HabariTech

Je, wanaongea au kila mmoja yuko busy na simu yake?

Tumekuwa watu ambao tunatafuta kukubalika mtandaoni kuliko na watu wanaotuzunguka. Hii ni kwa sababu simu zetu zimekuwa vizuri sana kufanya kazi ambazo watengenezaji wake wamelenga kuliko sisi kujua inatakiwa kufanya nini. Kwa sababu hiyo tukikaa pamoja tunaona ni bora kuangalia videos TikTok kuliko kuzungumza na wanaotuzunguka.
Hii ni kwa sababu hatuko tayari kupokea maoni ya wanaotuzunguka pale ambapo kuna jamii za mtandaoni ambazo zinatupa majibu tunayotaka kusikia.

Mimi kama naamini dunia ni tambarare nitajiunga na jamii zinazokubaliana nami na sio na rafiki zangu wanao amini kwamba dunia ni duara.

Echo Chambers

Niliposema mitandao na simu zetu zinafanya kazi ambazo zimeundwa kufanya namaanisha hiki kitu kinaitwa echo chambers. Echo ni Mwangwi, yaani sauti yako kurudi kwako ukiongea.

Echo chambers kazi yake ni kukuonyesha wewe maudhui ambazo zinaendana na wewe ili kuendelea kukuweka kwenye mtandao husika.

Sio uongo kuwa instagram wanataka uendelee KUPERUZI mtandao wao na Ali Express wanataka uendelee KUNUNUA kutoka kwao.

Wanafanyaje ili kuhakikisha hilo?

Leo hii ukiingia google kutafuta neno “Good gaming PC available 2022” unaweza pewa link za maduka yanayouza PC. Ukifungua tu link moja wapo, nakuhakikishia ukipita AliExpress au instagram utaanza kuona matangazo kuhusu Gaming PCs.

Hii ni kwa sababu algorithm yao imeamini kwamba kwa muda huo umevutiwa na mada zinazohusu gaming PC. Hii ndiyo tunaita echo chamber. Na kwa sababu hii utajikuta unaendelea kuperuzi huo mtandao kwa kuwa wanakuonyesha unachotaka kuona.

Kinachoendelea hapa ni mitandao kukuamlia ufikirie nini kwa muda mrefu. Ukiongelea Samsung utaanza kuona matangazo kuhusu Samsung. Mpaka tweets na posts za watu utakazoona ni zile zinaongelea Samsung tena kwa kuwasifu.

Ghafla utajikuta unaanza kuwa shabiki wa Samsung. Unaweza jikuta unaenda mbali zaidi na kuanza tumia bidhaa zao (Simu, TV, fridge, nk). Kinachoogopesha hapa ni kwamba akija mtu wa iPhone kukwambia tofauti hautataka kumuelewa kabisa. Na hii inaweza kukupelekea kurudi kwenye point yangu ya Negaitvity.

Ufuatiliaji
Tumefikia hatua ambayo teknolojia inaendelea kukua kwa kasi ya ajabu sana na hakuna mtu anataka iache kukua. Teknolojia bora maana yake ni kwamba maisha yetu yanakuwa bora zaidi na rahisi zaidi, hata silaha za kijeshi zinakuwa za kisasa kuzidi miaka ya nyuma.

Bahati mbaya wakati kila kitu kutuhusu kinakuwa cha kidijitali, kuanzia mahusiano mpaka uhalifu. Serikali na kampuni za mitandao na mawasiliano inabidi zitafute namna mpya ya kudhibiti haya yote ili kuwa na control juu ya watu wake.
Namna ya udhibiti ambayo itatumika hapa haitakuwa rafiki kwetu sisi wananchi.

Mfano mzuri ni sera mpya ya Apple kufatilia picha zote ndani ya simu yako, kuona kama kuna child abuse (Unyanyasaji wa watoto) unafanyika na kukuripoti kwa mamlaka husika.

Kwa sasa hili ni jambo zuri, ila itakuaje huko mbeleni kama serikali zitaanza kuweka sheria kwamba hizi kampuni za simu zifatilie kila kitu unachofanya na simu yako. Na hapa sina maana ya vitu vya kihalifu, naongelea vitu kama kwenda google na kutafuta “Bunduki inafanya vipi kazi?”. Kwamba ukitafuta kitu kama hicho wewe ni mhalifu unatakiwa kuwekwa mbaroni?

Unaweza dhani ni kitu haiwezekani ila China tayari wanafanya kitu kama hicho. Wananchi wa China wanakuwa rated kulingana na vitu wanavyofanya kwenye jamii. Vitu vinavyo zingatiwa hapa ni kama kuweka muziki kwa sauti kubwa eneo la watu wengi sio sahihi au kuvuka barabara sehemu isiyo na kivuko cha watembea kwa miguu.

Hivi ni vitu vidogo ambavyo vikiendelea sana vinaweza pelekea mwananchi wa China kuzuiliwa kusafiri kwa ndege kutoka nje ya nchi au hata kuondolewa haki ya baadhi ya vitu kama kwenda kumbi za starehe.

Mwisho

Binafsi napenda sana teknolojia na sitaki kusema kwamba tuachane nayo kwa kuwa inatupeleka pabaya. Ukweli ni kwamba mpaka sasa imetuletea maendeleo mazuri.

395 viewsCharles Venny, 13:39