LESSON 1: Basic Sentence Structure
=======================

✓ English စာမှာ ရေးပုံနဲ့ အသံထွက်ပုံက မတူပါဘူး။

✓ သရအက္ခရာ ဟုခေါ်သော Vowel (A, E, I, O, U) တွေဟာ အသံထွက်မှုပုံစံအချို့အပေါ် ထိန်းချုပ်မှုရှိပါတယ်။
---------------------------------------------

1. အခြေခံအင်္ဂလိပ်ဝါကျတည်ဆောက်ပုံ (Basic English Sentence Structure)

အင်္ဂလိပ်သဒ္ဒါမှာ အရေးအကြီးဆုံးစည်းမျဉ်းတစ်ခုကတော့....

⭐ (Subject) + (Verb) + (Object)

ပါပဲ။ ဒီ structure က အင်္ဂလိပ်စာရဲ့ အခြေခံအုတ်မြစ်သာဖြစ်ပါပေတယ်။

ဥပမာတွေနဲ့တကွလေ့လာကြည့်ရအောင်။

⬇️

· I eat rice.
(Subject = I, Verb = eat, Object = rice)

· She likes music.

· They play football.

· We study English.

ဒီပုံစံကိုနားလည်ရင် အင်္ဂလိပ်ဝါကျတော်တော်များများကို တည်ဆောက်လို့ရသွားပါပြီ။
---------------------------------------------

2. Subject (ဘယ်သူက လုပ်တာလဲ)
အခြေခံ Subject (7) ခု ရှိပါတယ်။

· I - ငါ၊ ကျွန်တော်

· You - မင်း၊ ခင်ဗျား

· He - သူ (အထီး)

· She - သူ (အမ) / သူမ

(မြန်မာစကားလုံးမှာ "သူမ" ဆိုတာမရှိပါဘူး။ မြန်မာစာရေးသားမှုတွေမှာ မိန်းမကိုရည်ညွှန်းပြောဆိုဖို့အတွက် "သူမ" လို့သုံးတဲ့သူတွေဟာ အခြေခံမူလတန်းအဆင့်မှာသင်ကြားရတဲ့မြန်မာစာကိုတောင် နားမလည်တဲ့သူတွေဖြစ်ပါတယ်။)

· It - အဲ့ဒါ (အရာ၀တ္ထု၊ တိရစ္ဆာန်)

· We - ငါတို့၊ ကျွန်တော်တို့

· They - သူတို့

ဒါတွေကတော့လုပ်ဆောင်ချက်ကို ဘယ်သူက ပြုလုပ်တယ်ဆိုတာ ဖော်ပြပေးတဲ့စကားလုံးတွေဖြစ်ပါတယ်။
---------------------------------------------

3. Verbs (ဘာလုပ်တာလဲ - လုပ်ဆောင်ချက်)

အခြေခံအနေဖြင့်သိထားသင့်တဲ့ Verb များ

⬇️

· be - ဖြစ်သည်
· eat - စားသည်
· drink - သောက်သည်
· go - သွားသည်
· live - နေထိုင်သည်
· study - လေ့လာသည်
· play - ကစားသည်
· read - ဖတ်သည်
· like - ကြိုက်သည်
· want - လိုချင်သည်
· have - ရှိသည်
. sleep - အိပ်သည်

နမူနာလေးတွေနဲ့လေ့လာကြည့်ရအောင်

⬇️

· I study English. - ငါ အင်္ဂလိပ်စာလေ့လာတယ်။

· He drinks water. - သူ ရေသောက်တယ်။

· They play football. - သူတို့ ဘောလုံးကစားတယ်။
---------------------------------------------

5. Objects (Verb က ဘယ်အပေါ်ကို သက်ရောက်တာလဲ)

ဒါတွေကတော့ ဝါကျကိုပြည့်စုံအောင်လုပ်ပေးတဲ့အရာတွေဖြစ်ပါတယ်။

ဥပမာ.....

· rice - ထမင်း
· coffee - ကော်ဖီ
· music - ဂီတ
· English - အင်္ဂလိပ်စာ
· a book - စာအုပ်တစ်အုပ်
· water - ရေ

Complete sentence (ပြည့်စုံသောဝါကျများ)

⬇️

· You read a book. - မင်း စာအုပ်တစ်အုပ်ဖတ်လိုက်တယ်။

· She likes tea. - သူမက လက်ဖက်ရည် ကြိုက်တယ်။

· We learn English. - ငါတို့ အင်္ဂလိပ်စာကို လေ့လာသင်ယူကြတယ်။
---------------------------------------------

5. ကိုယ်တိုင် အင်္ဂလိပ်ဝါကျများကိုတည်ဆောက်ကြည့်ပါ။

⭐ Subject + Verb + Object.

ဆိုတဲ့ပုံစံကိုပဲအသုံးပြုပြီး လေ့ကျင့်ကြည့်ပါ။

(1) I eat rice. - ငါ ထမင်း စားတယ်။

(2) You drink water. - မင်း ရေ သောက်တယ်။

(3) He plays football. - သူ ဘောလုံး ကစားတယ်။

(4) She likes music. - သူမ ဂီတကိုနှစ်သက်တယ်။

(5) We study English. - ငါတို့ အင်္ဂလိပ်စာ လေ့လာတယ်။

(6) They watch TV. - သူတို့ တီဗွီ ကြည့်တယ်။

✅ အဓိကကျတဲ့အချက်က - (ဘယ်သူက + ဘာလုပ်လဲ + ဘာကိုလုပ်တာလဲ) ဆိုတဲ့ အစဉ်အတိုင်း စဉ်းစားပါ။ ဒီတစ်ခုတည်းကို သေချာနားလည်ရင် အင်္ဂလိပ်စာ စကားပြောရဲ့ 50% လောက်ကို ပိုင်နိုင်နေပြီပဲဖြစ်ပါတယ်။

° ° ° ° ° ° ° ° ° ° ° ° ° ° ° ° ° ° ° ° ° °

HGC Pack​age
===========

Support လုပ်ပေးဖို့လိုအပ်တယ်၊ မေးခွန်းတွေမေးချင်တယ်ဆိုရင်တော့ သင့်တော်တဲ့ (HGC package) ကို level အလိုက် အရယူလိုက်ပါ။

ဒါ့အပြင် Bonus အနေဖြင့် မည်သည့် Package ကိုယူသည်ဖြစ်စေ English Phrasal Verbs Course ကို Free တက်ရောက်ခွင့်ရပါဦးမယ်။

ဒါ့ကြောင့် ​ပိုကြီးမားတဲ့ Result တွေရဖို့အတွက် ယူထားသင့်တဲ့ HGC package ပါပဲ။

✔ A1 Level — Free
✔ A2 Level — 15000 (Free)
✔ B1 Level — 25000
✔ B2 Level — 40000
✔ C1 Level — ???
✔ C2 Level — ???

B1 Level မှစ၍ မည့်သည့် Package ကိုယူသည်ဖြစ်စေ A2 Level ကို Free တက်ရောက်ခွင့်ရပါမယ်။

@UHtetAungHlaing

LESSON 2 : Subject Pronouns
=======================

Subject Pronouns ဆိုတာက လူတွေ၊ အရာဝတ္ထုတွေရဲ့ နာမည်ကို ထပ်ခါထပ်ခါ မပြောရအောင် အစားထိုးအသုံးပြုတဲ့ စကားလုံးတွေဖြစ်ပါတယ်။

Subject Pronoun တွေက sentence ရဲ့ "ဘယ်သူလဲ (who)" ဆိုတဲ့ အပိုင်းကိုအဖြေပေးတာပါ။

အခုကတော့ အဓိက Subject Pronouns ၇ ခုကို လေ့လာရပါမယ်။

I – You – He – She – It – We – They

တစ်ခုချင်းစီကို အသေးစိတ် လေ့လာကြည့်ရအောင်ပါ။
---------------------------------------------

(1) "I" (ငါ / ကျွန်တော် / ကျွန်မ)

ကိုယ့်အကြောင်းကိုယ်ပြောတဲ့အခါ သုံးပါတယ်။

· I study English. - ငါ အင်္ဂလိပ်စာ လေ့လာတယ်။

· I like coffee. - ငါ ကော်ဖီ ကြိုက်တယ်။

သတိထားရန် - "I" ကို ဝါကျအလယ်မှာရှိရင်တောင် စာလုံးအကြီးနဲ့ပဲ အမြဲရေးရပါတယ်။
---------------------------------------------

(2) "You" (သင် / သင်တို့)

လူတစ်ယောက်ကို ဖြစ်စေ၊ လူအများကိုဖြစ်စေ ရည်ညွှန်းပြောဆိုတဲ့အခါသုံးပါတယ်။

· You are my friend. - မင်းက ငါ့သူငယ်ချင်းပါ။

· You speak English. - ခင်ဗျားတို့အင်္ဂလိပ်လိုပြောတတ်သားပဲ။

· You live in Yangon. - မင်းတို့ရန်ကုန်မှာနေတာပါ။

"You" ကိုအသုံးပြုတဲ့ပုံစံကတော့ ဘယ်တော့မှမပြောင်းလဲပါဘူး။ လူတစ်ယောက်အတွက်ရော၊ လူအများအတွက်ပါ အတူတူပါပဲ။
---------------------------------------------

(3) "He" (သူ - ယောက်ျားလေး / အမျိုးသား)

အမျိုးသား/ယောက်ျားလေး တစ်ဦးကိုရည်ညွှန်းတဲ့အခါ သုံးပါတယ်။

· He is a student. - သူက ကျောင်းသားတစ်ယောက်ပါ။

· He likes music. - သူ ဂီတကိုသဘောကျတယ်။

· He lives in Mandalay. - သူ မန္တလေးမှာနေပါတယ်။

"He" ကို ယောက်ျားလေး ဒါမှမဟုတ် အမျိုးသားတွေအတွက်ပဲ သုံးပါတယ်။
---------------------------------------------

(4) "She" (သူမ - မိန်းကလေး / အမျိုးသမီး)

❗ မြန်မာစာမှာ "သူမ" ဆိုတာမရှိပါဘူး။ သို့သော် English သဒ္ဒါကိုနားလည်နိုင်ရန်အတွက်သာ အသုံးပြုတာပါ။

အမျိုးသမီး/မိန်းကလေး တစ်ဦးကို ရည်ညွှန်းတဲ့အခါ သုံးပါတယ်။

· She is a teacher. - သူမက ဆရာမတစ်ယောက်ပါ။

· She drinks tea. - သူမ လက်ဖက်ရည်သောက်ပါတယ်။

· She works in a bank. - သူမ ဘဏ်မှာအလုပ်လုပ်ပါတယ်။

"She" ကို မိန်းကလေး ဒါမှမဟုတ် အမျိုးသမီးတွေအတွက်ပဲ အသုံးပြုပါ။
---------------------------------------------

(5) "It" (၎င်း / အဲဒါ)

· တိရိစ္ဆာန်များ
· အရာဝတ္ထုများ
· နေရာဒေသများ
· အိုင်ဒီယာများ / အကြံဉာဏ်များ
· ရာသီဥတု
· အခြေအနေအဖြစ်အပျက်များ

စသဖြင့်တွေအတွက်အသုံးပြုပါတယ်။ ဥပမာ.....

· It is a cat. - အဲဒါ ကြောင်တစ်ကောင်ပါ။ / ၎င်းသည် ကြောင်တစ်ကောင်ဖြစ်သည်။

· It is a book. - အဲဒါ စာအုပ်တစ်အုပ်ပါ။

· It is hot. - ပူတယ်။ / ရာသီဥတုပူတယ်။

· It is raining. - မိုးရွာနေတယ်။

သတိထားရန် - "It" ကို လူသားတွေအတွက် ဘယ်တော့မှ မသုံးရပါဘူး။
---------------------------------------------

(6) "We" (ငါတို့ / ကျွန်တော်တို့ / ကျွန်မတို့)

ကိုယ်အပါအဝင် အခြားသူတွေအတွက်ပါ ရည်ညွှန်းပြောဆိုတဲ့အခါသုံးပါတယ်။

· We are friends. - ငါတို့က သူငယ်ချင်းတွေပါ။

· We study English together. - ငါတို့ အင်္ဂလိပ်စာ အတူတူလေ့လာကြတယ်။

"We" က "ငါတို့အားလုံး" လို့ အဓိပ္ပာယ်ရပါတယ်။
---------------------------------------------

(7) "They" (သူတို့ / ၎င်းတို့)

လူတစ်ယောက်ထက်ပိုတဲ့လူများ၊ တိရိစ္ဆာန်များ၊ ဒါမှမဟုတ် အရာဝတ္ထုများအတွက် သုံးပါတယ်။

· They are students. - သူတို့က ကျောင်းသားတွေပါ။

· They eat rice. - သူတို့ ထမင်းစားကြတယ်။

· They play football. - သူတို့ ဘောလုံးကစားကြတယ်။

"They" က အများကိန်း (plural) ဖြစ်ပါတယ်။
---------------------------------------------

Subject Pronoun တွေကို Sentence တွေထဲမှာ ဘယ်လိုနေရာချရမလဲဆိုတာ သိထားရပါမယ်။
ပုံမှန်အားဖြင့် English Sentence တွေဟာ Pronoun တစ်ခုမဟုတ်တစ်ခုနဲ့ အစပြုလေ့ရှိပါတယ်။

ဥပမာ....

· I eat rice. - ငါ ထမင်းစားတယ်။

· You drink water. - မင်း ရေသောက်တယ်။

· He plays football. - သူ ဘောလုံးကစားတယ်။

· She likes music. - သူမ ဂီတကိုနှစ်သက်တယ်။

· It works well. - ဒါက ကောင်းကောင်းအလုပ်ဖြစ်တယ်။

· We study English. - ငါတို့ အင်္ဂလိပ်စာလေ့လာကြတယ်။

· They read books. - သူတို့ စာအုပ်တွေဖတ်ကြတယ်။

ဒါတွေဟာ အင်္ဂလိပ်စာရဲ့ အခြေခံအကျဆုံး တည်ဆောက်ပုံတွေပါပဲ။
---------------------------------------------

နောက်တစ်ခုအနေနဲ့ Pronoun တွေကို ဘယ်အချိန်မှာ အသုံး​ပြုရမလဲဆိုတာကိုလည်း မှတ်သားထားရပါမယ်။ ဒါက အလွန်အရေးကြီးတဲ့အချက်ပါ။

အကယ်၍ Noun (နာမည်) တစ်ခုကို ထုတ်ပြောပြီးသွားပြီဆ်ိုရင် နောက်တစ်ခုထပ်ပြောတဲ့အခါ Pronoun ကိုအစားထိုးအသုံးပြုရပါမယ်။

ဥပမာ....

❌ The girl is my friend. The girl likes music.
(ဒီမိန်းကလေးက ငါ့သူငယ်ချင်းပဲ။ ဒီမိန်းကလေးက ဂီတကိုနှစ်သက်တယ်)

✅ The girl is my friend. She likes music.
(ဒီမိန်းကလေးက ငါ့သူငယ်ချင်းပဲ။ သူမက ဂီတကိုနှစ်သက်တယ်)

နောက်ဥပမာတစ်ခု....

✅ The cat is cute. It sleeps all day.
(ဒီကြောင်က ချစ်စရာကောင်းတယ်။ အဲကောင် တစ်နေ့လုံးအိပ်​နေတာ)
---------------------------------------------

Pronoun တွေကို အမြန်ခွဲခြားနိုင်တဲ့ နည်းလမ်းတစ်ခုကိုလည်းသိထားပါ။

Sentence တစ်ခုကိုမြင်ပြီဆိုတာနဲ့ subject ကိုအမြဲရှာပါ။ ပြီးရင် ထို Sub ဟာ ဘယ်လိုမျိုးဖြစ်သလဲဆိုတာကို လေ့လာပါ။

· "I" → စကားပြောသူ

· "You" → စကားကြားနာသူ (ကိုယ်စကားပြောနေတဲ့သူ)

· "He/She" → တိကျတဲ့ လူတစ်ယောက်

· "It" → အရာဝတ္ထု/တိရိစ္ဆာန်/ရာသီဥတု

· "We" → ကိုယ်အပါအဝင်​ဖြစ်သော အုပ်စုအဖွဲ့

· "They" → ကိုယ်မပါတဲ့ အုပ်စုအဖွဲ့
° ° ° ° ° ° ° ° ° ° ° ° ° ° ° ° ° ° ° ° ° °

@UHtetAungHlaing

LESSON 3: The Verb “To Be” (am / is / are)
=======================

Verb "To be" ဆိုတာ အင်္ဂလိပ်စာမှာ အရေးအကြီးဆုံး Verb အမျိုးအစား ဖြစ်ပါတယ်။

ယခုအဆင့်မှာဆိုရင်တော့ Subject အမျိုးမျိုးပေါ်မူတည်ပြီး ပုံစံအမျိုးမျိုးသုံးရတဲ့ am – is – are ဆိုတဲ့ ပုံစံသုံးမျိုးကို သိထားဖို့လေ့လာရပါမယ်။
---------------------------------------------

Verb "To Be" ရဲ့ ပုံစံများ

I → am
You → are
He / She / It → is
We / They → are

ဒီဇယားကို အလွတ်ကျက်မှတ်ထားပါ။
---------------------------------------------

"I am" (ငါက ... ဖြစ်တယ်)

ဥပမာ....

· I am happy. - ငါ ပျော်တယ်။

· I am a doctor. - ကျွန်တော်ဟာ ဆရာဝန်တစ်ယောက်ပါ။

သတိထားရန် - "I is" ဒါမှမဟုတ် "I are" လို့ ဘယ်တော့မှ မပြောရပါဘူး။
---------------------------------------------

"You are" (သင်က/သင်တို့က ... ဖြစ်တယ်)

လူတစ်ယောက်တည်းအတွက်ရော၊ လူအများအတွက်ပါ သုံးပါတယ်။

· You are tall. - မင်းက အရပ်ရှည်တယ်။

· You are my friend. - မင်းက ငါ့သူငယ်ချင်းပဲ။

· You are ready. - မင်း အဆင်သင့်ဖြစ်ပါပြီ။

"You" ဆိုရင် "are" ပဲသုံးပါတယ်၊ ထိုအချက်က ဘယ်တော့မှမပြောင်းလဲပါဘူး။
---------------------------------------------

"He is / She is / It is" (သူက/သူမက/အဲဒါက ... ဖြစ်တယ်)

He ကို ယောကျာ်းအတွက်၊ She ကို မိန်းမအတွက်၊ It ကို အရာဝတ္ထုအတွက် သုံးပါတယ်။

· He is a doctor. - သူက ဆရာဝန်တစ်ယောက်ပါ။

· She is tired. - သူမ ပင်ပန်းနေပြီ။

· It is cold. - အေးတယ်။ (ရာသီဥတု)

· It is a cat. - အဲဒါက ကြောင်တစ်ကောင်ပါ။

"He," "she," နဲ့ "it" တို့ဟာ is ကိုပဲ အမြဲယူသုံးပါတယ်။
---------------------------------------------

"We are / They are" (ငါတို့က/သူတို့က ... ဖြစ်တယ်)

နှစ်ခုလုံးအတွက် are ကိုပဲ သုံးပါတယ်။

· We are family. - ငါတို့က မိသားစုပါ။

· We are students. - ငါတို့က ကျောင်းသားတွေ။

· They are friends. - သူတို့က သူငယ်ချင်းတွေ။

· They are busy. - သူတို့ အလုပ်များနေကြတယ်။
---------------------------------------------

"To Be" သုံးပြီး Sentence တည်ဆောက်ပုံ

Sentence ပုံစံ ၃ မျိုးရှိပါတယ်။

(1) Positive Sentence

တည်ဆောက်ပုံ -

Subject + am/is/are + complement (ဖြည့်စွက်ချက်)

· I am hungry. - ငါ ဗိုက်ဆာတယ်။

· You are nice. - မင်းက သဘောကောင်းသားပဲ။

· He is done. - သူကတော့ပွဲသိမ်းပြီ။

· She is my sister. - သူမက ငါ့အစ်မပါ။

· We are ready. - ငါတို့ အဆင်သင့်ဖြစ်ပြီ။

· They are here. - သူတို့ ဒီမှာရှိတယ်။
------------

(2) Negative Sentence များ

am/is/are ရဲ့ နောက်မှာ not ထည့်ပေးရုံပါပဲ။

· I am not tired. - ငါ မပင်ပန်းဘူး။

· You are not wrong. - မင်း မမှားဘူး။

· He is not gay. - သူက gay တစ်ယောက်မဟုတ်ဘူး။

· It is not expensive. - အဲဒါက ဈေးမကြီးပါဘူး။

· We are not late. - ငါတို့ မနောက်ကျသေးဘူး။

· They are not hungry. - သူတို့ ဗိုက်မဆာသေးဘူး။
--------------

(3) Yes/No Question များ

Am/Is/Are + subject + complement?

· Are you ready? - မင်း အဆင်သင့်ဖြစ်ပြီလား။

· Is he your friend? - သူက မင်းသူငယ်ချင်းလား။

· Is it raining? - မိုးရွာနေလား။

· Are they students? - သူတို့က ကျောင်းသားတွေလား။

အဖြေပုံစံ -

· Yes, I am / No, I'm not

· Yes, she is / No, she isn't

· Yes, we are / No, we aren't
---------------------------------------------

အသက်အရွယ်ကိုပြောချင်တဲ့အခါ Verb "To Be" ကိုသာသုံးပြီး ပြောပါတယ်၊ "have" ကိုမသုံးရပါဘူး။

✅ I am 20 years old. - ငါ အသက် ၂၀ ရှိပြီ။

✅ She is 18. - သူမက အသက် ၁၈ နှစ်ပါ။

❌ "I have 20 years." (ဒီလိုဘယ်တော့မှ မပြောရပါဘူး)
---------------------------------------------

Verb "To Be" + စိတ်ခံစားချက်များ

ခံစားချက်တွေကို ဖော်ပြတဲ့အခါ "to feel" မဟုတ်ဘဲ "to be" ကိုသာ သုံးပါတယ်။

· I am happy. - ငါ ပျော်တယ်။

· She is sad. - သူမ ဝမ်းနည်း​နေတယ်။

· They are excited. - သူတို့ စိတ်လှုပ်ရှားနေတယ်။
° ° ° ° ° ° ° ° ° ° ° ° ° ° ° ° ° ° ° ° ° °

@UHtetAungHlaing

LESSON 4: Contractions with Verb “To Be”
=======================

(I'm / You're / He's / She's / It's / We're / They're)

Contractions ဆိုတာက နေ့စဉ်သုံး အင်္ဂလိပ်စာမှာ သုံးတဲ့ အတိုကောက်ပုံစံတွေ ဖြစ်ပါတယ်။

Native speakers တွေကတော့ ဒါတွေကို အမြဲလိုလိုသုံးပါတယ်။ ဘာ့ကြောင့်လဲဆိုတော့ ပိုမြန်စေ၊ ပိုသဘာဝကျစေ၊ ပိုချောမွေ့စေလို့ပါ။
---------------------------------------------

Contraction = စကားလုံးနှစ်လုံးကို လေသံအတိုကောက်သင်္ကေတ (') သုံးပြီး တစ်လုံးတည်းဖြစ်အောင် ပေါင်းလိုက်ခြင်းကိုဆိုလိုတာပါ။ ဥပမာ....

I am → I'm

Contraction ဇယား
•••••••••••••••••••••••

I am → I'm
You are → You're
He is → He's
She is → She's
It is → It's
We are → We're
They are → They're
---------------------------------------------

Contraction တစ်ခုချင်းစီရဲ့ နမူနာများ

I'm = I am

· I'm happy. - ငါ ပျော်တယ်။

· I'm ready. - ငါ အဆင်သင့်ပဲ။

· I'm a student. - ငါက ကျောင်းသားတစ်ယောက်ပါ။

You're = You are

· You're smart. - မင်းက ပါးနပ်တယ်။

· You're my friend. - မင်းက ငါ့သူငယ်ချင်းပဲ။

· You're right. - မင်းပြောတာ မှန်တယ်။


He's = He is

· He's tired. - သူ ပင်ပန်းနေပြီ။

· He's a teacher. - သူက ဆရာတစ်ယောက်ပါ။

· He's from Tulia. - သူက တူလီယာကပါ။


She's = She is

· She's bad. - သူမက ဆိုးပါတယ်။

· She's my sister. - သူမက ငါ့အစ်မပါ။

· She's busy today. - သူမ ဒီနေ့ အလုပ်များ​နေတယ်။


It's = It is

· It's raining. - မိုးရွာနေတယ်။

· It's hot. - ပူတယ်။

· It's a dog. - အဲဒါ ခွေးတစ်ကောင်ပါ။


We're = We are

· We're happy. - ငါတို့ ပျော်တယ်။

· We're ready to go. - ငါတို့ သွားဖို့ အဆင်သင့်ပဲ။

· We're in class. - ငါတို့ အတန်းထဲမှာရှိတယ်။


They're = They are

· They're friends. - သူတို့က သူငယ်ချင်းတွေပါ။

· They're students. - သူတို့က ကျောင်းသားတွေပါ။

· They're hungry. - သူတို့ ဗိုက်ဆာနေတယ်။
---------------------------------------------

"It's" နဲ့ "Its" က မတူပါဘူး။

It's = It is (အဲဒါက ... ဖြစ်တယ်)

ဥပမာ -

· It's cold. - အဲဒါ (ရာသီဥတု) က အေးတယ်။ (It is cold)

Its = ၄င်းပိုင်ဆိုင်သောအရာ (အဲဒါနဲ့ သက်ဆိုင်တဲ့ အရာ)

ဥပမာ -

· The dog is eating its food. - ခွေးက သူ့ရဲ့အစာကို စားနေတယ်။

ပိုင်ဆိုင်ခြင်းပြမှုအကြောင်း (Possession) ကို နောက်မှပိုပြီး အသေးစိတ်လေ့လာရဦးမှာပါ။
---------------------------------------------

Contraction တွေကို ဘယ်နေရာမှာ မသုံးရဘူးလဲဆိုရင် တရားဝင်မှုကို အလွန်အသားပေးသော စာပေရေးသားမှုမျိုးမှာ မသုံးရပါဘူး။ (ဥပမာ - တရားရုံးစာရွက်စာတမ်း၊ တရားဝင်စာချုပ်)

ဒါပေမယ့် -

· စကားပြောတဲ့အခါ → အမြဲလိုလို သုံးပါတယ်

· စာပို့တဲ့အခါ → အမြဲလိုလို သုံးပါတယ်

· နေ့စဉ်စာရေးသားမှုတွေမှာ → အမြဲလိုလိုသုံးပါတယ်

Contraction တွေက ဖော်ပြချက်ဝါကျတွေ (statement) တွေအ အတွက်သာ ဖြစ်ပါတယ်၊ မေးခွန်းပုံစံတွေအတွက် မဟုတ်ပါဘူး။
---------------------------------------------

Full Forms နဲ့ Contractions ရဲ့ကွာခြားချက်ကို သေချာမှတ်ထားပါ။

နှစ်မျိုးလုံး မှန်ကန်ပါတယ်၊ ဒါပေမယ့် ပေးနေတဲ့ခံစားချက်ကတော့ မတူပါဘူး။

Full form -

She is my friend. - သူမက ငါ့သူငယ်ချင်းပါ။
(ပိုမိုခမ်းနားစွာပြောဆိုနေခြင်းဖြစ်ပြီး၊ ဖြည်းဖြည်းပြောဆိုနေခြင်းပါ)

Contraction -

· She's my friend. - သူမက ငါ့သူငယ်ချင်းပါ။
(သဘာဝကျပြီး နေ့စဉ်ပြောနေကြစကားမျိုးပါပဲ)

ဒါ့ကြောင့် ပုံမှန်စကားပြောတဲ့အခါ Contraction တွေကိုပဲသုံးပါ။
° ° ° ° ° ° ° ° ° ° ° ° ° ° ° ° ° ° ° ° ° °

LESSON 5: Articles — A / An / The
=======================

Article ဆိုတာ နာမ် (noun) တွေရဲ့ ရှေ့မှာလာတဲ့ စကားလုံးတွေ ဖြစ်ပါတယ်။

အင်္ဂလိပ်စာမှာ article သုံးမျိုးရှိပါတယ် -

· a
· an
· the
---------------------------------------------

"A" နဲ့ "An" (Indefinite Articles)

a / an ကို အောက်ပါအချိန်တွေမှာ သုံးပါတယ် -

· တစ်စုံတစ်ခုကို ပထမဆုံးအကြိမ် ထုတ်ပြောတဲ့အခါ

· အရေအတွက်တစ်ခုတည်း အကြောင်းပြောတဲ့အခါ

· နားထောင်သူက ဘယ်အကြောင်းအရာကိုနားထောင်နေမှန်း မသိသေးတဲ့အခါ
---------------------------------------------

"A" ကို သာမာန်အသံထွက် (ဗျည်းသံ) တွေရဲ့ ရှေ့မှာသုံးပါတယ်။

ဥပမာများ -

· a book - စာအုပ်တစ်အုပ်
· a pen - ဘောပင်တစ်ချောင်း
· a dog - ခွေးတစ်ကောင်
· a teacher - ဆရာတစ်ယောက်
· a university - တက္ကသိုလ်တစ်ခု
("university" က "ယူ" လို့ အသံထွက်တဲ့အတွက် သာမန်ပါပဲ)
---------------------------------------------

"An" သရသံ (vowel sounds - a, e, i, o, u အသံ) တွေရဲ့ ရှေ့မှာ သုံးပါတယ်။

ဥပမာ -

· an apple - ပန်းသီးတစ်လုံး
· an orange - လိမ္မော်သီးတစ်လုံး
· an hour - တစ်နာရီ
("hour" မှာ "h" အက္ခရာကို အသံမထွက်ပါဘူး။ ဒါ့ကြောင့် သရသံပါပဲ)

အက္ခရာတွေထက် အသံထွက်ကို အဓိကထားတာပါ။

· a car
· an umbrella
· a European city
· an honest man
---------------------------------------------

"The" (Definite Article)

the ကို အောက်ပါအချိန်တွေမှာ သုံးပါတယ် -

· စကားပြောသူရော နားထောင်သူပါ ဘယ်အကြောင်းအရာကိုပြောနေမှန်း သေချာသိတဲ့အခါ

· အကြောင်းအရာက တိကျသေချာနေတဲ့အခါ

· အကြောင်းအရာကို အရင်ကပြောပြီးသားဖြစ်နေတဲ့အခါ

ဥပမာ -

· I see a dog. The dog is big. - ငါ ခွေးတစ်ကောင်ကိုတွေ့လိုက်တယ်။ အဲဒီခွေးက အကောင်ကြီးတယ်။

· The teacher is here. - ဆရာရောက်နေပြီ​နော်။ (ကျောင်းသားတွေက ဘယ်ဆရာကိုရည်ညွှန်းပြောနေတာလဲဆိုတာကို သိကြပါတယ်)

· The sun is hot. - နေက ပူပြင်းတယ်။ (နေဆိုတာ တစ်ခုပဲရှိတာပါ)

တစ်မူထူးခြားတဲ့ အရာတွေအတွက်လည်း "The" ကိုသုံးပါတယ်။

တစ်ချို့အရာတွေက ကမ္ဘာမှာ တစ်ခုတည်းပဲရှိတာပါ -

· the sun - နေ
· the moon - လ
· the sky - ကောင်းကင်
· the world - ကမ္ဘာ

ဒါတွေနဲ့ဆိုရင် the ကိုပဲအမြဲသုံးရပါတယ်။
---------------------------------------------

"A / An" နဲ့ "The" ကွာခြားပုံ

ဒီနှစ်ခုကို ယှဉ်ကြည့်ရအောင်ပါ -

· I want a book.
(ငါ စာအုပ်တစ်အုပ် လိုချင်တယ်။ - ဘယ်စာအုပ်မဆို ရတယ်)

· I want the book.
(ငါ အဲ့ဒီစာအုပ်ကို လိုချင်တယ်။ - တိကျသေချာတဲ့ စာအုပ်တစ်အုပ်ကို ညွှန်းဆိုနေတာပါ)

ဒီကွာခြားချက်က အင်္ဂလိပ်စာမှာ အလွန်အရေးပါတာပဲဖြစ်ပါတယ်။

အလုပ်အကိုင်တွေကိုပြောတဲ့အခါ a / an ကိုသာသုံးပါတယ်။

· She is a teacher. - သူမက ဆရာမတစ်ယောက်ပါ။

· He is an engineer. - သူက အင်ဂျင်နီယာတစ်ယောက်ပါ။

· I am a student. - ငါက ကျောင်းသားတစ်ယောက်ပါ။

❌ "She is teacher." လို့ ဘယ်တော့မှမပြောပါနဲ့။ ဆရာမတစ်ယောက်ဆိုတဲ့ အဓိပ္ပါယ်မပေါက်ပါဘူး။
---------------------------------------------

Article ကို မသုံးရတဲ့အချိန်တွေရှိပါသေးတယ်။

· Plural noun

· Uncountable nouns

စသဖြင့်တွေကို ယေဘူယျအားဖြင့်ပြောဆိုနေရင် Article ကိုမသုံးပါဘူး။ ဥပမာ....

· I like music. - ငါ ဂီတကို နှစ်သက်တယ်။ (ဘယ်ဂီတအမျိုးအစားလို့ ညွှန်းဆိုနေခြင်းမဟုတ်တဲ့အတွက် Article ကိုမသုံးပါ)

· I eat rice. - ငါ ထမင်းစားတယ်။ (သာမန်စားခြင်းမျှကိုသာပြောတာပါ၊ ဘယ်ကထမင်း၊ ဘယ်ဆန်ကိုစားတယ်လို့ အတိအကျရည်ညွှန်းပြောဆိုခြင်းမဟုတ်ပါ)

· Students like holidays. - ကျောင်းသားတွေက အားလပ်ရက်တွေကို ကြိုက်ကြပါတယ်။ (ယေဘုယျအားဖြင့် ကျောင်းသားအားလုံး)

ဒီအပိုင်းကို နောက်ကျရင် အသေးစိတ်လေ့လာရဦးမှာပါ။
° ° ° ° ° ° ° ° ° ° ° ° ° ° ° ° ° ° ° ° ° °

LESSON 6: Singular & Plural Nouns
=======================

Singular noun ဆိုတာ တစ်ခုတည်းကို ရည်ညွှန်းတာ။

· လူတစ်ယောက်
· အရာဝတ္ထုတစ်ခု
· နေရာတစ်ခု
· စိတ်ကူးတစ်ခု

စသဖြင့်တို့ကိုဆိုလိုတာပါ။ ဥပမာ.....

· book (စာအုပ်)
· dog (ခွေး)
· student (ကျောင်းသား)
· city (မြို့)
· idea (အတွေးအကြံ)

အရေးတကြီးသိထားရမယ့်အချက်က Singular countable noun တစ်လုံးဟာ အကူအညီမပါဘဲ တစ်ကိုယ်တည်းရပ်တည်လို့မရပါဘူး။ ဒါ့ကြောင့်.....

· a / an
· the
· my / your / his / her
· this / that

တို့နဲ့ တွဲသုံးရပါတယ်။ ဥပမာ....

· a book (စာအုပ်တစ်အုပ်)
· the dog (အဲ့ဒီခွေး)
· my phone (ငါ့ဖုန်း)
· this city (ဒီမြို့)

· "I have book." ❌
· "She likes dog." ❌

ဆိုတာမျိုးတွေမရေးရပါဘူး။
---------------------------------------------

Plural nouns ဆိုတာ နှစ်ခု ဒါမှမဟုတ် နှစ်ခုထက်ပိုတဲ့အရာတွေ ကိုဆိုလိုပါတယ်။

အင်္ဂလိပ်စာမှာ များသောအားဖြင့် plural ကို –s ထည့်ပြီးရေးကြတာပါ။

· book → books (စာအုပ် → စာအုပ်များ)

· dog → dogs (ခွေး → ခွေးများ)

· student → students (ကျောင်းသား → ကျောင်းသားများ)

Plural noun တွေအတွက် "a" ဒါမှမဟုတ် "an" မလိုအပ်တော့ပါဘူး။ ဥပမာ...

· I like books. - ငါ စာအုပ်တွေကိုသဘောကျတယ်။

· Dogs are friendly. - ခွေးတွေက ဖော်ရွေတတ်တယ်။
---------------------------------------------

–s နဲ့ အသံထွက်ရခက်တဲ့ စာလုံးတွေဆိုရင် –es ကိုထည့်ရပါတယ်။ ဥပမာ....

· –s
· –ss
· –sh
· –ch
· –x
· –z

တို့ဖြင့် အဆုံးသတ်တဲ့ထားတဲ့စကားလုံးတွေကိုပါ။ ဥပမာ....

· bus → buses (ဘတ်စ်ကား → ဘတ်စ်ကားများ)

· class → classes (အတန်း → အတန်းများ)

· dish → dishes (ပန်းကန် → ပန်းကန်များ)

· watch → watches (နာရီ → နာရီများ)

· box → boxes (သေတ္တာ → သေတ္တာများ)

အင်္ဂလိပ်စာက အသံထွက်ရခက်တာတွေကို ရှောင်ရှားလေ့ရှိပါတယ်။ ဒါ့ကြောင့် အင်္ဂလိပ်ဘာသာစကားဟာ တိကျသေချာမှုမရှိသော ဘာသာစကားလို့ခေါ်နိုင်တာပါပဲ။
---------------------------------------------

"Y" နဲ့ဆုံးတဲ့စကားလုံးတွေမှာ Y ရဲ့အရှေ့ကစာလုံးကို ကြည့်ရပါမယ်။

ဗျည်းသံဆိုရင် Y ကို –ies ပြောင်းပါ။ ဥပမာ...

· city → cities (မြို့ → မြို့များ)

· baby → babies (ကလေး → ကလေးများ)

· country → countries (နိုင်ငံ → နိုင်ငံများ)

သရသံဆိုရင် Y နောက်ကနေ –s ပဲ ထည့်ပါ။ ဥပမာ....

· boy → boys (ကောင်လေး → ကောင်လေးများ)

· day → days (နေ့ → နေ့ပေါင်းများစွာ)

· key → keys (သော့ → သော့များ)

Irregular Plural တွေက old English ကနေဆင်းသက်လာတာဖြစ်လို့ ကြုံသလိုရေးသားလေ့ရှိပါတယ်။ ဥပမာ....

· man → men (ယောကျာ်း → ယောကျာ်းများ)

· woman → women (မိန်းမ → မိန်းမများ)

· child → children (ကလေး → ကလေးများ)

· foot → feet (ခြေထောက် → ခြေထောက်များ)

· tooth → teeth (သွား → သွားများ)

· mouse → mice (ကြွက် → ကြွက်များ)

အချို့ Plural တွေက အုပ်စုတစ်ခုအဖြစ် သတ်မှတ်ခံထားရတဲ့အတွက် ဘာမှပြောင်းလဲခြင်းမရှိပါဘူး။ ဥပမာ....

· one sheep → two sheep (သိုးတစ်ကောင် → သိုးနှစ်ကောင်)

· one fish → two fish (ငါးတစ်ကောင် → ငါးနှစ်ကောင်)

· one deer → two deer (သမင်တစ်ကောင် → သမင်နှစ်ကောင်)
---------------------------------------------

Singular subject ဆိုရင် singular verb ကိုသုံးပါမယ်။

Plural subject ဆိုရင် plural verb ကိုသုံးပါမယ်။

ဥပမာ -

· The dog is hungry. - ခွေးဗိုက်ဆာနေပြီ။ (ခွေးတစ်ကောင်)

· The dogs are hungry. - ခွေးတွေဗိုက်ဆာနေပြီ။ (ခွေးတစ်ကောင်ထက်ပို)

Singular countable noun တွေဟာ (a/an/the/this/my) စသဖြင့်တွေထဲကတစ်ခုခုနဲ့ တွဲသုံးရပါမယ်။

Plural noun တွေကတော့ Verb နဲ့ ကိုက်ညီမှုရှိရပါမယ်။
° ° ° ° ° ° ° ° ° ° ° ° ° ° ° ° ° ° ° ° ° °


@UHtetAungHlaing

Lesson 7: Possessive Adjectives (My, Your, His, Her, Its, Our, Their)
=======================

အင်္ဂလိပ်စာမှာ ဘယ်သူကဘာပစ္စည်းကိုပိုင်တာလည်းက အရေးမကြီးပါဘူး။

ဘယ်သူကပိုင်ရှင်လဲဆိုတာကသာ အဓိကပါ။

ဒါ့ကြောင့် Possessive adjectives တွေက....

✓ "ဒါကဘယ်သူ့ပစ္စည်းလဲ"

ဆိုတဲ့ မေးခွန်းတစ်ခုတည်းကိုပဲ အဖြေပေးနေတာပါ.....

🔸ပစ္စည်းကဘာလဲဆိုတာကို ထည့်စဉ်းစားဖို့မလိုပါဘူး။

🔸Noun က အနည်းလား၊ အများလားဆိုတာကိုတော့ စဉ်းစားဖို့လိုပါတယ်။

🔸နောက်တစ်ခုကတော့ ဘယ်သူပိုင်တာလဲဆိုတာကိုပါ ထည့်စဉ်းစားရပါမယ်။
---------------------------

Possessive adjective စုစုပေါင်း( ၇ )ခုရှိပါတယ်။ သူတို့က Noun တွေရဲ့နောက်မှလိုက်တာမဟုတ်ပါဘူး၊ Subject pronoun တွေနဲ့ တိုက်ရိုက်တွဲတာပါ။

I - my
You - your
He - his
She - her
It - its
We - our
They - their
---------------------------

Possessive adjective တွေက ပိုင်ရှင်ဘယ်သူလဲဆိုတဲ့ပေါ်မှာပဲ မူတည်ပါတယ်၊ ပစ္စည်းပေါ်မှာမူတည်တာမဟုတ်ပါဘူး။

ဥပမာ....

* She loves her phone.
(ပိုင်ရှင်က မိန်းကလေးဖြစ်လို့ her ကိုသုံးထားတာဖြစ်ပါတယ်)

* He lost his bag.
(အိတ်ပိုင်ရှင်က ယောကျာ်းလေးဖြစ်လို့ his ကိုသုံးတာပါ)
---------------------------

My က ကိုယ်ပိုင်လက္ခဏာကိုဖော်ပြတာပါ။

* my name (ငါ့နာမည်)
* my country (ငါ့နိုင်ငံ)
* my job (ငါ့အလုပ်)
* my idea (ငါ့အကြံ)
---------------------------

Your က ကြားနေဖြစ်ပြီး နေရာစုံမှာသုံးလို့ရပါတယ်။

* လူတစ်ယောက်တည်းအတွက်ဖြစ်ဖြစ်

* လူအများကြီးအတွက်ဖြစ်ဖြစ်

* Formal အတွက်ဖြစ်ဖြစ်

* သာမန်စကားပြော (Informal) အတွက်ဖြစ်ဖြစ်

ဥပမာ....

* your book (မင်းစာအုပ်)
* your phone (မင်းရဲ့ဖုန်း)
* your decision (မင်းရဲ့ဆုံးဖြတ်ချက်)
* your responsibility (မင်းရဲ့တာဝန်)
---------------------------

“His” နဲ့ “Her” မှာ ပိုင်ရှင်ကပဲ ဘယ်စကားလုံးသုံးရမလဲဆိုတာ ဆုံးဖြတ်တာဖြစ်ပါတယ်။

ဥပမာ....

* Anna lost her keys. (Anna ကမိန်းမမို့လို့ her သုံးပါတယ်)

* John forgot his passport. (ဂျွန်က ယောကျာ်းလေးဖြစ်သောကြောင့် his သုံးတာပါ)

မှားတတ်တဲ့ပုံစံတွေကတော့....

* “Anna lost his keys.” ❌
* “John forgot her passport.” ❌
---------------------------

Its ဆိုတာက အရာဝတ္ထု ဒါမှမဟုတ် တိရစ္ဆာန်တစ်ကောင်ကောင်ရဲ့ ပိုင်ဆိုင်မှုကိုဖော်ပြတဲ့စကားလုံးပါပဲ။

* The dog wagged its tail. (ခွေးက သူ့အမြီးကိုလှုပ်ရမ်းခဲ့တယ်)

* The company changed its policy. (ကုမ္ပဏီက ၎င်းရဲ့မူဝါဒကို ပြောင်းလဲခဲ့တယ်)

အဓိကကွာခြားချက်ကတော့....

* It’s = It is (ဒါက ___ ဖြစ်တယ်)

* Its = ပိုင်ဆိုင်မှုပြ (၎င်းရဲ့)

ဒီနှစ်ခုကို လုံးဝနေရာလဲသုံးလို့မရပါဘူး။ ဒါကို မှားလိုက်တာနဲ့ ကိုယ်က Beginner တစ်ယောက်ဆိုတာ အကုန်သိသွားပါလိမ့်မယ်။
---------------------------

Our ရဲ့ အဓိပ္ပာယ်က....

* အတူတူပိုင်ဆိုင်တာ
* အတူတူတာဝန်ရှိတာ
* အုပ်စုတစ်ခုတည်း ဖြစ်တာ

ဥပမာ....

* our house (ငါတို့ရဲ့အိမ်)
* our future (ငါတို့ရဲ့အနာဂတ်)
* our problem (ငါတို့ရဲ့ပြဿနာ)
---------------------------

Their က အများကိန်းဖြစ်ပြီး များသောအားဖြင့် "ကိုယ်နဲ့မဆိုင်ဘူး" ဆိုတာကိုပြချင်ရင်သုံးပါတယ်။

ဥပမာ....

* their opinion (သူတို့ရဲ့ထင်မြင်ချက်)

* their culture (သူတို့ရဲ့ယဉ်ကျေးမှု)

* their rules (သူတို့ရဲ့စည်းကမ်းသတ်မှတ်ချက်တွေ)

စိတ်ပညာအရ ကွာခြားချက်ကိုကြည့်မယ်ဆိုရင်....

* our rules = ငါတို့ရဲ့စည်းမျဥ်းစည်းကမ်းတွေ (ငါတို့အားလုံးနဲ့သက်ဆိုင်ပါတယ်)

* their rules = သူတို့ရဲ့စည်းမျဥ်းစည်းကမ်းတွေ (ငါတို့နဲ့မဆိုင်ပါ)
---------------------------

Possessive Adjective တွေကို အမြဲတမ်း Noun ရဲ့ရှေ့မှာပဲထားရပါမယ်။

ဥပမာ....

* my book (ငါ့စာအုပ်)
* his car (သူ့ရဲ့ကား)
* their house (သူတို့အိမ်)


* “the book is my” ❌

* “this car is her” ❌
---------------------------


ဒီ Sentence ကို ကောင်းကောင်းနားလည်သွားရင် ယခုသင်ခန်းစာတစ်ခုလုံးကို တတ်ကျွမ်းသွားပါပြီ....

🔸 “He let me use his laptop because mine wasn't working.”

(သူက ကျွန်တော့်ကို သူ့ရဲ့ laptop ပေးသုံးပါတယ်။ ဘာလို့လဲဆိုတော့ ကျွန်တော့် Laptop က ပျက်​နေလို့ပါ။)

🔸ဒီ Sentence မှာတော့ ပိုင်ရှင်တွေ မတူကြဘူး။ ဘယ်သူတွေမှန်းလည်း မသိနိုင်ပါဘူး။ သို့သော် အဓိပ္ပာယ်ကတော့ ရှင်းရှင်းလင်းလင်းနားလည်နိုင်တာပါပဲ။
°°°°°°°°°°°°°°°°°°°°°°

@UHtetAungHlaing

Lesson 8: Demonstratives (This / That / These /Those)
===========================

Demonstratives ဆိုတာဘာကိုပြောတာလဲဆိုရင်....

🔸This / That / These / Those ဆိုတာ မြန်မာသဒ္ဒါအခေါ်အဝေါ်အရ Demonstratives (အညွှန်းနာမ်စား/အညွှန်းနာမဝိသေသန) ပါ။

> How many? = အရေအတွက်ဘယ်လောက်လဲ။ (တစ်ခုတည်းလား၊ တစ်ခုထက်ပိုသလား)

> How close? = အကွာအဝေးဘယ်လောက်လဲ။ (အနီးနားမှာလား၊ အဝေးမှာလား)
------------------------------

“This” — တစ်ခုတည်း၊ အနီးအနား၊ လက်ရှိ

* အရာဝတ္ထုတစ်ခု မိမိအနီးအနားမှာရှိနေတဲ့အခါ

* အကြောင်းအရာတစ်ခု ဒါမှမဟုတ် အတွေးအကြံတစ်ခုက အခုလောလောဆယ်ဖြစ်နေတဲ့အခါ

🔸ဒီလိုအခြေအနေတွေမှာ "This” ကိုသုံးပါတယ်

ဥပမာ....

* This book is interesting. (ဒီစာအုပ်က စိတ်ဝင်စားဖို့ကောင်းတယ်)

* This phone is mine. (ဒီဖုန်းက ကျွန်တော့်ဟာ)
--------------------------------

“That” — တစ်ခုတည်း၊ အဝေး၊ စိတ်ပိုင်းဆိုင်ရာအရဝေးကွာနေခြင်း

* အရာဝတ္ထုတစ်ခုက အဝေးမှာရှိနေတဲ့အခါ

* အကြောင်းအရာတစ်ခုက အတိတ်မှာဖြစ်ပျက်ခဲ့တဲ့အခါ

* အကြောင်းအရာတစ်ခုအပေါ် စိတ်ခံစားချက်အရအလှမ်းဝေးနေတဲ့အခါ

🔸ဒီလိုအခြေအနေတွေမှာ "That'' ကိုသုံးပါတယ်

ဥပမာ....

* That building is old. (ဟိုအဆောက်အဦးက စုတ်ပျက်နေပြီ)

* That day changed my life. (အဲ့ဒီနေ့ဟာ ငါ့ဘဝကိုပြောင်းလဲပစ်ခဲ့တာပဲ​)
--------------------------------

"These'' — အများ၊ အနီး

This ရဲ့ Plural form ဖြစ်ပါတယ်။

ဥပမာ....

* These shoes are new. (ဒီဖိနပ်တွေက အသစ်တွေ)

* These people are waiting. (ဒီလူတွေက စောင့်နေကြတာ)

* These ideas are useful. (ဒီအကြံဉာဏ်တွေက အသုံးဝင်သားပဲ)
----------------------------

"Those” — အများ၊ အဝေး

That ရဲ့ Plural form ဖြစ်ပါတယ်။

ဥပမာ....

* Those houses are expensive. (ဟိုအိမ်တွေက ဈေးကြီးလိုက်တာ)

* Those memories still hurt. (ဟိုးအတိတ်ကအမှတ်တရတွေဟာ အခုထိနာကျင်စေတုန်းပဲ)

* Those rules don’t apply here. (ဟိုစည်းမျဉ်းတွေက ဒီနေရာမှာ အကျုံးမဝင်ဘူး)
--------------------------

အင်္ဂလိပ်စာမှာတော့ "အကွာအဝေး (Distance)" ဆိုတာ အရေးကြီးပါတယ်။

> အချိန်ကာလ (Time)

* This week (လက်ရှိကာလ)
* That year (အတိတ်ကာလ)

> အိုင်ဒီယာ/အယူအဆ (Ideas)

* This plan makes sense. (ဒီ Plan က ယုတ္တိရှိတယ်)
* That idea is dangerous. (ဟိုအိုင်ဒီယာကတော့ အန္တရာယ်များတယ်)

> စိတ်ခံစားမှု (Emotions)

* I don’t like that attitude. (ငါအဲ့ဒီလိုစိတ်သဘောထားမျိုးကို မကြိုက်ဘူးနော်)
-------------------------

Demonstratives တွေကိုအမြဲတမ်း Noun ရဲ့အရှေ့မှာထားရပါမယ်။

ဥပမာ....

* this book
* that man
* these problems
* those days

* “the book this” ❌
* “problems these” ❌

ဒါတွေက Article တွေဖြစ်တဲ့ (a / the) တို့ရဲ့နေရာကိုအစားထိုးဝင်ရောက်တာ ဖြစ်လို့ Article တွေနဲ့ ဘယ်တော့မှတွဲမသုံးရပါဘူး။

ဥပမာ....

* this book ✅
* this the book ❌
--------------------------

အချို့အခြေအနေတွေမှာတော့ နောက်က Noun ကို အထူးတလည်လိုက်ရှာနေစရာ မလိုအပ်စေပါဘူး။

ဥပမာ.....

* This is good. (ဒါကကောင်းတယ်)

* That is mine. (ဟိုဟာက ကျွန်တော့်ဟာနော်)

* These are expensive. (ဒါတွေက ဈေးကြီးတယ်ဟ)

* Those are dangerous. (ဟိုဟာတွေက အန္တရာယ်ရှိတယ်)

* This is my problem.
(ဒါက ငါ့ပြဿနာပါ)
(လက်ရှိဖြစ်ပျက်နေသလို ပြောသူနဲ့လည်းတိုက်ရိုက်သက်ဆိုင်ပါတယ်)

* That is your problem.
(အဲ့ဒါက မင်းပြဿနာလေ)
(ကိုယ်နဲ့မဆိုင်ဘူးဆ်ိုတော့ အခုလား၊ အရင်ကလားဆိုတာ အရေးမကြီးတော့ပါဘူး)

အဲ့တော့ အခုစာကြောင်း ၂ ခုကိုကြည့်လိုက်ရင် သဒ္ဒါတည်ဆောက်ပုံချင်းတူပေမယ့် စကားလုံးတစ်လုံးပြောင်းလဲသွားခြင်းကြောင့် အဓိပ္ပာယ်လုံးဝမတူတော့ပါဘူး။
------------------------------

🔸Demonstratives တွေက အရေအတွက် မည်မျှရှိကြောင်း (How many) နဲ့ အကွာအဝေးမည်မျှနီးကပ်ကြောင်း (How close) ကိုဖော်ပြပေးတာပါ။

🔸ဒီကောင်တွေက Articles (a, an, the) နေရာမှာအစားထိုးဝင်ရောက်တာပါ။
° ° ° ° ° ° ° ° ° ° ° ° ° ° ° ° ° ° ° ° ° °


@UHtetAungHlaing

Lesson 9: There Is / There Are
=======================

ဒီစာကြောင်းကို အရင်ဖတ်ကြည့်လိုက်ပါ....

> There is a book on the table.

ဒီနေရာမှာ there က "ဟိုမှာ'' ဆိုပြီး နေရာအကြောင်းကိုအဓိကပြော​နေတာမဟုတ်ပါဘူး။ အရာဝတ္ထုတစ်ခုခုရှိနေကြောင်းကိုသာ ပြနေတာဖြစ်ပါတယ်။
----------------------------

(၁) သိပြီးသား Noun တစ်ခုကို ထုတ်ဖော်ပြောခြင်း (Describe)

* The book is interesting. (ဒီစာအုပ်က စိတ်ဝင်စားဖို့ကောင်းတယ်)

ပြောသူရော နားထောင်သူပါ ဘယ်စာအုပ်ကိုပြောနေသလဲဆိုတာ သိပြီးသားပါ)

(၂) အသစ်အဆန်းတစ်ခုကို မိတ်ဆက်ပြောဆိုခြင်း (Introduce)

* There is a book on the table. (စားပွဲပေါ်မှာ စာအုပ်တစ်အုပ် ရှိတယ်)

(နားထောင်သူက ထိုစာအုပ်အကြောင်းကိုအခုမှသိမှာပါ)
----------------------------

> Singular အတွက် there is ကို သုံးပါတယ်။

ဥပမာ....

* There is a cat outside. (အပြင်မှာကြောင်တစ်ကောင်ရှိတယ်)

* There is a problem. (ဒီနေရာမှာပြဿနာတစ်ခုရှိနေတယ်)

* There is an apple in the bag. (အိတ်ထဲမှာပန်းသီးတစ်လုံးရှိတယ်)


> တစ်ခုထက်ပိုလျှင် (Plural) there are ကို သုံးရပါမယ်။

ဥပမာ....

* There are two cats outside. (အပြင်မှာကြောင်နှစ်ကောင်ရှိတယ်)

* There are many books here. (အဲ့ဒီမှာစာအုပ်တွေအများကြီးပဲ)

🔸နောက်ကလိုက်မယ့် Noun ရဲ့အရေအတွက်အပေါ်မူတည်ပြီး Verb (is / are) ကို ပြောင်းသုံးရပါမယ်။
------------------------

ဒီ Structure ကိုတစ်ချက်ကြည့်ကြည့်ပါ။

> There + verb (is/are) + noun + place/time

ဥပမာ....

* There is a pen on the desk. (စားပွဲပေါ်မှာ ဖောင်တိန်တစ်ချောင်းရှိတယ်)

* There are flowers in the garden. (ဥယျာဉ်ထဲမှာပန်းတွေရှိတယ်)

* There are children in the park. (ပန်းခြံထဲမှာကလေးတွေရှိတယ်)

🔸ဒီနေရာမှာ သတိထားကြည့်ရမှာက Subject ဟာ Verb ရဲ့ အနောက်မှာရှိနေခြင်းပါ။
--------------------------------

* There is a dog in the yard. (ခြံထဲမှာခွေးတစ်ကောင်ရှိတယ်)

* There is some milk in the fridge. (ရေခဲသေတ္တာထဲမှာ နွားနို့အနည်းငယ်ရှိတယ်)

* There are many people at the market. (ဈေးထဲမှာလူတွေအများကြီးရှိတယ်)


> ဒီစာကြောင်းတွေဟာ အရာဝတ္ထုတစ်ခုခုရှိနေကြောင်းကိုပြောနေတာပါ။

အငြင်းပုံစံရေးချင်ရင်တော့ Verb ရဲ့နောက်မှာ not ကို ထည့်ပေးရုံပါပဲ။

ဥပမာ...

* There isn't any coffee. (ကော်ဖီလုံးဝမရှိတော့ဘူး)

* There aren't any students here. (ဒီမှာ ကျောင်းသားတစ်ယောက်မှမရှိဘူး)
---------------------------------

မေးခွန်းဆိုရင်တော့ပြောင်းပြန်ရေးရပါမယ်။

> Is/Are + there + noun...?

ဥပမာ....

* Is there a bank nearby? (ဒီအနီးအနားမှာ ဘဏ်ရှိလား)

* Are there any questions? (မေးချင်တဲ့မေးခွန်းတွေရှိသေးလား)

* Are there many people outside? (အပြင်မှာ လူတွေ​တော်တော်များလား)

ပြန်ဖြေရင်လည်း မေးခွန်းပုံစံအတိုင်းပြန်ဖြေရပါမယ်။

* Yes, there is. / No, there isn't.

* Yes, there are. / No, there aren't.
-------------------------------

> There is
အရာဝတ္ထုတစ်ခုကို ပထမဆုံးအကြိမ်မိတ်ဆက်ပြောဆိုတဲ့အခါမှာ သုံးပါတယ်။

* There is a dog outside. (အပြင်မှာခွေးတစ်ကောင်ရှိတယ်)

> It is

သိပြီးသားအရာတစ်ခုအကြောင်းကို ပြန်ပြောချင်တဲ့အခါမှာသုံးပါတယ်။

* It is very friendly. (သူကယဥ်ပါးပါတယ်)
-----------------------

* There is two books. ❌
* There are two books.

* There are a cat. ❌
* There is a cat.

* It is a cat outside. ❌
* There is a cat outside.
--------------------------------

Uncountable noun တွေ အနည်းကိန်း (Singular) အဖြစ်သာ သတ်မှတ်တဲ့အတွက် there is ကိုပဲ သုံးရပါမယ်။

ဥပမာ....

* There is water in the bottle. (ပုလင်းထဲမှာ ရေတွေရှိတယ်)

* There is money in my wallet. (ငါ့ပိုက်ဆံအိတ်ထဲမှာ ပိုက်ဆံရှိတယ်)

ထိုအရာတွေကတော့ ပမာဏအားဖြင့်ဘယ်လောက်ပဲများပြားနေပါစေ၊ သူတို့ကို (Singular mass) အဖြစ်သာသတ်မှတ်ပါတယ်။
-------------------------------

🔸အရာဝတ္ထုတစ်ခုခုတည်ရှိနေကြောင်းကို စတင်ပြောဆိုတဲ့အခါမှာ "there is" ဒါမှမဟုတ် "there are" ကိုသုံးပါတယ်။

🔸ထိုအရာကို မိတ်ဆက်ပြီးသွားပြီဆိုရင်တော့ ပုံမှန်အတိုင်း ("The” ဒါမှမဟုတ် “It”) နဲ့ ပြောဆိုလို့ရပါပြီ။

ဥပမာ....

* There is a house on this street. (ဒီလမ်းထဲမှာ အိမ်တစ်လုံးရှိတယ်)

* The house has a large garden. (အဲ့ဒီအိမ်မှာ ဥယျာဉ်အကျယ်ကြီးရှိတယ်)

* It is over 100 years old. (အဲ့ဒါက နှစ် ၁၀၀ ကျော်သက်တမ်းရှိနေပါပြီ)
••••••••••••••••••••••••••••••••••••••


@UHtetAungHlaing