أعتقد اني وجدت شيء مثير للأهتمام (صدقني هيعجبك)

https://hackers-arise.com/drone-forensics-analyzing-flights-with-dji-logbook/

أعتقد ان احسن يتنشر بالعربية

اول حاجة لما نيجي نفكر في الدرون لازم نضع في عين الأعتبار جانب التحكم (احياناً يقال عنه الجانب الأرضي علشان المستخدم بيستخدمه من الأرض) وفي الجانب الجوي (وهو جانب جسم الدرون)

العملية بتبدأ في التحقيق الجنائي أن للدرون حقيقة اساسية وهي طائره مش مجرد كامير تطير لا اكثر، نقدر نقول انها جهاز كمبيوتر مرتبط بشكل بشبكه من الحاساسات والأقمار الصناعية او ممكن يكون بينك وبين التلفون، هي فكره اساسية لكن بتحصيل بسياق مختلف مش اكثر

في الجانب الأرضي من ناحيه المستخدم فالبيانات بيتم تسجيلها (ملفات سجل نصيه) اختصار لـ .txt بيتم حفظها من خلال برنامج DJI Fly وفيها بيانات اللي كانت بتظهر على شاشة الطيار اثناء رحلة الطيران

في جانب الطياره او الدرون بيخزن ملفاته في حاجة أسمها "ملفات الصندق الأسود" اختصاراً .DAT بيتم حفظ الملفات في الـ SD كارت جوا الطياره وبتسجل بيانات الخام زي الحساسات وحاجات ثانيه

طبعاً يا صديقي هيجيلك سؤال فضولي ايه طبيعة البيانات اللي بيتم تسجيلها

هقولك يا باشا في ملفات الـ TXT بيانات زي الأرتفاع والسرعة والاحدثايات الـ GPS واي انذار بيظهر، البيانات دي بيتم تشفيرها من الشركة علشان الخصوصية

وفي ملفات الـ DAT بيتم تسجيل بيانات Binary DATA بتسجل القراءات عشرات المرات في الثانية الواحده زي الـ اهتزاز المحرك، اي تذبذب فولتيه لخلايا البطارية او اي زاوية ميلان وبتكون مشفره بردوا

طيب زي ما قولت في مرحله تشفير، وانت كا محلل لازم تعرف ازاي هتستخرج البيانات وتفك التشفير ومرحله تحويل البيانات لأدله وانا هقولك ازاي

في البداية انت هتقدر ان تستخرج الملفات مهما كانت TXT او DAT من خلال اي واصله USB علشان مرور البيانات، بعدها زي ما فهمت فك تشفير البيانات هتستخدم ادوات زي DatCon او CsvView علشان تفك التشفير وهتحولها لجداول بيانات .csv بنفس الصيغة (صيغة بيتم استخدامها في ملفات الـ Excel)

طيب والله انا مش فاهم ممكن نطلع ايه، بيانات مهمه في الواقع

هتقدر انك تعرف الرقم التسلسلي للطائره او للدرون، والبريد الألكتروني للحساب المرتبط بالتطبيق، هتقدر ان تستخرج احداثيات الـ Home Point ومكان وحده التحكم ولحظه اللي بدأت فيها الطيران، هتقدر ان تعرف الخريطة الزمنية للرحله والأرتفاعات واللحظات اللي تم اخذ فيها صور او مقاطع فيديو

هقتدر ان تفحص اي مرحله انحاءات الطاقة او هبوط الفولت او فقدان اشاره الـ GPS علشان يعني التأكيد لو في خطأ بشري

لو في فضول عندك اكثر او اي سؤال ممكن تسأل

ايه رأيكم في المقال ؟