《TVB否認東張西望廣告造假❌》

▌尋日我哋報導咗「東張西望造假疑雲」，指有人喺FB聘請臨時演員，飾演《#東張西望》廣告產品用家，事後，我哋亦搵出節目內相應嘅【#森下仁丹】減肥藥、【#Return回本】生髮藥廣告，因此質疑TVB或廣告商以造假、誤導、誘導方式使消費者作出交易決定。

報導一出，即時引起相當迴響，有自稱為行內人士向我哋透露，除咗《東張》廣告，部份街頭受訪者、宣傳活動Fans亦都係臨時演員，尤其而家要戴住口罩，觀眾更難識認（有待Fact Check，歡迎報料）。另外，發佈招聘嘅疑似「蛇頭」TTung Pig亦即時換相改名，但目前仍然係該臨演招募群組嘅版主。

▌《香港01》就事件向TVB外事部查詢，對方表示「近日互聯網上流傳《東張西望》以聘用臨時演員手法進行節目宣傳，現本台重申，無綫電視從未有亦毋須以謠傳中的方式進行報道，此等行為並非本台的宣傳方式。本台別無補充。」

無獨有偶，早幾日TVB同樣被質疑為劇集《#法證先鋒V》買Fans助興，到場舉牌嘅支持者可獲130蚊津貼，事後TVB同樣以類似格式嘅聲明否認，都係「從未有亦毋須」、「並非本台的宣傳方式」、「本台別無補充」云云。另外，呢番指控亦同向我哋報料嘅自稱行內人士吻合。

▌就 #無綫電視 嘅回應，我哋想提出啲問題畀大家思考。

1️⃣ #TVB 話自己冇請臨時演員啫，咁仲介（例如臨時演員公司、廣告公司）有冇份，TVB是否得悉上述行為，或會否調查相關廣告操作？

2️⃣ 承上，班臨演又有冇可能係廣告商 #3ChemBio 請？anyway我覺得廣告商係要解釋吓😉 尋日我見到大家留言話「一早知啦」多過責怪間公司我都覺得奇怪😂

【森下仁丹】專頁
https://www.facebook.com/jintan.HK.official
https://pili.app/pg/3ItXkfMuz

【Return回本】專頁
https://www.facebook.com/ReturnHongKong
https://pili.app/pg/2Fbh29wbR

有細心嘅網民發現，#TVB 喺年報中將「#老人台」形象列為集團主要風險之一!?🙈

TVB將呢個危機稱呼為「業務（品牌風險）」，即「坊間認為『#無綫電視』品牌過時及只適合老年觀眾」，有見及此，TVB就採取咗三項控制措施，包括透過數碼平台提升品牌形象、製作更多適合其他年齡層嘅節目，而最令人好奇嘅就係「建立監控和警報系統」迅速移除負面熱話😱

到底呢個監控同警報系統係咩嚟，TVB又可以點樣移除負面熱話？難道係透過大數據搵關鍵字，然後搵返源頭個post出嚟舉報，就好似之前喺FB、IG檢舉我哋啲post咁？🤣 歡迎行內人士留言或DM我哋，亦都歡迎網民繼續提供有趣資訊❤️

#網民報料 #小器台