#風巴追風 #風巴鳩估 #泰利 #八號風球

我喺鳩估之前必須先要講下，大家應該尊重科學，雖然我自己成日鳩估，但係氣象學係一個好嚴謹嘅科學，連登、氣象巴打、Metwarn、Whocare天氣、地下天文臺等等等等專家或者業餘興趣者係睇好多唔同嘅雷達圖，同唔同嘅資料先得出較嚴謹嘅結論，相對而言，我係比較業餘嘅業餘。

以下只係風巴 @Windseasonbro 對泰利會否引致八號風球嘅少少睇法：

1️⃣ 夜晚嘅海洋表面溫度比日間高，有利增強
有無發覺通常颱風喺夜間都會進一步增強？因為夜晚無太陽，空氣中水汽含量較高，且大氣層穩定度較高，海洋表面蒸發減少，熱量因為輻射作用而逐漸釋放，所以有機會反而喺夜晚嘅海洋表面溫度比日間高，提供更多的熱量和潛熱能畀泰利，有利增強。

2️⃣夜晚周圍環境嘅風速較慢，環境垂直風切變較低，有利增強
風切變係指在大氣入面唔同高度嘅風速之間嘅差異，一般嚟講，夜晚嘅垂直風切變係低少少，低風切變環境對颱風好，有利泰利增強。

3️⃣夜晚嘅空氣更唔穩定，更有利對流
因為日頭太陽曬落地面，地面嘅濕氣向上升時，係一個相對上穩定嘅系統，而喺夜晚，因為地面向外幅射熱能，令到地面向低層大氣相對上變冷，呢種幅射降溫會令到空氣流動更容易，更唔穩定。

4️⃣鳩估會北跳，近岸爆發
因為近岸爆發嘅原因包含並不限於以上一至三，同埋其他因素，例如如果陸地比較凍，海面較熱，咁樣會比較容易導致強烈嘅對流，但如今唔係個個人都係林超英，香港又係石屎森林，愈多人涼冷氣愈多熱氣排出大氣，香港陸地愈熱，颱風嚟到近岸爆發機會會較細(因為個陸地-海面溫差唔明顯，對流無咁強)。

然而，有太多因素會引致有機會北跳，例如如果西風槽打擊副高，而咁啱『副高嘅弱點』就喺颱風附近，有機會令到颱風北上，但亦唔係必然，都係鳩估。

Btw，以上係粗疏嘅風巴 @Windseasonbro 對泰利會否引致八號風球嘅少少睇法，我因為南海海溫水滾茶靚，大量能量可以提供畀泰利進一步爆發，同埋泰利西登香港路徑，配合風暴潮而亦有可能北跳嘅關係，對泰利聽日0800-1500都維持八號風球嘅信心由65%升至70%，對泰利聽日0800-1200都維持八號風球嘅信心大概80%。

大家繼續留意本臺 @windseasonhk 或其他氣象channel及天文臺最新資訊。

#風巴追風 #風巴鳩估 #泰利 #八號風球

我喺鳩估之前必須先要講下，大家應該尊重科學，雖然我自己成日鳩估，但係氣象學係一個好嚴謹嘅科學，連登、氣象巴打、Metwarn、Whocare天氣、地下天文臺等等等等專家或者業餘興趣者係睇好多唔同嘅雷達圖，同唔同嘅資料先得出較嚴謹嘅結論，相對而言，我係比較業餘嘅業餘。

以下只係風巴 @Windseasonbro 對泰利會否引致八號風球嘅少少睇法：

1️⃣ 夜晚嘅海洋表面溫度比日間高，有利增強
有無發覺通常颱風喺夜間都會進一步增強？因為夜晚無太陽，空氣中水汽含量較高，且大氣層穩定度較高，海洋表面蒸發減少，熱量因為輻射作用而逐漸釋放，所以有機會反而喺夜晚嘅海洋表面溫度比日間高，提供更多的熱量和潛熱能畀泰利，有利增強。

2️⃣夜晚周圍環境嘅風速較慢，環境垂直風切變較低，有利增強
風切變係指在大氣入面唔同高度嘅風速之間嘅差異，一般嚟講，夜晚嘅垂直風切變係低少少，低風切變環境對颱風好，有利泰利增強。

3️⃣夜晚嘅空氣更唔穩定，更有利對流
因為日頭太陽曬落地面，地面嘅濕氣向上升時，係一個相對上穩定嘅系統，而喺夜晚，因為地面向外幅射熱能，令到地面向低層大氣相對上變冷，呢種幅射降溫會令到空氣流動更容易，更唔穩定。

4️⃣鳩估會北跳，近岸爆發
因為近岸爆發嘅原因包含並不限於以上一至三，同埋其他因素，例如如果陸地比較凍，海面較熱，咁樣會比較容易導致強烈嘅對流，但如今唔係個個人都係林超英，香港又係石屎森林，愈多人涼冷氣愈多熱氣排出大氣，香港陸地愈熱，颱風嚟到近岸爆發機會會較細(因為個陸地-海面溫差唔明顯，對流無咁強)。

然而，有太多因素會引致有機會北跳，例如如果西風槽打擊副高，而咁啱『副高嘅弱點』就喺颱風附近，有機會令到颱風北上，但亦唔係必然，都係鳩估。

Btw，以上係粗疏嘅風巴 @Windseasonbro 對泰利會否引致八號風球嘅少少睇法，我因為南海海溫水滾茶靚，大量能量可以提供畀泰利進一步爆發，同埋泰利西登香港路徑，配合風暴潮而亦有可能北跳嘅關係，對泰利聽日0800-1500都維持八號風球嘅信心由65%升至70%，對泰利聽日0800-1200都維持八號風球嘅信心大概80%。

大家繼續留意本臺 @windseasonhk 或其他氣象channel及天文臺最新資訊。