“Shayxontohurtumangaz” gaz ta’minoti bo‘limida sayyor qabul o‘tkazildi

“Hududgaz Poytaxt” GTFning Nazorat va murojaatlar bilan ishlash bo‘limi hamda “Shayxontohurtumangaz” gaz ta’minoti bo‘limi hamkorligida aholi murojaatlarini joyida ko‘rib chiqish va mavjud muammolarni tezkor hal etish maqsadida sayyor qabul tashkil etildi.

Sayyor qabul “Shayxontohurtumangaz” gaz ta’minoti bo‘limi boshlig‘i B.B. Nigmatov boshchiligida o‘tkazildi. Unda fuqarolarning tabiiy gaz ta’minoti, gaz tarmoqlarini ta’mirlash, gaz hisoblagichlari, ulanish va boshqa masalalarga oid murojaatlari tinglandi.

Sayyor qabul davomida kelib tushgan murojaatlarning aksariyatiga joyida huquqiy va amaliy tushuntirishlar berildi. Shuningdek, amaliy yechim talab etgan murojaatlar bo‘yicha mutaxassislar manzilga chiqib, mavjud muammolarni joyida bartaraf etdilar. Qo‘shimcha o‘rganishni talab etadigan murojaatlar esa ijroga olinib, ularni belgilangan muddatlarda hal etish yuzasidan mas’ullarga tegishli topshiriqlar berildi.

Bunday sayyor qabullar aholining murojaatlarini joyida ko‘rib chiqish, tizimdagi muammolarni tezkor bartaraf etish hamda iste’molchilar bilan ochiq muloqotni ta’minlashga xizmat qiladi.

“Hududgaz Poytaxt” GTF Matbuot xizmati

📚 “Hududgaz Poytaxt” gaz ta’minoti filiali hamda tuman gaz ta’minoti bo‘limlari xodimlari uchun navbatdagi “Siyosiy-ma’rifiy soat” tashkil etildi.

Mazkur siyosiy-ma’rifiy soat davomida mamlakatimizda amalga oshirilayotgan islohotlar, davlat siyosatining ustuvor yo‘nalishlari, ma’naviy-ma’rifiy sohadagi dolzarb masalalar hamda haftaning eng muhim voqea-hodisalari yuzasidan batafsil ma’lumotlar taqdim etildi.

Shuningdek, xodimlarning siyosiy-huquqiy bilimlarini oshirish, yurt taraqqiyotiga daxldorlik tuyg‘usini mustahkamlash hamda kasbiy mas’uliyatini yanada yuksaltirishga qaratilgan mavzular yoritildi.

“Siyosiy-ma’rifiy soat” xodimlarning dunyoqarashini kengaytirish, ma’naviy salohiyatini yuksaltirish, siyosiy faolligini oshirish va jamoada sog‘lom ma’naviy muhitni mustahkamlashga xizmat qilmoqda.

“Hududgaz Poytaxt” gaz ta’minoti filiali Matbuot xizmati.

2026-yil 27-iyul kuni “Yangihayottumangaz” gaz ta’minoti bo‘limi boshlig‘i v.v.b. A.G. Eshnazarov boshchiligida sayyor qabul o‘tkazildi.

“Hududgaz Poytaxt” GTFning Nazorat va murojaatlar bilan ishlash bo‘limi hamda “Yangihayottumangaz” gaz ta’minoti bo‘limi hamkorligida aholining tabiiy gaz ta’minotiga oid murojaatlarini o‘rganish, mavjud muammolarni joyida hal etish va iste’molchilar bilan ochiq muloqotni kuchaytirish maqsadida tumanning “Marhamat” MFYda sayyor qabul tashkil etildi.

Ochiq muloqot davomida fuqarolarning tabiiy gaz ta’minotiga oid murojaatlari tinglanib, aksariyatiga joyida huquqiy va amaliy tushuntirishlar berildi. Ayrim murojaatlar yuzasidan tegishli mutaxassislarga topshiriqlar berildi.

Qabul davomida jami 8 ta murojaat ro‘yxatga olinib, ko‘rib chiqish va ijrosini ta’minlash uchun mas’ul mutaxassislarga yo‘naltirildi.

Murojaatlarni amaldagi tartibda ko‘rib chiqish va ijobiy hal etish yuzasidan tegishli choralar ko‘rilishi belgilandi.

“Hududgaz Poytaxt” GTF Matbuot xizmati