#brifing

Aholini tabiiy va suyultirilgan gaz bilan ta’minlash sohasidagi korrupsiyaga qarshi kurashish yo‘nalishida 2025-yil va 2026-yilning birinchi yarim yilligi davomida amalga oshirilgan ishlar yuzasidan ma’lumot.

🤩Texnik shartlarni rasmiylashtirish jarayonlari raqamlashtirildi va onlayn nazorat tizimi joriy etildi.

🤩Texnik shartlarni inson omilisiz rasmiylashtirish uchun sun’iy intellekt asosidagi tizim ishga tushirildi.

🤩Gaz ta’minoti bo‘yicha hisob-raqam ochish va ariza topshirish xizmatlari to‘liq onlayn shaklga o‘tkazildi.

🤩Gazlashtirish jarayonlarida firibgarlikning oldini olishga qaratilgan axborot-targ‘ibot ishlari kuchaytirildi.

🤩Qoidabuzarliklarni rasmiylashtirish jarayonlari raqamlashtirilib, qog‘oz hujjat aylanishidan voz kechildi.

🤩Nazorat tadbirlarining shaffofligini oshirish maqsadida xodimlarni bodi-kameralar bilan ta’minlash choralari ko‘rilmoqda.

🤩Eski gaz hisoblagichlarini almashtirish jarayonlarini foto va video orqali nazorat qilish tizimi joriy etildi.

🤩Suyultirilgan gaz ballonlarini tarqatishda Face ID texnologiyasi joriy etildi.

🤩Suyultirilgan gaz ta’minoti bo‘yicha hisob-raqam ochish va ariza topshirish xizmatlari raqamlashtirildi.

Telegram | Facebook | Instagram | YouTube | X | Veb-sayt

“Hududgaz Poytaxt” GTF: Kuz-qish mavsumiga tayyorgarlik

Ushbu mavzu yuzasidan “Toshkent” telekanalining “Poytaxt” informatsion dasturida so‘z yuritildi.

“Hududgaz Poytaxt” GTF matbuot xizmati

Hurmatli isteʼmolchilar!

Toshkent shahar Yunusobod tumani 10-mavzeda joylashgan yuqori bosimli gaz taqsimlash punktida taʼmirlash ishlari olib borilishi natijasida 8-iyul kuni soat 09:00 dan 19:00 gacha Yunusobod tumanining quyidagi hududlarida gaz taʼminoti vaqtincha toʻxtatiladi.

Aholi isteʼmolchilari:
Yunusobod 2–19-dahalaridagi koʻp qavatli uylar;
“Anorzor”, “Shahriston”, “Kulolqoʻrgʻon”, “Yoʻlariq”, “Turkiston”, “Bobodehqon”, “Oqtepa”, “Obod”, “Posira”, “Otchopar 1”, “Otchopar 2” MFYlaridagi koʻp qavatli uylar hamda yerli xonadonlar;
Registon, Mirzaahmedova, Moyqoʻrgʻon, Binkat va Bogʻishamol koʻchasidagi koʻp qavatli uylar hamda yerli xonadonlar.

Ulgurji isteʼmolchilar:
8 ta AGTKSH, tumandagi yirik isteʼmolchilar hamda kichik va oʻrta biznes korxonalari

Shuningdek, tumanning quyidagi hududlaridagi isteʼmolchilar gaz bosimida pasayish kuzatilishi mumkin:
“Yunusobod”, “Posira”, “Hiyobontepa”, “Bodomzor”, “Shivli”, “Firdavsiy”, “Yangitarnov”, “M.Ulugʻbek”, “Buyuk Turon”, “Boʻzsuv”, “Iftixor”, “Jomiy”, “Toʻraqoʻrgʻon”, “Yangiariq” va “Usta Shirin” MFYlari.

Taʼmirlash ishlari yakunlangandan soʻng gaz taʼminoti qayta tiklanadi. Yuzaga kelayotgan noqulayliklar uchun gaz taʼminoti filiali isteʼmolchilardan uzr soʻraydi.

“Hududgaz Poytaxt” GTF matbuot xizmati

#bilasizmi #kompensatsiya

Endi gaz va elektr energiyasi kompensatsiyasini my.gov.uz orqali rasmiylashtirish mumkin

Kuz-qish va yoz oylarida energiya resurslari xarajatini kamaytirish maqsadida ehtiyojmand oilalarga davlat tomonidan kompensatsiya to‘lanishi joriy etilgan. Va endi buni uydan chiqmay turib rasmiylashtirish mumkin.

Mazkur xizmatdan: Ijtimoiy reyestrga kiritilgan, shuningdek, Reyestrga kiritilmagan, biroq moddiy ahvoli boʻyicha “davlat taʼminotidagi oila” yoki “kambag‘al oila” toifasidagi mezonlarga mos, oiladagi jon boshiga to‘g‘ri keladigan daromadi minimal isteʼmol xarajatlarining 1,5 barobaridan oshmaydigan oilalar foydalanishlari mumkin.

Kompensatsiya bazaviy me’yordan oshgan quyidagi iste’mol hajmi uchun ajratiladi:
⏺Elektr energiyasi: oyiga 150 kVt·soatgacha;
⏺Tabiiy gaz: isitish mavsumida oyiga 250 kub metrgacha, boshqa oylarda esa oyiga 150 kub metrgacha.

📲Arizani:
🗄Onlayn: my.gov.uz orqali.
🗄Oflayn: Davlat xizmatlari markazi, “Inson” markazlari yoki mahalladagi ijtimoiy xodim orqali topshirish mumkin.

Ariza har oyning 16-sanasiga qadar qabul qilinadi (16-sanadan keyingilari navbatdagi oyga o‘tadi).

💳 To‘lov tartibi quyidagicha: Kompensatsiya tasdiqlangach, mablag‘ keyingi oyning 27-sanasiga qadar “Xalq banki” orqali fuqaroning ijtimoiy yoki bank kartasiga o‘tkazib beriladi. Natija haqida SMS va shaxsiy kabinetga xabarnoma keladi.

Xizmatdan foydalanish mutlaqo bepul.

💻Hoziroq ariza yuborish uchun: https://my.gov.uz/uz/service/1363

💬Facebook |👉Telegram |▶️ YouTube |📷Instagram |📱 X |🌐 hududgaz.uz

Toshkent shahrida yangi texnologiya muvaffaqiyatli sinovdan oʻtkazildi

“Hududgaztaʼminot” AJ tomonidan gaz taʼminoti tizimida zamonaviy va innovatsion yondashuvlarni joriy etish, isteʼmolchilarga uzluksiz xizmat koʻrsatish sifatini oshirish maqsadida Rossiya mutaxassislari bilan hamkorlikda yangi texnologiya sinovdan oʻtkazilmoqda.

Mazkur texnologiya gaz quvurlarida taʼmirlash va rekonstruksiya ishlarini isteʼmolchilarni tarmoqdan uzmagan holda amalga oshirish imkonini beradi. Bunda maxsus uskunalar yordamida gaz quvurining taʼmirlanayotgan qismi vaqtincha tarmoqdan ajratiladi, tabiiy gaz esa oldindan oʻrnatilgan baypas quvuri orqali uzatilishda davom etadi. Shu tariqa taʼmirlash yoki rekonstruksiya ishlarini amalga oshirish jarayonida isteʼmolchilarni gaz taʼminotidan uzishga ehtiyoj qolmaydi.

Ushbu usul bugungi kunda qator rivojlangan davlatlarda gaz tarmoqlariga texnik xizmat koʻrsatish va rekonstruksiya qilish ishlarida keng qoʻllanilib, oʻzining samaradorligi va xavfsizligini amalda isbotlagan zamonaviy texnologiyalardan biri hisoblanadi.

Dastlabki amaliy sinov Toshkent shahrining Yashnobod tumanida oʻtkazildi. Xususan, tumandagi “Goʻzal” MFY hududida joylashgan yer usti gaz quvurini xavfsiz hududga koʻchirish ishlari isteʼmolchilar gaz taʼminotini toʻxtatmagan holda muvaffaqiyatli bajarildi.

Mutaxassislarning taʼkidlashicha, ushbu texnologiyani keng joriy etish kelgusida gaz tarmoqlarini modernizatsiya qilish, avariya holatlarining oldini olish hamda tizim ishonchliligini yanada oshirishda muhim ahamiyat kasb etadi. Eng muhimi, taʼmirlash va rekonstruksiya ishlari davomida isteʼmolchilarni gaz taʼminotidan uzmasdan xizmat koʻrsatish imkoniyati yaratiladi. Bu esa aholi va tadbirkorlik subyektlari uchun qoʻshimcha qulaylik yaratish bilan birga, rejali taʼmirlash ishlarini ancha tezkor va samarali tashkil etish imkonini beradi.

Hurmatli iste’molchilar!

Ta’mirlash ishlari tufayli 9-iyul kuni Yangihayot tumanining ayrim hududlarida tabiiy gaz ta’minoti vaqtincha to‘xtatiladi.

Yangihayot tumani “Mash’al” MFY.
soat 11:00 dan 16-00 gacha.

Ta’mirlash ishlari yakunlangach, tabiiy gaz ta’minoti qayta tiklanadi.

Yuzaga kelayotgan noqulayliklar uchun gaz ta’minoti filiali iste’molchilardan uzr so‘raydi.

“Hududgaz Poytaxt” GTF
Matbuot xizmati