#Ҳадис_1165 📘

Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам:
«Аллоҳ азза ва жалла «Бандам Мен ҳақимда нима гумон қилса, ўшандоқман» деди», дедилар».

✍ (Икки шайх ва Термизий ривоят қилишган).

📝 Шарҳ:

✨ Банда Аллоҳ таоло ҳақида қандоқ гумон қилса, Аллоҳ таоло унга ўша гумонга мос муомала қилади.

✨ Шунинг учун мўмин банда доимо Аллоҳ таоло ҳақида яхши гумонда бўлмоғи керак.

@HADISLAR_TOPLAMIII 📚

#Ҳадис_1165📘

Умму Атия розияллоҳу анҳодан ривоят қилинади:
«Биз бирор маййитга уч кундан ортиқ мотам қилишдан наҳйи қилинган эдик. Магар эр бўлса, тўрт ойу ўн кун эди.
Сурма қўймас, хушбўй нарса суртмас, бўѐқли кийим киймас эдик. Магар асли бўялган бўлса, бўлаверар эди. Батаҳқиқ, биримиз ҳайзидан пок бўлганда қачонки ғусл қилса, бир оз «куст»га рухсат берилган эди».

✍(Бешовларидан фақат Термизий ривоят қилмаган).

📝Шарҳ:

Ушбу ривоятдан олинадиган фойдалар

1. Яқин қариндоши ўлган аѐл уч кундан ортиқ мотам тутиши мумкин эмаслиги.
2. Эри ўлган аѐл тўрт ой ўн кундан ортиқ ҳам, кам ҳам мотам тутиши мумкин эмаслиги.
3. Мотамдаги аѐл сурма суртмаслиги.
4. Мотамдаги аѐл хушбўй суртиши мумкин эмаслиги.
5. Мотамдаги аѐл асли бўѐғи устидан бўялган кийим кийиши мумкин эмаслиги.
6. Эри ўлгандан кейин мотам тутиб, идда ўтирган аѐл ҳайздан пок бўлганидан сўнг ҳайз туфайли пайдо бўлган нохуш ҳидни кетказиш учун жинсий аъзосига хушбўй нарсали пахтами ѐки бошқа бирор нарса қўйиши мумкин.

@HADISLAR_TOPLAMIII📚