Yoqilg‘i-energetika tizimi tashkilotlarining yangi rahbarlari jamoaga tanishtirildi

Bugun O‘zbekiston Respublikasi Prezidentining yoqilg‘i-energetika masalalari bo‘yicha maslahatchisi Bexzot Narmatov ishtirokida yoqilg‘i-energetika tizimi tashkilotlariga tayinlangan yangi rahbarlarni jamoaga tanishtirish marosimi bo‘lib o‘tdi.

Tadbirda Energetika vaziri Sherzod Xodjayev, “Hududiy elektr tarmoqlari” AJ boshqaruvi raisi Sardor Isaqulov hamda “O‘zenergoinspeksiya” rahbari lavozimiga tayinlangan Axad Isoqjonov jamoaga tanishtirildi. Unda yoqilg‘i-energetika tizimidagi barcha tashkilotlar rahbarlari va mas’ul xodimlari ishtirok etdi.

Uchrashuv davomida bugun davlatimiz rahbari raisligida o‘tkazilgan tanqidiy yig‘ilishda belgilangan ustuvor vazifalar yana bir bor muhokama qilinib, ularning ijrosini o‘z vaqtida, sifatli va to‘liq ta’minlash yuzasidan mas’ullarga aniq topshiriqlar berildi.

Shuningdek, belgilangan vazifalarni vijdonan va yuksak mas’uliyat bilan bajarish, sohada ijro intizomini yanada mustahkamlash, yuklatilgan vazifalar ijrosiga befarqlik yoki xiyonatga mutlaqo yo‘l qo‘yilmasligi alohida ta’kidlandi. Bu borada har bir rahbar va mas’ul xodimning shaxsiy javobgarligi yuqori ekani qayd etildi.

Shu bilan birga, sohada amalga oshirilishi lozim bo‘lgan ishlar hali juda ko‘p ekani ta’kidlandi. Erishilayotgan natijalarni yutuq sifatida emas, balki har bir rahbar va mas’ul xodimning o‘z xizmat vazifasini vijdonan va sidqidildan bajarishining tabiiy natijasi sifatida baholash zarurligi qayd etildi. Barcha kuch va sa’y-harakatlar belgilangan vazifalarning to‘liq va samarali ijrosini ta’minlashga qaratilishi lozimligi alohida uqtirildi.

Yig‘ilish yakunida yoqilg‘i-energetika tizimidagi tashkilotlar rahbarlari va jamoalari zimmasiga yuklatilgan vazifalarni birgalikda, fidoyilik, yuksak mas’uliyat va qat’iy intizom asosida amalga oshirish zarurligi yana bir bor ta’kidlandi.

Telegram | Facebook | Instagram | YouTube | X | Veb-sayt

“Sergelitumangaz” gaz ta’minoti bo‘limida sayyor qabul o‘tkazildi

“Sergelitumangaz” gaz ta’minoti bo‘limi boshlig‘i v.v.b. R.T. Joltoyev boshchiligida navbatdagi sayyor qabul tashkil etildi.

“Hududgaz Poytaxt” GTFning Nazorat va murojaatlar bilan ishlash bo‘limi hamda “Sergelitumangaz” GTB hamkorligida tumanning “Xontepa” MFYda aholining tabiiy gaz ta’minotiga oid murojaatlarini o‘rganish, mavjud muammolarni joyida bartaraf etish hamda iste’molchilar bilan ochiq muloqotni yanada mustahkamlash maqsadida sayyor qabul o‘tkazildi.

Qabul davomida fuqarolarning tabiiy gaz ta’minotiga oid murojaatlari tinglanib, ularning aksariyatiga joyida huquqiy va amaliy tushuntirishlar berildi. Qo‘shimcha o‘rganishni talab etuvchi murojaatlar yuzasidan mas’ul mutaxassislarga tegishli topshiriqlar berildi.

Sayyor qabul davomida jami 7 ta murojaat ro‘yxatga olinib, ularni belgilangan tartibda ko‘rib chiqish va ijrosini ta’minlash uchun mas’ul xodimlarga yo‘naltirildi.

“Hududgaz Poytaxt” GTF Matbuot xizmati

Prezident Shavkat Mirziyoyev Nukus shahridagi qozonxonani kogeneratsiya texnologiyalari asosida modernizatsiya qilish yuzasidan taqdimot bilan tanishdi.
—
Президент Шавкат Мирзиёев ознакомился с презентацией по модернизации котельной города Нукуса на основе когенерационных технологий.

#Mirziyoyev #taqdimot #Nukus #kogeneratsiya

Prezident.uz|Facebook|Instagram|YouTube|X