Respublika ishchi guruhi a’zolari Yakkasaroyda o‘rganish olib bordilar

👉 O‘zbekiston Respublikasi Oliy sudi raisining birinchi o‘rinbosari Alisher Usmanov, O‘zbekiston Respublikasi Kriminologiya tadqiqot instituti boshlig‘i Baxtiyor Berdialiyev, Yakkasaroy tumani hokimi Nilufar Allabergenova, tuman IIO FMB boshlig‘i Alisher Murodov, tuman prokurori o‘rinbosari hamda mutasaddi rahbarlar ishtirokida tumandagi gaz ta’minoti tizimi faoliyati o‘rganildi.

📎 O‘rganish davomida tuman gaz bo‘limining navbatchilik xizmati faoliyati, avariya holatlariga tezkor javob berish tizimi, mavjud maxsus texnika va zahira jihozlari, shuningdek, kuz-qish mavsumiga tayyorgarlik ishlari atroflicha ko‘zdan kechirildi.

💠 Mas’ullar tomonidan aholini uzluksiz va barqaror tabiiy gaz bilan ta’minlash, favqulodda vaziyatlarning oldini olish, avariya brigadalarining shayligi hamda zarur ehtiyot qismlar zaxirasini yaratish bo‘yicha amalga oshirilayotgan ishlar yuzasidan axborot berildi.

💠 O‘rganish yakunida kuz-qish mavsumini talafotlarsiz o‘tkazish, gaz ta’minoti tizimining uzluksiz ishlashini ta’minlash, avariya holatlarining oldini olish hamda aholiga ko‘rsatilayotgan xizmatlar sifatini yanada oshirish bo‘yicha mutasaddilarga tegishli topshiriq va tavsiyalar berildi.

✍️ Yakkasaroy tumani hokimligi Matbuot xizmati