чиқараётган ҳужжатлари эртага зарарига ишдамайдими, бу қандай тизим деб ўйлай бошлайсиз. Булар виждони билан ҳеч ёлғиз қолишмасмикин?

@Hazratali_uz

Ayblanuvchi, gumonlanuvchi va sudlanuvchini oilasida har bir oila a’zosiga to‘g‘ri keladigan yalpi oylik daromad yuridik yordam ko‘rsatilganligi uchun haq to‘lashdan ozod qilish to‘g‘risida qaror (ajrim) qabul qilingan kundagi mehnatga haq to‘lashning eng kam miqdorining 52,70 foizidan ortiq bo‘lmagan shaxslar advokatlar tomonidan yuridik yordam ko‘rsatilganligi uchun haq to‘lashdan ozod qilinadi va xarajatlar davlat hisobiga o‘tkaziladi.

Hozirda mehnatga haq to‘lashning eng kam miqdori 1 050 000,00 so‘mni tashkil qiladi. Demak ayblanuvchi advokatlar tomonidan yuridik yordam ko‘rsatilganligi uchun haq to‘lashdan ozod qilinishi uchun uning har oila a'zosiga 553 350 so'm daromad to'g'ri kelishi lozim.

Misol uchun ayblanuvchining oilasi 5 kishini tashkil qiladi va oilada faqatgina bir kishi ishlab, uning oyligi 3 mln tashkil qiladi. Mazkur summani beshga bo'linganda, oilaning har bir a'zosiga 600 ming so'mdan to'g'ri keladi. Demak ushbu holatda ayblanuvchi advokatlar tomonidan yuridik yordam ko‘rsatilganligi uchun haq to‘lashdan ozod qilinmaydi.

Biroq amaliyotda sudlarimiz ushbu mezonga e'tibor bermasdan, deyarli barcha hollarda ayblanuvchini advokatlar tomonidan yuridik yordam ko‘rsatilganligi uchun haq to‘lashdan ozod qilishmoqda.

@Hazratali_uz

OTMga test topshirib kirishdan tashqari yana 43 xil imtiyoz bor.

Bu qanchalik adolatli yoki to'g'ri?

@Hazratali_uz

Ҳуқуқни қўллаш амалиётига рақамли далил институти киритилмоқда. Парламент қуйи палатаси Бош прокуратура томонидан киритилган қонунни қабул қилди.

@Hazratali_uz

Sobiq deputat Rasul Kusherbayev tomonidan Adliya vazirligi tizimidagi o'yinlar, soxta ayblov, trollar fabrikasi, "laxmach", jinoyat-protsessual qonunchilikni amaldagi holati haqida Adliya vazirligi jamoatchilik bilan aloqalar bo‘limi xodimi Husan Ravshanov bilan yaxshi intervyu tashkil qilinibdi. Mazkur intervyuni quyidagi link orqali tomosha qilishingiz mumkin.

https://www.youtube.com/watch?v=WdfRNmoY9Lc

Eslatib o'tamiz, 2023-yil 3-may kuni sayyor qabulda mojaroli holat kuzatilib, Bosh prokuror o‘rinbosari Svetlana Ortiqova Bosh prokuror Nig‘matilla Yo‘ldoshev bilan uchrashmoqchi bo‘lgan ayol va uning qaynotasini rahbarining qabuliga o‘tkazishni istamagani ijtimoiy tarmoqlarda e’tirozlarga sabab bo‘lgandi.

@Hazratali_uz

Судлов тарихидаги шармандали саҳифа

Адлия вазирлигининг собиқ ходими Husan Ravshanov қатнашган подкаст ҳақида кўпчилик гапирмоқда. Подкастда давлат хизматчисининг қай тариқа қурбон қилингани, Адлия вазирлиги ичидаги чиркин ўйинлар тилга олинади.

Судларда Ҳусанбойни ҳимоя қилдим ва бундан кейин бу чириган маҳкамаларда иштирок этмаслик фойдалироқ эканини тушундим. Чунки суд дегани бу мамлакатда тергов органининг қарорларини қонунлаштириб берувчи орган эканини шу иш мисолида баралла айта оламан.

Судларда ИИВ тергов ертўлаларининг эшиги амалдорлар учун ланг очиқ экани, қамоқхонада лохмачлар ўз ишларини бемалол битиришини, оддий фуқаро тугул давлат хизматчилари ҳам зулм машинаси олдида ҳеч ким эмаслигини 100 фоиз исботлаб бердик.

Адлия вазирлигидаги троллар фабрикаси, ўта жирканч раҳбарлар ўйини ва исталган одамнинг исталган вақтда қурбон этилиши мумкинлиги, аввало хизматчиларнинг ўзини ташвишга солиши керак.

Франц Кафканинг "Жазо колонияси" романида зулм машинасини яратган кимсанинг ўзи ўша машинанинг қурбонига айланади. Адлияда шундай машина бор ва бу машина тизимнинг сўнгги ходимини ютибгина тинчийди. Тизимнинг айрим шарафсиз фахрийлари ҳам бу машинани мойлашда иштирок этмоқда.

Бу ҳақда вақт топиб, албатта ёзаман.

©️Abdurakhmon Tashanov

@Hazratali_uz

Баҳолаш: Мол-мулкнинг ҳақиқий қийматини аниқлашда ягона ёндашув жорий этилади

Президент томонидан имзоланган Қонун (ЎРҚ-945-сон, 26.08.2024 й.) билан айрим қонун ҳужжатларига қўшимча ва ўзгартиришлар киритилди

Унга кўра, “Баҳолаш фаолияти тўғрисида”ги Қонунга баҳоловчи назорат қилувчи ёки ҳуқуқни муҳофаза қилувчи органлар томонидан ўтказиладиган текширишларда ва бошқа тадбирларда фақат баҳоловчи ташкилот ҳамда ушбу органлар ўртасида тузилган шартнома асосида эксперт сифатида ҳам иштирок этиши мумкинлигини назарда тутувчи ўзгартириш киритилди.

Бундан ташқари, “Суд экспертизаси тўғрисида”ги Қонунга киритилган қўшимчага кўра, камида 3 йил иш стажига эга бўлган суд экспертлари баҳолаш тўғрисидаги ҳисоботларда қўлланилган усулларнинг илмий жиҳатдан асосланганлиги нуқтаи назаридан суд экспертизасини ўтказиши мумкин.

Шунингдек, суд экспертининг текширишларни ўтказишда унинг хулосасига нисбатан белгиланган талабларга ва тегишли соҳадаги қонунчилик ҳужжатларига риоя этиш бўйича мажбурияти назарда тутилмоқда.

@Hazratali_uz

Jinoyat ishlari bo‘yicha odil sudlov fuqarolarning, jinsi, irqi, millati, tili, dini, ijtimoiy kelib chiqishi, e’tiqodi, shaxsiy va ijtimoiy mavqeyidan qat’i nazar, qonun va sud oldida tengligi asosida amalga oshiriladi.

Jinoyat-protsessual kodeksining 16-moddasi.

@Hazratali_uz