تـعال الـجرح جـن ومـا رضـه يـهيـد
وحـجيـنه ويـاه مـا يـنفع عـذرنـه

يـشگ روحـي اعـله طـوله ويـنكت جـروح
وگـضيـنه خـيوطـنه ومـلت ابـرنـه

#جـبار_رشـيد
.

🌱
منو الياخذ حلم؟؟؟
من ينطي زايد بيه...؟؟
حلم كلش جديد #ومااستعملته
أبيعه لغير واحد مثل ما سوّيت
وياي وحنينك للغرب#بعته
مثل سچينتك راح انسحب بهداي
حتى اترك حياتك واطلع#بسكته
بلا ما تشعر ويكسر قراري الشوك
وارجعلك واگول: اتسرعت #خذته

#آيهاب_المالكي
.

اي يكلبي ظلن بنفسي الردتهن
لا خذتهن بالحلال ولا عصيت الله و بكتهن
.

گتلك الله وياك ما گتلك تعال
ومن رفعت أيدي اودعك مو اصيح
اني أحبك بس اصيحك مستحيل
من اشوفك ويه غيري ومستريح
گتلي تخسر گتلك الدنيه تدور
والطريح أيگوم ما يبقه طريح
.

#حسين_الحاير

🌺
مخطوبه اليه وچنت احسها مكيفه
بس المهر عطلنه .. عن الزفه
كلتلها هاليومين وانباگت بوگ
اي من عساها ابخت اهل السلفه

گلولها وذاك .. المكحل .. نده
فرحان ابوها بطفل يمهر شده
اخذوها بس هو الهضمني من الصار
ينطونها .. ل واحد .. زلف .. ماعده

#مصطفى_الكناني 🍃

يمتة تعود
بلكي تعود"
حتى المفردات عليك لبسن سود
اتعاجز أتنفس وانته ما موجود

#علي_الصفراني

اليوم احس عيوني گعدت طافية
وبردت بروحـي الليــالي الدافية
هيچ وصلوله الكلام
البس البـرزخ وانام
بوجهي ماتوجــد ملامــح عافـية
.

تبارينه الذمم والحب طويناه

وشمرنه الذكريات احجار بالبير

مادام النهر ضيك عبرنا

وكلمن خلي يذكر صاحبه بخير

صدك عدنه هدف بس ما وصلنا

مشي الحفاي نمشي اعله المسامير

ولو كلشي اليضيعلنه منلكا

خشب ويروح بحلوك المناشير

شلك بانسان مثلي الدهر شلاه

احسن ما اطيح وبيه اتحير

لو يدري رحيم البشر وياه

ربك مايسوي جناح للطير

جا حتى السمج بالكاع خلا

لكن كلنه نعرف هاي متصير

بشرنه اليوم منهو يعيش ويا

واللي بي يأمن ركبته تطير

#كاظم_اسماعيل_الگاطع

گالتلي مشتاگه وبعد ما اگدر
گتلهه گد البحر ؟ گالت والبر..!!

گلت المحاضن مايملّه المشتاگ
نتحاضن ويتّضح ياهو الأكثر..؟

-

عين بعـين #صـــرنه
وما درتــلك بــال
جنت مشغول بيك
عذرني ما شفتك
.

يجي يوم وتحّن عينك
تجينآ ومآ نلاگيها ،
يجي يوم وتحّن ريتک
تشمنآ وما نطب بيهآ
.

والله لو بيكم محنه
بكد ربع حنيتي الكم
جا عرفتو شلون كلبي
يموت بس يعرف خبركم
وجا عرفتو الليل سهره
و نومه من اشبك صوركم
بس عجيبه الروح تعشك
والعشك ما واصل الكم
#حيدر
.

حط روحه گوه يريد يحسبني نده
حتــى امنعد نسوان زحمه امنعده
.

خـاوي ألبـدن بجفـاڪ وألنسمه تـاذيـه
أبيـا ؏ـلي او ما گـام ﭼـا بيـش أنـخْيّـه ❜
.
#عدي_مهنا

🌺
هنا يا المسرع بجدمك.. تـراضـه
علامك كل عضو بجسمي.. تراضه
ابو المكتول والكاتل ..تـراضــه
بعيد الله وزعلتك ذيج هيه

#صادق_الجهلاوي 🍃

.
‏بــ الشـــوگ مـا عنــدك عــرف
‏خـــاطر .. تِــهِم بــ الجيّة
‏الــبلبـل المتــربــي بـقـفص
‏ما يـغــث روحــه اعـله الــغصن
‏ مافــاهم الـحــريـة..

#رائد_ابو_فتيان

🌱
حسافه انباع حبي بسعر خسران
وحصد غيري ثمر تعبي التعبته
خليتك حبيبي بكلبي شريان
وتحملني الغلط وتصير زعلان
وتلف وتدور مني تريد فلته
مبروك البعد والف ع الخير
وسهم غدرك يغالي بكلبي شلته
حسبالك اطيح ....لا عمي غلطان
الذهب يبقى ذهب مهما صهرته
.

تْمٌنَيَــتْكِ مٌتْتْ حُتْى بّضُمٌيَرَيَ تْْعيَــشِ!!
مٌــوَ ْعايَشِ وَاشِــوَفَكِ مٌيَــتْ كِـبّــالُيَ!!!

🌷
ﻻ تشتل وردتك معتمد ع الغيم
ماتدري بمطرهن ياوكت يكطع

ولتعاشر خيال وتحط روحك بيه
بس اصير ظلمه يعوفك ويشلع

وﻻتذرف دمع لو راح اي كان
تخسر دمعتك والراح مايرجع

ولتعاتب أبد ع الماعرف يشريك
شما تعتب ع الحيطان ماتسمع
.

.
الليل بعيوني انتجه..🍃
وصوت اسمك ابالي انحجه
ومدري يا عين البدت بيه البجه
للنوم جن رايح حرب
مثل اليعارك ما يحس
من خلصت ليلي الصبح
ﻻكيت روحي مدججه 💔
.

⚘

نص و نص اسولف ما اسولف حيل
هوه الحيل وينه اتريدني احجيلك،؟
مدري اشتاكلك مدري الله ﻻ ينطيك
اخاف احجي المصايب ينهدم حيلك💔

.