Chilonzor tumani “Katta Chilonzor-1” MFY, Labixo‘ja ko‘chasi, 1-mavze, 49-uyiga yo’nalgan o‘rta bosimli yer osti gaz quvurida gaz sizib chiqishi hamda gaz qudug‘idagi o‘rta bosimli zulfinda nosozlik aniqlanganligi sababli, avariya holatini bartaraf etish maqsadida 23-iyul kuni soat 11:30 dan quyidagi iste’molchilarda tabiiy gaz ta’minoti vaqtincha to‘xtatiladi.

Aholi iste’molchilari:

“Katta Chilonzor-1”,
“Katta Chilonzor-2”,
“Katta Chilonzor-3”,
“Chilonzor”,
“Novza”,
“Beshchinor”, “Ko‘rkam”,
“1-Qatortol”, “Lutfiy”,
“Oqtepa”, “Bog‘zor”,
“Dilobod”, “Xalqlar do‘stligi” va
“Navbahor” MFYlari.

Ulgurji iste’molchilar: 86 ta.

Ayni vaqtda tuman gaz ta’minoti bo‘limining avariya brigadasi tomonidan ta’mirlash ishlari olib borilmoqda.Ta’mirlash ishlari yakunlangach, tabiiy gaz ta’minoti bosqichma-bosqich qayta tiklanadi.

Yuzaga kelayotgan noqulayliklar uchun gaz ta’minoti filiali iste’molchilardan uzr so‘raydi.

“Hududgaz Poytaxt” GTF Matbuot xizmati

📍 “Bektemirtumangaz” gaz ta’minoti bo‘limida sayyor qabul o‘tkazildi

“Hududgaz Poytaxt” GTF Nazorat va murojaatlar bilan ishlash bo‘limi tomonidan “Bektemirtumangaz” gaz ta’minoti bo‘limi bilan hamkorlikda “Majnuntol”MFY hududida navbatdagi sayyor qabul tashkil etildi.

Sayyor qabul davomida mahalla aholisining tabiiy gaz ta’minotiga oid murojaatlari tinglanib, boshqa dolzarb masalalar yuzasidan ham muammolar o‘rganildi.

Qabul jarayonida 5 ta murojaat belgilangan tartibda ro‘yxatga olinib, ijrosi yuzasidan tegishli mutaxassislarga yo‘naltirildi.

Fuqarolarning murojaatlari amaldagi tartibda ko‘rib chiqish va ijobiy hal etish choralarini ko‘rish uchun qabul qilindi.

“Hududgaz Poytaxt” GTF Matbuot xizmati

📍 “Mirobodtumangaz” gaz ta’minoti bo‘limida sayyor qabul o‘tkazildi

2026-yil 23-iyul kuni “Mirobodtumangaz” gaz ta’minoti bo‘limi boshlig‘i O.I. Vaxidov boshchiligida sayyor qabul o‘tkazildi.

“Hududgaz Poytaxt” GTFning Nazorat va murojaatlar bilan ishlash bo‘limi hamda “Mirobodtumangaz” gaz ta’minoti bo‘limi hamkorligida tumanning “Baynalminal” MFY hududida navbatdagi sayyor qabul tashkil etildi.

Sayyor qabul davomida mahalla aholisining tabiiy gaz ta’minotiga oid murojaatlari tinglanib, ko‘tarilgan masalalar yuzasidan tegishli mutasaddi xodimlarga joyida zarur ko‘rsatmalar berildi.

Qabul jarayonida jami 6 ta murojaat belgilangan tartibda ro‘yxatga olinib, ularni ko‘rib chiqish va ijrosini ta’minlash uchun mas’ul bo‘lim mutaxassislariga yo‘naltirildi.

Fuqarolarning murojaatlari amaldagi tartibda ko‘rib chiqilishi hamda ularni ijobiy hal etish yuzasidan tegishli choralar ko‘rilishi belgilandi.

“Hududgaz Poytaxt” GTF Matbuot xizmati

“Shayxontohurtumangaz” gaz ta’minoti bo‘limida sayyor qabul o‘tkazildi

“Hududgaz Poytaxt” GTFning Nazorat va murojaatlar bilan ishlash bo‘limi hamda “Shayxontohurtumangaz” gaz ta’minoti bo‘limi hamkorligida aholi murojaatlarini joyida ko‘rib chiqish va mavjud muammolarni tezkor hal etish maqsadida sayyor qabul tashkil etildi.

Sayyor qabul “Shayxontohurtumangaz” gaz ta’minoti bo‘limi boshlig‘i B.B. Nigmatov boshchiligida o‘tkazildi. Unda fuqarolarning tabiiy gaz ta’minoti, gaz tarmoqlarini ta’mirlash, gaz hisoblagichlari, ulanish va boshqa masalalarga oid murojaatlari tinglandi.

Sayyor qabul davomida kelib tushgan murojaatlarning aksariyatiga joyida huquqiy va amaliy tushuntirishlar berildi. Shuningdek, amaliy yechim talab etgan murojaatlar bo‘yicha mutaxassislar manzilga chiqib, mavjud muammolarni joyida bartaraf etdilar. Qo‘shimcha o‘rganishni talab etadigan murojaatlar esa ijroga olinib, ularni belgilangan muddatlarda hal etish yuzasidan mas’ullarga tegishli topshiriqlar berildi.

Bunday sayyor qabullar aholining murojaatlarini joyida ko‘rib chiqish, tizimdagi muammolarni tezkor bartaraf etish hamda iste’molchilar bilan ochiq muloqotni ta’minlashga xizmat qiladi.

“Hududgaz Poytaxt” GTF Matbuot xizmati