💙 مسابقة قوم أمشي أقرا التحفيزية 💙
مشاركة رقم : 147023

〰〰〰〰〰〰〰〰〰〰〰〰

واِني لأحزنُ أيما حُزنٍ عندما أُقابل شخصاً في مُقتبلِ العُمُر يسيرُ في الحياةِ بلا هدف !!!
أراهُ وقد إنعدم لديهِ الشغف !!!
كُل يومٍ لديهِ هو نفسٌ اليوم لا يهُمهُ أيمضي الزمنُ أم يقف !!!
تحملُهُ الحياة تارةً نحو اليمين وتارةً نحو الشمال وهو يقف في المُنتصف حائراً يأبى القِتال !!!
أوَ لستَ تسعى لأن تكونَ شخصاً مُختلف !!!
هيا انهضْ وقُم لملِم شتاتكَ وشُدَّ الهِمم وردِدها في قرارةِ نفسكَ لن أبرحَ حتى أنال وسأخُوضُ بحماسٍ هذا النِزال !!!
لا بأس إن عثُرت خُطاگ مرة او إثنتين لا بأس إن ضللتَ الطريق بين حينٍ وحين لكن البأس كُل البأس أن تقول هذا مُحال !!!
أوَ لست ترمُو لأن تأتيكَ بُشاراتُ الوصولِ وهي تُزف !!!
إذن دعهُ يُولدُ من جديد ولا تترُكهُ يموتُ لديكَ ابداً هذا الشغف !!!

〰〰〰〰〰〰〰〰〰〰〰〰〰
للتصويت إضغط على رمز ال ❤️
لإرسال مشاركتك @Goma12aa

💙 مسابقة قوم أمشي أقرا التحفيزية 💙
مشاركة رقم : 148023

〰〰〰〰〰〰〰〰〰〰〰〰

🌟جرعة امل :

لكل منا حكايته الخاصة وطموحاته اللامعة، قادمنا مجهول فلنفتح أعيننا للأحلام والطموح والأمنيات، ولنتفائل بمستقبل واعد ملئ بكل ما نتمنى.
فالسلام علينا نحن الحالمون، من نحدق بالأشياء الصغيرة ونبني منها جسوراً ضخمة تصلنا باحلامنا التي قد يراها الآخرون لا شيئ وتعني لنا الكثير.
الفشل والنجاح والأمل والتفاؤل والحلم هم من يصنعون لنا تلك الجسور الجميلة.
🌟لنتفائل فالأمل ربما يتلاشى لكن لا ينعدم.
🌟لنسقي بذرة الأمل التي في قلوبنا بالدعاء فإنها يوما ما ستزهر بإذن الله.
🌟لننتظر على رصيف الأمل موعداً مع السعادة.
🌟ليس هناك شيء اسمه فشل لأننا  إما ان ننجح أو نتعلم.
🌟لنبني سقف أحلامنا بالدعاء لرب  الأمنيات.
كل منا يتعطش لبريق امل يسطو كشعاع شمس إلى ثقب حجرة قلبه، في لحظة لا نتوقعها، سنجد أنفسنا وسط حلمنا الذي طالما ما أردنا وتمنيناه، ثقة بالله ليس أكثر إذا يتوجب علينا ألا نفقد الأمل أبداً.
قد نواجه بعض العثرات والصعوبات ولكن علينا أن نؤمن أنه لا يمكن للنجوم أن تلمع دون الظلام، وكذلك بالنسبة للقمر فإنه لا يزداد روعة إلا اذا إزداد الظلام من حوله.
# عاودوا تجديد شغفكم وحبكم لطموحاتكم لتتذوقوا لذة نجاحكم.
# القادم أجمل بإذن الله تعالى.

〰〰〰〰〰〰〰〰〰〰〰〰〰
للتصويت إضغط على رمز ال ❤️
لإرسال مشاركتك @Goma12aa

💙 مسابقة قوم أمشي أقرا التحفيزية 💙
مشاركة رقم : 149023

〰〰〰〰〰〰〰〰〰〰〰〰

اجتهد ..اتعب ...افشل ...حاول.....انجح ... فالبداية الفشل هي خطوة للنجاح ....عليك بالصبر لا تكون جالساا تنتظر من يقول لك انهض وقاوم وانجح وأنت حفز نفسك بنفسك لكي تحكي قصة نجاحك بكل فخر

طيب في ناس بتقول عايزة تقرا وجهزت حالها فجاة بتشغل نفسها براها الحل شنو؟؟

الحل انك تعرف بالضبط عايز شنو بتقرا لشنو ولو م قريت البحصل ليك شنو اتذكر العواقب
  
طول ما انت عندك الشغف في الحاجة البتعمل فيها سواء دراسة او غير حتصل للعايزو

كل ما تزهج من القراية وتبعد عنها ومعدلك ينقص اتذكر أمك وأبوك  التعبو عشانك وخلوك تصل للمرحة دي خليهم يقولو ولدي الدكتور جااء و ولدي المحامي الخ ... ... عايز تعوض تعبهم وتضيحات   عشان تخش الجامعة وتكمل تعليمك

اقرا صدقني ما عاوزين شي اكتر من كده يشوفك ناجح وعندك مستقبل عوض تعبهم...شوف ملامح التعب الفيهم من الحياة خليهم ينبسطو بيك مافي احلا من فرحة النجاح.. اكسر عيون الناس المنتظرنك تفشل

لمن تفشل حتفشل لي نفسك ولمن تنجح حتنجح انت وأهلك وكمية الفرحة لمن يشوفوك اهلك وانت خريج وتعب ابوك العوضتو ليهو نجاح اقرا عشان نفسك واهلك الراجينك تبقا ليهم سند  🤍🙏

إذاً إن لم يكن لنا همَ يشغلنا ومبادئ نحيا ونتنفس بها .. كانت حياة خالية بلا أهداف و لا طموحات و لا معالي .. ومن يتهيب صعود الجبال يعش أبد الدهر بين الحفر …🤍🤍

〰〰〰〰〰〰〰〰〰〰〰〰〰
للتصويت إضغط على رمز ال ❤️
لإرسال مشاركتك @Goma12aa

💙 مسابقة قوم أمشي أقرا التحفيزية 💙
مشاركة رقم : 150023

〰〰〰〰〰〰〰〰〰〰〰〰

يهلا بيكم فى المسابقه التحفيزيه بسم الله نبدأ اولا
اسالوا نفسكم انتو خشيتوا الجامعه لييييه?? ??
عشان شنووو ???
ساي بس نظام قريتوا جامعه
ولا عندكم رغبه اصلا ف القرايه و التعليم
💔
العندهم رغبه في القرايه و نفسهم يكملو تعليمهم و تكونوا حااجه و تقدر تعمل شي بالقريتوا و عندهم هدف اصلا بس ما عارفين يحققوا التفوق الدراسي و مشوووشين  و محبطين
يا اما دخلتوا كليه ما حبيتوها اتدهورتوا و نفسكم مرقت منها
يا اما كمان انجرفت في المجتمع الجامعي و نسيت الجيت عشانو اصلا
يلا دا كلووو هين
بس فتحي عيونكم  ديل 😊😊👌🏻..
خلييي هدفك قدام عيووونك.
يلا أهدافك دي قسموها لأثنين أهداف قصيره الاجل وأهداف طويله الاجل
يعني كيييف قولوا لي😊👌🏻
قصيره الاجل دي تكون خلال السمستر. مثلا كل سمستر. تتحدوا نفسسسسسكم انكم عايزين تجيبوا معدلات كويسه و عايزين تنجحوا
و بعدها الاهداف الطويلة الأجل دي انك بعد تتخرجوا عايزين تتخرجوا بممتاز. و عايزبن تفتحوا شغلكم الخاص مشروعكم الخاص او تعملوا ماستر ااو تقدموا ل منحه مجانيه برااا االسودان و كدا
يلا يا انتوا لو ما عملتوا الاهداف القصيره دي ما ح تصلوا للاهداف الطووويله
وقت يكون عندكم هددف. من قرايتكم
ح يجيك. #الحماس_الذاتي😉
الحكايه والله ما حكايه حفررر و قرايه 24 ساعه.
الحكايه حكايه حماس جواك و اهداف ختيتها قدام عايز يتعملها
👌🏻👌🏻الانسان لو عندو إراده قويه و عزيمه و الله الصخر يكسرو خلي شيتات كم ورقه ما يقدر يقراها 👌🏻
الناس البحفرو ديل. عندهم عزيمه و عندهم هدف خاتنو قدامهم و شغالين بيهو و بحققو فيهو
كرسو وقتهم كلو عشان اهدافهم و طموحاتهم 👌🏻
والله لو عندك عزيمه قوويه شيتاتك دي تكملها في اسبوع 👌🏻
بس الحكاايه عندك إراده قوووويه. بتمشي قدام
ما عندك خليك في القاااع ...🥰🥰🥰
مخ الانسان دا فيهو مليارات من الخلايا العصبيه
و ذاكره الانسان دا ممكن تستقبل ف اليوم. مليارات من المعلومات و تخزنها
يااا جماعه انتوا ربنا خلقك. فيك قوه عجيبه
خلقك ف احسن تقويم والله اي واحد لو وثقت في نفسه شووويه بس والله بنجح
ماااف زول بليد. ماف زول فاااشل. ربنا اداك عقل. عشان تشغلو
بطلي رسالات سلبيه ل عقلكم لأنو ح يتبرمج عليهااا
خلي رسائلك لعقلك تكون إيجابية
والله بقول ليكم وبقول لنفسي  👌🏻
و واصلوا. اذكارك و دعاء و اتوكلوا علي ربنا و ماااا بخيب ظنكم و اتفااائلوا بالنجاح و ح تكسروا الدنيا ب نجاحكم  الباهر 😍😍
و ربنا ييوفقكم كلكم و نشوف بعض  في ااعلي المراتب 😍😍😍👌🏻

〰〰〰〰〰〰〰〰〰〰〰〰〰
للتصويت إضغط على رمز ال ❤️
لإرسال مشاركتك @Goma12aa

💙 مسابقة قوم أمشي أقرا التحفيزية 💙
مشاركة رقم : 151023

〰〰〰〰〰〰〰〰〰〰〰〰

مسابقة قوم امشي اقرأ التحفيزية

 أحياناً تأخذك رحلة الحياة
إلى محطات تستنزف طاقتك
و تحبط عزيمتك فترى الاستسلام
حلا سهلا
لكن شيء ما في داخلك
يدفعك إلى الاستمرار في سعيك نحو أهدافك
رغم التحديات و العقبات التي واجهتك
إنه الأمل يا عزيزي
هو الذي ينير طريقك
و يخرجك من دائرة اليأس
و الخوف فتمسك
بالأمل
و لا تففده مهما اشتدت الصعوبات
و كثرت المعيقات
في الختام أتركك مع هذه الأبيات ل(إيليا ابو ماضي)
علها تبعث الأمل في نفسك

إِنّي لِأَزهى بِالفَتى وَأُحِبُّهُ
يَهوى الحَياةَ مَشَقَّة وَصِعابا
وَيُضَوِّعُ عِطراً كُلَّما شَدَّ الأَسى
بِيَدَيهِ يَعرُكُ قَلبَهُ الوَثّابا
وَيَسيلُ ماءً إِن حَواهُ فَدفَدٌ
وَإِذا طَواهُ اللَيلُ شَعَّ شَهابا
وَإِذا العَواصِفُ حَجَّبَت وَجهَ السَما
جَدَلَ العَواصِفَ لِلسَما أَسبابا
وَإِذا تَقَوَّضَ صَرحُ آمالٍ بَنى
أَمَلاً جَديداً مِن رَجاءٍ خابا

〰〰〰〰〰〰〰〰〰〰〰〰〰
للتصويت إضغط على رمز ال ❤️
لإرسال مشاركتك @Goma12aa

💙 مسابقة قوم أمشي أقرا التحفيزية 💙
مشاركة رقم : 152023

〰〰〰〰〰〰〰〰〰〰〰〰

أنت المقصود :

"ابتسم لو القلب يقطر دمًا، وتوقع خيرًا مهما كثر البلاء."

" قريباً سيكون موعد انتهاء

صبرك وستبدأ أيام جبرك💜💜💜"

〰〰〰〰〰〰〰〰〰〰〰〰〰
للتصويت إضغط على رمز ال ❤️
لإرسال مشاركتك @Goma12aa

💙 مسابقة قوم أمشي أقرا التحفيزية 💙
مشاركة رقم : 153023

〰〰〰〰〰〰〰〰〰〰〰〰

"لن يُحمّلك الله شيئاً لا تقوى عليه لذلك أنت دوماً تستطيع..♥️"
عايزة احكي قصة طالبة امتحنت تالتة....
بتقول: البداية ما كانت مميزة نزلت في نص الكورس الصيفي ما كنت عارفه انو بدأ وبالتالي كنت طاشة بمشي المدرسة وبجي راجعة بقعد اعاين يمين وشمال ما فاهمة حاجه وفي الاخر بقعد ابكي . بعد اسبوع المدرسة قررت تعمل لينا فصل ويبدو لينا الكورس من الاول ..بدينا من الاول بس كانو ماشين سريع كان في ضغط كبير لحدي ما لحقنا باقي الفصول وامتحنت الكورس وجبت 89 .
بدينا السنة كنت ماشة كويس اخدنا امتحانات بعد فترة وجبت 91 . وقبل الامتحانات البعدها كان عندنا عرس في البيت "وطبعا عارفين الاعراس عندنا كيف"😂😂 اول يوم في الامتحانات بدو الموضوع ما كنت بقرا كويس بقرا وانا ماشة على المدرسة وانا جاية راجعة بس . انتهت الامتحانات وجبت 86 كنت زعلانة بس برضو ما استسلمت . دخل رمضان وكان عندنا امتحانات تاني فقبل الامتحانات حبوبتي اتوفت... ياهو سافرنا بعدين ابوي رفض انو اخلي الامتحانات ورجعت انا واخواني ...كانت نفسياتي تعبانة شديد ما كنت بقدر اقرا كنت بفتح الكتاب واقعد ابكي💔 جات الامتحانات وانا كنت جايبة 84💔💔"ودا كان آخر امتحان اخدناهو قبل امتحانات الشهاده"..أتذكر النتيجة كانت بتتعلق في البورد في نص المدرسة وانا بعاين الناس الكانو تحتي كلهم جايين 90 وانا 💔💔 رجعت البيت وكالعادة تاني رجعت ابكي حاولت قدر الإمكان انسى وجات امتحانات الشهاده وبيحصل انو بنت عمتي واختي شدييييد بتجيها حالة نفسية بسبب وفاة حبوبتي💔💔 كانت 24 عايزة تقعد معاي وأغلب الأوقات بتكون بتبكي وانا بحاول قدر الإمكان اتكلم معاها واطمنها ... وفي الجانب التاني امتحانات الشهاده بدت .حرفيا كان علي ضغط كبير شديد بس برضو ما استسلمت..
وفي الختام عايزة اقول انو الطالبة دي انا والحمد لله الحمد لله من 84 نسبتي 92,3 والحمد لله دخلت رغبتي
وبالتوفيق جميعا...❤️

〰〰〰〰〰〰〰〰〰〰〰〰〰
للتصويت إضغط على رمز ال ❤️
لإرسال مشاركتك @Goma12aa

💙 مسابقة قوم أمشي أقرا التحفيزية 💙
مشاركة رقم : 154023

〰〰〰〰〰〰〰〰〰〰〰〰

انا وحده من الناس الدخلت الجامعه  بنسبه بس قدر البتتدخلني رغبتي لكن ما في الجامعه الكنت عايزاها مع انو اجتهدت و ضغط نفسي في الثانوي بس ما حققت الحاجه الأنا عايزاها ودخلت محبطه... بس كان في شغف و رغبه جواي وما فقدت الأمل ابدا وشديت حيلي وصحيت من الإحباط ... ودي من الحاجات البقولوها ليك ربنا ما بضيع تعبك رغم انو ما الجامعه الكنت بتمناها لكن ربنا عوضني و عوض تعبي والحمدلله بفضل ربنا والله والله والله  في كل سنه بجي أوله الدفعه وكتير منهم كانو جايبين نسب عالية بس قدرت اتفوق مش عشان انا وحده شاطره أو ذكيه لا بس عشان كان في شغف جواي وأهم شي الزول يكون واثق من نفسو ومن قدراتو و كمان يسأل نفسو لي ما اكون زي اي واحد متفوق؟ لي انا ناقص؟ اهلي مقصرين معاي في حاجه؟ هل انا ما بقدر؟ وتلقائيا حتلقي نفسك جاوبت على كل الأسئلة ب *لا* كل الفات فات كل واحد فينا يبدأ من الصفر ماف حاجه ساهله اكيد مطلوب منك تتعب و تقاوم كل العقبات البتواجهك واكيد حتلقي الانت عايزو بس شد الهمه و اسي من اللحظه دي ابدا ماف شي فات 💛💛 انت بتقدر خت كتبك و دفاترك و ورقك قول عايز اعمل شي كل الناس تتصدم كيف قدر يجيب كدا 💛💛انت بتقدر ما *تفقد الأمل*💪🏻 *عشان كل البحبوك وعشان نفسك اعمل المستحيل* ♥️♥️♥️

〰〰〰〰〰〰〰〰〰〰〰〰〰
للتصويت إضغط على رمز ال ❤️
لإرسال مشاركتك @Goma12aa

💙 مسابقة قوم أمشي أقرا التحفيزية 💙
مشاركة رقم : 155023

〰〰〰〰〰〰〰〰〰〰〰〰

يا رَفيق لَا تَبرحَ ثَغرَك ..
لَم نُخلَق لِنستَسلِم أو نَقِف حَيارى فِي مُنتَصَفِ الطَّريق!
انهَض بِروحِكَ بَعدَ كُل عَثرَة ..
أَقِم اعوِجاجَ طريقِك ..
اعرِف بدَايَته وارسُم نِهايتَه حَتَّى تَتَّضِح لكَ معَالِمه ويَتسنَّى لَك الوُصول ..
يا فَتى اجعَل شِعَارَكَ {لَا أبرَحُ حتَّىٰ أبلُغ}
أَنتَ لَها فاثْبُت 💜🦋!.

〰〰〰〰〰〰〰〰〰〰〰〰〰
للتصويت إضغط على رمز ال ❤️
لإرسال مشاركتك @Goma12aa

بمناسبة اليوم العالمي للمراة حابين نقول ليك : قومي امشي اقري

💙 مسابقة قوم أمشي أقرا التحفيزية 💙
مشاركة رقم : 156023

〰〰〰〰〰〰〰〰〰〰〰〰

لم كل هذا التسويف؟إلى متى؟ألا تريد أن تصبح بلسما لكل عليل؟ما أجمل! أن ترى إبتسامة ثغره بعد أن شفي من  تلك الآلام بفضل الله سبحانه ثم أنت أيها الطبيب الماهر،يا للروعة!مشهدا يقر العين أليس كذلك؟لا يتحقق إلا بعزيمة وإصرار منك.
ولتتذكر قول الإمام يحيى بن أبي كثير رحمه الله:(لا يستطاع العلم براحة الجسد).

〰〰〰〰〰〰〰〰〰〰〰〰〰
للتصويت إضغط على رمز ال ❤️
لإرسال مشاركتك @Goma12aa

💙 مسابقة قوم أمشي أقرا التحفيزية 💙
مشاركة رقم : 157023

〰〰〰〰〰〰〰〰〰〰〰〰

بقولو البت لبيتها وحتعرس في نهاية المطاف ماف داعي تقرأ !؟
((اريو راسكِ م كويس ؟؟🌚))

ﻋﺮﺱ ﺷﻨﻮ يا ﺟﻤﺎﻋﺔ ؟! ﺃﻧﺎ ﻃﻤﻮﺣﻲ اقرأ أنجح أتخرج ﺃﺳﺎﻓﺮ ،
ﺃﻧﺠﺢ في ﺷﻐﻠﻲ ، ﺃﺟﻴﺐ ﺑﻜﻞ ﻗﺮﻭﺷﻲ ﺩﻱ ﻣﻼﺑﺲ
ﻭﻣﻴﻜﺎﺏ ﻭأﺷﺘﺮﻱ ﻛﻞ ﺍﻟﻨﻔﺴﻲ فيه ، ﺃﺷﺘﺮﻱ ﻋﺮﺑﻴﺔBMW
ﻭﻫﻜﺬﺍ ... ﻣﺶ ﺇﻧﻲ ﺃﺑﻞ ﺩﺟﺎجة ﻣن ﺑﻠﻴﻞ
ﻟﻠﺼﺒﺎﺡ ﻋﺸﺎﻥ ﺃﺟﻬﺰ ﺩﻣﻌﻪ ﻟﻠﻔﻄﻮﺭ 🌝
قومي امشي اقريي مستنيه شنو؟؟!

〰〰〰〰〰〰〰〰〰〰〰〰〰
للتصويت إضغط على رمز ال ❤️
لإرسال مشاركتك @Goma12aa

💙 مسابقة قوم أمشي أقرا التحفيزية 💙
مشاركة رقم : 158023

〰〰〰〰〰〰〰〰〰〰〰〰

نظرية الطماطم الشائعة ويمكن كلنا بننظم قرايتنا بيها
بتقرأ ٢٥ دقيقة وتاخد رست ٥ دقايق صح؟
في ال٥ دقايق دي بتعمل شنو!
ما تقول أنا أغير المادة دي بغيرها عشان زهجت، انت ما زهجت لكن عقلك بكون محفز نفسو على الحفظ لمدة معينة، يعني بعد تاخد الرست دا ح ينشط بعد الخمول الدخل فيهو، بس لازم نستغلها صح ولو كانت مجرد خمسة دقايق ما بسيطة والله
_
كأول ٥ دقايق بعد ٢٥ دقيقة متواصلة، نحنا عارفين إنو قراءة القرآن بتفتح المُخ، يبقى لازم يكون مصحفك قريب من كتبك أو شيتاتك، أقرا زي وجهين كدا بإتقان وتجويد ما تتسرع وممكن تسبح تستغفر أو تقول اي ذكر حافظو، بعداك أرجع لي قرايتك ل ٢٥ دقيقة
_
الجزء التاني أو الخمسة دقايق التانية، خلّي تفكيرك ياخدك لمكان تاني، مكان انت حققت فيهو حلمك وجبت معدّل عالي واتخيل رياكشن كل زول بتعرفو منو الشايف انو حيفرح ومنو الاتصدم بدليل انو ما كان متوقع منك(دا بالذات أقرا عشان تصدموا) المهم خلي نشوة الفرح دي تجتاحك لفترة كدا وحترجع بحماس أقوى بإذن الله
كدا انت تميت ساعة وتقدر تكافئ نفسك على صمودك الرهيب بالحاجة الشايفها مناسبة معاك
آخر حاجة
"الإستماع لتجارب الناس المُنجزة في القراية من مُحفزات النجاح"
أسمع قصصهم لحدي ما تنجح وتجي تحكي إنت قصة نجاحك💙

〰〰〰〰〰〰〰〰〰〰〰〰〰
للتصويت إضغط على رمز ال ❤️
لإرسال مشاركتك @Goma12aa

💙 مسابقة قوم أمشي أقرا التحفيزية 💙
مشاركة رقم : 159023

〰〰〰〰〰〰〰〰〰〰〰〰

قم هيا قم
لنبدأ العد 1_2_3
قم🥳🥳🥳🥳🥳🥳
إنهض .وتعثر .وتمردغ بالتراب_قاتل_صارع_حارب_لقد وقعت _إنهض _أعد رسم الخطة-تكاد تصل_لا لقد وقعت_أنت بطل قصة حياتك _أنت الشجاع والمحارب النبيل،هيااا💪💪💪
ماأجمل أن تستقيظ في  منتصف الليل  لتدرس من أجل تحقيق حلم أبويك وعدم تخييب ظنهم بك👌🤍
انت بطل عالمك💪جاهد وكافح وان تعثرت تذكر أن الله لا يكلف نفس إلا وسعها ،أجل انت البطل ستنال راية المجد وتحكي لأبنائك بأن الصباح رواية جميلة تحكي لنا بأن الأماني مهما تأجلت سيشرق فجرها من جديد.
عش بالتفاؤل ماحييت فإنه للسالكين سعادة وسرور
عش بالتفاؤل إن الخير منبعه ظن جميل واحلام تناجيها
أنت من يسطر تاريخ عمرك
خذ القلم وأبدأ
انت النور
وطريقك الأمل
واذا إعوج الطريق ،النور لابد أن يشع حتى وان تحالكت الطرق
وتذكر بأن في آخر الطريق هناك من ينتظرك بشدة ،ينتظر وصولك ،وعناقك بشدة ،والبكاء معك ،ألا يكفيك ذاك الشيب الذي لمع على رأس أبوك،ألا يكفيك من ضحى وجاهد وثابر ووقع وانكسر ونهض وقال في صدره انه ابني انها ابنتي وانا لها وانا لها وانا لها
فسار على الدرب الممتلئ بالعثرات وهاأنت تمثل ذلك الاب ✌

قد تتعثر أكثر مما تتخيل ثم تحصل على التفوق وتبكي ألما  ولا أحد يعلم بذلك  ولكن يكفي بأن الله يعلم وهنا تكمن الطمأنينة🤍🤍
(إتذكر انو ربنا لمّن ختّ فيك " الرغبة " لي حاجة مُعَيّنة ، عشان عارفك بتقدر 💜🌸،، مهما الدنيا وقفت ضِدّك ، ما تيأس ،💛 ولو في يوم حصل و وقعت اتذكّر انو : قُعاد الأرض ما بشبَهك،😴💙 انت اتخلقتَ عشان تَقيف) 💛..

〰〰〰〰〰〰〰〰〰〰〰〰〰
للتصويت إضغط على رمز ال ❤️
لإرسال مشاركتك @Goma12aa

💙 مسابقة قوم أمشي أقرا التحفيزية 💙
مشاركة رقم : 160023

〰〰〰〰〰〰〰〰〰〰〰〰

التحفيز قد لا يكون كلمات رنانة إيجابية!!
أو يكون عبارات شكلها وعنوانها التفاؤل !!

لدينا في علم الصيدلة وبالتحديد في علم الأدوية مصطلح antagonist!!
تستخدم لوصف المواد التي تغلق المستقبل !!
ليس لها أي أثر بيولوجي بصورة مباشرة!!
ولكن لها بصورة غير مباشرة أثر بيولجي تصل لدرجة إنقاذ حياة المرء !!


لا أعتمد ما يقال وقيل وسمع بعيدا عن الواقع كالتنمية البشرية!!
إذا أراد المرء النجاح فعليه بالإستعداد له بتحمل الفشل وإستساغة المعاناة !!
من السهل على المرء أن يحلم !!
من السهل على المرء أن يفكر بأفكار عظيمة !!
من السهل على المرء أن يطمح لغايات جبارة  نبيلة !!
لكن قليل جدا ونادر من يسعى لأجل تحقيق  ويفنى لأجلها

〰〰〰〰〰〰〰〰〰〰〰〰〰
للتصويت إضغط على رمز ال ❤️
لإرسال مشاركتك @Goma12aa

أقرﻱ ﻋﺸﺎﻥ ﺗﻨﺠﺤﻲ ، إﻗﺮﻱ ﻋﺸﺎﻥ ﺗﺴﺎﻓﺮﻱ ﻭﻋﺸﺎﻥ ﺗﺸﺘﺮﻱ ﻣﻜﻴﺎﺝ ﻣﺎﺭﻛﺔ ، إﻗﺮﻱ ﻋﺸﺎﻥ ﺗﻜﻮﻧﻲ ﻓﺨﻮﺭﺓ ﺑﻨﻔﺴﻚ ﻗﺪﺍﻡ ﺍﻟﻨﺎﺱ ﻟﻤﻦ ﻳﻘﻮﻟﻮ " ﺍﻟﺪﻛﺘﻮﺭﺓ ﻓﻼﻧﺔ ، ﺍﻟﺒﺎﺷﻤﻬﻨﺪﺳﺔ ، ﺍﻻﺳﺘﺎﺫﺓ ، ﺍﻟﻤﺤﺎﻣﻴﺔ ، ﺍﻟﻜﺎﺗﺒﺔ " ﺃﻗﺮﻱ ﻋﺸﺎﻥ ﺗﺎﺧﺪﻱ ﺍﻟﻠﻘﺐ ﺩﻩ !
ﺍﻗﺮﻱ ﻋﺸﺎﻥ ﺗﺸﺘﺮﻱ ﺍﻟـ Dress ﺍﻟﻔﻲ ﻧﻔﺴﻚ ، ﻭﻋﺸﺎﻥ ﺗﺴﻮﻗﻲ ﺍﻟﻌﺮﺑﻴﺔ ﺍﻟﺒﺘﺤﻠﻤﻲ ﺑﻴﻬﺎ ، إﻗﺮﻱ ﻋﺸﺎﻥ إﺣﺘﺮﺍﻡ ﺫﺍﺗﻚ ، ﻭإﻗﺮﻱ ﻋﺸﺎﻥ ﺗﺜﺒﺘﻲ ﻟﻠﻨﺎﺱ ﺍﻧﻮ ﺍﻻﻧثى ﻣﺎ ﺣﺪﻫﺎ ﺍﻟﻤﻄﺒﺦ ﺑﺲ ! إﻓﺮﺩﻱ ﺃﺟﻨﺤﺘﻚ ﻭﺣﻠﻘﻲ ﻭﺭﺍﺀ ﺃﺣﻼﻣﻚ ، ﺣﻠﻤﻚ ﻣﻦ ﻛﻨﺖِ ﻃﻔﻠﺔ ، ﻭ ﺣﻠﻤﻚ ﻟﻤﻦ ﺑﻘﻴﺘﻲ ﻣﺮﺍﻫﻘﺔ ، ﻭﺣﻠﻤﻚ ﻭﺃﻧﺖِ ﺻﺒﻴﺔ " ﺣﻘﻘﻴﻬﻢ ﻛﻠﻬﻢ "
ﺧﻠﻴﻚ ﻗﻮﻳﺔ ، ﺣﺒﻲ ﻧﻔﺴﻚ ﻭﺣﺒﻲ ﺍﻟﺤﻴﺎﺓ ، إﺗﺤﺪﻱ ﺍﻟﺼﺪﻣﺎﺕ ﺑﻜﻞ ﺻﻤﻮّﺩ ، إﺻﻨﻌﻲ ﻣﻦ ﺍﻟﻴﺄﺱ ﺃﻣﻞ
إﺗﺰﻭﺟﻲ ﺍﻟﺜﻘﺎﻓﺔ ﻭﺃﻧﺠﺒﻲ ﻟﻠﻌﺎﻟﻢ ﺍﻟﻌﻠﻢ ﻭﺍﻟﻄﺎﻗﺔ ، ﺷﻴﻠﻲ ﺃﻗﻼﻣﻚ ﻭ أﻭﺭﺍﻗﻚ ﻣﻌﺎﻙ ﻟﻜﻞ ﻣﺤﻞ ﻭﺩﻭﻧﻲ ﻛﻞ ﺃﺣﺪﺍﺙ ﻳﻮﻣﻚ ، ﺍﻗﺮﻱ ﻛﺘﺐ " ﻛﺘﺐ ﺩﻱ ﻣﺎ ﻣﻌﺎﻧﻬﺎ ﺗﻤﺸﻲ ﺗﻘﺮﻱ ﺭﻭﺍﻳﺔ ﻻﺛﻴﺮ ﺍﻟﻨﻤﺸﻲ ﻭﻻ ﺗﻤﺸﻲ ﺗﻘﺮﻱ ﺭﻭﺍﻳﺔ ﻋﺎﻃﻔﻴﺔ ﻭﺗﺠﻲ ﺗﻘﻮﻟﻲ ﺃﻧﺎ ﻗﺎﺭﺋﺔ " إﻗﺮﻱ ﻋﻦ ﺍﻟﺜﻘﺎﻓﺔ ، ﻭﻋﻦ ﺗﻄﻮﻳﺮ ﺍﻟﺬﺍﺕ ، ﺍﻗﺮﻱ ﻋﻦ ﺍﻟﻔﻠﺴﻔﻪ ﻭﺍﻻٓﺛﺎﺭ ، إﻗﺮﻱ ﺍﻟﺒﻐﺬﻱ ﻋﻘﻠﻚ ﻗﺒﻞ ﺭﻭﺣﻚ ، إقﺮﻱ ﻟﻲ ﺃَﺭِﺳْﻄُﻮ ، ﺃﻓﻼﻃﻮﻥ ، ﺍﻗﺮﻱ ﻋﻦ ﺍﻟﻔﻜﺮ ، ﻋﻦ ﺍﻟﺴﻴﺎﺳﺔ ، ﺍﺗﻌﻠﻤﻲ ﻟﻐﺔ ﺟﺪﻳﺪﺓ ، ﺍﻫﺘﻤﻲ ﺑﻨﻔﺴﻚ ﻭإﺷﺮﺑﻲ ﻣﻮﻳﺔ ﻛﺘﻴﺮ ،  ﺣﺎﻓﻈﻲ ﻋﻠﻲ ﺻﻼﺗﻚ ﻭﺧﻠﻲ ﻗﻴﺎﻡ ﺍﻟﻠﻴﻞ ﻓﺮﺽ ﺳﺎﺩﺱ ، إﺩﻋﻲ ﺑﻜﻞ ﺍﻟﻌﺎﻳﺰﺍﻫﻮ
ﺭﺑﻚ ﻗﺎﻝ " ﻫﻮ ﻋﻠﻲ ﻫﻴﻦ "
إﻗﺮﻱ ﻗﺮﺁﻥ ﻭﻛﻞ ﻣﺎ ﺗﻘﺮﻱ ﺳﻮﺭﺓ ﻃﻠﻌﻲ ﻣﻨﻬﺎ ﺃﻳﺔ ﻭﺍﻋﺘﺒﺮﻳﻬﺎ ﺭﺳﺎﻟﺔ ﻟﻴﻚ
ﻏﻴﺮﻱ ﻣﻦ ﻧﻔﺴﻚ ﻋﺸﺎﻥ ﻧﻔﺴﻚ ﻷﻧﻮ ﻟﻴﻬﺎ ﺣﻖ ﺗﻜﻮﻥ ﻋﻈﻴﻤﺔ
" إﻗﺮي ﺍﻟﺤﺮﻭﻑ ﻗﺒﻞ ﻭﺿﻌﻚ ﻷﺣﻤﺮ ﺍﻟﺸﻔﺎﻩ .. إﺭﺗﺪﻱ ﺍﻟﻜﻠﻤﺎﺕ ﻗﺒﻞ إﺭﺗﺪﺍﺋﻚِ ﻟﻸﺯﻳﺎﺀ .."
ﻭﺃﺧﻴﺮﺍً ..
" ﻛﻮﻧﻲ ﺍﻣﺮﺃﺓ ﻣﻤﻴﺰﺓ ﺑﻜﻞّ ﺍﻟﺤﺎﻻﺕ
ﻷﻧﻚِ ﺗستحقين ﺍﻟﻨﻮﺭَ
ﻭﻻ ﺗﻠﻴﻖُ ﺑﻚِ ﻋﺘﻤﺔُ ﺍﻟﺤﻴﺎﺓ💙
#قومي_امشي_اقري

💙 مسابقة قوم أمشي أقرا التحفيزية 💙
مشاركة رقم : 161023

〰〰〰〰〰〰〰〰〰〰〰〰

حكلمك براحه لأنو انا متاكدة انك بنسبة كبيرة جايط وراسك بودي ويجيب .
اصحى لازم تصحى قبل ما الكل يصحى يعني شنو الكلام دا؟؟ اغلب الناس هسا ما واعية لشنو هي قاعدة تسوي بنفسها يعني عادي بني آدم طبيعي ربنا اداهو عقل ومفروض انو بفكر وبفهم يكون ماسك الموبايل ٤ او ٥ ساعات متواصلة بيتنقل بين ابلكيشنز مختلفة بتعدي عليهو اكتر من مية بوست او مقاطع فيديو تبدل مشاعرو بين الحزن والفرح واليأس والأمل في الساعه الف مرة لحدي ما يبقى هو ما عارف نفسو حاسي بشنو اصلا ولا عايز شنو بالضبط دا غير انو طبيعي بتبقى في حالة بتاعت مقارنات ..فا العايزنو منك يا عزيزي انو زي ما بقولو خلي الغابة تحرق ما ليك دخل بزول خليك في نفسك لأنو حياة اي شخص مختلفة تماما عن حياتك ولو عملنا تحليلات معينة ممكن نتوصل لانو انت احسن اصلا بس ما حتقدر تشوف الحاجه دي لأنو نظرتنا سطحية جدا جدا ..
العليك انت تبدا وما تقارن نفسك غير بنفسك امبارح وبس اي حاجه نفسك فيها حتقدر توصل ليها بمجرد ما ختيت النية وبدأت واتذكر دايما انو "الطاقة حيث التركيز" يعني انت مركز في انو عايز تجيب معدل ٣.٦٦ حتلاقي انو عقلك اللاواعي بدأ يفكر تلقائيا كيف يوصل للمعدل دا وحيخليك تبذل كل مجهودك وحيوصلك ليهو لأنو حيفهم انو الموضوع دا بيهمك وبيعني ليك.. بتفكر كيف تخلص الكورس الفلاني في مدة أقصاها اسبوعين ولازم لازم يخلص كمان عقلك حيساعدك تعمل دا .. أما لو مشيت ختيت طاقتك وتركيزك في  انو كيف تخلص الاتنين قيقا اليومية حقت سوداني قبل ما وقتها ينتهي كمان عقلك حيساعدك تعمل دا سوا وداك لتيكتوك او يوتيوب او اي حاجه ما عندها قيمة ولا حتضيف ليك وتبقى حرفيا بتخلص في رصيد عمرك الحتندم عليهو بعد ٢٠ سنة لقدام ..
فعل خدمة يومية بسيطة تعينك على التزاماتك وحاجتك من النت نظم يومك وحياتك
في قاعدة ال ٨..٨..٨ دي بتقول ليك ٨ ساعات في يومك لنوم كافي يريح جسمك و٨ لدراستك او التزاماتك الحتطور منك وحتخليك واحد غير عن حق امبارح وال٨ الأخيرة دي ي سيدي مسموح ليك تعمل فيها الانت عايزو .. لو عملت كدا حتنبسط من نفسك شديد وانا حضمن ليك انو كل يوم حتنوم وانت راضي عن نفسك بغض النظر عن النتيجة بعداك بس انت عارف انو انت عليك السعي وانت اجتهدت فأكيد حتكون راضي..
لما تجي تقرا اتحدى نفسك لأنو نفسك امارة بالسوء امشي عكسها .. اعملها لعبه وخت ليها قواعد معينة زي مثلا عندك فرصتين بس انك تخسر ودا حيساعدك لو في يوم من الايام حسيت انو طاقتك انتهت بس اليوم البعديهو حتتملي تاني وحتقوم عشان ما تخسر .. خلي هدفك دايما قدامك وما في انسان ما عندو هدف حتى لو ما عشان نفسك فكر في فرح اهلك بنجاحك ..
ابدا قول بسم الله وابدا حتى لو بتفكر انو ضيعت منك فرص نجاح كتيرة اعرف انو ما كان وقتك بس هسي وقتك جا وانت البتقرر متين بيبدأ وقتك لانو انت المتحكم وسايق حياتك ..
في كتاب "متعة ان تكون في العشرين " في نص بقول "لكل رابح أرشيف من الخسائر ولكن كل محاولة فاشلةكانت تمهد للفوز" حتى لو خسرت كتيير شديد دا ابدا ما بيحكم انك قادر ولا لا أتذكر دايما انو اي شخص قدر يعمل حاجه فا انت كمان قادر تعمل زيها ويمكن احسن منها كمان لو انت عاييييز لو انت عايز..
وما تنسى تستمتع بالرحلة بس بما يرضي الله سبحانه وتعالى وخلي ربنا دايما رقم واحد في حياتك وبعديهو اهلك وخصوصا امك لأنو رضاها بجيب كل التوفيق الفي الدنيا .

〰〰〰〰〰〰〰〰〰〰〰〰〰
للتصويت إضغط على رمز ال ❤️
لإرسال مشاركتك @Goma12aa

💙 مسابقة قوم أمشي أقرا التحفيزية 💙
مشاركة رقم : 162023

〰〰〰〰〰〰〰〰〰〰〰〰

لا تستسلم بسهوُلة فقد تكون أنت قدوة لكثيرين رأوا فيك إصراراً على التغلّب على مشاكل الحيَاة ، فكُن جديراً بهذه الثِقة. 🎓

〰〰〰〰〰〰〰〰〰〰〰〰〰
للتصويت إضغط على رمز ال ❤️
لإرسال مشاركتك @Goma12aa

💙 مسابقة قوم أمشي أقرا التحفيزية 💙
مشاركة رقم : 163023

〰〰〰〰〰〰〰〰〰〰〰〰

أنت !!
أنت هو المسؤول الوحيد عن كل ما يحدث في حياتك👍❤️
أنت من يملك زمام حياتك ولا أحد غيرك
تريد النجاح سوف تنجح وإذا لم تُرد فسيكون الفشل حليفك ✅
فقط الإيمان بحُلمك هو ما سيحقق لك أهدافك ثق بالله وأمضِ قدماً .. ولا تيأس
ربنا سبحانه وتعالى قال(ولا تيأسوا من روح الله إنه لاييأس من روح الله إلا القوم الكافرون)
#عافر_عشان_تصل ❤️
وحتصل بإذن الله🔥❤️

〰〰〰〰〰〰〰〰〰〰〰〰〰
للتصويت إضغط على رمز ال ❤️
لإرسال مشاركتك @Goma12aa

💙 مسابقة قوم أمشي أقرا التحفيزية 💙
مشاركة رقم : 164023

〰〰〰〰〰〰〰〰〰〰〰〰

النجاح الحقيقي يبدأ لما تملك كل الأعذار والمبررات البتخليك توقف وتستلم ، بس أنت تختار تكمل ! بمعنى أنه لما يلاقيك (نفق مغلق ) في مشوارك تجاه حلمك م تفكر  بطريقة أنه خلاص أنا لقيت كافة الأسباب المنطقية البتخليني أجاوب على نفسي أو لما يسألني شخص ليه وقفت ؟! إنما بيكون هدفك الوصول وليس مشقة الطريق او للبحث عن الطرق المجنبة لتأنيب الضمير !

〰〰〰〰〰〰〰〰〰〰〰〰〰
للتصويت إضغط على رمز ال ❤️
لإرسال مشاركتك @Goma12aa