🇬🇧英國香港書展下月倫敦舉辦

【起初，只想搞個小活動】

嚟到英國無幾耐，就發現娛樂選項同喺香港時大幅變動，設施更優秀嘅戲院，無中文字幕終究美中不足；體育比賽應有盡有仲唔使捱夜，但係不再有廣東話評述；樸素嘅生活無須華貴衣飾，唯獨係睇書嘅快感，係當地設施與文化無可取代嘅。

聽廣東歌，聽嘅係本土潮流文化；睇港產片，可以重溫每寸美好嘅土地建築，而睇中文書，無需多言，就係盛載住歷史、文學、激情、奇幻、美學，語言就係咁奇妙。可以帶過黎嘅書，無論有幾多，總之都唔夠，於是，衍生咗搞英國香港書展嘅念頭。

然而，情況急轉直下。喺香港被禁嘅書越來愈多，圖書館自我審查，下架書籍多不勝數，因出版而被捕已經切實出現，參與書展居然有出版商被拒絕，香港嘅出版自由早已岌岌可危，語言作為自由思想載體，係香港人最後亦係唯一可以對抗嘅武器。

為此，我決意喺倫敦籌辦第一屆英國香港書展，日子為九月九、十日。香港唔賣得嘅書，我地有得賣，香港仲賣得嘅書，我地要廣為流傳。「要消滅一個民族，就要先消滅語言和文字」是歷史上早已認證嘅聰明策略，反之要對抗，就要保育香港文化，香港書籍。

香港本土語言豐富多樣，不論書面語、粵語，傳承香港文化的就是地道語言；流行文化與深度文學，在香港人前，絕對平起平坐，香港嘅書籍，一本都不能少。

第一屆英國香港書展策展人 白告 我的你的紅的 張正皓。Franco Cheung

#英國香港書展2022 #拭目以待 #倫敦 #書展

📌英國香港書展Facebook原文
https://m.facebook.com/story.php?story_fbid=pfbid02vjrHEVSGHj4MfH8Hm8EhKvuahTjeehAhdxhkxELePEmKGhEdVKdBg4md1cHzA5sQl&id=100083819965668

🌐其他英國資訊 BHK Channel
t.me/britonshk
🌐BHK 英戰線 Telegram Group
bit.ly/BHK612TG