#Admin專欄 #美麗新中国Xiang Gang夜殯Fun？ @Windseasonbro

麻煩未Subscribe嘅大家就Subscribe 同share畀你所有細group，thanks
👅1️⃣2️⃣3️⃣4️⃣5️⃣。

早幾日，李家超宣佈香港夜繽紛活動，其實都係炒爛飯，博物館免費入場再加霓虹燈字體宣傳，有Follower指，跟風巴呢幾個Admin專欄講嘅嘢好似，但係外間反應又證明風巴講嘅嘢係唔Work嘅。

首先，政府今次真係柒咗，開幕典禮舞白獅，由於白獅跟喪禮有關，政府立即轉移視線『指白為銀』，話果隻係銀獅嚟，1997年後，不斷有新語，『銀獅』取代『白獅』、『積水』取代『水浸』，時值2023年9月，唔知2024年前重會聽到幾多句新語呢？

然後，我強調我指出嘅霓虹博物館/九龍城寨博物館個概念同政府所講嘅嘢雖然有類似嘅地方，但畢竟都係新博物館，而政府所指嘅係科學館/太空館開夜少少，加幾個霓虹標誌就當新嘢。

如果要吸引旅客，的確要搞國際盛事。

澳門有賽車、國際煙花比賽；新加坡有F1一級方程式賽車，而香港早期都話搞香港電動方程式大獎賽（Hong Kong ePrix），不過要求比賽時限速，真係離撚晒地，限速嘅比賽有乜好睇？

香港有七人欖球賽，不過上年嘅焦點係唱中華人民共和国國歌定係願榮光歸香港，遊客感受到嘅唔係歡樂氣氛，而係政治爭拗。

而一年一度嘅七人欖球賽，絕對唔夠號召力。

試諗下，你作為遊客去一個國家旅行，有乜嘢可以驅使你留多幾日？除咗美食之外，就係旅遊體驗，但旅遊體驗畀中国搞到收晒皮了。

鬼佬嚟香港，除咗飲飲食食之外，都會行下離島、行下山，同時去香港唔同嘅區域消費，佢哋嘅消費係比較平均嘅（商務客除外，可能去中上環多），而中国人嚟香港，為咗買奶粉、西藥、金器，呢D係無需要住多幾日嘅，酒店都唔需要住，直接上中国住。

而鬼佬、日韓人，佢哋會喺香港影下街景如霓虹燈，親身去接觸城市唔同街道，佢哋嘅存在未必如中国人咁高調，不過佢哋為香港帶嚟嘅收入絕對唔會少過中国人。

試諗下，1997年之前嘅香港，尤其80 90年代時，重未被中国奪去，重未開放中国人嚟自由行，點解旅遊業做得起？西方遊客同日韓遊客欣賞香港嘅獨特性，淨係影下龍獅旗同西式建築都係行程必去景點，但如今香港不再，剩返嘅只有美麗新Xiang Gang夜殯Fun，有乜人會喺呢個地方消費？

近日好多「中国Xiang Gang人返大陸」。然而，深圳商場再大、再用錢堆砌一大堆仿日韓嘅商場，都只係南橘北枳，而香港就連南橘北枳都唔做，一味幻彩詠香江、蘭桂芳、舊式博物館，究竟玩到幾多年？

香港近年嘅建築有乜？西九文化區？好有文化？我又唔覺。

被一個無文化嘅国家控制住，香港都只會係美麗新Xiang Gang夜殯Fun。

傳說中 癡心的眼淚會傾城
霓虹熄了 世界漸冷清
煙花會謝 笙歌會停
顯得這故事尾聲 更動聽

你認為，香港嘅故事到尾聲未？而家開始，除咗食必要嘅飯，或者係值得支持嘅舖頭仔之外，我只會去日韓消費，你呢？

希望大家繼續支持暴風雨巴呢個TG Channel同 #Admin專欄，而如果你中意聽風巴 @Windseasonbro 鳩噏，請你Follow本Channel 😉 @Windseasonhk ，並叫多兩個朋友玩TG Follow風巴，感謝=)

#Admin專欄 #二十蚊燒賣香料案內所抵唔抵？#睇一件事嘅切入點唔係咁睇 @Windseasonbro

呢兩日，由香港政府策動嘅『香港夜繽紛』正式啟動，第一個受市民矚目嘅就係K11Musea同星光大道合辦嘅『星光夜市 Night Market by the Sea』，據佢哋官網所講，係『全港首個文化海濱夜市』。

食正『全港首個』、『文化海濱』、『夜市』，加上星期五Happy Friday後星期六嘅效應，尋日其中一個檔攤『香料案內所』嘅燒賣沽清，一洗網上輿論指『二十蚊燒賣好貴，係智商稅，一定賣唔晒』嘅恥辱。

Btw，風巴並唔係支持『香料案內所』，我認為大家睇嘢嘅角度可以再闊少少，簡單嚟講我同意二十文唔係貴，但並唔代表我要幫襯。

我知道我呢種獨醒撚嘅行文係好嘔心，不過事實上香港真係有一部分人，唔知佢哋係刻意搞亂討論嘅風氣，定係真係睇嘢咁二元，剩係『貴』定『平』，『抵』定『做水魚』。

首先，我先從一般人嘅角度去睇呢件事，大部分香港人都係成本效應，認為擺夜市比實體食肆租金低，而且比較彈性，因此將一般便利店11蚊10粒嘅燒賣魚蛋Mark Up至20蚊4粒並不合理。

後來『香料案內所』澄清佢哋係賣『香料(即辣油)，而非燒賣』，所以20蚊嘅價錢，有一部分甚至大部分係買個辣油。

風巴對呢個講法實在不敢恭維。

以前年代去美食節或者街邊嘅醬油Promotion，既然個燒賣或魚蛋唔係主菜，食品公司會提供埋試食，畀客人試完覺得好食就一樽樽買返屋企。

當然我明白商家角度，喺凡事講著數，怕『執輸行頭慘過敗家嘅』而現今經濟咁差嘅新香港，如果佢提供埋免費試食，大概無乜人買個辣椒油，但反而個個拎燒賣食，最後只會蝕撚埋個燒賣價錢。

其實20蚊真係唔算貴，不過係超出市民預期，普遍市民對『夜市』嘅諗法都係好似臺灣、泰國咁，經濟抵食，而商人同香港政府嘅諗法唔係咁。

點解政府話要搞夜市？點解話唔可以重複大笪地時代，同埋唔可以同深圳鬥平？其實貴價夜市嘅存在係捉市民心理，玩錨定效應。

睇完『香料案內所』賣20蚊4粒燒賣嘅新聞，反而為政府創造咗新嘅需求，未睇新聞前可能班市民無諗過自己要食燒賣，睇完之後有D想食，所以有人去夜市試下，咁無去夜市嘅人又點？佢哋可能去711或其他有燒賣嘅小食店去食，重覺得自己平過人哋十蚊八蚊，而且食多一粒兩粒所以洋洋得意。

『賺咗』嘅心理就好似當煤氣遇上火花，本身係靜止(唔消費)，後來因為呢度平2蚊，果度平3蚊，偶爾有一單半單平咗10蚊就以為自己好精明，然後繼續落去，但往往使得更多。

經濟往往倚靠樂觀消費，無樂觀消費，一個社會就只有鬥平鬥賤。

我再舉一個例子，如果你哋去一個地方，見到14蚊3粒燒賣，大概覺得貴，無需要買，但如果同場有20蚊3粒、25蚊3粒，你就會覺得14蚊3粒算抵，偶爾畀自己食下，但當愈來愈多人接受咗14蚊3粒，咁下次或下年，市場上就會剩返15蚊或以上3粒嘅選擇。

久而久之，物價愈來愈貴。呢個係自2003年香港通縮後，2008年美國QE再加上中国自由行令到香港人嘅物價返唔到轉頭嘅原因之一(當然重有幾個因素，不過『錨定效應』都係主因)。

簡而言之，當夜市賣緊20蚊4粒燒賣，你樓下間舖頭由10蚊5粒燒賣變成12蚊4粒燒賣你都會接受，而你反而因為平咗8蚊而再用8蚊消費，愈消費愈覺得自己『賺咗』，但以後就無晒10蚊5粒燒賣。

呢個係其中一個影響。

你問我，價格合唔合理？其實並唔係天價，不過本人對於夜市嘅要求唔同。

有D盛事如七人欖球賽，場內飲啤酒都唔平，不過我都願意去畀，因為呢種Relax同Enjoy Life嘅Vibe係喺出面搵唔到。

你話K11夜市全部都係演員就太誇張、無視現實嘅，點都會有人去撐場，同樣地如果你話政府搞呢D Show出嚟，無做媒都係呃人嘅。

夜市成唔成功？我唔知，但一個城市嘅成與敗，並唔係計較佢喺燒賣果度帶起幾多連鎖式消費反應，簡單一件事：恒生指數返咗三萬點未？樓價止跌未？Sorry我買美股無港股，我只係想帶出一件事：

八九十年代好多人魚翅撈飯，果時係超出果個年代嘅消費力好多倍，但無人話智商稅，點解？

因為股票日日升，個社會日日進步，欣欣向榮，果時嘅香港人面貌同而家好唔同，除咗九七危機之外，我所見過嘅香港人都係發自內心咁笑。

因為大部分人都可以享受到社會進步帶嚟嘅好處。

一個未光復嘅香港，點光復夜市？即使光復夜市，重有樓市、股市呢？就算畀你樓股齊升，都只係虛火，因為以前果一個東方之珠不夜城，早已經喺1997年被無盡嘅黑洞吞併。

所以討論燒賣抵唔抵係無意思，其實應該話，夜市根本就無用，香港已死，就算兩蚊食到四十粒燒賣，香港都已經死咗。

The Hong Kong is dead, it is Xiang Gang now, don't you know？

希望大家繼續支持暴風雨巴呢個TG Channel同 #Admin專欄，而如果你中意聽風巴 @Windseasonbro 鳩噏，請你Follow本Channel 🙏 @Windseasonhk ，並叫多兩個朋友玩TG Follow風巴，感謝=)

#Admin專欄 #小犬係喪家之犬定神犬？ #星期一2023年10月9號好可能有半日假 @Windseasonbro

TLDR:風巴有60%信心鳩估小犬有機會令天文臺喺2023年10月9號維持保守八號風球。

2023年初秋，小犬以強颱風姿態接近香港，時值東北季候風，令呢個秋颱更加有不確定性。

戴定頭盔先，以下純粹係風巴鳩估，並無科學根據，並唔係香港天文臺官方消息，如果需要好嚴謹嘅分析，可以參考香港天文臺及其他天氣Channel：我認為香港天文臺會為小犬發出一個保險性嘅八號風球，應該橫跨星期日夜晚至星期一朝早，可能喺2023年10月9日星期一1040或1140左右會除下八號風球，下文講下點解我咁鳩估。

小犬喺菲東初期，本來氣象機構預料佢會撞臺灣，結果只係輕輕擦過，垂直風切變無預料中強，並無為小犬做成太大傷害。同時，佢結構都算緊密，雖然唔係超級颱風Level，不過都唔算禿頭颱，都有少少旋臂，唔係北面無料到果d颱風。

而東北季候風殺到，佢都無迅速減弱，係因為佢環流窄，風眼又細，呢類颱風反而無環流大嘅颱風咁快減弱，而小犬受制於東北季候風同時陷入咗東西兩邊副高中間嘅鞍形場，令到佢以較西方向緩慢移動，而幸好南海最近無其他颱風，可以盡吸水潛熱(不過咁慢移動都有危機，海溫唔夠令到佢減弱／唔會增強得好快)。

無論如何，佢比起天文臺想像中減弱得慢，至今仍然係颱風級數，而佢採取喺香港以南東至西走嘅路徑掠過，星期日晚應該最大風，而星期一朝早亦有可能令香港8個風力監測站帶嚟2站或以上烈風。

天文臺發出8號熱帶氣旋警告信號時，會參考八個測風站所錄得嘅風力係唔係上到烈風程度，但如果大家追風有一定年資，就會知道有D弱八係未達標準，如2015蓮花、2017洛克，而根據新臺長比較鬆手嘅情況，再加上小犬距離咁近香港掠過，有機會無啦啦北跳嘅情況下，香港天文臺有可能會因為小犬而保持一個保守八號風球。

好視乎小犬移速幾慢，同埋今晚會唔會整合增強，同埋北跳嘅可能性。

當然，以上為風巴鳩估，各位如果要睇專業嚴謹嘅分析，請留意香港天文臺及其他氣象Channel。

大家請繼續留意本臺 @windseasonhk 或其他氣象channel及天文臺最新資訊。如果中意風巴鳩噏，不斷叫朋友同tg 細group睇呢個Channel就係對我最大嘅支持同鼓勵😉。

#Admin專欄 #回顧2023年風季 #回顧九號風球小犬 #風暴分析需要理性思維 @Windseasonbro

呢篇文章我會同大家講下：
1️⃣ 回顧2023年風季(我知道下星期好似有個布拉萬，但唔理佢先，都未必影響到香港）
2️⃣ 追風需要理性，點解感性嘅 @Windseasonbro 有時估中有時會中伏？

先簡介一下，九號風球小犬係今年影響到香港嘅第四個風。第一個泰利，第二個蘇拉，第三個海葵，第四個就係佢。今年風季都幾撲朔迷離，無啦啦有個十號風球———蘇拉，佢甚至一度被認為係超越山竹嘅風，因為佢係好難得穿過巴士海峽直接車埋嚟嘅超強颱風。結果後來蘇拉嚟到香港，香港各區受風程度不一，最大影響係港島南同離島區，而大部分人大失所望，討論區同IG都有人覺得呢個係廢風。

而無人期望嘅海葵殘餘雨帶，反而為香港帶嚟五百年一遇嘅黑色暴雨洪水。

追風就係咁樣，好多時都有驚喜———2023年風季，有八號風球泰利、十號風球蘇拉、一號風球海葵、九號風球小犬，但如果你問香港人邊個風最震撼，反而係一號風球海葵帶嚟嘅黑色暴雨引起嘅500年一遇水浸。

而今次小犬，又係一個令人好難捉摸嘅撚狗颱風。

小犬發展初期，各國模式以至香港天文臺都唔係好睇好佢，有預測係小犬受到東北季候風會喺香港南面減弱至熱帶風暴，結構被破壞而且往西南走，無人諗過佢可以靠縮細環流、結構緊密而抵受到東北季候風嘅入侵，為香港帶嚟弱八風力。

講返我點解中伏先，我係一個盼風撚。

普通人認為，盼風撚係無氣象知識就盲目盼風，所以相信呢類人就好大鑊；然而其實最大鑊嘅係相信有少少業餘氣象知識，但係仍然盼風嘅人，即係我。

一如以往，我喺小犬形成初期就寫各種分析同鳩估，太早期嘅鳩估唔講，剩係講我喺10月7號呢篇Admin專欄，其實大致上係中嘅，尤其係：『...我認為香港天文臺會為小犬發出一個保險性嘅八號風球，應該橫跨星期日夜晚至星期一朝早，可能喺2023年10月9日星期一1040或1140左右會除下八號風球...』

然而尋日10月8號，當天文臺喺晏晝宣佈有九號風球嘅可能性之後，心裡面非理性嘅盼風心理主導，搞到後來反而唔相信自己當初嘅判斷，最後估錯小犬會有十號風球。

原因係，天文臺不斷提及黃茅洲風力不斷增強，而且颶風圈距離香港太近，只要有足夠北向量揩到颶風圈，就上到十號風球。

然而，十號風球係需係實測去上嘅，未達標準嘅風就停留喺九號風球。

我認為，小犬係弱八(不過肯定勁過廢風三寶)，但係一個合理九號風球，因為小犬真係狗號風球颶風圈接近香港，天氣有急速轉壞嘅可能性。

風巴亦會好好檢討自己鳩估時太非理性嘅盼風性格，希望帶畀大家更好嘅分析。

Btw，小犬對我嚟講都幾有深刻印象:
1️⃣印象中比較凍嘅颱風
2️⃣印象中第一個八號風球同黑雨同時生效嘅颱風
3️⃣好多人被佢撚狗嘅颱風
4️⃣屌，小犬真係九號風球

大家請繼續留意本臺 @windseasonhk 或其他氣象channel及天文臺最新資訊。如果中意風巴鳩噏，不斷叫朋友同tg 細group睇呢個Channel就係對我最大嘅支持同鼓勵🙏。

如果支持風巴，不妨叫多d人Join @windseasonhk ，感謝各位。

#Admin專欄 #關於滅床蝨你必須要知道嘅事 @Windseasonbro

因為大家都幾捧場，所以風巴又寫一篇，如果大家唔想有床蝨入侵，必須要留意以下事項：

1) 避免淘寶！避免淘寶！避免淘寶！風巴唔少朋友屋企嘅蛇蟲鼠蟻來自淘寶運落嚟，包括但不限於衣魚、床蝨、書蝨、曱甴。

2) 同上，如果真係要淘寶，麻煩喺屋企門外拆包裝。

3) 避免留紙皮入屋！

4) Staycation時留意下間酒店有無蝨。

5) 唔好去中国，中国爆過好多次蝨患。

6) 避免去歐洲，同埋坐完火車要留意下身上有無蟲卵。

7) 如果發現有蟲卵痕跡，請用蒸氣消毒床及相關衣物。

8) 最好就一返到屋企將D衣物放喺衣物籃，並立即沖涼。

9) 如果張床真係有床蝨，咪撚一嚟就放蝨彈，只會令到蝨患Spread開，麻煩先鎖定藏蝨位置，以蒸氣消毒床及相關衣物，並盡量多抽濕。

10) 如果做咗9)但唔成功滅蝨，唔好慳果d錢，都要Call滅蟲滅下蝨。

希望大家繼續支持暴風雨巴呢個TG Channel同 #Admin專欄，而如果你中意聽風巴 @Windseasonbro 鳩噏，請你Follow本Channel 🎅 @Windseasonhk ，並叫多兩個朋友玩TG Follow風巴，感謝=)

#Admin專欄 #支原體肺炎及疫苗有效性之我見 @Windseasonbro

好撚灰，頭先寫咗成粒鐘嘅心血，被我唔小心揩到就Del咗，白費晒。

不過因為呢兩件事同大家息息相關，我希望可以提醒下大家，增加大家對時事嘅思考，所以再憑我記憶寫多次，希望大家可以多D支持風巴！

最近風巴私事比較多，所以唔得閒寫太多文章。不過近日有兩單嘢我都想發表我嘅睇法：

1)中国最近發現大量兒童肺炎個案
2)德州總檢察長Kenneth Paxton正式控告輝瑞歪曲mRNA疫苗有效性

先講1)，中国最近發現大量兒童肺炎個案，如果大家一直有睇風巴Channel，就應該記得我叫大家唔好太依賴口罩，因為會構成Immuity Debt，而最近喺中国嘅情況就是如此。

誠然，中国係有前科，所以好多人都傾向認為又有新肺炎(當然呢種可能性喺中国呢個國家不能被抹煞)，然而我認為係真係Immunity Debt嘅關係。

中国對外公佈係『多發性、多病原體引致的疫情』，然而支原體肺炎嘅病原體並唔係病毒，而係細菌嚟，一個人可以同時感染細菌同病毒，所以大家都小心。

疫情三年，中国封城三年，對於當地嘅兒童嚟講，三年好漫長，三年可以係講緊人同人之間嘅Generation Gap，亦可以講緊Immunity Gap。

一般病毒同細菌存在於自然環境，人點樣建立Immunity就係透過不斷接觸唔同嘅病毒同細菌，甚至我哋嘅皮膚上都有一層天然嘅Skin flora。

北美洲原住民點樣滅絕，有好多藍絲會話係因為歐洲人入侵美洲(主要係英國人，即後來嘅美國人)，但更直接嘅原因係佢哋喺不知不覺間帶咗好多北美洲原住民無接觸過嘅細菌同病毒畀佢哋。

中国人亦然，戴三年口罩，以為可以隔絕武肺，無錯，口罩喺疫情初期係有一定嘅作用，不過並唔Suppose戴足三年，因為同時間佢隔絕太多唔同嘅病毒同細菌，當人類同果堆病毒細菌再次接觸嘅時候，就好似久未打仗嘅士兵妄想同敵人作戰咁，你有機會會贏，但亦有機會好似北美洲印地安人咁樣不堪一擊。

對於我哋成人，當然還好，但對於幾歲嘅兒童、小朋友，三年就係一個好Critical嘅時間。

講返德州總檢察長Kenneth Paxton正式控告輝瑞歪曲mRNA疫苗有效性，其原因係輝瑞只公佈Relative Risk Reduction而無一併公佈Absolute Risk Reduction。

我講下輝瑞點樣做個mRNA疫苗有效性實驗，實驗由打針起計兩個月，首先佢搵咗17411個打咗mRNA嘅人，睇下個兩個月內中招率係幾多，結果發現有8人中招，即係8/17411 x 100% = 0.046%；同時搵咗17511個打咗Placebo安慰劑嘅人，睇下個兩個月內中招率係幾多，結果發現有162人中招，即係162/17511 x 100% = 0.925%。

呢個情況下，Relative Risk Reduction就係 [(0.925) - (0.046)] / (0.925) *100% = 95%

呢個係輝瑞以至各種藥廠一直Claim嘅疫苗有效率，亦係一般支持打疫苗嘅人嘅理據。

然而，呢個數反唔反映到事實呢？事實就係2023年嘅今日，如果你喺條街度問100個有打針嘅人，又有幾多個無中招？我相信相對100個無打針嘅人，佢嘅RRR一定唔會有95%。

舉個極端嘅例子，如果有一個病，無打針嘅話，100萬人入面有2個人中招，打咗針嘅話100萬人入面得1個人中招，佢RRR係100%，但你會唔會認為值得打針?

Kenneth Paxton話打針嘅ARR得0.85%又點嚟？(連登Post上寫0.85%)。

ARR就好簡單直接，就係無打針人嘅中招風險(0.925) - 打針人嘅中招風險(0.046) = 0.88%。

其實大家不妨諗下，如果中招唔可以避免，無論係RRR，抑或ARR都毫無意義。

無錯，有人話係可以減少Hospitalization，但有無人Study過大幅宣傳COVID大流行下，會引起有幾多無謂嘅Hospitalization？

我舉個例子，疫情時因為社會太多關注New Case Disease Rate，引致社會上如果有人Test Positive就會異常緊張，呢種心理因素令到好多本身唔使入醫院嘅確診人士都『認為自己抖唔到氣』，自然就多人入咗醫院，引致一系列嘅影響。

面對如沙士咁高Death Rate嘅病毒，政府係有必要如臨大敵，而打針我認為可能係必要之惡，然而武肺先勿論Omicron已係減弱版，即使喺早期嘅Alpha、Beta都唔係所講咁強，所以喺我嘅角度，如果有種傳染病好似沙士咁嚴重，而我係七老八十嘅話，我都會考慮打疫苗。

但如果你正值壯年，盲目相信RRR而無視一切副作用嘅可能性，只會淪為愚民。

我認為，Epidemiology同Statistic都係任人演繹，中間有D灰色地帶其實係好有問題，不應盡信。

希望大家繼續支持暴風雨巴呢個TG Channel同 #Admin專欄，而如果你中意聽風巴 @Windseasonbro 鳩噏，請你Follow本Channel🎅  @Windseasonhk ，並叫多兩個朋友玩TG Follow風巴，感謝🎅

#Admin專欄 #勿輕視支原體肺炎 #香港有可能大爆發 @Windseasonbro

其實未有武肺之前，「支原體肺炎」嘅病，都一直存在喺地球上各國，佢唔係新病，亦並唔係一種新品種細菌病毒引起。

大部分人都接觸過呢種細菌，不過如其他傳染病一樣，並唔係個個人都會引起肺炎，主要都係小朋友中招。

如果你身邊有朋友有小朋友，千祈唔好上中国，因為支原體肺炎嘅細菌殘留喺物件表面，「香港人」（上得中国都唔係真香港人）帶小朋友去中国短旅行，接觸到好多嘢，無人知道上一手個大陸仔有無支原體肺炎。

而中咗招都幾大鑊，支原體肺炎係會有併發症，引起肝炎或其他器官併發症。

所以，唔好去中国，唔好畀小朋友接觸去過中国嘅人。

希望大家繼續支持暴風雨巴呢個TG Channel同 #Admin專欄，而如果你中意聽風巴 @Windseasonbro 鳩噏，請你Follow本Channel🎅 @Windseasonhk ，並叫多兩個朋友玩TG Follow風巴，感謝🎅🎅

#Admin專欄 #二零二三年年度漢字 #殞 @Windseasonbro

風巴希望各位都提早諗下代表自己嘅年度漢字係乜，所以我今年嘅香港年度漢字2023係會提早揭曉嘅，希望預早宣佈之後大家亦可以花少少時間，去諗下代表自己2023年嘅係乜漢字，以及寫一篇文章回顧2023年。

如果你係風巴嘅fans，你都知道我由2019年開始，每年年尾都會開放投票，畀大家選代表當年嘅年度漢字，2019年係「和勇合體字」；2020年係「抗」字；2021年係「崩」字，2022年係「癲」字，而今年2023年，大家揀咗個「殞」字作為年度漢字。

睇嚟大家對東方之珠香消玉殞都幾有同感。殞字，多少都顯示出殞者以往的美好，以及殞後的可惜，幾符合2023年嘅香港。

2023年，同樣『香消玉殞』嘅有被製成青虹蘿蔔湯嘅蔡天鳳，以及啱啱以57歲之齡離世嘅周海媚。

周海媚死果時當時唔後生，不過佢喺一般觀眾心目中都係果個年代嘅小芙蓉。

同香港一樣，佢拍大鬧廣昌隆嘅時候係香港最美好嘅年代，製作年份為1996年。

講返蔡天鳳，今年年頭至年中，香港都發生駭人聽聞嘅兇殺案，一宗就係前家翁一家所殺害的蔡天鳳，而另一宗則係荷里活廣場無差別地斬殺的精神病人斬兩同性戀者案。

當然唔單止呢兩單，當時甚至香港人都自嘲香港已成『國際大刀會』，甚至今次年度漢字提名，都有人提名『刀』字。

不過以『刀』字不能概括去代表2023年嘅香港。

『殞』字一共有21%嘅人選為2023年度漢字，而緊隨其後的，就係『毀』掉一個國際金融中心的『毀』字，有17%，第三名則是金融中心『遺』址的『遺』字，有14%，呢三個字意義上相近，可見到香港人喺2023年非常悲觀，而『國際金融中心遺址』已經唔單止係香港本土派嘅說法，有中国人都喺小紅書、微博如此說，而外資一齊離開港股，恆生指數跌至16XXX點，而同期美股升穿37XXX點可見一斑。

唔單止美股強勢，而家日韓臺越印嘅股票市場都發力，連幾十年來無超越過香港恆生指數嘅臺灣加權指數都衝穿17XXX，『某国「毀」掉香港，使其「殞」落，成為國際金融中心「遺」址』絕不是無的放矢。

當然，2023年亦係俄烏、以哈開火嘅一年，而中美繼續冷戰，所以「戰」都好多人揀，大概9%左右。

而香港嘅公民社會已經『瓦』解，但仍然有人希望香港人能『潛』龍勿用，到需要香港人嘅時候，仍有人走出嚟。

而因為武肺之後某国戴咗三年口罩，引致爆發支原體肺炎，所以『支』字亦上榜。

風巴在此祝大家有一個美好嘅2024年，2024年要建立好習慣，你又準備好未？

希望大家繼續支持暴風雨巴呢個TG Channel同 #Admin專欄，而如果你中意聽風巴 @Windseasonbro 鳩噏，請你Follow本Channel🎅 @Windseasonhk ，並叫多兩個朋友玩TG Follow風巴，感謝🎅🎅