ለተመራማሪዎች የተዘጋጀ የግንዛቤ ማስጨበጫ መድረክ በግብርና ኮሌጅ ተካሄደ።
**//***
ኅዳር 22/2016 ዓ.ም
በሀዋሳ ዩኒቨርሲቲ የግብርና ኮሌጅ ገረመው ኃይሌ አዳራሽ ኅዳር 20/2016 ዓም በተሰናዳው የግንዛቤ ማስጨበጫ ፕሮግራም ላይ ከዩኒቨርሲቲው የተለያዩ ኮሌጆች የተወጣጡ ፒ.ኤች.ዲ እና ከዚያ በላይ የትምህርት ደረጃ ያላቸው ተመራማሪዎች ተሳትፈውበታል።

በግብርና ኮሌጅ የእንስሳትና ተፈጥሮ ግጦሽ ሳይንስ ክፍል አንጋፋ መምህርና ተመራማሪ የሆኑት ፕ/ር አበራ መለሰ በጀርመን ሀገር መቀመጫውን ያደረገው Alexander von Humboldt's Foundation በተለያዩ ታዳጊ ሀገራት ለሚገኙ ተመራማሪዎች በጀርመን ሀገር በታወቁ ዩኒቨርሲቲዎች ውስጥ የትምህርት እድል ማግኘት እንዲችሉ እየሰራ የሚገኝ ተቋም መሆኑን ገልጸው በሀዋሳ ዩኒቨርሲቲ የሚገኙ ተመራማሪዎች የእድሉ ተጠቃሚ መሆን የሚያስችላቸውን ግንዛቤ ለማስጨበጥ ጉባኤው መዘጋጀቱን ተናግረዋል። ፕሮፌሰሩ እንዳሉት ወጣትና ጀማሪ ተመራማሪዎች እንዴት ከዚህ ዕድል መጠቀም እንደሚችሉ ያውቁ ዘንድ ቀደም ሲል የዚህ ፕሮግራም ተጠቃሚ የሆኑ ባለሙያዎች ልምዳቸውን እንደሚያካፍሉም ገልጸዋል።

በግብርና ኮሌጅ የእንስሳት ሳይንስ ትምህርት ክፍል ኃላፊና የፕሮጀክቱ የኢትዮጵያ አስተባባሪ ተባባሪ ፕ/ር ዶ/ር ስንታየሁ ይግረም በበኩላቸው ሀዋሳ ዩኒቨርሲቲ የምርምር ዩኒቨርሲቲ እንደመሆኑ መጠን በዚሁ ዘርፍ በርካታ ጥራት ያላቸው ምርምሮችን የማበርከት ኃላፊነት ስላለበት ተመራማሪዎች በአለምአቀፍ ደረጃ በሚዘጋጁ መሰል ፕሮግራሞች ላይ ንቁ ተሳታፊዎች መሆን ይጠበቅባቸዋል ብለዋል። ፋውንዴሽኑ ፒ.ኤች.ዲ እና ከዚያ በላይ የትምህርት ደረጃ ላላቸው ተመራማሪዎች የሚሰጠውን እድል መጠቀም በአለምአቀፍ ደረጃ ልምድ ካላቸው የዘርፉ ባለሙያዎች ጋር ለመስራት

ለዩኒቨርሲቲ ተማሪዎች ሲሠጥ የነበረው 2ኛው ዙር የሠላም ትምህርት ስልጠና ተጠናቀቀ::
***//*
ሕዳር 24 ቀን 2016 ዓ.ም
በሀዋሳ ዩኒቨርሲቲ የሕግና ገቨርናንስ ኮሌጅ በአውሮፓ ሕብረት ድጋፍ ከብሪቲሽ ካውንስል ኢትዮጵያ ጋር ባለው "Enabling University Peace Education (EUPE)" ፕሮጀክት አማካኝነት በ2ኛው ዙር 250 ለሚሆኑ የዩኒቨርሲቲው ተማሪዎች በግጭት አፈታትና ሠላም ግንባታ ላይ ለአንድ ወር ሲሠጥ የቆየው ስልጠና እሁድ ኅዳር 23/2016 ዓም ተጠናቃቀ።

የኮሌጁ ዲን እና የፕሮጀክቱ አስተባባሪ ዶ/ር ደብረወርቅ ደበበ በስልጠናው ማጠናቀቅያ ላይ እንደተናገሩት የስልጠናው አላማ ሠልጣኝ ተማሪዎች በስልጠናው ያገኙትን ዕውቀት ተጠቅመው በዩኒቨርሲቲ ቆይታቸውም ሆነ ወደየመጡበት አከባቢ ሲመለሱ ተመሳሳይ ስልጠናዎችን ለተለያዩ የማኅበረሰብ ክፍሎች በመስጠት ተግባራዊ  እንድያደርጉ ለማብቃት እና የሰላም አምባሳደሮች እንዲሆኑ ታስቦ መሆኑን ተናግረዋል፡፡

የስልጠናውን ሞጁል ይዘት በተመለከተም ዶ/ር ደብረወርቅ ሲያብራሩ የሀገራችንን ነባራዊ ሁኔታ ያገናዘበ: በሰላም ግንባታና ግጭት አፈታት ላይ ሰፊ የትምህርት ዝግጅትና እውቀት ባላቸው በሀዋሳ: ጂማ እና በባህርዳር  ዩኒቨርሲቲዎች እንዲሁም በእንግሊዙ ኮቬንትሪ ዩኒቨርሲቲ ምሁራን በጥምረት የተዘጋጀ  ሲሆን ከንድፈ ሃሳብ ባሻገር ተግባር ተኮር መልመጃዎችን የያዘ እንደሆነ ገልፀዋል::

የሁለተኛው ዙር ሰልጣኞች በዩኒቨርሲቲው ስር ከሚገኙ ሁሉም ኮሌጆችና የቴክኖሎጂ ኢንስቲትዩት የተውጣጡ 250 ተማሪዎች ሲሆኑ ቀደም ብሎ በኮሌጁ በወጣው ማስታወቂያ መሠረት በፈቃደኝነት የተመዘገቡ መሆናቸው ተገልጽዋል።

በተመሳሳይ ፕሮጀክት በመጀመሪያው ዙር 75 ተማሪዎች እና 100 መምህራን ስልጠናውን በሚገባ አጠናቀው

ለአሣ አምራቾች ስልጠና ተሰጠ::
**//**
ኅዳር 24/2016 ዓም

በሀዋሳ ዩኒቨርሲቲ የማህበረሰብ አገልግሎት ዳይሬክቶሬት ከዓሣ ምርምር ማዕከል ጋር በመተባበር በሲዳማ ክልል ከይርጋለም ከተማ አስተዳደርና ከዳሌ ወረዳ ለተውጣጡ ዓሣ አምራቾች የሶስት ቀናት ስልጠና አዘጋጅቷል።

የማህበረሰብ አገልግሎት ዳይሬክተር አቶ ማርቆስ ፍሰሀ ስልጠናውን ሲያስጀምሩ ሀዋሳ ዩኒቨርሲቲ በማህበረሰብ አገልግሎት በሰብል ልማት፣ አካባቢ ጥበቃ፣ እንስሳት እርባታ፣ ትምህርት እና ሌሎች በርካታ ዘርፎች ህብረተሰቡን ተጠቃሚ የሚያደርጉ ስራዎችን በሲዳማ ክልል የተለያዩ ወረዳዎች ሲሰራ መቆየቱን ገልፀዋል። ዓሣ ለጤና እጅግ ጠቃሚ የሆኑ ንጥረ ነገሮችን የያዘ የምግብ አይነት እንደመሆኑ የዓሣ ምርት መጠንና ጥራትን በማሳደግ በአነስተኛ ዋጋ ለማህበረሰቡ አማራጭ ምግብ ሆኖ እንዲቀርብ ለማስቻል ሀያ አራት የሚደርሱ የይርጋለም ከተማና የዳሌ ወረዳ ወጣቶችን በማደራጀት ስልጠና እየተሰጠ መሆኑን ዳይሬክተሩ ጨምረው ተናግረዋል።

የዳሌ ወረዳ የእንስሳትና ዓሣ ልማት ኃላፊ ተወካይ አቶ አብርሃም አየለ በበኩላቸው ቀደም ሲል ወረዳው ከሃዋሳ ዩኒቨርሲቲ የማህበረሰብ አገልግሎት ጋር በመተባበር በንብ ምርትና በዶሮ ማዳቀል ውጤታማ ስራዎችን መስራቱን ጠቁመው በአሁኑ ወቅት በዓሣ ግብርና ዘርፍ በትብብር ለመስራት በዱባ ቀበሌ ላይ ለዓሣ ምርት የሚሆኑ ጉድጓዶች የተቆፈሩ መሆናቸውን ገልጸዋል። በክልሉም ሆነ በአገር አቀፍ ደረጃ ከፍተኛ ፍላጎት ካለበት ከዓሣ ገበያ ተጠቃሚ ለመሆን በወረዳ ደረጃ የዓሣ ምርት ማዕከል ለመሆን እየተሰራ እንደሚገኝም አቶ አብርሃም ጠቅሰዋል።


                        ሀዋሳ ዩኒቨርሲቲ
                        ሁሌም ለልህቀት!