P

الانسان بيتمني يكون مُسير في كل شئ.
عشان بس يضمن انه ماشي صح
اختيارات الانسان كلها اختيارات نفس
يعني بيختار ياكل وهو مش جعان عشان الاكل حلو
بيختار يلعب وهو متعور عشان بيحب اللعب
بيختار الغش عشان عايز ينجح
بيختار حاجات لو مسير مكنش اختارها
بيفضل التيك توك عن الصلاه
وهنا مش قصدي انك بتتعامد في دا
يعني الاذان يأذن وهو سامع
بس برضو هيكمل تقليب في تيك توك
بيختار الناس اللي هيخلوه عبيط واهبل ويندم علي اختيارهم بعدين
من الاخر اختيارات الانسان كلها بتوصله للندم.
حتي لو كانت الأختيارات صحيحه
بس فيه وقت معين هييجي فيه ويندم ويقول ياريتني عملت كذا.
ربنا يهدينا جميعًا يارب🤍

الانسان اللي ليه قصه وحابب انه يكون مُأثر.
مبيغلطش كتير اصل لو بيغلط كتير مين هياخده قدوه؟
لو انسان مبيعرفش يوازن بين الامور
هينجح في حياته ازاي؟
الانسان مهما ارتفع ومهما عمل ومهما راح وجه
مش هيعرف يمشي اموره ولا هيقدر يكون قدوة لشخص هو مر بحاجات اكتر منه وخد خبره عنه
ولو رجع بينا الزمن مش هنعمل اللي عملناه مش في كل حاجه
بس في معظم حياتنا.

خالد صالح في حوار دراماتيكي كبير بيعبر عن رؤية الانسان للإنسان.
بيقول مفتاح الانسان الحقيقي هو الخوف
دايما خايف عشان كدا بيحب يعيش في قطيع.
بمعني انه خايف يختار الحاجه اللي نفسه فيها عشان الناس اجمعت علي حاجه تانيه
فبيخاف يكون وحده فبيروح معاهم حتي لو دا مش مكانه هو
سياسه القطيع بتؤدي الي الهاويه
حيث اللامكان
يعني انا مكنش حلمي ادخل هندسه وكنت حابب كليه تانيه
بس دخلت هندسه عشان الناس كلها عايزة تدخل هندسه
فلما دخلت فشلت.
الخوف بيؤدي للسقوط.

بس كان معاها حق فيروز لما قالت

شو كانت حلوة الليالي

قلوب متشابهة

- لكني صامت، هذا عيبي الدائم، صامت منتصرًا أم مهزومًا، قلقًا أم مستقرًا، معي الحق أم علي، جبانًا أم شجاعًا، أنا صامت دائمًا دائمًا.

- دوستويفسكي .

الواحد واقف مظبوط والاتنين بتبص عليه.

لابد للإنسان أن يستسلم من وقت لآخر ،
أن يستريح ،
أن يشاهد الحياة وهي تمر من أمامه كأنها شئ لا يخصه.

لا يفتي قاعد لقائم.
يعني متبقاش حضرتك نايملي تحت التكييف الصبح وبتصحي الساعه 1 الضهر تشوف الساعه كام وتنام تاني
وتيجي تقولي هو انت زاكرت ولا عملت حاجه
يعم انا نيلت اللي نيلته خليك ف بطنك اللي مساحتها تبني شقه اوضتين وصاله
مشوفتكش يعني طول سنه كامله وجايلي ف اخر السنه
انت ليك موسم زي العنب ولا اي؟
بتطلع في فتره معينه من السنه؟
خليك في حالك بعد اذنك، عشان ميبقاش طالع عيني وتيجي تقولي ما انت متنيلتش زاكرت.

كل انسان وليه وجهة نظر
واجب علينا اننا نحترمها بس مش أخدها مقياس وابني عليها حياتي
لانه مينفعش ابني حياتي علي وجهة نظر اي حد
لازم اكون واثق في نفسي عشان اعرف ابني صح.
وما اجيش في نص الطريق واتعثر وملاقيش حل ف اروح ادور علي اداني النصيحه اقوله اديني حل.
لازم الطريق يكون مرسوم بأيدك وكل الحلول معاك.

بتستنذف كل ثقتك في الاشخاص الغلط.

النهارده اول مره احضر محاضره علم نفس من اول الترم.
بصراحه انا استمتعت

اختلاف الأراء مش قضيه حتميه لازم نقعد نفكر فيها ونديها اكبر من حجمها
لأن الشخص الواحد بيختلف في ارائه هو شخصيا
الرأي مش لازم نعتبره توجيه او نصيحه
مجرد ما تسمع الرأي قيس علي الطريق اللي انت ماشي عليه
هل الرأي دا هيعديني في مطب ما؟
هتلاقي الاجابات مختلفه لانك هتخاف تاخد قرار والناس شايفه غيره
ودي غريزة الانسان انه ضعيف
بيشوف ان لو 5 اجمعو علي انه ميت هيصدق دا
مع ان في 3 اجمعو انه حي
بس هو بيتغفل في العدد وبيشوف ان الاكتر دايما غالب.

انا مش بجيب من اي قنوات تانيه اي حاجه.
وكل اللي بينزل انا كاتبه بأيدي وكيبوردي.
ومش بحب فكره النسخ واللصق
لان كدا مفيش ابداع ولا ليها لازمه القناه لما تكون نسخ لقناه تانيه

حابب اشكر كل الناس اللي عرفتهم هنا
واتعاملت معاهم وكانت فرصه سعيده جدا
شكرا ليكم ❤

لو حد حب يوصلي اي ماسيدج ف اي يوم
يبعت هنا


https://abor7bie.sarhne.com