.
#الوفاء :
لمن تماشي انسان نفسه بوجهك وظهرك
من تطلع هلال وتلگه اليتانيك
حدما يكتمل بدرك
من تموت وتشوف التحبه بخور
وحده مچلب بگبرك

.
#الحزن :
من تفتح عيونك
وتلگه الناس ما بيهم المنتظرك..
من تضحك چذب والآخ
خنجر نايمه بصدرك..
من يلحگ عليك الشيب
وانت اعلى المشط ما عودت شعرك !

.
#الفرح ..
من تعشگ ابنادم وكت متفارگه يدورك
من تلگه اليگلك كول
وتگله اعله كلشي البيك ويصبرك
من تزغر بعين الناس تلگه ابنادم يكبرك !

#حيدر_الشكري

.
زعلان بس يا زعل لمن ترد للصدگ
گبل المنادة أجي وشلون جيٌه أجي
أركض ركض محترك
#كاظم_اسماعيل_الكاطع

من گال مشتاك الك

شحجيله ما أعرف ..

‏ظليت من الخجل كلساع أگله احلف

الوآحد تعرفه من الحَچي ..

لآگيله يم غَيرك وَطن لَمن يسولف رَسمي

شتريد مو عوزَك بعد صبعيّن أوَصلَك لأمي !

.
يجي يوم النوارس ذيج
ماتغفى بشواطينه

يجي يوم النحبه يصير
يكره حتى طارينه
.

و منتظرك بميه هلا لمن تجي تحاجيني

.

.
مالك خلك للحجي لو مال من عندي
ارجع و كلشي الك
انت شوكت ما تجي من الصفر نبدي

.
من شفتك وحكك تيهت دربي
ماكلك متت بس نخمش كلبي
شني نكظي الدرب
بس التفاتة روس
لو ادنه كربك لو تجي الكربي

.
‏خايف احچيلك
واعددلك چَم صبح مامر علية
خايف احچيلك واموت
خايف احچيلك ،
وصوتي من الرَجف يبقة بلاية صوت .
||

❤️..

هذا اخر عيد و انتي بعيدة
يا الساكنه بنص الگلب و وريدة
يا البيج اللّه ملكني الحياة
و الگلب بس بوجودج عيدة

.

.
شباقي بيه ؟
و انتَ كُل شي الـ بيه اخذته
منين ما باوعلي انته !

.

.

تدري شگيت المكاتيب القديمة
وشكو ذكرى براسي من شفتك اجيت ..
تدري لميت الهلا والكلشي بيه
شگد ملامح بيك احبها وما حچيت ..

.

آنه لو بس ينفتحلك باب گلبي
تشوف بيّه أمك و أبوك و ديرتك
و حروف إسمك
و العيون التنذر الشوف إعله طولك
حتى خوف الوادم الرادت تحبك …

ياهو أحن مني و يحبك ؟😢💜

وخوفتي من باب گلبي 💔
خاف ينسد و الك جية ..
وخاف افتحه ،
وكلشي بالدنيا عداك يمر عليه ..

.

ياخذني قطار الليل ترچيه
و أطيح بسچه زلوفك
اليحرگ بابكم مو ريح
روحي متانيه تشوفك
.

حتى الطيف وحشه بلا ضوه عيونك
يما تدري افز مثل المسودن
من يذكرونك
يمته وياي يلگونك

.

بعدك وحق الراح من بين اديه
ما ترضه عيني بيوم غيرك اليه
انت الوحيد الي روحي تريده
و تتمرجح اما بين گلبي و وريده
.