ታላቁን አረብ ገንዳ መስጅድ ግንባታ ለማጠናቀቅ ያለመ ዝግጅት በረመዳን 27ኛው ለሊት እንደሚካሄድ ተገለፀ!

- ሀሩን ሚዲያ፣ መጋቢት 16/2017

በደቡብ ወሎ ዞን ርዕሰ መዲና በደሴ ከተማ የሚገኘው ታሪካዊውና ግዙፉን አረብ ገንዳ መስጅድ ግንባታ ለማጠናቀቅ ያለመ የገቢ ማሰባሰቢያ ዝግጅት ነገ አመሻሽ እንደሚካሄድ ተገልጿል።

ለረጅም አመታት የመስጅዱ ኢማም በሆኑት ሸይኽ አደም ሙሳ ስም "የአባባ ሼይኽ አደም አደራ" በሚል መሪ ሀሳብ በሚከናወነው በዚህ ዝግጅት ከተጀመረ አመታት የተሻገረውን የአረብ ገንዳ መስጅድ ማስፋፊያ ግንባታ ለማጠናቀቅ ያለመ መሆኑ ተገልጿል።

በረመዳን 27ኛ ለሊት ከኢፍጣር እስከ ስሁር በተለያዩ ሚዲያዎች በቀጥታ ስርጭት በሚከናወነው ዝግጅት ላይ ታላላቅ የወሎ ኡለማኦች፣ ኡስታዞች ፣ ታዋቂ እና ተፅዕኖ ፈጣሪ ግለሰቦች እንደሚገኙበት ተገልጿል።

አረብ ገንዳ መስጅድ በርካታ አንጋፋ እና ወጣት ኡለሞችና ዳኢዎችን ያፈራ እጅግ በርካታ ለሆኑ ሰዎች የኢልም ምንጭ የሆነ መስጅድ መሆኑ የተገለፀ ሲሆን በነገው ዕለት 80% የደረሰውን የመስጅዱን ግንባታ ለማጠናቀቅ በሚደረገው የገቢ ማሰባሰቢያ መርኅ ግብር ላይ ሁሉም ሙስሊም ማህበረሰብ ተሳታፊ እንዲሆን ጥሪ ቀርቧል።

© ሀሩን ሚዲያ